千葉鳥

营业中

休息中

早已聽聞這間千葉鳥性價高，可以一吃，如我所料，門外已有不少人等位，大約等了十五分鐘左右，終於可以入座了。難得來到，當然要一試店鋪推介💁🏼‍♀️ 鹽燒厚切牛脷心這牛脷心是熱烘烘上枱的，這麼吸引當然要’‘襯熱吃‘’，由於整片牛脷好入味，所以完全不需沾任何醬汁，還要厚肉多汁，真的好難得可以吃到如此多肉汁的串燒牛脷，叫我一吃難忘呀！經我一番考究之後，終於明白點解此店串燒牛脷如此優秀，又嫩肉又多汁，一點也不靭，原來在於他家用的是牛脷心❤️，果真零舍不同。牛油果軟殼蟹反卷（四件）開頭以為會好細件，意想不到 ，份量如此足夠，內𥚃的天婦羅炸軟殼蟹還是脆脆的👍🏻！芝士辣肉醬焗原隻茄子相當有睇頭，肥大的茄子內𥚃放滿辣肉碎及芝士，美味得很邪惡，喜歡吃辣的要點這個，一定滿足到你👍🏻！

好出色一入到去我讚咗佢好多次靚佢唔會似係天水圍既鋪頭入面勁有日本風，勁似居酒屋唔似香港平時嘅鋪面而且卡位係真係好似人哋日本嗰啲咁由於我唔係好肚餓叫咗個兒童餐再加多想食嘅壽司佢個兒童餐真係好的骰好得意佢有益力多細烏冬蟹子飯芒果孩子沙律炸蝦同玉子而其他壽司就不過不失下次要再嚟試吓其他嘢食

約左天水圍朋友去左一間天水圍幾入既餐廳食日本野，令我感surprise既係，響天瑞甘入既地方，都有人食，而且坐到爆一爆！肯定有佢好食既地方。個價位大約係中檔既range，希望有番相應既質素…結果無失望到特大海赤蝦海鮮飯 92 + 吞拿魚七色丼 102魚生都非常新鮮，入面嘅赤海蝦大家睇到兩隻拍埋一齊好似pat pat咁呈半透明嘅顏色。裡頭有海膽，啲海膽冇屎味，平日喺街上面食到嘅海膽都唔係好新鮮，咁就會有一浸好難食嘅屎味， 所以我平時都唔會食海膽。難得呢度嘅海膽入口鮮甜， 個人喜歡配埋薑一齊食， 中和返去本身比較濃烈同鮮甜嘅味道。 飯入面有拖羅，拖羅嘅質素都非常好。 以呢個價錢，叫到相應質素嘅魚生飯食， 感覺上就好似去到築地咁樣， 但係就唔使逼到死面鼓湯順帶地提一提個跟餐麵豉湯，嗰麵豉湯用左鏗魚做一個日本叫做起汁既動作，平時出面嘅麵豉湯都係就咁勞面鼓，同埋味精就算數。但係喺呢間食到嘅麵豉湯， 就睇到佢地對食物嘅質素都有一定嘅執著

牛肉火鍋壽喜燒湯底$95非常足料，基本上都唔使追加其他配料，除非係超級大胃王啦。呢個牛肉火鍋嘅配料全部都好新鮮，價錢都算公道，係值得推介嘅。生牛肉手打烏冬$55已經係第二次叫呢個烏冬嚟食，一來覺得價錢好合理，二來覺得個牛肉真係好好食，55蚊有呢個份量&質素，算係好抵食。鹽燒開邊雞中翼$39味道係唔錯嘅，記得雞翼要趁熱食，不過如果可以去骨就更加好。茶碗蒸$1呢個一蚊嘅茶碗蒸應該都係限時特價嘅食物，如果有呢個一蚊嘅茶碗蒸，一入座嘅時候店員就會問客人要唔要。抵食好味，就算只係賣一蚊佢都好足料。

天水圍人要食日本野，選擇並唔多想食間好食既就要入少少，搭到天逸揾食喇之前都有尼過呢間千葉鳥食魚生飯，尤其lunch係特別抵食，其實佢大menu仲有超多野食揀，今次同媽咪想試下魚生飯以外既選擇串燒牛舌心一份有2串，每塊都有成 1cm 厚，調味剛好，啖啖肉夠juicy，而且容易咬開，一定要趁熱食!黑松露油甘魚壽司，炙燒醬油漬三文魚壽司炙燒過既油甘魚好好味~ 唔會腥唔會太油, 食完好想叫多一客醬油漬三文魚比較咸，但入口即融，油脂係個口度好香，抵食芝士温泉蛋BBQ大菌 超級邪惡之選～佢隻大菇唔係原隻上 而係切開左一片片係底 食起上尼都比較方便上面隻温泉蛋上枱仲係震下震下 一切開 蛋黃同芝士融合埋一齊 連埋隻菇食真係不得了 啲醬仲多到想叫多個薯條尼點醬食軟殼蟹牛油果沙律 lunch set食完邪惡芝士，食返個沙律中和返牛油果有好多片，切到好薄配合埋撈左芝麻醬既沙律菜一齊食，好清新好夾個set 包既烏冬 都唔馬虎入面有好多粟米粒 昆布同椰菜絲 唔錯Set 既小食揀左紫薯薯餅睇落細細塊 但其實份量岩岩好軟殼蟹點埋薯餅既沙律醬 好味～除左食物質素唔錯我同媽咪都幾中意佢成個環境裝修到好似日本居酒屋/磯燒

樓下商場冇咩日本野好食，所以走左過去天澤個邊食呢間千葉鳥加拿大海膽壽司，好耐冇食海膽啦~ 兩舊海膽好肥好大件，雖然加拿大海膽味道唔係最濃郁，但係都好好味，幾鮮味，夠新鮮😋本來想試下雪花拖羅壽司，點知賣曬，店員就同我地講咁岩做緊$100/2件火炙藍鰭吞拿魚下巴肉，咁就試下黎到見到已經見到幾肥美，微微火炙燒過，魚油都逼曬出黎，唔會燒得好熟，而且一D都唔腥，可以一試炸雞軟骨，某人至愛的炸雞軟骨，粒粒有肉又脆卜卜，一粒接一粒停唔到口😋串燒雞皮，比起上次係第二到食既好味，冇油抑怪味，帶有陣陣雞皮油香，好味😆厚切牛脷幾乎是必點，有咬口得來唔會韌，厚切牛脷黎講做得幾好，而且好入味，冇怪味，燒得好好味😋最後黎個綠茶蕨餅做返個結尾，煙煙韌韌幾得意，感覺好適合點比小朋友食💜

🍵茶包抱著：今頓沒吃好，就去旁邊的車仔麵店吃車仔麵(近期的大愛)，誰不知，店中是別有洞天！=|| 環境 ||=店中環境以日式居酒屋的風格，壁畫畫得非常漂亮。不過略嚴枱子有點小，不夠空間放食物🗾　=|| 食物 ||=茶包覺得熱食的食物，比刺身壽司更好吃！先說一下人氣主食🍲「牛肉火鍋（壽喜燒湯底）」🍲，亮點位是如一座小山高度的鍋物，整個鍋在你面前煮起。可以自己控制肉的生熟程度。　雖然牛肉沒有想像中的肥美，不過！底下的蔬菜有大大的驚喜，底下除了燒豆腐，娃娃菜，土豆粉（韓式粉絲），還有羽衣甘藍！🥗一開始茶包覺得有點眼熟，因為家中的父母有買這種菜揸汁，通常用在生吃的方面，沒有想到煮火鍋會這麼好吃！而且也沒有原本的苦澀味，但是！不知道羽衣甘藍的功效會不會經過高溫之後就沒有原有功效了。　另一個亮點位是：「鹽燒厚切牛舌心」🍋🐂（$49/2串）。太好吃了！牛舌的韌度和軟熟度一切控制得剛剛好，入口有嚼口，又不會咬不斷。每一口咬下去，肉汁不斷溢出來，配上枱上的檸檬汁🍋，一個人吃2串也不夠，想再點多一份！　不過其他的品項，茶包覺得一般般啦。例如「火灸三文魚壽司」份量太小（尺寸跟七味粉的瓶子差不多），「鹽燒多春

呢間鋪一開業己經好多好評但我一次都未食過今次一試 終於明點解 因為真係罕有地高質!!!!紫心薯餅炸得好脆而且個紫薯超足料! 食好似食緊紫薯蓉咁! 好甜!我覺得就咁食己經好ok 唔洗點個沙律醬點左反而唔夾...蝦蝦笑拉麵個蝦多士做得好出色仲食到隻蝦! 而且煎得岩岩好 唔會太過火!而個蝦都一樣咁高質!!個拉麵就不過不失啦~ 啲粟米有啲乾~手卷 北寄貝沙律 + 三文魚呢2個手卷都好新鮮!! 特別係北寄貝沙律 芝士漢堡扒咖哩飯呢個就好heavy啦! 超足料 個扒都幾好外脆內軟

今日去朋友新屋,打完麻雀梗係要耳套,所以就去咗屋苑樓下商場搵食,朋友推介一間日本餐廳,勝在好味又抵食,所以我哋一行幾人就去咗呢間餐廳食晚飯。好彩我哋早到，因為一坐低冇耐，出面已經要排隊，呢間餐廳果然好受街坊歡迎。北海道鮮帶子牛油燒即叫即燒，熱辣辣，北海道帶子大大隻，又鮮味，又彈牙，又有好感，加埋牛油汁混入帶子汁，鮮味更加突出，非常好食，一定要點三重芝士煙肉焗白蘑菇非常之香芝士味，焗到啱啱好，加上煙肉嘅香味同埋白蘑菇非常之夾，又唔會好膩，正蟹籽軍艦蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道軍艦燒秋葵好鍾意食秋葵因為好爽口，而且有啲黏黏地嘅感覺，好特別全部朋友都非常滿意呢一間餐廳，價錢平，食物質素又高，大家都非常之滿意。

山長水遠嚟到天水圍，梗係想食啲好嘢啦，聽講呢間日本野喺天水圍長期都好爆，成日都要排隊先可以嚟食，喺天水圍呢個小區來講，算好巴閉㗎啦！呢間日本野裝修真係好靚，係我見過咁多間來講，裝修最有心思可以講係數一數二，好多壁畫，好多懷舊嘅poster！不過我深信，最吸引顧客嘅原因，係因為佢哋食物質素一直都有水準！我哋揀咗好多嘢食，店員大力推介冬季限定嘅燒活北寄貝！唔好講笑，真係超好食！好juicy！有天然嘅海水味！仲有燒雞泡魚乾，用味淋醬黎燒，好重口味，好正！唔會好乾好硬係重點！另外仲有壽喜燒湯底嘅牛肉火鍋，大大份！不過牛肉唔算太滑身，有啲鞋口！不過味道都好食！極上壽司盛合，有12舊壽司，都係$145，咁平，出邊仲可以係邊度搵？最後黎個千葉鳥特選大大粒魚生飯，但份量真係唔少，唔止淨係有魚生，仲有甜蝦吞拿魚玉子等等，好食夠飽！呢度性價比真係好高，下次一定要再去食！

同朋友嚟天水圍食飯，想搵下有冇好嘢食！聽朋友講呢間日本野喺天水圍長期都排隊長龍要等位！原來就係呢間千葉鳥，所以特登過嚟食下！開頭黎個小食，燒雞泡魚乾，唔會好乾好硬，好食！主食揀左千葉鳥特選大大粒魚生飯，有好多魚生，另外有蛋吞拿魚甜蝦，味道唔錯！壽喜燒湯底嘅牛肉火鍋，好大兜！啲菜吸晒壽喜燒啲湯，加埋啲粉絲同埋牛肉！好食！由於太肚餓，再揀咗極上壽司盛合$145，味道一般，不過都好抵食！最後店員推介嘅冬季限定嘅燒活北寄貝！呢個係最好食！大大隻！有成6隻！好juicy！好想再encore！呢度裝修好靚，好大幅壁畫，好有日本嘅氣氛！呢間小店真係好高質，下次一定會再嚟！原來仲有聖誕外賣添！可惜我唔係住呢區啦!

加拿大海膽壽司味道雖然無咁濃味，但都好鮮味，有少量海水味道，60幾蚊就有6件都好抵，我推介一下，可以一試豬軟骨黑蒜油拉麵豬軟骨好唸，有軟骨位有咬口，層次分明，非常好，拉麵麵質適中，黑蒜油味好重，鐘意濃味既朋友唔好錯過啦燒雞皮炸到剛剛好，唔會炸到好硬，有咬口又脆口，咸味適中炸雞軟骨炸物做得真心不錯，加上沙律醬酸酸地又幾開胃，軟骨串有肉又有軟骨串燒牛舌真係好正，好厚切，有咬口就唔駛講，又唔會燒到好韌咬唔到，師傅水準唔錯綠茶蕨餅煙韌，綠茶味都幾濃，鐘意食綠茶或抹茶既朋友都可以試下，又唔貴

平時好少機會入天水圍，難得今日入去，就梗係要喺呢度揾下有咩好食，喺商場行左一圈覺得呢間最吸引，就決定試試佢😎因為係晏就去，所以有抵食啲既午市套餐揀，會送一款小食或者飲品，好多選擇都係五十幾蚊，超抵食！其實除左餐牌之外，仲有好多野食喺餐牌揾唔到可以叫，例如係赤身同大拖羅中拖羅等等，佢地寫左喺牆壁既地方，可惜我落左單先睇到，所以就冇機會試😢 店內面既裝修都好別緻，一啲都唔馬虎，好有傳統日本文化feel等左陣終於有野食啦，一上菜個樣就勁吸引！我點左個牛肉火鍋，啲牛鋪滿哂成個鍋，雖然下面係野菜黎，但啲牛都絕對唔少架而且下面啲野菜都好好味，湯底係好似壽喜燒咁，甜甜地，配佢送既白飯一流另一個驚喜就係極上壽司盛盒，有海膽，三文魚籽，帶子同花之戀呢個價錢黎講，佢既海膽都算新鮮，一啲都唔苦送既小食方面，我就揀左紫薯薯餅同抹茶蕨餅，薯餅係新鮮炸起，仲熱辣辣同好脆，幾好食，呢間野總括黎講性價比都幾高

人地成日話天水圍無好野食今日試到呢間日本野，都幾高質啊👍🏼裝修充滿日式風格，恍如置身日本居酒屋餐廳有頗多卡位，內裡貼滿海報甚有日式風情由於太肚，先叫了厚燒玉子$26蛋香味濃郁！層次分明非常滑，好開胃蒲燒鰻魚飯 $82鰻魚厚身，燒得頗香脆上面還舖了飯素增加口感如果鰻魚汁可以多一點就完美了午餐set還配了一碗味增湯午餐小食選了壽司三件刺身較薄，但鮮味十足性價比高二品刺身飯 $88三文魚腩共有六大塊全部新鮮肥美都算是厚切碎蔥拖羅油香豐富加埋蛋汁拌飯，一流的享受！包皮薯條🍟薯條連皮一起新鮮炸好熱辣辣無可挑剔

今日行開天水圍天澤商場見到有一間裝修得幾靚幾有風味嘅日本餐廳就決定入去試吓嚕☺️因為我哋兩個都拎住好多嘢 侍應好貼心咁幫我地安排左一個比較鬆動少少嘅位置☺️☺️店入面嘅裝修好有日本風格 睇得出呢間餐廳落咗好多心機去佈置☺️☺️一坐低就即刻睇餐牌 呢一間日本餐廳提供左好多唔同嘅日本料理 價錢都算幾平 搞到我樣樣都想食添😝😝見OpenRice好多人都話依個牛肉火鍋 所以我哋都唔執輸😚份量好足夠 又有菇粉絲豆腐娃娃菜我哋仲另外加咗個珍珠飯添😗😗加上係收起笑湯底甜甜地幾好食而呢一個香菇汁茄子 味道都還可以 冬菇味都幾突出 比較適合一啲唔鍾意太濃味嘅人食☺️另外我哋仲帶咗個刺身飯食 呢個係三文魚三寶飯入邊有三文魚六片 北寄貝沙律黃金魷魚等等等 份量都幾大 味道都算新鮮幾好食☺️☺️特別係個黃金魷魚同埋北寄貝沙律 食完又想繼續食 如果多啲就更好啦哈哈