千葉鳥

营业中

休息中

食店位於天水圍北領展天澤商場內一樓，說真的，這家店可算是天北最高質日本菜了。領展商場一向只有連鎖餐廳進駐，閒時有一兩家小店，通常都是頹頹的。而千葉鳥則從裝修、服務至美食也能看出食店滿滿的誠意，在天澤商場裡別樹一格，站穩陣腳。不過以午餐來說，價值不算平民價，平均$60左右，街坊未必能常常來吃吧。裝修還可以:  這裡星期一至日都提供Lunch Set，套餐包括一飯/麵+小食/飲品，相當豐富。而Lunch Set 選擇亦非常多，起碼40個選擇，提供一般和式熟食及魚生飯等，適合一家大小來用餐。今次我們就點了 特大海赤蝦海鮮飯 ($92) 及 極上壽司盛合 ($130)首先先說說 特大海赤蝦海鮮飯 ($92)很大一碗，材料超豐富。海赤蝦亦是很大一隻，味道鮮甜，多汁爽口!這個飯材料之多令我相當驚喜，我特地將每件海鮮都放在碟上以作盤點，總共六樣海鮮，另有薑片、及沙律作伴碟。海鮮有: 蝦、厚切三文魚、希靈魚、八爪魚、黃金魷魚、生芥辣八爪魚撥開厚厚的食材，以飯素點綴珍珠飯，增添整個飯的層次感，飯素次美味使得我把米飯都吃得一粒不留。極上壽司盛合 ($130)9件壽司+3件卷物還是很鮮甜的刺身壽司，不過刺身

今次再同朋友過黎呢間近近地既日本野食晚飯，貪佢又近，又抵食，選擇又多。天氣開始轉涼緊係要打邊邊，所以我揀左我好有興趣既牛肉火鍋。另外叫左海膽，油甘魚壽司，一個茶碗蒸，蘆筍帆立貝爐端燒。朋友仲叫左個杯啤酒自己飲，我唔鐘意飲啤酒，所以無陪佢飲。先講牛肉火鍋，可以見到牛肉鋪滿左成個面，而且肉質望落去都唔錯！等水滾起之後，稍為再淥一淥就食得。牛肉肉質食落唔錯，感覺新鮮。底下仲有好多菜，菇，一舊豆腐，同埋少少粉絲。個底真係要讚，我本來真係唔知原來羽衣甘藍落去壽喜燒湯底係咁好食！因為平時用普通湯底去淥，會有陣草青味，所以之前對佢一路都無好感。另外豆腐又係抵讚，豆味濃，又滑！成個鍋既材料都好新鮮，抵食！跟住係我叫既海膽壽司，唔腥，又夠香。油甘魚壽司正常發揮。茶碗蒸做優惠，係店員逐枱走埋去問，1蚊一個，我見好多枱都加左黎食。入面有鳴門卷同埋鮮菇，蒸蛋夠滑，而且啲菇好香！最後係蘆筍帆立貝爐端燒，係香口既！調味我認為係岩岩好，唔會太濃味，帶子同裙邊都好好食。

香港有唔少嘅日式餐廳，不過做到價錢低，質素又高嘅就唔多今次入嚟天水圍就食到間有質素嘅日式餐廳一嚟到見到餐廳已經好多人，好彩啱啱有人食完走，我哋唔使等好耐就有位坐午市套餐好多選擇，有丼飯、拉麵等等，仲要送埋小食拉麵、烏冬等等只係40幾50蚊就食到，仲要唔收加一，出面餐廳真係好少見咁抵食軟殼蟹牛油果野菜沙律軟殼蟹炸到脆卜卜，新鮮蔬菜同牛油果只係加咗少少調味料，食落鮮甜又帶微酸，好開胃小食揀咗三件壽司，飯粒食落唔太硬，應該係新鮮整好沙律另外跟咗一碗海苔烏冬特大海赤蝦海鮮飯呢個飯上面有海蝦同其他款式刺身，淨係睇份量都十足刺身食落新鮮，另外配有紫薑同少少沙律，送飯一流飯食落有少少微溫，唔會好硬，相信係即日新鮮整好，我另外加咗醬油同芥末一齊食，呢個飯非常出色雖然只係小食，但手捲嘅份量都非常豐富我揀咗芥末八爪魚同三文魚手捲醬油漬牛舌拉麵拉麵爽滑彈牙，上面鋪滿薄切嘅牛舌湯底帶微鹹嘅醬油味，配搭一隻整得好靚嘅糖心蛋，成碗拉麵都非常完美有屋企人唔食生嘅食物，所以另外叫咗一個熟蝦壽司食完鹹食又想食甜品，就揀咗個雪糕泡芙雖然只喺屋苑入面嘅餐廳，但係食物質素非常好，性價比高相信下次再嚟天水圍都會再番嚟搵食

呢日去到天水圍探親，親戚介紹左間位於天澤商場既日本餐廳， 探完親之後我同老婆去咗試， 我哋中午時間去到門口都排曬隊， 我哋大概等咗20分鐘左右就安排入座， 餐廳嘅裝修都好有日式風格。 午市套餐都幾抵， 所有午市套餐都送小食或飲品一款。軟殼蟹野菜沙律配烏冬野菜沙律和牛油果配咗日式嘅沙律汁， 沙律汁有好香嘅芝麻味， 軟殼蟹炸得好脆身， 烏冬係用咗稻庭烏冬， 食落口好爽口彈牙。吞拿魚七色丼呢個丼飯好豐富， 有三文魚，油甘魚， 甜蝦，海膽 ，吞拿魚， 香蔥吞拿魚蓉等， 比較特別係有一隻鵪鶉蛋可以撈飯， 碗飯嘅魚生大致上都夠新鮮。醬油漬牛舌拉麵牛舌做得夠入味， 肉質都夠淋， 個湯底我哋揀豬骨湯， 味道都幾香， 麵質幾爽口。

秋高氣爽，適逢週日假期，早上和老公去天水圍濕地公園參觀。到了中午時段沿路慢步，見到附近的天澤商場內有間日式料理「千葉鳥」，於是吃完午飯才回家！👏來到餐廳門口，掛上的日式燈籠十分搶眼。😍曰式居酒屋佈置，柔和嘅燈，很舒服😌，座位擺設空間也闊落，也設有很多獨立區域，一班朋友聚在一起的好地方👍。餐牌上的午餐，價錢方面都很優惠👍老公點了《牛肉火鍋》＄90，配料分量十足👍，有菇、秋葵、羽衣甘藍、粉絲、豆腐、娃娃菜等等⋯急不及待品嚐，蔬菜新鮮，牛肉夠淋，肉味很濃，加上湯底甜甜地，很好味😋。我點了《鹽燒三文魚腩骨鮭魚漬定食》＄55，三文魚腩骨十分香口，魚腩肉質好滑😋，送飯一流😋。《芝麻雞冀》＄38，送來熱騰騰，香脆可口😋《薯條》＄22，即叫即炸，薯條厚實，很有口感😋很開心😃，可以享受一餐豐富日式午餐👏👏

一大早跟3個友人們有室內活動，所以長途跋涉去了遠遠的天水圍，活動過後便到了附近商場進晚餐，選了一間餐廳內裝潢不錯的日本餐廳試試～坐下後得知餐廳正進行7點前優惠，每顧客加$1可有1碗茶碗蒸，當然不能浪費了，便各點了一個，蛋很香，配料也很多，就算不是$1優惠價，也是誠意十足的茶碗蒸！然後點了幾款壽司：厚玉子燒壽司：玉子很厚味道很香甜，比其他玉子更勝一籌！黃金蟹膏壽司：味道濃郁，膏亦多，是encore之選呢！鵝肝壽司：鵝肝是最愛之一，這家的不會過油，厚度夠有口感，味道亦濃，中上之選！火炙左口魚壽司：入口即溶，油香味重，正！火炙三文魚腩壽司：平常吃腩是有厚厚的口感，但火炙就會欠了這份感覺，不過火炙始終會較香口，可以彌補了口感的不足～最後點了大大粒魚生丼飯：有馬糞海膽、拖羅蓉、三文魚籽、玉子、魷魚等等，最突出的是海膽跟拖羅蓉，海膽那「臭」味令更我捨不得將它吞下肚呢🥰最後選了啤酒優惠配搭，大甜蝦刺身+一杯生啤，喜歡啤酒的朋友不可錯過！

今天長途跋涉到天水圍探朋友 對於九龍人來說 真遙遠 車程起碼一小時 一場來到 當然要吃好東西 朋友便帶我來到這日式餐廳用晚膳 想不到小區商場內會有這一間充滿日式風情的餐廳 另眼相看除了有刺身壽司丼飯 更有咖喱飯🍛及烏冬如點選《大甜蝦刺身4隻》更可以優惠價$39 享用《500ml 麒麟啤酒》先說《甜蝦刺身》肉質十分肥美 帶點黏性《麒麟啤酒》十分解渴 苦中帶甜 一個字 爽《黃金蟹膏壽司》蟹膏十分容易入口 味道不濃 不太腥《自家制厚燒玉子壽司》真的十分豐厚 玉子足足佔了5/6 而且帶甘甜 正晚上7點前更有期間限定回饋客人優惠 $1 就能享用《茶碗蒸》即是蒸蛋 內裏十分足料 有冬菇粟米雞肉等等 成本都不止$1啦《火炙三文魚腩壽司》《火灸左口魚背壽司》兩者皆被燒得挺融的 所以建議沾了醬汁後 一口吃下 十分滋味《法國鵝肝壽司》厚厚的 十分濃郁的鵝肝香 並不是只有煙燻味 忍不住一吃再吃《千葉鳥特選大大粒魚生飯》真的應有盡有 足足有兩層食材 表面有蛋汁黃金魷魚吞拿魚腩馬糞海膽三文魚籽玉子 下層有希靈魚芥辣八爪魚甜蝦魷魚三文魚腩 大大碗 十分滿足 材料亦十分新鮮朋友真的沒有介紹錯 到天水圍真的必吃 最後

呢間餐廳我中同食左10萬次話叫我一定要食 食後我都覺得性價比超高 要支持下 兩個餐再加多4隻有頭甜蝦都係2百頭 午餐又唔收加一 今日點咗以下食物佢比你秋同竹內各選一款 中同要左碎蔥拖羅同油甘魚 佢話呢個價錢食到咁有質素魚生飯 真係物超所值至於我就要咗個壽司配細烏冬餐 帶子 北寄貝 黃金魷魚 我都好鐘意 個細烏冬其實份量都唔少 烏冬彈牙唔會太淋身 跟餐仲可以配有小食 揀咗兩客手卷有北寄貝沙律 芥辣八爪魚同蟹籽 呢間餐廳雖然係屋村商場內 但食物絕唔馬虎 手卷包左紫菜仲係脆身乾身 唔會因為跟身就求求其 讚至於個甜蝦 雖然係好食 但我只係我食左一隻 因為真係太飽啦 唯有益左中同加落佢個魚生飯

平時可能對天水圍嘅日本餐廳都冇乜期待，但係今日試嘅尼間千葉鳥真係超乎想像，水準直逼市區嘅日本餐廳。係門口出面已經見到好多人排隊，未食已經好期待！入面裝修都好有心思，座位都幾闊，坐得幾舒服。今日就叫左火燒三文魚壽司，蟹子沙律同埋一個雜錦刺身拼盤等等。火灸三文魚壽司有三種選擇（鹽燒/醬油/沙律），今次試左鹽燒味，味道都唔錯，三文魚入口即溶，帶出淡淡嘅鹹味，飯嘅部分軟硬適中，唔會話太淋太易散開。蟹子沙律就正正常常，最緊要d青瓜都係新鮮爽脆。值得一讚嘅係佢蟹柳嘅份量非常多，食落去口感更滿足！今日嘅主角就係呢個雜錦刺身拼盤！拼盤入面有甜蝦、三文魚、魷魚、希靈魚、油甘魚同吞拿魚。特別要讚一讚哥魷魚，佢入面有紫菜一樣卷住，配搭好Fresh又好match! 所有食材都好新鮮。

一早就plan定黎呢間食日本菜，見佢咁多好評，就想睇吓係咪真係咁正。呢間餐廳價錢適中，店舖燈光偏暗，加上紅紅黃黃嘅燈籠，裝飾都幾有格調，卡位仲有好多vintage poster，鍾意打卡或者約朋友食飯都係個唔錯嘅選擇。今日都試咗幾樣野食。第一道係牛油果軟殻蟹飯卷，等唔切沙律前菜，要即刻食！一客有四件，軟殼蟹味道偏鹹，卷上嘅兩片牛油果唔膩，軟軟入口即熔。一口一個，食上黎好斯文，唔怕俾fd偷拍到醜食相。口魚背脆脆飯係真心推介。呢個菜式幾有新鮮感，有兩種唔同嘅魚、薑片、wasabi同脆脆。脆脆究竟係咩？好奇。原來係一粒粒類似炸天婦羅，炸南瓜餅外面果啲炸皮。配上甜甜地嘅飯一流。雖然飯同魚係熱，但d脆脆仍然冇變軟，食落去脆到卡卡聲。脆脆唔算好多，但我覺得啱啱好，唔會喧賓奪主。加埋香軟嘅火灸三文魚同左口魚，整體都值得推介。今日3個人埋單食左4百頭，計埋環境同埋食物水準都差唔多啦。

星期五係天水圍打完波，想搵啲好野食補充下☺️朋友話想食日本野，於是open rice睇下有咩日本野，始終呢區抵食日本野好似都唔太多，跟著就搵到呢間千葉鳥👍本身冇抱太大期望，不過見佢環境同裝潢都幾有feel，幾有心思同日本風。一坐低，服務員就好有禮貌咁介紹左佢地呢排做緊優惠，$1一碗茶碗蒸😍本身都好中意食茶碗蒸嘅我地即刻叫左一人一個先😋。黎到仲要都幾大碗，蛋又夠滑調味又香濃，真係好抵🤭👍👍👍另外我地仲叫左兩碟火炙三文魚醬油漬壽司🍣，係廚師推介，果然冇介紹錯。🤤主食我地叫左炙燒三文魚腩左口魚背脆脆飯同三文魚三寶飯，性價比極高，價錢唔貴，但絕對冇偷工減料，連鰻魚都有😋 我地仲叫左個小食黑松露厚燒玉子，黑松露果然係冇得輸，加上個超甜玉子度，完美配合埋一齊，食完都仲有陣濃郁嘅黑松露香味留係度。重點係，食左咁多野每人都只係百幾蚊咋，終於搵到間抵食日本菜🇯🇵

呢間日本餐廳既裝修好和風，好有心思，入面有好多卡位，啲卡位設計到好有日本嘅風味，可以好有私穩咁同朋友食飯，好似日本居酒屋咁靚，餐廳入面更加會播放日文歌！我地午餐時間去食，還可以選擇一個小吃，也挺美味。食物質素唔錯，但店員既服務態度就可以再改善一下，語氣比較差，服務態度係其中一個令我未必想再幫襯既一個重要原因。

天水圍出名美食沙漠， 區內除咗大型連鎖店之外，平時開飯都冇咩食肆好選擇，今日同朋友去咗呢間位於天澤商場嘅千葉鳥，因為 都好多朋友推薦過我話呢間好食，一於決定去試一試佢!門口幾亮麗，屋邨商場實屬少有店內裝修佈置都唔手軟，都相當有日本餐廳感覺餐牌琳琅滿目好，去到食物環節~今日岩岩收工，太肚餓總共叫咗好幾樣野食1. 九洲叉燒拉麵有幾個湯底揀，我就揀咗豚骨湯底，飲咗幾啖湯都幾濃味，飲得出好足料。我食拉麵好多時會留意粒溏心蛋，呢間舖整得好吸引，另外拉麵配料款式非常豐富，食完碗麵相當滿足。2. 鯖魚定食鯖魚燒得好入味，邊邊位燒到有少少微焦，每啖都好香口，價錢親民($62有飯有湯)，絕對唔輸蝕比其他高級日本餐廳。3. 火炙三文魚腩壽司本身食完拉麵都飽飽地，不過見佢廚師推介，專登叫嚟試下，火槍燒完好出味!4. 鹽燒開邊雞中翼呢樣絕對係有驚喜，有肉汁，唔會犯上普遍餐廳燒等太乾身既錯誤。5. 烤廣島生蠔另一樣店長推介，廣島蠔真係唔同啲，我鍾意佢隻蠔唔係話燒到好熟/太細隻(坊間唔少舖頭都係咁)，所以仲保留到蠔既鮮味。呢間鋪比較特別係店員好後生，好有活力，舉手嗌佢地好快有人應我! 另外，舖頭都有Wifi提供，

係天水圍住左咁耐，平時都好少係本區食壽司，好多都係一般，冇咩特別！但，終於食到間性價比非常高既日本餐廳餐廳裝修好有日本feel，場內又播住熟悉既日本歌，食得好舒服午市套餐有好多選擇，一個套餐可以配小食或者飲品，又可以加錢追加飲品吞拿魚七色丼+ 蟹籽沙律+凍檸茶各樣刺身都好新鮮，特別喜歡碎䓤拖羅同埋海膽，拖羅入口即溶，海膽慢慢品嚐覺得幾鮮甜牛肉火鍋+三件壽司+芬達朋友點牛肉火鍋，超大一鍋，好多菜同粉絲。侍應好貼心咁話個鍋滾左先送個飯過黎，包保熱騰騰！另外配埋三件壽司，真係大隻仔先食到咁多野燒菠蘿+燒牛舌兩樣都燒起就上，牛舌有驚喜，咁厚既牛舌都可以燒得咁Juicy， 讚！讚！讚！總括黎講，真係好值得去，多選擇之餘，性價比高，環境舒適，下次再試其他菜式

呢間餐廳喺天水圍黎講我都覺得非常高質素 而且價錢非常之實惠 完全係cp值超高。入面周圍都掛住日本燈籠，又有啲壁畫，好有日本feel！見到有串燒就叫拖羅雞肉，都唔錯架，即叫即燒！另外我又點咗兩樣小吃，分別係鹽燒雞翼同埋粟米。拖羅雞肉啖啖肉入口即溶，味道非常好，份量算多。雞中翼係開邊既，鹽燒完全岩晒口味，至於粟米口感更加爽脆。小丸子係好食過出面唔少街鋪 出面都賣$2x仲可能係凍 呢度有晒木魚絲 熱辣辣 有得坐係度食，我一向都好鍾意食小丸子 之前幾次無見到 今次食過愛上左。壽喜燒鍋一拎上來已經嚇親，意思係份量成座山咁高🤣🤣。除左牛肉之外，仲有菜，粉絲，菇，秋葵等等...份量好足，係鋪到超高。牛肉切得薄薄地，令湯底充滿牛味，日式濃湯有加洋蔥，煲到最後撈飯食一流，啖啖肉爆晒出來。壽司有好抵食既吉列炸蝦同埋軟殼蟹手卷。明顯係炸得好鬆脆，手工絕不馬虎，加上用料新鮮確實係水準之上。