千葉鳥

营业中

休息中

身為天水圍人竟然都唔知天澤商場有間咁既日本菜，反而要住出面既朋友介紹先有機會試哈哈。餐牌好多選擇，我只係影左啲本身想叫既野食，但因為呢啲飯比較難share，而且我地都唔太餓，所以最後無叫到，淨係叫左小食同幾款壽司試試。首先係黑松露玉子燒，呢個唔錯，黑松露落得都夠多，不過略嫌個蛋甜左啲，雖然我都知玉子燒本身係甜既哈哈。三文魚壽司正正常常，海膽壽司正呀！香濃又一啲都無腥味！呢個本身好似係牛油果軟殼蟹反卷，但係侍應話牛油果太硬身做唔到，所以換左做三文魚鋪面。呢個都ok，正常質素。最後呢個忘記左名，佢係有個溫泉蛋係中間，然後有芝士醬同菇。呢三樣野加埋個味又好難唔好食既，加上佢熱辣辣岩岩焗起！！跟住仲叫左個羊架，佢呢個係已經幫你起左肉，方便食，味道唔錯，不過我嫌佢唔夠蘇。最後我叫左杯白桃梳打～總括而言，呢間cp值都幾高，見到格離枱叫左牛肉鍋，好吸引，下次我又想試

今天在天水圍上完堂，我朋友說想吃好一點想吃日本餐廳，心知這趟荷包又要大出血了。其實天水圍一般比較少中高檔餐廳，如果閣下想吃好一點我覺得這間便是好選擇。這店的裝修得像置身日本一樣，我覺得出色的日本餐廳就是應該要這樣，食物與環境雙雙配合。個餐牌內容非常多任君選擇，還有另外一本圖文並茂。如果你開始出現選擇困難症的話，你可以選擇時令的推介。首先來了兩個麵食，包括九洲叉燒拉麵（豚骨魚介湯）同埋炙燒三文魚拉麵（黑蒜醬油湯），湯底味道很濃，麵條有彈性，可算是性價比非常高。之後來了2件時令的赤身壽司 ，4件灸燒三文魚壽司和包皮薯條🍟，尤於太好吃的關係，急不及待吃掉而沒有影相。赤身壽司其實是拖羅，真的非常新鮮有魚味。灸燒三文魚選用的是近腩位的部份，所以非常滑並充滿魚油。一絕👍🏻

今日去左朋友屋企玩去到夜晚唔系好肚餓就搵左間日式餐廳食見佢門口都有日本風格就比佢吸引左入去入面裝修得幾有feel可惜可能位置偏細，枱同枱之間太close可能人多坐卡位會好D野食都好多元化好多選擇睇到花多眼亂，都唔知食咩好最後每樣叫少少咩都試下黑松露玉子燒，本身寫明系3件，佢上左4件話因為size太細，所以比多一件，yeah聞落好香，但玉子太甜反而搶左黑松露既味不過都好食叫左三文魚同海膽壽司壽司舊飯細細舊，而魚生大大塊而且三文魚都好新鮮個海膽就超正，大大啖好creamy又唔會好腥三文魚軟殼蟹卷配搭好match上面三文魚加沙律醬蟹子下面就有脆脆地既軟殼蟹芝士溫泉玉子bbq大姑超級推薦，個芝士勁好食勁香，吉爆個蛋黃mix埋真系冇得輸雖然好"漏"但系都食曬，姑雖然得幾舊但重點都系個芝士之後仲叫左個燒羊架都系用黎點呢個醬食好似食韓國野系到拉芝咁個羊味好重，雖然拉芝都掩蓋唔到個羊腥味但系我鐘意叫左杯白桃特飲偏甜，唔知有冇得叫少甜價錢都好抵，食左咁多野都系321蚊而且味道都唔差，難怪排曬隊而且仲見好多人買外賣番去食下次去可以再去試下見隔離枱叫壽喜鍋勁大煲，好似好正咁，但系100蚊都唔洗

做完嘢同朋友行黎天山水圍商場，見到間日式料理，外觀環境唔錯，於是一試 。坐低後，已好肚餓，開始揀野食，嘩……有好多選擇，要用order紙，自己填寫食物，店員一叫即到，完全唔會扮睇你唔到。order 完之後，大約十分鐘陸續上菜，雖然店內人多，但上菜速度一D都唔慢。其中我點左燒牛舌，係厚切嘅，正！而刺身拼盤嘅希靈魚都係厚切，蝦刺身都好大隻，都幾新鮮。 另外叫左黑松露玉子燒 $32/3 件，真係夾左唔少松露，一D都唔馬虎，滿口松露香。銀雪魚亦係我必點之選，魚肉好滑。麒麟啤酒500ml 都係$58 抵飲。 店內仲有免費wifi。見到隔離叫左個牛肉喎，牛肉個樣好新鮮，又大鍋，但由於兩個人，叫唔到太多野，下次要再去試下。

I dine in a Japanese friend with a old fd in TSW as we live in TSW. It is surprising as we both didn’t know there is such a wonderful restaurant nearby.The decoration of the restaurant is good!The first dish come with the salad. The taste is good! With cucumber and 蟹樓吉列豬扒～ it is crispy . You can eat with salad sauce and sour sauce~ worth to give it a try配烏冬～normal taste芝士吉列蝦🦐壽司🍣，very mouth-watering👍🏻👍🏻😋 must orderChicken wing~ good taste!!!!Very full with this price!

其實我不嬲都唔知天水圍有高質嘅日本野，做左向度咁耐都唔知😂。點知有日行過天澤，俾我見到間餐廳，排晒長龍咁。好彩我地7點左右到都算早，所以唔駛點等天水圍比較小餐廳係用心裝潢，that being said... 這間是例外。都幾多野食，因為是我同媽媽食，所以食唔到好多野。個牛肉火鍋賣相是一流。佢咁擺令我可以較易控制到佢嘅生熟度。同埋，唔算好肥，肉味夠。下面啲雜茶竟然暗藏玄機，有啲貴價野如羽衣甘藍同秋葵。媽媽好滿足，話又多菜又好食。佢仲加左個葛絲，兩個人都夠食。我就叫左個芝士焗漢堡扒curry 飯。肉好嫰，又夠Juicy 。日式curry 味道濃而不辣。整體唔錯。燒茄子冬菇汁好食！較清新，有陣陣木魚味。係一個refreshing 選擇。明明唔係好餓，但都係咩都清晒。讚！有下次！媽媽都話下次自己黎😂

一排冇黎食，又係星期六既early dinner，一坐底個侍應就upsell是日special - 拖羅。$188包赤身，中拖，大拖，雪花拖羅各一件，再加3件拖羅卷，老婆話佢應該夠飽，所以叫一客，我就叫壽司加烏冬既定食。另外見到有北海道激甜粟米刺身，$32一客，又試試佢。拖羅黎到侍應仲提醒師傅已經喺上面搽左自家製醬油，老婆逐件食，佢話食得出越黎越肥同埋好好食，絕對值回票價。個粟米係好甜，但得4小件，份量略嫌太少。點都好，天水圍食日本野，佢暫時都係最佳選擇。

其實好多人話天水圍無咩好嘢食，我唔係幾認同，至少呢間日本嘢都唔錯，唔使出城市掛咁誇張!喺屋邨商場開得都好泵本裝修，好日本居酒屋feel ，同朋友今晚嚟啤下佢。叫咗日本麒麟生啤，日本啤酒真係幾好飲，啤酒味夠呀。店奉送一客池魚一夜干比我地，我第一次食，烤過的池魚干，外脆內軟，超有魚味且表面有D甜甜地燒汁，送酒好正。另叫咗D自選刺身，油甘魚好食，新鮮嘅順滑，魚味濃，而且有油份，食落豐膄。那晩帶子和海亦蝦都好好食，是中上貨色，溶雪夠，保留到刺身的鮮味，喺放題食嗰D刺身，真係行埋一邊。壽司做得好好，D醋飯夠實，紫菜夠爽，黃金蟹膏壽司，火灸三文魚腩壽司，活赤貝壽司全部都好好食，蟹膏的甘香，三文魚腩魚油甘香，火炙過魚味勁正，另外活赤貝的鮮味，食完令你再想encore! 臨尾叫咗個泡芙雪糕大家食，甜品都OK! 天水圍日本野，食硬呢間，重有呢度D日本野好多款揀。

同中學朋友食飯,見大家相約既地方附近,搵到呢間叫千葉鳥既日本野,就決定試下!估唔到7點未夠,已經咁多人等位,好彩, 等左10分鐘左右就有位,入到去,環境好靚,有好多燈籠同壁畫做裝飾,好有氣氛!打開餐牌,花多眼亂,樣樣都好吸引,揀左一陣,最後各自揀左個魚生飯,同埋一個小食-紫心薯餅。可能人多既關係,等上菜既時間都要5分鐘左右,但第一味上到黎既紫心薯餅仲係熱辣辣得黎仲係好鬆脆,絕對唔係放左一陣,變得又凍又淋,係咁忙既環境都可以keep得住上菜速度同質素,十分抵讚!之後再黎既就係魚生飯,分別係朋友點既 大大粒什錦魚生飯 同我點既 特大赤海蝦海鮮飯！當兩碗飯一到已經嘩嘩聲，因為個份量真係好多，加上個色水好靚，未食都知好新鮮！絕對係良心食肆。魚生嘅份量多到真係由我第一啖到最後一啖都有，又新鮮，又無雪味，口感一流！又大份，又夠多，埋單連加一216，喺呢個環境之下加上啲咁高質嘅食物，絕對抵！

知道樓下商場開左間日本菜，梗係要落去試下！果日係星期六中午，人已經好多，睇來大家都好鍾意食日本菜。環境舒服，座位闊落，燈光暗暗地，又播住日本歌，裝潢都好有日本既感覺～坐低之後就睇下餐牌，午市都幾多選擇，叫套餐既話仲可以有小食贈送！因為同朋友兩個人都極肚餓狀態，所以叫左兩個套餐😚😚🐮牛肉火鍋（午市套餐）$90一拎上來已經嚇死人，成座山咁高🤣🤣。除左牛肉之外，仲有菜，粉絲，菇，秋葵等等...份量好足，隨餐仲送一碗珍珠飯，兩個人都夠飽！牛肉切得薄薄地，有牛味，日式濃湯有加洋蔥，煲到最後撈飯食一流，啖啖肉汗爆出來😚🦐特大海赤蝦海鮮飯$92隻蝦又係大到爆😂口感爽甜，有咬口，肉質偏實。飯入面有希靈魚，三文魚，芥末八爪魚，蟹籽等等，好足料又夠新鮮！😚😚抹茶厥餅+雪糕泡芙（隨餐附送）兩樣甜品都不過不失啦，泡芙應該岩岩係雪櫃攞出來，有D硬！🤣🤣最後加埋兩杯野飲，飽飽！每人平均$100唔洗，已經食到好滿足haha😚😚

晚食 —— 脆蝦角及吉列蝦豚骨湯拉麵🍜＋串燒拖羅雞肉🍢區內小有的日式餐廳。裝潢設計用心，充滿日本情懷。食物選擇多，壽司、串燒、定食、鍋物等應有盡有，麻雀雖小五臟俱全。脆蝦角及吉列蝦豚骨湯拉🍜• 以瓦鍋呈上，溫度保持得更為長久，• 豚骨湯底偏向清淡，不會過於油膩漿口，• 配料份量豐富，舖滿表面，• 脆蝦角不過不失，• 吉列蝦炸得鬆脆，內層蝦肉保持爽口。串燒拖羅雞肉🍢• 雞肉鮮嫩，醬油惹味均勻沾滿雞肉，• 燒得恰到好處，大小也剛好一口一件。

千葉鳥在天水圍都有不少朋友講這裡的菜式味道不錯，價錢又不貴就今日難得探朋友就話想試這間餐廳，入到去好居酒屋感覺款式都多而且價錢真的十分便宜，我地幾個就叫了刺身，壽司同熱食甜品，一路食一路飲啤酒傾下計。我們叫了一個刺身拼盤有活魚，蝦，三文魚，帶子海膽，好鮮甜而且味道好新鮮活魚口感十分好又香魚油香，海膽鮮甜可見十分新鮮，帶子厚身，蝦又爽口。壽司好多地方都有蟹膏食，但這間的黃金蟹膏壽司驚喜好味，味道新鮮份量多，蟹膏同飯混一起食十分滿足，濃濃蟹味在口中食完再飲茶再食我最愛的活赤貝壽司，好爽口的活赤貝，這裡的海鮮好有驚喜。鹽燒池魚一夜干和麒麟生啤配得最好，一夜干夠乾身，好香而且帶少少鹽味，配冰凍啤酒最岩。最後來的甜品都十分大份，泡芙上有朱古力醬，泡芙軟熟又有點朱古力醬味，三人份剛剛夠食，朋友的確沒有介紹錯。

第一次黎到呢間餐廳食晚飯，見到餐廳環境好日本風，店員都會講日本語歡迎我入座。一就座，店員就俾左2杯日式玄米茶，同介紹左本日精選，服務態度很好！餐牌方面，有壽司、燒物、丼飯、烏冬，十分豐富我嗌左個櫻花蝦隻燒三文魚手打烏冬 ($58)+自家制厚子燒玉子壽司($18)+蘋果梳打300ml($18)烏冬入面包含 三魚漬、櫻花蝦、粟米、椰菜絲，令人口感豐富！而且材料都好新鮮，推薦喔！壽司方面，選左廚師精選自家制厚燒日子壽司，甜甜地，入面包左少少飯，令人口感一啖甜蛋在口中，但有d飯中和返，恰到好處朋友嗌左個三文魚三寶飯($65)+青蘋果梳打300ml($22)十分推介 呢到個三文魚丼飯啲米飯粒粒分明，與壽司醋的比例調和得剛剛好，三文魚和魷魚刺身非常新鮮，味道鮮甜，沒有任何腥味，旁邊爽口的三文魚梓和沙冿醬，兩種不同的口感使整個三文魚丼飯的口感變得富有層次。

無論幾時經過都好多人排隊 因為價錢真係性價比好高 首先餐廳無論店面或者店內裝修都好日本風 牆壁上面都掛左好多日本風格既畫同廣告 菜品款式種類有好多 餐牌仲要圖文並茂 真係好吸引 令人樣樣都想嗌7安士炭燒美國頂級安格斯牛扒定食 $95(配白飯及面豉湯)(美味指數: 😋😋😋😋😋)牛扒好juicy 每一啖都有肉汁 仲配炸蒜片 提升左牛扒既香味鹽燒厚切牛舌心(兩串) $49(美味指數: 😋😋😋😋😋)好欣賞千葉鳥既牛舌 好厚好大塊仲好香 表面燒得岩岩好 賣相非常吸引 而且入口好嫩好爽口燒雞皮(兩串) $21(美味指數: 😋😋😋😋😋)雞皮燒得好香好脆 用左少少海鹽黎調味 而且份量算多大大粒什錦魚生飯 $82(美味指數: 😋😋😋😋)好有驚喜 大大粒什錦魚生真係好大粒 比起出面餐廳大8倍 有三文魚 希靈魚 魷魚 大蝦 油甘魚 材料好豐富 好食好新鮮仲一d都唔腥😍(5分為最高)整體食物質素: 😋😋😋😋性價比:💰💰💰💰推薦指數:👍🏻👍🏻👍🏻👍🏻

星期六嘅午餐時間嚟到，餐廳已有八九成滿座，好彩兩個人都唔使等位雖然舖面睇上去好似一間小店，但係餐廳入面都幾大，目測都有4x50張枱，入面有啲梳化卡位私隱度高，適合一班朋友仔一路食一路傾星期六都有set lunch 提供,可以揀一款主食配一樣小食或者飲品，我哋叫咗一個生牛肉烏冬配薯條，一個壽司定食配蟹子沙律，另外叫咗一份燒牛舌同埋燒菠蘿生牛肉烏冬本來見到牛嘅顏色以為應該煮到好熟好un 但食落非常之嫩，咬落有肉汁亦都有牛肉香味👍🏻鹽燒牛舌本人最愛嘅牛舌，好好味，牛舌表面燒到少少焦脆，但係又唔會好乾，牛舌本身都厚身，咬落牛舌入面好腍，冇太多嘅調味但係有啲海鹽喺面，已經好好味燒菠蘿同平時食到嘅燒菠蘿差唔多，特別嘅係佢會配咗話梅粉，話梅粉會令到菠蘿嘅甜味更加突出啲壽司定食壽司上的刺身都算新鮮，每嚿壽司飯本身算細嚿，最有驚喜嘅係吞拿魚茸卷，卷入邊包左啲天婦羅脆脆，令口感有層次，先會食到吞拿魚茸嘅油香跟住食到炸物脆脆嘅香脆