十和田 (已結業)

去完日本旅行，對日本的美食念念不忘，趁還放假中，天氣又炎熱，今晚就來到mikiki 的十和田來吃頓晚飯吧！十和田裝修以木色為主，感覺很清新，座位比尖沙咀本店舒適。自己用ipad 落單，可邊吃邊點，即叫即製。日本蕃茄沙律（胡麻醬）$58日本蕃茄多汁鮮甜，而沙律菜也很新鮮，拌入胡麻醬，開胃又清新，是一道不錯的沙律前菜。海鮮丼 $198海鮮丼賣相相當誘人，舖上滿滿的魚生刺身。飯加入了赤醋，所以飯是呈現咖啡色，這是傳統的日本壽司的做法，這樣在配搭魚生吃時，讓味道更突出。油甘魚，帶子，赤蝦及三文魚子等都很鮮甜，海膽更是入口即溶，讓人難忘。還有大大球的香蔥吞拿魚腩蓉，份量相當有睇頭。火灸牛肉赤蝦卷$108牛肉燒得剛好，入口有牛肉香味且軟稔。加入了赤蝦,增添了鮮味和口感。牛油果及鰻魚壽司牛肉果加入wasabi 來吃就口感如吃三文魚一樣，香滑無比。厚切鰻魚，燒得帶點微微的焦香，十分肥美。完熟桃子梳打 $38桃味一般，都可一試。豆腐雪糕 $18香濃的豆腐味，甜度恰到好處，又香又滑，還有椰果，好味啊！總的來說，十和田的食物質素不錯，環境也舒適，可以在這裡慢慢的享受晚餐。

想食一餐好的不是必然，有些標榜有幾多粒車軚人星星也不外如是，對我來說，重點是我有沒有渴望或慾望心思思久不久就想去食佢一餐。講真，香港地嘅餐廳食肆有如繁星，有好有唔好，之前朋友介紹佢係尖沙咀試過一間叫【十和田】既日式餐廳係高質，見佢有間分店係Mikiki，即刻同朋友去試一試。.新蒲崗區，比較地道風也味重，同Mikiki既感覺都幾有差別，【十和田】既門面開揚，我呢個鍾數可能太早了所以唔洗排隊可以順利入座，人流未係時候出現。店內裝修簡約，普遍跟日本食堂式餐廳一樣都係用木色主打，竹支亦算是新既元素，環境都幾闊落，如果下午到來相信有埋自然光照進來會特別舒服喔。因為落地大玻璃永遠對我來說都是非常吸引的。.平均一張張 4至 6 人枱，有少量卡座及吧枱位置，近距離觀賞食物製作過程。睇睇有咩食既時候發現係用平板電腦落單，概環保又方便，隨意加單，圖片多多，分類又仔細，最Buy環保。♻️🔹火灸帆立貝 $28刺身受火槍洗禮之後釋放出甘香既油脂，燒完後鮮味不減 ，火灸過的帆立貝,比起生的帆立貝多了一層煙韌的口感,但又和全熟的帆立貝質感不同。🔹火灸左口邊魚裙邊 $64火灸魚邊是比較可口的, 左口魚邊一向是我最愛的其

今日係新蒲崗附近做完野，諗住近近哋喺mikiki食埋晚飯先返屋企。一入到個商場就見到十和田， 見佢冇乜人就入咗去。用ipad落單，幾方便👍🏼超特選壽司拼盤（10件壽司+1件玉子+2件吞拿魚蓉手卷） $298 仲包埋蒸蛋同麵豉湯我自己就覺得覺得幾抵，因為佢一件海膽壽司都成四十幾蚊件松葉蟹腳壽司 有蟹嘅鮮甜味 係真蟹腳赤蝦壽司 隻蝦好creamy 入口啖啖蝦味超長海鰻壽司 長過隻手指 幾有睇麵豉湯有時啲餐廳整到好咸，但呢度唔會，而且好似飲到有啲蘿蔔嘅清甜味 正😋海鮮丼 $198 啲海鮮同壽司拼盤嘅差唔多，飯係有色飯，但唔會咸海鮮丼同壽司拼盤都有大大舊吞拿魚蓉 雖然味道都幾好 但真係太大pat😂海膽份量都算多 而且味道清甜 食得出應該係新鮮嘅呢個魚好厚肉 無腥味總括嚟講都抵食，唔會令人失望嘅質素，而且坐得舒服，人唔多唔駛趕住食👍🏼

今日同阿媽都想食日本野，食生野一定要揀間食材新鮮噶，所以我地入黎十和田食好野！呢到位於商場入面，食完仲可以行陣街添，坐得好舒適，侍應安排我地坐卡位，用ipad點餐，非常方便！無論壽司、刺身定熟食，選擇都好多！我地都好肚餓，所以點左好多野食。芥辣八爪魚：新鮮彈牙的八爪魚粒和鹹香的配菜，少少芥辣味，好開胃！三文魚三味：三種不同食法，加上芥末或薑蓉更能帶出三文魚的鮮味，火炙三文魚，燒熱既魚油，香噴噴！點了媽咪最愛的海鰻卷：肥嫩的鰻魚放在卷物面上，卷物內包了蛋同青瓜，醮上鰻魚燒汁，食多幾件都唔覺得膩！明太子雞翼：無骨雞翼，唔使食到醜態畢露，有香脆表皮，裏面有少少辣嘅明太子，十分惹味！火炙牛肉湯烏冬：牛肉大大塊，手打烏冬煙煙韌韌，好有嚼口！還有昆布、娃娃菜等配料。火炙魚飯（秋季限定）：有蝦、魚丶帶子，用料十足，又新鮮！海膽蒸膽：味道甘甜，只比普通蒸蛋貴$10，但就可以嚐倒獨一無二的鮮味，絕對超值。最後，緊係要有個甜品作結先完滿，我地叫左豆腐雪糕和芝士雪糕，雪糕又滑又香，配上蒟蒻一齊食，口感一流！仲有其他口味選擇添！食了非常滿足的一餐！

在工貿大廈睇完人哋拍戲就到mikiki找間食肆食晚飯，發覺這間十和田比尖沙咀總店更加大，而且座位都闊，感覺更加舒服。燒明太子雞翼是我的最愛小吃，雞翼燒得香味十足，中間包着的明太子有口感又辣辣地。鯛魚湯平常不太多日本餐廳供應，魚湯很有新鮮的魚味，又不至於很腥，夾埋軟豆腐，超正！三文魚親子丼三文魚一舊舊方形，咬落肥美，中間還有三文魚子，兩款口感和味道交替。火炙三文魚和火炙帆立貝端上來還有燒香的油脂味道！三件素食壽司都幾有特色，特別是牛油果和冬菇不常見。吉列炸蝦卷加了青瓜口感不太夾，我都是喜歡只有炸蝦天婦羅在中間。完熟桃子梳打桃的味道很重！配煎炸嘢食一流！食物不錯，用iPad落單都非常方便，希望有多啲分店在其他地方開張。

上星期日放假，仲同阿媽嚟咗新蒲崗呢一度食壽司，順便黎行下商場。我哋揀咗呢一間十和田，可能早嚟嘅關係所以冇咩人，裏面嘅環境都幾闊落。首先我地點左一個吞拿魚壽司拼盤$298。裏面有大拖羅，中拖羅，赤身，同埋小卷，二壽司飯係用醬油葉過，帶有微微嘅醬油味但係唔會太咸。一個拼盤就可以試晒咁多種拖羅，大拖羅鮮粉紅色，油脂分布好均勻，令到佢一嚿嚿肉分開咗，非常之肥美嫩滑。中拖羅都差唔多。赤身就味濃。之後就試呢一款小肌$44 ，外表好靚，有反光嘅銀色皮， 食落味道就好似沙甸魚。見有啲口渴就叫咗一杯颶風提子乳酸$26， 顏色幾吸引之後就叫左兩件烏貝壽司$76，同埋堅魚壽司$20。烏貝好彈牙新鮮，堅魚肉質比較林同埋都係帶一陣沙甸魚嘅味道，味道都幾濃郁。之後就叫左呢個吉列生蠔$38，呢個幾好食，裏面隻生蠔好鮮味， 得四隻真係唔係好夠。見你係咁飽肚就叫多咗兩件八爪魚壽司$56，佢嘅質感似魷魚，都幾新鮮。

My families and I went to a Japanese restaurant called ”TOWADA SUSHI” (十和田）located inShop G27, G/F, Mikiki, 638 Prince Edward Road East, San Po Kong新蒲崗太子道東638號Mikiki地下G27號舖.The entire restaurant is decorated in light, warmth wooden panels and furnitures with characteristic antler chandeliers!!There is a long sushi bar on the left hand site of the restaurant.The restaurant adopted the electronic placing order system!!..Customers can order food by themselves.The tablet will show what had you order

可以帶物入內嘅商場十隻手指都數得哂Mikiki 係其中一個仲可以放狗落地行嘅商場Shopping完就諗住嚟個輕食點知....叫到一枱都係貝類同魚類刺糾結咗好耐最後決定兩樣都叫鯛魚剌身都幾厚身不過我個人喜歡赤貝多D赤貝超爽口好新鮮唔通係即叫即開？火炙左口魚邊壽司經過炙燒後左囗魚嘅油份的晒出嚟令整件壽司更香更滑不得不提飯不是普通百米又不是壽司醋飯而是赤醋飯所以酸味欠奉燒明太子雞翼亦是不容錯過的雞肉外脆内嫩明太子帶少少辣口感滿足試三色丼係我令次食十和田嘅原因包括香蔥吞拿魚腩丼、海膽丼同蟹膏蟹肉丼貪心嘅人嘅首選唔好睇小依三個配搭以為份量好細我覺得份量飽過一個丼飯而材料份量比飯更多
海膽creamy夠鮮甜吞拿魚腩蓉肥美鮮味份量也是最多的帶點油香令人十分飽肚蟹膏蟹肉丼是最好吃的一款味道濃而且口感豐富蟹膏香蟹肉多這樣濃味我留待最後才吃 朋友叫了北海道帆立貝松葉蟹丼
帆立貝刺身好厚身而且有厚厚的三片值回票價配合魚子和松葉蟹每一啖都可以配上蟹肉

之前見到十和田喺尖沙咀有間分店，今次星期日晚黎到新蒲崗都見到分店就入咗嚟食晚餐。呢度係用平板電腦點餐，餐牌全部喺度show哂出嚟，撳個掣就叫到嘢食好方便。落好單了～點左個超特選壽司拼盤，配一碗麵豉湯同埋一碗蒸蛋，蒸蛋好足料，有菇、魚蛋等配料。超特選壽司拼盤有好多款式，當中鰻魚好大條，其他海鮮都好新鮮，海膽鮮甜～另外叫咗兩份三文魚三味壽司，有三文魚、魚腩、火炙三文魚，三文魚好肥美，火炙燒過嘅亦都好香口。另外叫左一件火炙中吞拿魚腩，超級肥美，口感一流。食完壽司，有一碗火炙魚生飯，全部魚生都用火燒過，特別香口惹味～

今天和老公新蒲崗Mikik商場購物，天氣很熱啊！到了傍晚時分，他提議係商場裡「十和田」食日式料理後才回家。👏進入店內，簡約木系日式風格，地方整潔，坐得很舒服。😌還設有吧枱座位，可以近距離觀賞食物製作過程。👍👍下單運作，餐廳設有電子屏幕顯示點食物，既方便又環保。♻️《三文魚刺身》＄48《凡立貝刺身》＄78急不及待品嚐，刺身很新鮮肥美，三文魚和凡立貝味道鮮甜美味。😋《牡丹蝦刺身》＄58牡丹蝦很大隻，咬落鮮甜爽口，豐富蝦膏，是絕佳美味。😋《燒明太子雞翼》＄38雞翼焦香脆外皮，香脆可口，雞肉都能保持肉汁，釀了明太子的鹹香海味，味道一流。😋《吉列生蠔》＄38熱騰騰，炸到脆卜卜，非常香口😋《鰻魚飯》＄98鰻魚好厚肉，焦香味濃郁，爽口彈牙，飯軟硬度剛剛好😋😋《火炙牛肉湯烏冬》＄88牛肉嫩滑，烏冬滑溜又彈牙，清清淡淡湯底味道不太鹹😋《黑芝麻雪糕＆海鹽雪糕》＄18🍦最後吃埋雪糕，大滿足的一餐日式料理😍😍

如果行開呢個商場，又比我發現多了間日式店舖，位置於商場地下，一乘扶手電梯就到，地方寬敞，有排大大嘅落地玻璃位置，極之開陽，而兩旁亦有舒適卡位，當然人多就要等店員安排，今日就點了個人氣嘅三色丼$178，除此之外亦點了個超特選壽司拼盤$298，有湯及蒸蛋，最快就係個湯同蒸蛋，味噌湯先濕濕口，加埋個好滑嘅蒸蛋，之後就係份超特選壽司，感覺就好似去了日本嘅美登利咁，一個set，有不同款式嘅壽司，用料十和，有鮮甜海膽嘅海膽壽司、又有原條穴子、雪場蟹腳等呢啲高質素食材，超新鮮！而個三色丼，就係另一個延續，由蟹膏加埋滿滿嘅蟹肉丼開始，個陣濃郁嘅蟹膏味配埋蟹肉嘅鮮甜真係令人回味，而中間有最愛嘅海膽，味道鮮甜，真係差不多有半板海膽，當刺身吃都可以！最後嘅吞拿魚蓉飯，加埋啲爽口嘅蔥絲入口十分有口感！最後加埋個豆腐雪糕，豆腐味道香濃，原全滿足到想用一個較便宜嘅價錢食度啲高質素食物！呢間店同佢嘅另一間嘅分店都一樣咁好味！

原來Mikki開了十和田，之前食過尖沙咀分店很不錯。地理位置雖然不及尖沙咀方便，但環境我覺得MIKKI分店比較好，地方比較闊落，2個人都可以安排到卡位，坐得比較舒服。用平板電腦自己落單，十分方便，壽司分類清晰，款式多。平時壽司店多數供應三文魚湯，但這裡就有鯛魚湯，煲得奶白色的，很鮮甜，配上豆腐粒及昆布。蒸蛋有嗚門卷，蟹柳及冬菇，蛋味濃的，但蒸比較老身了一點。我們選了海貝壽司併盤，這個併盤會隨季節性轉換。一個併盤有8 款壽司，有象拔蚌，烏貝，北寄貝，凡立貝，赤貝，平貝，粒貝及鮑魚，肉質鮮甜爽口，烏貝及平貝都是比較少食，凡立貝厚身大粒。點一個併盤比散叫更為抵食。三文魚子軍艦，粒粒三文魚子晶瑩透明，鮮甜不腥，最重要是紫菜夠脆口。白魚中我最鍾意油甘魚，魚質肥美甘香。吉烈炸蝦卷，吉烈蝦卷仍然暖身脆口，應該是即點即做的，配上滿滿爆口感的蟹子。玉子手卷及吞拿魚細卷都是欣賞他們的紫菜是脆的。這裡的壽司飯已一早調好味，所以不用點醬油都夠味的。

月前在尖沙咀吃過總店的丼飯，覺得美味可口，價錢適中。今晚便到位於譽港灣的分店再吃。海鮮丼$198內有海膽、三文魚子、帶子、吞拿魚腩蓉、甜蝦、間八魚、玉子，刺身新鮮，爽口美味。其中以海膽和甜蝦最可口。如果一個人吃，份量肯定好足夠。香蔥吞拿魚腩丼$118吞拿魚腩肉的份量十分之多，味道鮮甜，加上芝麻、蔥花和赤醋飯，吃完都不會感覺肥膩，是丼飯的必然選擇。海膽軍艦$48以北海道馬糞海膽製造，味道比較鮮甜，不用點任何醬汁，已經非常美味可口，是海膽控必選。油金魚刺身$68油甘魚的刺身，味道濃郁，十分鮮甜，結果追加一份，味道仍然這樣好。

在十和田於尖沙咀新開張初時，有幾次經過門前窺看餐廳內都坐滿食客，結果一次又一次跟十和田相遇再錯過。直到今次想去新蒲崗的享樂烘焙買麵包再到Mikiki晚飯才發現十和田已經開分店了! 今次終於與十和田來一次約會。餐廳跟尖沙咀的裝飾一樣，燈光和亮、座位格局比尖沙咀店更加寬敞。每台一部電子版落單。點了明太子沙律($48)，原來是沙律醬跟爽脆的明太子粒混和一起的沙律，跟想像中的有出入。不過，吃下去滿滿的爽脆口感很過癮，作為開胃菜就最適合不過，愈吃愈餓，準備好吃主菜了。炸雞件率先上菜，雞件新鮮炸起熱騰騰，表面香脆內裡的雞肉嫩滑帶肉汁。廚師特選壽司(配湯、蒸蛋)($368)，總共14件壽司加玉子、湯和蒸蛋，一人前的話又未免太豐富，所以兩人用的話再加其他壽司或小食就剛剛好! 兩件份量十足的加州卷、海鰻、鮮蟹棒、赤海蝦、海膽、三文魚籽、鮟鱇、蟹米、拖羅、油甘、吞拿魚、八爪魚、螺片跟玉子。當中吞拿魚、海膽和拖羅印象最深刻美味。三色丼($168)，以吞拿魚蓉、海膽和蟹肉蟹膏三杯並排而立的就最馳名，當初看到Ig瘋狂洗版就是這三杯了。今次一嘗，三杯的份量都很多。當中以吞拿魚蓉、海膽配搭醋飯就最深得我心。吞拿魚蓉