千葉鳥

营业中

休息中

一早就plan定黎呢間食日本菜，見佢咁多好評，就想睇吓係咪真係咁正。呢間餐廳價錢適中，店舖燈光偏暗，加上紅紅黃黃嘅燈籠，裝飾都幾有格調，卡位仲有好多vintage poster，鍾意打卡或者約朋友食飯都係個唔錯嘅選擇。今日都試咗幾樣野食。第一道係牛油果軟殻蟹飯卷，等唔切沙律前菜，要即刻食！一客有四件，軟殼蟹味道偏鹹，卷上嘅兩片牛油果唔膩，軟軟入口即熔。一口一個，食上黎好斯文，唔怕俾fd偷拍到醜食相。口魚背脆脆飯係真心推介。呢個菜式幾有新鮮感，有兩種唔同嘅魚、薑片、wasabi同脆脆。脆脆究竟係咩？好奇。原來係一粒粒類似炸天婦羅，炸南瓜餅外面果啲炸皮。配上甜甜地嘅飯一流。雖然飯同魚係熱，但d脆脆仍然冇變軟，食落去脆到卡卡聲。脆脆唔算好多，但我覺得啱啱好，唔會喧賓奪主。加埋香軟嘅火灸三文魚同左口魚，整體都值得推介。今日3個人埋單食左4百頭，計埋環境同埋食物水準都差唔多啦。