千葉鳥

营业中

休息中

呢間嘢好耐未食過，對上嗰次食都已經成年前了。 今日去探個朋友經過，緊係要再試下午餐啦。原來午市都好多人食，特別係學生比較多， 所以餐廳都有特別優惠比穿校服嘅學生。頭盤叫咗個三文魚刺身， 刺身夠晒新鮮肥美， 魚油超香，非常有口感。午餐我選了極上壽司盛合， 當中有八件壽司，三件卷物和一件蛋。 壽司整得非常精美， 每件壽司都有所不同， 可以樣樣都食下，滿足下口感。午餐額外可以配多一個小食或者飲品， 我就揀咗蟹子沙律。 一人份量非常足夠，用料十足。另外一個餐就叫咗鰻魚定食， 鰻魚都好大條， 燒到金黃色，62蚊嘅價錢非常抵食， 午市時段仲要冇加一， 真係要畀個like小食揀咗紫心薯薯餅， 薯餅送到上嚟還是熱辣辣的， 香脆粉薄，紫薯帶些少甜，非常美味。午市套餐分得好清晰， 有拉麵套餐，咖哩套餐，壽司套餐，和食套餐等等， 選擇非常多。 上次食嘅水準都好高，今次食水準依然保持得非常好， 值得推介。

通常食親日本野都會去元朗或者出九龍食！今日想去天水圍搵吓有冇新嘢食！見到你間千葉鳥😍鋪面同入邊裝修都極具日本風格，午餐時間人流都唔少，所以決定同屋企人試吓！好快就被安排坐卡位卡位都好闊落👍🏼午市set lunch勁多選擇，有張紙俾你慢慢揀！仲有小食配送埋大概有幾十種午餐👍🏼我同媽咪都揀咗極尚壽司盛盒有13件壽司，而且仲有海膽軍艦，三文魚子軍艦，花之戀壽司，三文魚腩壽司，仲有幾件吞拿魚茸卷，吞拿魚，魷魚等等食材新鮮而且size細細舊感覺非常正宗👍🏼👍🏼

一直都聽過天水圍既千葉鳥好好食，但就未去食過，夜晚同朋友想近近地醫肚，所以就去試下，門口都會寫住好多時令推介，內裡裝修有好多日本壁畫充滿日本風。坐低見到張紙有好多美食選擇，除左壽司、刺，都有好多串燒、日本菜和火鍋選擇，揀緊野食個陣就有服務員過黎推介今日限定既南非鮑魚拼盤刺身$208，本身好抗拒，因為去日本食既飽魚刺身我覺得好硬好爽，但職員話呢款係磯煮南非鮑魚配個特別醬汁，口彈彈牙，而且係L size，另外會有其他時令刺身，咁見岩岩新鮮送到又係限定海鮮，所以我地就點左一份，果然鮑魚真係好新鮮好淋身好甜，而且其他刺身都好好味，職員無介紹錯，下次可以再試佢地其他時令海鮮！另外點左火炙三文魚腩壽司，壽司飯不會太大舊，可以一啖放入口，充滿魚油香。北海道鮮帶子牛油燒好juicy！一啲都唔乾身！仲有檸檬調味，突出帶子鮮味。鹽燒厚切牛舌心燒得好香而且不un，不乾身，好爽口！我地都叫左個豚肉泡菜鍋份量好多，好多蔬菜和豚肉鋪滿係個鍋上面，豚肉味好濃，泡茶湯底香辣惹味，我地連湯都飲埋。千葉鳥係天水圍性價比高既餐廳，高質素之選

晚上我同朋友一起去在天水圍近天恆邨的千葉島食日本料理晚餐，尤於很肚餓很有興致找好野食，於是去試試，都想在夏天選食開胃的日本料理食品。我們首先叫了一碗櫻花蝦灸燒三文魚手打烏冬，以紅色小蝦灸粒及燒切三文魚塊作主賣點，特別吸引人，令人食慾大增， 又有栗米粒及紫菜條等，當然不少得好味的清湯底，再食堆櫻花蝦，加上麵質爽夾嫩滑的烏冬，是一個很豐盛晚餐。點了一碗灸燒三文魚拉麵，以燒切三文魚塊，咸蛋栗蔥菜米粒等......，拉麵麵質具彈性入口具質感，再加上白色豬骨湯作湯底味道就更令人滿意，更加覺得拉麵好味。當上菜的同時已被餐單中小食吸引了目光，要了個鹽燒多春魚是香脆內滑，能突出了多春魚的味道，及棒棒軟骨餃子等，熱辣入口咬落香脆鬆爽，當時特別喜歡餃子裡的軟骨夾雜著蔬菜，感覺係日式膳食中不可缺少。見店員落單、幫我們倒茶、收碗碟都好勤快，值得加分，下次要再來食飯。

今日嚟到天水圍食飯，朋友住天水圍，介紹一定要黎千葉鳥度食飯，話天水圍街坊都好鍾意黎呢度食，星期六日一定要來排隊添！呢度裝修都好靚，有好多壁畫都好有日本風格！一坐低職員都會耐心介紹食物，佢推介今日限定嘅磯煮南非鮑魚拼盤刺身$208，咁耐以來都未試過食鮑魚刺身，所以即刻揀咗呢個刺身拼盤。職員果然冇介紹錯，鮑魚真係好新鮮好淋身！豚肉泡菜鍋份量好多，好多蔬菜，啲豚肉鋪滿係個鍋上面，好抵食！火炙三文魚腩壽司都好好味！好嫰滑好香！北海道鮮帶子牛油燒好juicy！一啲都唔乾身！仲有檸檬調味，我自己鍾意咩都唔落！食最鮮嘅味道！鹽燒厚切牛舌心一啲都唔un！有黑胡椒調味！正！雖然天水圍都有唔少野食揀，但呢間真係係我心目中天水圍高質嘅三甲餐廳之選！

上星期晚上帶我太太在家附近商場找地方食飯，最後一同前往位於天水圍天澤商場的千葉島品嘗日本料理晚餐因見此食店是特別多人等位。首先，我們叫了一碟四塊的紫心薯餅，其面頭是油炸生粉皮咬落香脆，內裡是紫色的嫩熟的惹味薯蓉，很有香口感。再加上千島醬調味最合適不過。然後便叫了吉列豬扒拉麵。香炸吉列豬扒切條咬落自然煙韌美味，當然不少得千島醬鮮醬油配料，而麵質爽夾滑的拉麵亦配以熱辣白豬骨湯底，以及咸蛋日式雜菜等，份外好味。再叫了碟咖喱吉列豬扒飯。飯同樣是配以香炸煙韌吉列豬扒切條，以及一些切粒薯仔，再配以香濃的日式咖喱汁芡於飯面頭，成碟飯自然入口好味。當然也會再叫了一些小食，如最流行的加洲飯卷壽司等。橙色粒的蟹子包薯壽司面頭，飯裡則配以紫菜雜菜粒等.....

天澤商場難得有非快餐食！間野唔似係大集團管理，所以都會幾偏重服務同食物既質素，因為要靠口碑架嘛。今次尼左食午餐，嗌左叉燒拉面，魚湯底，送三舊sushi，個湯幾濃，但飲得出有味精，sushi份量唔大，勝在可過過口癮！另外我朋友叫左吉列豬排飯，試左塊豬排，唔算好juicy，炸得都一般般！之後因為唔夠飽既關係叫多左個魚生飯，魚生唔都ok新鮮，正過樓上間爭鮮好唔好！？天水圍朋友仔有機會就尼試試啦，無野食中叫有啖好食

今日朝早入左天逸搵朋友傾計，唔經唔覺就已經中午，見大家都開始肚餓，朋友就介紹左我黎呢間千葉鳥。今日人唔多，唔洗等位，一入去到就有位坐。入面周圍都掛住日本燈籠，又有啲壁畫，好有日本feel！望下menu，呢都選擇都好多，我地都環花啲時間諗下食咩。最後我地叫左炙燒三文魚腩左口魚背脆脆飯，同埋大大粒雜錦魚生飯，再加三文魚刺身。兩個飯係午市套餐黎，包野飲或者甜品，我朋友叫左杯凍咖啡，而我就想試下雪糕泡芙。一黎到個飯，份量真係好多，我本身都唔係細食，但食完都已經好飽。啲炙燒三文魚腩入口即溶，肉質都好滑，加埋啲脆脆飯係食到停唔到口！朋友個魚生飯都好好食，刺身多之外仲好生鮮，真係啖啖刺身呀！最後我地食埋個泡芙，入面係滿滿既雪糕，做甜品一流！最重要既係，呢餐我地只係食左200蚊咋！CP值超高！推廌！

好日都唔入嘅天水圍，今日約左人去食個lunch，估唔到，呢個介紹平靚正。主食已夠多選擇，有拉麵，有手打烏冬，定食，壽司，魚生類 基本上唸到嘅都有。叫左個蝦蝦笑手打烏冬，包括炸蝦角三件同二件蝦天婦羅，仲可配一款小食:小食選擇頗多，有壽司 手卷，甜品沙律，我選左2件手卷，仲要手卷都有幾個選擇，我要左三文魚同北寄貝沙律。仲有仲有，作為學生.....係有學生優惠，可送飲品再有9折，直頭唔敢相信。忘了幾錢，約55左右，但咁多選擇，就算無學生證，只要你唔飲嘢，一樣抵食，仲要質素絕對唔差，希望佢九龍區可開分店啦！

到朋友家小聚, 晚上到附近屋村商場覓食, 在連鎖食肆林立的商場中竟然有一家日本餐廳, 門面看起來很不錯。被安排到裡面的卡位, 自成一角很舒適。由於時間尚早，只是晚上六時，店內都未滿座, 很快已經被安排了位置。大家已經急不及待，所以主要點了串燒和壽司。串燒菠蘿 $19串燒日本新銀杏 $38串燒走地雞胸三角軟骨 $27鹽燒厚切牛舌心 $49串燒性價比很高, 雞三角軟骨很香脆, 因為用左走地雞既關係，痴住少少肥膏黎燒簡直無得頂。牛舌心爽爽的容易咬開，唔同普通牛舌，口感零舍唔同之外，仲充滿汁液添。 燒菠蘿燒得微焦, 吃起來很香口。至於燒日本新銀杏就充滿新鮮感，除左翡翠綠既顏色之外，食落清淡，唔會有一般銀杏既苦味，另外桌上有七味粉和檸檬汁可以調味。至於壽司方面，尤其火炙壽司確係幾有水準，三文魚醬油漬壽司，乾身脆脆的，配上三文魚經過醬油漬，味道豐富，鹽燒左口魚背壽司，經火炙後充滿魚油，簡單鹽燒就能帶出鮮味，每人吃四件都不覺得膩。三重芝士煙肉焗白蘑菇，芝士控真的不可錯過，焗過的白蘑菇裡面充滿蘑菇汁，有醬爆感覺，食既時候要小心辣咀。想不到屋村商場都會有高質素的日式餐廳, 真的是很有驚喜的一餐呢。

有一個好朋友搬咗去天水圍某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：串燒雞胸軟骨雞胸軟骨比起一般雞軟骨好食好多，雞胸軟骨外面燒到好香脆，每一件都非常之有咬口，加上少少海鹽調味，提升雞軟骨嘅味道，好正薄燒牛舌心牛舌心既位置比普通牛舌靚，所以食落口感同肉汁都較好，一片片嘅牛舌心，非常爽口多汁，燒到啱啱好，廚師亦花咗好多心思串埋一齊，呢個牛舌好友驚喜，一定要點嚟試吓牛油果軟殼蟹卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，加上牛油果，味道非常之配合蟹籽軍艦蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道軍艦北海道白粟米今日廚師特別推介，白栗米切開冰鎮，最適合做飯後甜品，又健康，又好味，白粟米又清甜又多汁，凍食涼透心，夏天必食健康甜品! 餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！

第一次來到天水圍呢一個商場想食日本野，行左個圈就揀咗呢間千葉鳥🇯🇵突然想食牛肉同串燒全部有齊，合晒我心意❤️❤️❤️上網見到和風牛肉飯好似好正好想試吓點知原來淨係lunch Time有😢咁我又想食牛肉，於是就揀咗個牛扒定食。佢嘅牛肉質素唔錯，調味唔錯不過部份牛肉有少少鞋，都可接受見到有串燒又叫雞心牛舌都唔錯架，即叫即燒！🍢🍢🍢每人百幾蚊就可以食到一餐質素唔錯嘅日本菜！性價比高，推介👍🏻👍🏻👍🏻

星期六午飯時間，經過天水圍天澤商場，呢個商場有好多餐廳，當中有間日本料理特別吸引到我嘅眼睛🤩入到去見到環境都非常唔錯，入面空間好大，亦都有開放式嘅廚房可以見到入面嘅廚師埋首準備緊食物午市時間客人數量都唔少，不過餐廳勝在空間夠大，坐低之後唔會覺得空間壓迫感好大。餐廳內嘅手機網絡訊號一般，但餐廳有提供免費wifi，速度非常之快暢順👍🏻想邊食飯邊碌ig睇youtube絕對無問題👍🏻可以見到午市menu設計得幾靚👍🏻選擇都非常之多，我叫咗一個雪花牛肋條咖哩掛烏冬餐，一個餐加嘢飲同埋有一堆小吃可以任選一樣，價錢都係大約50~70$，我覺得非常抵食👍🏻前菜方面選擇好多，我就揀咗個清清爽爽嘅青瓜螺肉嚟食。上菜後，牛肋條煮到非常軟嫩入味😋我個人非常推薦👍🏻如果唔想食烏冬嘅朋友，揀配飯嘅話仲可以便宜好多，CP值更加高👍🏻另外我又點咗兩樣小吃，分別係一口鵝肝多士同埋三角雞軟骨串燒。鵝肝多士入口即溶，味道非常好，不過份量唔算多，如果大吃嘅朋友可能要叫多一份。雞軟骨串燒就非常特別，用咗三角雞軟骨而唔係平時嘅粒粒雞軟骨，口感更加爽脆👍🏻整體嚟講，呢一餐午餐cp值好高，我覺得呢間餐廳算係天水圍小區內數一數二嘅日本

估唔到屋村商場冇咩行，餐廳都冇乜特別，唯獨是呢間千葉鳥好起眼，裝修媲美外面大商場嘅餐廳，唔怪得知咁多人等位🤨🤨🤨食物極多選擇，刺身、拉麵、烏冬、定食真係揀食咩都揀到你暈🤣🤣最好既就係餐牌圖文並茂👍🏻👍🏻今晚想食刺身飯，都諗好咗揀邊個㗎啦點知店員過到嚟話今日推介蟹丼$108刺身都係我想食嘅，一於就試吓啦三文魚、帶子、蟹籽、三文魚籽、蟹肉蟹膏、蝦全部刺身算新鮮 無腥味👍🏻小店來講，呢種新鮮程度算係唔錯!我諗呢度係好多街坊嘅飯堂嚟㗎啦😆係抵食又好味！推介！

呢間日本餐廳黑洞成日食貪佢又平又正 特別午市時間仲吾洗加一午市套餐選擇好多烏冬 壽司 刺身飯 咖喱飯 日式和食黑洞叫左二品刺身飯配料揀左油甘魚 碎蔥拖羅油甘魚夠魚油香 加分跟餐仲送小食或甜品難得有綠茶厥餅 即揀入口煙韌 吾太甜膩朋友仔揀咗特大海赤蝦海鮮飯海赤蝦真材實料 超級大隻入口味道鮮甜仲有三文魚 魷魚 希靈魚 海膽墨魚 魚子超級豐富 抵食小食要手卷兩件 味道可以自己配蟹柳同黃金魷魚手卷本身以為超迷你 點知又唔差喎套餐可以用優惠價加嘢飲有奶茶 咖啡 汽水黑洞叫咗好耐冇飲過嘅凍檸樂食到咁飽都係人均$100 抵食