十里洋場 (裝修中)

今日同事升職請食飯🎉 揀左去十里洋場 見到有幾款餸上次無試過 今次就試下啦迷你冬瓜盅 一人一個好足料 夏天消暑必選仲有女兒紅醉龍蝦 醉蝦醉蟹就食過 但醉龍蝦就真係第一次 一個字！ 好好食😂再嚟 六月黃！唔好睇佢細細隻 都好多膏 海鮮餐唔少得條魚 陳皮蒸花金鼓肉質鮮嫩菜就叫左個鹹肉青菜 最後甜品都係叫左個椰汁小玉兔好滿足既一餐😋

呢一間中菜廳最吸引到我嘅一定係佢哋個下午茶套餐嘅竹籠🫖包咗七款小食 真係超豐富 賣相好靚 中式嘅下午茶真係第一次食💓最鍾意就係佢個脆皮煙燻BB鴿 燒到外皮勁香脆 肉質嫩滑又Juicy✨

🇭🇰十里洋場·淮揚美點龍蝦手工麵下午茶套餐$288 for two佢呢個竹籠我好耐之前見有人share就即刻bookmark左架啦 不過近排好似無咩人講佢 我就唔記得咗佢😂😂直至近排因為天氣實在太熱 我哋禮拜六日無咩特別既行程 所以就嚟咗呢度佢個tea 佢本身其實$288一位嘅 不過依家做緊買一送一所以超抵🤑·脆皮煙燻BB鴿 l 女兒紅醉雞 l麻辣順風 l 三色醃蘿蔔 l 黑松露珍珠燻溏心蛋 l 水晶肴肉 l 四喜烤麩佢個竹籠真係好靚 而且佢啲小食都比我想像中好味好多😈😈尤其係佢個bb鴿係真係燒到好脆 熱辣辣 勁多肉 而且中間超級juicy 中間仲係有少少粉嫩咁 做得超級出色🐦🤤之後佢個醉雞個花雕味都好香 而且個雞肉都好嫩 不過呢個份量就少啲🤣之後個麻辣順風口感都好好 而且調味唔錯 個溏心蛋都好濃黑松露味 不過佢就唔算好溏心 之後最後個四喜烤麩我自己就覺得麻麻 因為佢好似煮得太耐 所以食落有啲太鹹🙊·龍蝦上海手工麵之後佢個龍蝦超大隻 而且啖啖肉 龍蝦味都好夠 我哋一食完即刻覺得個餐再抵左🦞😂😂之後佢個鮮肉雲吞個皮都好薄 而且個肉餡調得唔錯 幾有驚喜🥟同埋佢個手工麵都真係手工 好有彈性

「十里洋場」個名相當有氣派！貴價野在銅鑼灣利園二期二樓商場，出左銅鑼灣希慎廣場F出口，向前靠左見到屈臣氏，隔離入口，非常就腳。位於商場角落頭，入口較黑，進入嘅時候甚至感到漆黑一片，幸好有帶位，經過兩個大圓門口入到正廳⋯⋯安排我地三個女子坐卡位，尚算不錯。雖然侍應好多，好殷勤招待，但係我覺得如果茶壺下邊有個熱爐仔，會更貼心，因為啲茶好快凍！我有比較喜歡滾水茶。因為會員關係，今次商務午餐$398推廣係買一送一，三人叫一個餐再加左兩樣野，都算ok 夠！食物方面，質素系五星的，唯一吾好叫「炒鱔糊」吾新鮮！其他都好味，特別要讚吓鐵板小籠包同埋黑豆腐花，好有特色。個鐵板小籠包係鐵板上枱，煎燶咗包底，肉質保存住，食嘅時候我好細口，好小心，因為超盪咀。一桶嘅豆腐花夠三個人食，飯後甜品，好完美！如果我嫌貴又可以坐得耐啲傾偈嘅算係唔錯嘅選擇⋯⋯因為話90分鐘但都冇趕我哋走，可能平日關系😂😂😂😂😂最後我想講嗰啲侍應唔使跟得咁貼，有啲催趕嘅感覺，不過我朋友係VIP，佢話係咁嘅，大家唔使理佢

自第五波疫情後，第一次和親友聚餐，選擇了十里洋場。由於menu有點複雜，大家用了半小時才決定到食商務午市套餐裡面什麼菜式。同時侍應也推介成為1957&Co的會員，可免一人的套餐價錢，而且手續是免費的，因此即時加入。以套餐來說，食物種類很多，份量也適中，只是味道偏鹹，反而炒飯卻無味。甜品是芝麻湯丸，但落了很多薑，所以很辣，不易入口。最後埋單時，侍應卻忘記因為我做了會員而可以免費一位，結果收多了錢，要待我第二天查單時才發現，我馬上WhatsApp餐廳，而他們也很快回覆並答應將錢退回我的信用卡。

好耐之前食過依間上海野, 完全比師傅驚艷到～前排再去番水準大不如前 🥲 係利園坐得好舒服, 但係退步左既質素加進取既價錢真係cp值唔高… 短期內唔會再試✅ 仍keep到水準既菜式-茶燻蛋茶燻味好重, 用既蛋高質 蛋味香濃！-水晶餚肉豬皮同蹄肉比例岩岩好～晶瑩剔透食唔停口！➡️ CP值低菜式小籠包湯唔夠熱唔夠鮮味, 皮唔夠薄. 獅子頭好普通, 鱔糊唔夠香唔夠肥美個荷葉飯味道算唔錯, 不過實物同menu相都差幾遠🦁️ 十里洋場 地址｜銅鑼灣恩平道28號利園二期1樓101號舖人均消費｜lunch都食左近$400/head -.-

呢間餐廳寫名是少鹽少糖，感覺上比較健康所以就黎試一試😋我就一早book定位，當日餐廳都唔full嘅，門口十分古色古香一開始見到呢個set好抵食咁，但我地無匯豐信用卡，所以最後我地單點坐低左就有前菜比我地，但前菜呢3款食物都麻麻地蟹肉冬茸羹 $88-味道淡淡地，食落少少蟹肉味海參酸辣湯 $72-呢一隻酸味唔會酸到喉嚨唔舒服，都好好食雞絲粉皮 $98-雞肉食落好‘林’身，粉皮爽口加埋麻醬一齊食正回鍋肉 $138- 呢個就麻麻地，菜唔夠香辣，肉炸到似豬油渣，可能係少鹽嘅關係我就唔建議大家叫呢個蘆筍海參炒帶子 $278-呢個極力推介比大家，淡味得黎好好食，帶子炸完再炆食落更加好食，海參爽口彈牙少鹽少糖黎講呢間都算好出色，會再黎食😋另外一提餐廳服務超級好

.🦞淮揚美點龍蝦手工麵下午茶🌟買一送一優惠 兩位連茶芥加一$411🐦燒乳鴿乳鴿要食先，熱辣辣而且皮好脆👍🏻餐廳仲好貼心提供手套🥢四喜烤麩味道太淡☹️如果可以甜翻D會更好🍶女兒紅醉雞用既係雞胸部位，但肉質都唔會柴，有酒味😋🥚黑松露燻蛋食到煙燻味，面頭既黑松露令味道唔會寡淡，好食🧡🦞龍蝦手工麵龍蝦好新鮮，蝦頭仲有膏🤤入面既薺菜雲吞餡料好足🥟麵質彈牙，唔會浸耐左就變腍，如果大食既仲可以免費加麵！全部食物既味道都唔錯，但整體調味偏淡。餐廳既環境好有格調，座位寬敞，坐得好舒服😊播既音樂係懷舊老上海歌🎵職員態度友善，會主動問你有咩需要或者對食物有咩意見🙋🏻‍♀️總括而言係一次幾好既用餐體驗

今次係第二次嚟十里洋場，上次晚飯時間嚟，覺得食物同服務質素都幾好，所以琴日約朋友出銅鑼灣食lunch，便打算再嚟，果然有啲嘢真係「可一不可再！」唔知係唔係午市同晚市嘅staff不同，今次lunch嚟，我只能夠講，服務同收費不成正比，但始終這純屬個人感覺，所以我也不多作評論，你有興趣嘅話，便自己去試吓吧。琴日我哋三個人，分別叫咗….香蔥雞半隻 : 雞肉好滑，味道不錯蜜汁脆黃鱔：汁有點過甜酥炸鳯尾魚：原來係將炸過嘅鳯尾魚，再加上糖醋汁，但味道同”蜜汁脆黃鱔”個味超似，而且都係過甜。如果想食類似嘅小食，個人建議「鳯尾魚」同「脆黃鱔」二選一就得了，因為真係差唔多味。金牌小籠包：小籠包算係今餐最好的，皮也算簿，肉汁也不算肥膩。但畢竟主打淮揚菜，小籠包做得好是基本的。脆煎灌湯小籠包：應該是因為煎的原故，皮做得比蒸的厚，油腻感一定比蒸的多了點，但個人覺得也不錯，而且上枱時跟鐵板一齊上，食時要小心肉湯燙咀。黑金流沙包：好明顯係”來貨”, 唔係師傅自製。而且包蒸得唔夠熱香芒金豬 Mango Pudding Piggy 2件/ $48 ：呢個真係 ”伏” 到不能再”伏”，佢個味根本就係羅X臣芒果啫喱粉味，

佢有好多套餐都買一送一，之前食過晚市都啱心水，今次專登嚟食晏，叫咗個商務午市套餐，又係匯豐卡或者會員都係買一送一，點心就一般般啦，我哋揀咗一個蟹肉羹，一個酸辣湯，兩者比較蟹肉羹優勝，酸辣湯味道平庸，唔酸又唔辣，主菜就叫咗紅燒獅子頭同炒鱔糊，紅燒獅子頭我嫌佢啲肉唔夠鬆化，有啲乾，無咩肉汁，炒鱔糊正喎，肥大肉厚好紮實，炒得又夠味，另外一人一碗炒飯，可能啲鹽最後加，唔炒均，一碗正常，另一碗就好鹹，最敗筆就係個甜品數量，湯圓唔應該比一粒，唔好意頭，大方啲，一人兩粒，湯圓遇意好意頭，點可以比單數，我哋張兩碗每人一粒湯圓放埋一齊，但個芝麻湯圓好出色，皮薄餡靚，一咬開啲芝麻湧出來真係不得了。仲有好多嘢食未試，下次再試埋個煙燻雞蛋。

試過1957集團「權八」及「安南」出色嘅下午茶後，今日繼續試佢名下另一間「十里洋場」嘅淮揚美點龍蝦手工麵下午茶，$288一位買一送一，單睇價錢已經好吸引，加上之前唔錯嘅體驗，今次同樣充滿期待😚同樣位於利園商場，裝修仍然雅致，用餐環境非常舒適👍今日我哋專程過嚟試其下午茶，菜單非常豐富，每人包括有淮揚小品點心、半隻乳鴿、一碗半邊龍蝦手工麵及一杯飲品，以$288買一送一計，已經冇得輸😱落完單後，八卦望下其他餐牌，竟然發現有幾款酒仲做緊promotion ，一支VCP香檳只係$398，如果大家有飲開香檳，都知道超市價都差唔多要$350，而家餐廳堂食賣$398，真係超抵，所以即刻開一枝開心吓🤣下午茶未正式開始前，餐廳有提供小吃，分别有豆腐粒云耳、豬耳菜青粒及茄子，三款味道正正常常👍🔻淮揚小品➕脆皮煙燻bb乳鴿擺盤幾得意，每兩人一籠，裡面有七個淮揚小吃包括女兒紅醉雞、水晶肴肉、麻辣順風、三色醃蘿蔔、四喜烤麩、黑松露珍珠燻糖心蛋及一隻乳鴿，每款小吃味道都幾好，其中幾款個人特別喜歡，如用女兒紅浸嘅醉雞，酒味好香濃；糖心蛋上面嘅黑松露味好香；而烤麩嘅醬汁味道亦好厚；最後個bb 乳鴿當然亦唔錯😋🔻龍蝦上海

位於銅鑼灣利園既餐廳，環境很好，係一個打卡既好地方📸見到有個下午茶茶，價錢$338，茶錢每人$20，前菜$20💰前菜3要前菜都好好食，酸酸地好開胃兩個大籠裝住好吸睛👀同朋友仔影咗唔少相📸醉雞個雞好淋，入味水晶肴肉有冇人同我一樣都係好鐘意食水晶肴肉？呢間就不過不失😀黑松露溏心蛋真心好重煙燻味，溏心蛋流心，凍食好正👍🏻脆皮煙燻乳鴿忍唔住要用手撕出黎，香脆可口！酸辣湯不過不失，食完就夠飽😆

今日來到銅鑼灣利園二期一嚐呢間以上海菜聞名嘅十里洋場！見佢宜家做緊下午茶優惠，當然要試吓啦！😋🔸淮揚小品：👉🏻醉雞-呢個醉雞係成個小品最出色嘅，非常入味，醉得恰到好處！👉🏻水晶肴肉-普普通通👉🏻烤麩-實不相瞞，我覺得我屋企整嘅好味啲😅👉🏻麻辣豬耳-不過不失👉🏻醃蘿蔔-前菜嗰款醃菜好味啲👉🏻黑松露溏心蛋-好重煙燻味，溏心蛋都好滑好香評分：6/10🔸脆皮煙燻乳鴿好好味呀！熱辣辣，脆卜卜，仲有肉汁！👍🏻評分：8/10👍🏻🔸龍蝦雲吞手工麵個湯底勁重龍蝦味😋麵底彈性剛好！龍蝦🦞肉新鮮有鮮味！雲吞菜肉比例好，有上湯肉汁，不過略嫌肥肉多左少少。成個麵有齒頰留香嘅味道！評分：8/10👍🏻每人仲有一杯飲品，我地叫左紅棗桂圓杞子茶，不過太甜了，我沖左三次熱水，先覺得甜度剛好。總括嚟講，成個下午茶都好高質素，招呼亦非常好。不過，茶就不夠好，唔夠香濃。下次可以再黎試下佢嘅點心同其他小菜！評分：7.5/10👍🏻價錢：💰$288/2位，加每位茶芥$20及餐前小菜$20

一聲令下，六點後大家唯有乖乖地一係外賣，一係返屋企開餐，主攻晚市的食肆真係喊得一句句。退一步，6點前的下午茶或early dinner又再度成了主戰場。早近一年前，十里洋場已經多次出招攻佔下午茶時段，不單有新意，仲似乎越來越抵食。最新的「淮揚美點龍蝦手工麵下午茶套餐」，供應時間每日下午3時至6時，雖說$288/位，但有一送一優惠，連埋正價加一茶芥，人均都係$210有找，性價比相當高，又係時候同大家解構下。小食基本上沿用之前的下午茶概念，但主食部分作出了調整，例如碗麵就由雪菜肉絲麵幾何級躍升至龍蝦手工麵。淮揚小品凍凍地既女兒紅醉雞，皮爽肉嫩，酒香輕盈。水晶肴肉邊位晶瑩剔透，肉味鮮香。麻辣順風滷水豬耳切得極薄，咬落脆口，有少許麻辣，好惹味。三色醃蘿蔔口感酸爽，正好用來清清味蕾。四喜烤麩烤麩軟綿入味，四喜的花生、木耳、金菇及筍片份量啱啱好。黑松露珍珠燻溏心蛋溏心處理得相當好，煙燻味亦輕柔，加入黑松露珍珠令色彩不會單調，不錯。脆皮煙燻BB鴿（每位半隻）又係一定要保留既菜色，鴿皮燻得好香脆，肉質保持幼嫩食完就連手指都有陣煙燻味。龍蝦上海手工麵（龍蝦半隻、薺菜鮮肉雲吞兩粒）原隻新鮮龍蝦開邊，所以要

【#肥波hightea系列】🎈Boxing day陪下屋企人，去左銅鑼灣high tea。相對西式high tea，屋企人更prefer中式。十里洋場呢個tea set其實出左好耐，終於同到媽咪黎試下，很不錯呢😆🎈Tea Set 包左每人十款點心，半隻乳鴿同自選一款熱食🍲點心方面我覺得上海烤麩幾好食，個汁甜甜地，好入味；乳鴿熱辣辣，雖然食到有啲倫盡，不過都好食嘅😋另外就係有件鮑魚火腿酥都做得幾好，好酥脆👍🏻🎈熱食我同媽咪揀左酸辣雲吞，一碗兩隻，皮有少少厚不過都ok，酸辣湯就比較辣，胡椒粉落得比較重手左啲🍲湯包我見到大大隻都幾吸引架，而且都真係充滿湯汁，因為我見家姐姐夫飲左啲湯好耐先飲完，哈哈😆🎈餐飲我揀桂圓紅棗茶，好濃好好飲🫖屋企人就揀左楊枝甘露，佢地話好足料，杰撻撻好rich嘅texture，但味道唔算好甜，都幾好🍹🎈整體用餐感覺都幾好，職員服務態度亦都不錯，幾有禮貌🎄💵 $338/2位，前菜小食$20，茶錢$20/位，另收加一📍 十里洋場 @10shanghai 📍 銅鑼灣恩平道28號利園二期1樓101號舖#十里洋場 #十里洋場淮揚下午茶 #下午茶 #中式下午茶 #hightea