十和田 (已結業)

如果行開呢個商場，又比我發現多了間日式店舖，位置於商場地下，一乘扶手電梯就到，地方寬敞，有排大大嘅落地玻璃位置，極之開陽，而兩旁亦有舒適卡位，當然人多就要等店員安排，今日就點了個人氣嘅三色丼$178，除此之外亦點了個超特選壽司拼盤$298，有湯及蒸蛋，最快就係個湯同蒸蛋，味噌湯先濕濕口，加埋個好滑嘅蒸蛋，之後就係份超特選壽司，感覺就好似去了日本嘅美登利咁，一個set，有不同款式嘅壽司，用料十和，有鮮甜海膽嘅海膽壽司、又有原條穴子、雪場蟹腳等呢啲高質素食材，超新鮮！而個三色丼，就係另一個延續，由蟹膏加埋滿滿嘅蟹肉丼開始，個陣濃郁嘅蟹膏味配埋蟹肉嘅鮮甜真係令人回味，而中間有最愛嘅海膽，味道鮮甜，真係差不多有半板海膽，當刺身吃都可以！最後嘅吞拿魚蓉飯，加埋啲爽口嘅蔥絲入口十分有口感！最後加埋個豆腐雪糕，豆腐味道香濃，原全滿足到想用一個較便宜嘅價錢食度啲高質素食物！呢間店同佢嘅另一間嘅分店都一樣咁好味！