千葉鳥

营业中

休息中

一落天恆站，不消5分鐘便到，地理位置方便。商場人流不多，以為無人，點知七點入到去都坐滿左好多人。室內裝修好有日本風格，店內擺滿酒，十分有特色。價錢合宜，野食新鮮。燒秋刀魚一流，再配上麒麟啤真係一絕。炸蝦餅！加上手打烏冬非常岩食！壽司好新鮮，尤其係三文鮮同黃金魷魚。蟹子比一般嘅壽司仲多。整體非常驚喜，下次一定再嚟！推介大家可以試吓二人餐，嘢食選擇好多，鍾意食日本嘢一定啱晒你，亦都見好多人食牛肉鍋，下次一定嘗試！

今日去天水圍朋友嘅屋企撚狗，玩完之後佢帶我去佢屋企附近嘅天澤商場食飯，我心諗乜屋邨商場有好嘢食嘅咩？！佢係咁同我講話你試吓先啦～咁我就order左一份千葉鳥特選大大粒魚生飯（138HKD），佢就點左吉列豬扒拉麵 豚骨魚介湯（65HKD），大家仲點在一份炸雞軟骨（38HKD）share千葉鳥特選大大粒魚生飯（138HKD）一上菜我就已經好震驚，一份百零蚊左右嘅魚生飯竟然可以有咁多魚生，唔單止數量多，種類亦好多，仲有一粒鵪鶉蛋添，我將啲魚生放咗係個碟嗰度，唔知仲以為我點多咗一份刺身拼盤😂 最令我意外嘅係，飯唔係淨係白飯，而係撈左櫻花蝦、日式壽司調料嘅飯，食落真係好香口吉列豬扒拉麵 豚骨魚介湯（65HKD）我偷食咗朋友嘅吉列豬扒，炸到脆卜卜，最抵死係塊豬扒竟然有好多肉汁，粒糖心蛋同我係尖沙咀某米芝蓮拉麵店食嘅一樣，但個價格當然平民好多🤣炸雞軟骨（38HKD）炸得好香口，一啲都唔油膩，加幾滴檸檬汁仲好清新添～ 夾埋幾塊椰菜絲一齊食，就仲好味

一入食店有日本居酒屋的感覺，環境幾好。午餐👇🏻嗌左兩個午餐送兩個小食吞拿魚七色丼$102 原本想食海膽😔可惜今日買哂，轉晒三文魚魚子。不過三文魚子好有驚喜好新鮮， 咬落去一粒粒，好有鹹鮮味。其他刺身都好好😍😍極上壽司盛盒$130最特別係蔥花吞拿魚蝦卷物😍魚蓉打得好香滑，味道好夾，食落就知好新鮮。小食有手卷兩件生芥辣八爪魚手卷，北寄貝沙律紫薯薯餅總括嚟講，呢個午餐好有驚喜好抵食，得一試再試👍🏻

星期六去探住天水圍天澤村嘅朋友，佢教我坐港鐵西鐵線到天水圍站再轉坐705，706或751輕鐵，在天逸站落車過對面就係，好容易搵👏🏼地膽帶我去食好嘢，嚟到商場一樓叫千葉鳥日式料理。牛油果炸軟殼蟹野菜沙律 $79，推介至選，午市跟餐更加抵食，加多少少錢，即係$85就可以多碗迷你手打烏冬，及可選擇11種小食或者四種飲品是但一款，但怕食唔哂，所以單叫，侍應幫我地落完單之後竟然返轉頭，提我地可以轉午市套餐，令我見到該店嘅服務態度真係從客人角度出發👍🏼；成隻軟殼蟹及半個牛油果配上高級野菜，呢個價錢用上櫻桃小蘿蔔（raddish）唔係好多食肆會捨得咁做，而且啖啖新鮮👍🏼炸芝士年糕兩件 $38，薄薄嘅皮內藏軟棉棉嘅芝士＋年糕，食出幸福感🥰吉列豬扒咖喱掛手打烏冬，午市套餐配紫心番薯兩件，$72咋，吉列豬扒唔係好特別，普普通通咁啦，但個咖喱汁撈埋啲鰹魚及溫泉蛋連用煙韌手打烏冬就好味道。炸物反而紫心番薯又幾好喎👍🏼

今晚嚟到朋友介紹嘅呢一間位於天水圍嘅日式餐廳，朋友話喺度只係付出天水圍嘅價錢，但係就食出尖沙咀嘅味道，咁真係要嚟試下。餐廳嘅裝潢充滿日式嘅風味，深淺木色配搭嘅枱櫈，就連餐枱同餐枱之間嘅 partition 上面都放滿各色日本酒樽，形成好一幅美麗嘅風情畫。火炙左口魚背壽司，有汁燒同岩鹽燒兩種口味，我揀咗岩鹽口味，正好帶出左口嘅鮮甜味道，再加上火炙過後爆發嘅魚油，口感豐腴，係一個好好嘅開始。 大甜蝦壽司，大甜蝦肉身飽滿，入口鮮甜而彈牙，脹卜卜的兩枚，令人有夠滿足。火炙三文魚壽司(美奶滋)，火炙三文魚壽司一共有三款口味，分別係汁燒、岩鹽燒同美奶滋，繼汁燒之後，個人覺得三文魚同美奶滋最夾，係一個肥美加肥美嘅組合。 牛油果軟殼蟹反卷，呢一個卷物係餐廳嘅招牌菜，牛油果嘅軟滑同軟殼蟹嘅香脆口感果然一絶，加上頂頭點點嘅蟹子提鮮，值得一試。 串燒免治雞肉，千葉鳥嘅免治雞肉串特別之處在於佢喺免治雞肉入面夾雜咗雞軟骨，令到口感更加爽脆，佢嘅醬汁亦係功不可沒，濃郁嘅燒汁令味道更上一層樓。 鹽燒厚切牛舌心，厚切牛舌心散發住強烈嘅牛嘅酥香，只係簡單以鹽同埋黑椒調味，已經相當好食。 鱆魚小丸子，特別鍾意千葉鳥嘅小丸

小編真係好任性‼️真係忍唔到口叫左個一人火鍋淨係見到滿滿既牛肉已經覺得好治癒肥牛唔算好肥，肉味好飽滿日式壽喜燒既味道甜甜地，叫人回味粉絲同菜浸完都好好味😋刺身切得夠厚身大塊，雪藏味道唔算重生蠔燒得岩岩好，唔會太乾身，仲食到咸咸地既海水味但燒完好似縮左水甘燒沙白大蜆既蜆肉比較細粒下面鋪滿味道唔係好咸既鹽壽司普普通通，唔太驚喜

每次到天水圍天澤商場的呢間日本餐廳千葉鳥進餐都必定不會失望這間日本餐廳除咗價錢優勝之外食物質素亦相當高餐廳採用咗日本居酒屋嘅佈局設有一間間嘅廂房方便三五知己一邊把酒談天 一邊分享美食頭上掛滿了日式燈籠以及貼滿了日本嘅poster感覺就有如到了日本居酒屋一趟食物方面選擇尤其多壽司 刺身 佐酒小食 鍋物 爐端燒 串燒 定食應有盡有火炙三文魚壽司以及火炙左口魚背壽司火炙三文魚壽司選擇咗沙律醬而火口左口魚背壽司就選用左岩鹽火炙之魚油逼出嚟入口溶化 魚油滿佈口腔 大甜蝦壽司 甜蝦size有手指尾咁大而且味道相當鮮甜咬落亦相當彈牙生芥辣八爪魚軍艦外面嘅紫菜仍能保持脆卜卜生芥辣非常之攻鼻配埋口感煙韌嘅八爪魚 令人回味牛油果軟殼蟹反卷用上非常之新鮮嘅牛油果牛油果夠creamy 配埋脆卜卜嘅軟殼蟹小朋友的至愛芝士年糕 色澤金黃一咬落就可以就做年糕軟糯的口感年糕非常之軟熟 裏面嘅芝士亦都流心吃的時候真是要小心燙嘴串燒鰻魚 搽滿了日式燒汁吃起來非常香甜另外鹽燒厚切牛脷芯串燒採用了牛脷最嫩滑的部位除咗口感煙韌 同時亦非常軟熟調味方面簡單用上了海鹽和黑椒簡單帶出鮮味章魚小丸子 熱辣辣 脆卜卜上面灑滿了木魚絲而且

今日去咗天水圍，係天澤商場搵地方食番個lunch，見到呢間日式餐廳入面都有幾多人食嘢，直覺覺得佢哋會幾好食，所以入去是旦食。入到去感覺到啲裝修都幾有日本餐廳feel，揀咗個和式卡位坐，卡位牆上面有好多日文嘅poster，加埋個日式天花燈，成功令人有置身日本餐廳嘅環境嘅感覺。叫咗蒲燒🔥鰻魚朴葉飯，有埋一碗麵豉湯，價錢係八十六蚊，又叫埋鹽🧂燒油甘魚頭($125)。鰻魚飯上枱時好有特色，唔係用碗或者碟頭飯咁上枱，而係用一個連蓋嘅日式木盒上枱，打開木盒嘅蓋就見到有一大塊葉包住啲飯同埋鰻魚，未食已經覺得有驚喜，覺得佢哋一絲不苟，當然，至緊要係鰻魚肥美可口，正😋。燒油甘魚頭係我嘅至愛，脆卜卜之餘又有美味豐富omega 3👍。

話說千葉鳥剛開張的時候， 算時不過不失的食店; 各方面都看到是用心製作及服務, 因此令我會想再次光顧…但是次光顧卻令人失望由家中駕車到天澤把車泊在停車場停車場首半小時是免費的因此選擇外賣自取..到了食店門口沒有足夠店員 門面只有午市的餐單 看到的場面也較混亂 有的客人向職員查詢外賣; 有的客人在收銀的位置等待付款 職員都很忙碌 因此請我等一會兒再解答我問題 過了一會兒跟自己再次追問 才回應可使用午餐紙 （但未有提供文具因此要再等） 下單買了三個飯並付款了。 他們說要等候15分鐘， （我就去買珍珠奶茶再行街） 停車場過了半小時已經要收費。 珍珠奶茶都已經整杯喝光了， 但仍未能取外賣，所以又去追問。 過多一會兒就有了; 拿了就急急腳走。 （當然我都有問題，趕時間沒有檢查食物是否齊） 回家後，卻發現小了一個飯 所以打電話到食店告知 （購買時已經覺得沒有效

去天水圍食野真係第一次，如果唔係探朋友都無咩機會去，一向以為天水圍都係無咩好食，應該街坊茶餐廳多，結果喺度搵到驚喜入左個商場搵食，有間舖特別多人等位，望左餐牌好似又幾吸引午市套餐我地星期日十二點零去到係全滿，唔想等太耐就早少少到店內裝修都好有心思，有日本居酒屋感覺每份午餐套餐可配搭小食或飲品一款紫心薯餅熱辣辣香口酥脆蟹籽沙律特大海赤蝦海鮮飯，$92海鮮飯睇落細細碗但好多刺身滿佈碗面刺身新鮮不帶腥味吞拿魚七色丼，$102（碎蔥拖羅，吞拿魚，海膽，油甘魚，大甜蝦，三文魚，鮮帶子）午餐時段仲要係免收加一服務費，好抵食價錢同質素同樣令我好驚喜，冇諗過天水圍都可以享用到如此高質日餐

天水圍好少有居酒屋🍶或日本菜，每次都要走到天涯海角先搵到，朋友知道我鍾意食日本菜，就介紹天水圍都有一間，一心以為一定同出面差好遠，點知有意外驚喜🥰🥰好多人排隊，等左叫幾個no.先入到店內有個好大半開放式廚房，可以俾客人望到店員工作，俾客人有信心，確保食物衛生👍🏿👍🏿而且裡面有十幾個員工，初頭唔明點解咁多員工做野，一到黃金時間，佢地好似安左摩打咁，勁誇張🤭🤭而且好多外賣有專員包外賣，多外賣到連飲杯水都無時無間，所以口碑一定好好🥰店內面積好大，有好多唔同特式牆，都係日本🎎風，全部都係打咭位，以為真係係日本😚牛油果🥑軟殼蟹🦀反卷~牛油果軟殼蟹真係絕搭，牛油果軟滑，軟殼蟹香脆，提升軟殼蟹鮮味😎鹽燒三文魚🐟腩骨鮭魚漬~雖然唔係太厚身，便剛好簿身，燒到魚剛熟，而且骨都燒到脆卜卜，細骨可以食埋，加上鹽燒好惹味👍🏿，一碟都有十件左右，好抵食😋😋😋牛肉🐄🐃🐂火鍋(壽喜燒湯底)~勁大鍋，大過個頭，而且高過個鍋，牛肉蓋上菜面，剛好煮完菜先煮到牛肉，所以牛肉唔會過火，簡直聰明😎.菜好鮮甜，粉絲又吸左青菜甜味，成個煲都食晒😋😋串燒菠蘿🍍~日本甜品除左雪芭，就一定係串燒菠蘿，可中和油膩，而且食多幾件都唔會有咁大罪

其實平時真係甚少嚟天水圍呢邊我住呢度附近嘅朋友約打波就唯有過嚟啦 特登搵下有啲乜嘢好食餐廳喺附近就見到呢間餐廳好多好評都幾實惠可能因為係屋邨商場嘅位置都比較入 午餐又唔收加一 點知佢食物唔止價廉而且高質午餐除主食仲有小食跟埋 揀咗北寄貝沙律同黃金魷魚手卷同埋紫心薯餅 手卷係即整 好味 紫心薯餅夠脆又夠熱 主菜就揀左個二品盛 要左碎蔥拖羅同赤蝦 蝦夠甜又夠彈牙 蝦頭入面d膏都好濃味 有質素魚生飯 另外點左八件壽司配細烏冬餐 有希靈魚 帶子 我都好鐘意 個細烏冬其實份量都唔少 烏冬彈牙 配有紫菜粟米 呢個套餐一個人食真係好飽 再叫左兩串免冶雞肉串 好嫩 上面醬汁味道適中唔會太咸 配埋紫菜粉 真係同居酒屋有得揮 食物質素高 環境又有氣氛 重點係價錢好抵 份量咁多 不禁讚嘆自己揀左間好餐廳

Very suitable restaurant to go with kids. My kids love Japanese food so much~We went at around 19:00. Needa wait for a while. Around 10 mins. I guess it may be a very good choice for family during weekends.This decoration is very attractive 👍🏻 some goldfish inside牛油果軟殼蟹手卷 with salad sauce ~ very yummy 😋 豬軟骨烏冬 a bit normal dish but the taste is good~ the meat is freshFired Chicken salad~ kids love it very much, a healthy choiceThe price is acceptable. It won’t be very expensive 😊Overall speaking,

見到個菜單就覺得超多選擇🥰超仲意呢到既環境 比我想像中更大而且呢到既服務都好好 員工好nice好有耐性同朋友仔經過想試下 真心好少屯元天會有呢啲環境同食物質素既餐廳感覺好高級 同中環尖沙咀既高級餐廳有得比真心推薦呢間餐廳❤️❤️❤️

在友人介紹下，今天來到天水圍千葉鳥，聽聞這間日式料理相當不錯，那便一試！由於選擇非常多，樣樣也想一嚐，在難以選擇下，我們決定了這個二人套餐。這二人套餐相當豐富，自選壽司方面，竟然可選四款，而每款有二件，我還以為自己看錯😳，套餐竟配八件壽司這麽多。整體壽司質素不錯，亦新鮮，紫菜還脆脆的，相信是即叫即做。除了壽司外，此套餐還跟了一款前菜、一款小食及主食燒物，還配有烏冬、米飯，真是整張枱也放滿了食物。這個鹽燒三文魚腩骨鮭魚漬好吃到我倆口子停不了囗，又香，又酥，絶對係一道絕色小食，而且份量一點也不少。鹽燒靖魚，燒得香噴噴，靖魚亦夠肥美。難怪友人力推這間日式餐廳，性價真的非常高，好推介👍🏻。