十八夢

营业中

休息中

_____好味指數：🌟🌟🌟🌟🌟抵食指數：🤑🤑🤑🤑🤑「十八夢」係好有詩意嘅名，本來以為係一間中式餐廳，原來係一間緊貼潮流嘅新派菜✨餐廳裝修豪華舒適，店內設有9米巨型LED螢幕配合現場表演🎸菜式以傳統法國菜為基礎再添加唔同元素例如日式，好適合節日或者同朋友嚟慶祝🎉✅松葉蟹肉水菜米紙卷擺盤好靚，6件米紙卷其實都有些微分別，例如前兩舊有七彩脆脆🌈後兩件有長身啲嘅水菜，細心得嚟又令米紙卷口感有層次感😋後面嘅辛口醬有少少似mustard，不過更綿滑，配埋一齊食唔洗點鼓油都已經夠惹味✅法國青口熱辣辣上菜🔥青口唔會好大隻，方便食同肉質夠鮮，而且每隻都好細嫩同無腥味，前事準備一定下咗好多功夫🧑🏼‍🍳配埋creamy嘅香草忌廉汁令青口更加鮮甜✅油封法國鴨髀成道都好有心思嘅菜式，油封好需要花時間，要將鴨髀浸係油脂至少兩三日先足夠⏰再煎香後鴨皮酥脆，鴨肉柔嫩鮮美🦆配上日式梅子醬同紅酒燒汁，清甜同濃郁兩種味道交替刺激味蕾👅配料亦非常用心，首先有用魚湯做嘅蔬菜果涼，味道清新🌿再有薯仔千層派，鬆脆得嚟又軟熟🥔仲有芝士果種細綿，好好食！

♨️Meta Stages 十八夢銅鑼灣登龍街18號 V Point 6樓💜有一大個舞台既西日fusion餐廳，擺盤精緻，食物普通，氣氛唔錯環境幾靚，員工有禮，如果食物可以更上一層樓會更好🤣🔷西京燒銀鱈魚定食日式定食前菜個蒸蛋好難食好核突，銀鱈魚夠滑夠香細份咗D，啲飯硬咗少少同唔夠熱🔷西班牙黑毛豬鞍架伴蘋果蓉及紅酒西餐前菜個湯完全冇味，蟹肉沙律好得，個包就咁整脆佢就算牛油都冇一滴，豬鞍唔Juicy好鞋但較大份，杯咖啡好難飲食物：7.5/10抵食：7.5/10環境：8/10

嚟到全港首間結合NFT主題及蓺術表演的新派法日餐廳，一入去就被9米巨型LED螢幕，白色鋼琴，及華麗裝潢吸引住😍店員仲介紹佢哋嘅高級私人包廂，可以一邊品嘗美食，一邊體驗5D嘅奇幻世界🤩🤩🤩 餐廳有法日式菜式選擇，有午市及下午茶套餐松葉蟹肉海鮮丼跟三款前菜，包括香滑又蛋味香濃嘅茶碗蒸；酸酸甜甜好開胃嘅醬汁八爪魚🐙片；及新鮮爽脆沙律🥗丼飯上面有刺身及蟹腳，睇真啲，原來下面佈滿一絲絲嘅蟹肉，覆蓋成個飯，蟹肉好鮮甜，油甘魚刺身厚切多，肉質細嫩魚油味香西班牙黑毛豬鞍架伴蘋果蓉西式就跟沙律🥗及餐湯 黑毛豬鞍架好大件又厚身，切開會見到好靚嘅油花，豬肉帶點橡果香，肉味香濃而且食落軟嫩。 伴酸甜嘅蘋果蓉仲可以減膩

男朋友替我慶祝生日，特別訂了位於銅鑼灣的十八夢和我慶祝🥰 店裡環境超浪漫有氣氛，有白色的三角琴、超級大的酒櫃和LED燈牌，看到都心心眼😍蝦天婦羅定食🍤，炸得鬆脆香口，蕃薯很甜，炸蝦肉質彈牙，香噴噴好好味😋😋金目鯛一夜干定食🐠，魚肉風乾味道香醇，肉質實實的，很有咀嚼感，不錯不錯，有驚喜！香煎海鮮鯷魚醬扁意粉🍝，煎過的海鮮如鮮蝦、蜆肉、帶子都很香甜可口，鯷魚醬提升了意粉的鮮味，男朋友都大愛😍😍超級欣賞男朋友的安排，環境超級有氣氛，店員又細心，送他一百分🥰🥰

網上推介超好味餐廳，為食既我當然要黎食啦😝今次同朋友book位特別黎食西餐。我哋嗌左以下菜式😋：真材實料沙律🥗沙律唔同岀面餐廳只得一小撮同充滿空氣，有好多車厘茄、雞肉同青瓜香噴噴既香煎海鮮鯷魚醬扁意粉🍝海鮮全部都煎香哂，非常之香口惹味。不得不提個鯷魚醬，係成個意粉既精髓，令到成個意粉鮮味濃郁，正！超正既烤美國頂級牛腹肉扒伴紅酒燒汁🥩牛腹肉好頂級，烤到鎖實肉汁，一切就流哂肉汁岀黎，仲好香牛肉味，又軟腍易入口，配埋紅酒燒汁酸酸地，好惹味真係正如網上推介好好味！餐廳原來仲有日式菜食，下次要再黎試！🤗

平日放工見到好多人排隊，所以一早訂定位同屋企人食，一入餐廳見到環境好寬敞舒適🥳。前菜沙律🥗-雞肉肉質幼嫩，青瓜、沙律菜同蕃茄好新鮮，爸媽都讚好。香煎伊比利亞豬肩胛肉伴青醬及芹菜蓉🐷-豬肉煎得好甘香可口，配埋清新青醬同芹菜蓉，好醒神惹味。紙包比目魚西西里汁🐟-比目魚魚肉肉質好幼滑，爸爸大讚好鮮甜美味！松葉蟹肉海鮮丼🦀-蟹肉好香又新鮮，仲有魚子同蟹子，好有咬口，強力推薦。全家人既喜好非常不同，餐廳有唔同既菜式選擇，非常適合我地一家😍埋單每人唔洗300蚊，性價比好高！

朋友介紹係燈籠街既「十八夢」好好食，環境仲好大好正，叫左男朋友訂位星期五食😆《是日沙律》材料豐富😚，大大塊雞肉，好多蕃茄仔、青瓜同蘋果，好抵食！《烤美國頂級牛腹肉扒伴紅酒燒汁》牛肉肉質烤得岩岩好，好香口，肉質幼嫩多汁，男朋友食剩2舊俾我🙈《米蘭燉牛膝意大利飯》燉牛肉軟淋淋易入口😍，飯軟硬度岩岩好，係比較貼近香港人口味，好好味😚餐廳食物有唔同國家既菜式選擇，環境又浪漫💕，好適合拍拖食飯！

餐廳樓底好高環境好舒服💓仲有個10米長x3米高嘅LED大螢幕，播放著粉紅花花靚景🌸🌺 旁邊有部白色三角琴🎶打卡影相一流！裡面仲有個獨立房間全景投影！仲可以切換至唔同場景！欣賞著唔同景色食飯，喺人生一大樂事！夜晚個Stage仲有真人live表演！下次要嚟夜晚場先得～我哋分別叫咗一個西式同一個日式Lunch～西式Lunch：沙律 餐湯 主菜 飲品🥗沙律喺牛舌心沙律，淋咗開胃嘅黑醋，加上軟腍牛舌心，幾特別嘅沙律～🍅餐湯喺番茄湯，裡面仲有粒粒番茄蓉，配有小多士🍖輕煎伊比利亞豬鞍架﹒蘋果蓉 $268豬鞍架超大隻啊！伊比利亞豬鞍以慢煮形式，中間肉色呈粉嫩狀，肉質咬落去軟腍又彈牙～以薯角、椰菜花、三色椒作伴碟～日式Lunch：前菜 沙律 茶碗蒸 味噌湯 主菜 飲品🥗沙律喺胡麻帶子八爪魚沙律，八爪魚腿超彈牙！🍳茶碗蒸喺蟹肉絲，海鮮味十足嘅茶碗蒸，蛋好嫩滑～🥣味噌湯配蟹丼，味道唔太咸，裡面有昆布、豆腐同卷卷庄内麩～🦀松葉蟹肉海鮮丼 $328松葉蟹肉鋪滿哂成個丼🍚仲有2大隻蟹鉗、蟹籽、三文魚籽、蛋絲、油甘魚刺身及紫菜，底部用上日本珍珠米，仲有紫菜絲喺底，層次感幾豐富嘅蟹丼～☕ 飲品喺Coffee or T

網上推介銅鑼灣食日式同法式餐，人氣超高，去到見到好多人，約15分鐘入座😎，座位好闊落舒適。🐟金目鯛一夜干定食:一夜風乾即魚肉好好味，肉質緊實，味道好香口惹味，擠埋檸檬汁🍋帶岀魚既鮮味添！🐄 烤美國頂級牛腹肉扒伴紅酒燒汁牛肉肉汁濃郁，肉質嫩滑，燒汁令牛肉更惹味😋🦐香煎海鮮鯷魚醬扁意粉:海鮮鮮味十足，肉質飽滿爽口，意粉彈牙好味！🤩🐮 米蘭燉牛膝意大利飯牛肉好軟腍入味，意大利飯軟熟可口，食到停不了手🥰總括黎講，食物超好味，人氣超高！想食既朋友建議book定位！☺️

好閨密同我慶祝生日，仲神神祕祕咁話要帶我去一間好特別嘅餐廳，唔知有咩驚喜呢😍😍閨密果然知我心意，餐廳嘅環境同feel都好啱我心水💓富有時代感嘅裝飾，黑色雲石好型格，奢華得嚟又時尚，我好鍾意呀💗💖食物選擇好多元化，我哋叫咗一份《烤美國頂級牛腹肉扒伴紅酒燒汁》，烤得好靚嘅牛扒，淨係用鹽同胡椒調味已經充分帶出牛扒本身嘅味道，夠哂原汁原味🥩另外仲叫咗《金目鯛一夜干定食》，金目鯛嘅油分豐富，味道亦鮮甜幼嫩🐟驚喜係閨密送俾我嘅甜品拼盤，店員知道我生日仲係個拼盤上寫咗Happy Birthday，真係好感動，多謝閨密同餐廳嘅用心💖

終於有消費券啦，shopping 完之後梗係要食餐好，慰勞吓自己吖嘛😌我同朋友係登龍街睇咗陣，發現都新開咗好多餐廳，最後去咗喺V point嘅十八夢，因為佢個名好特別，所以想上去探個究竟😆我哋叫嘅午市套餐已包是日沙律、餐湯同飲品，仲可以加錢叫甜品添😎▶️香煎海鮮鯷魚醬扁意粉◀️好鐘意食意粉，特別係依個海鮮意粉，有帶子、鮮蝦、蜆肉，每樣都好新鮮，份量都唔少，而且鯷魚醬濃郁滋味，同海鮮係好朋友🍝▶️米蘭燉牛膝意大利飯◀️俾個credit餐廳👏🏼將咁難煮嘅牛膝炆得咁入味同軟綿綿，軟骨組織好有咬口，意大利飯吸收哂牛嘅精華，非常creamy🥘兩份午餐嘅價錢都好合理，加上用餐嘅環境舒服，待應服務貼心，mark定日期下次再食先😙

一間餐廳竟然可以同時食日本嘢同埋西餐，啱哂咩都想食想試嘅我～講緊嘅就係⭐️十八夢 meta stages⭐️，佢哋主打西日fusion菜，十分破格有新意🤟🏼餐廳仲大玩唔同嘅視覺效果，設有唔同嘅特色房間俾人一邊食飯，一邊感受5D嘅用餐體驗，都幾特別，有興趣嘅朋友可以上佢哋嘅網站睇吓😎講返食物先，今日嘅日式🇯🇵代表有🌟柚子醬角切魚生丼🌟同🌟蝦天婦羅定食🌟魚生飯都大大粒色澤亮麗嘅呑拿魚、鯛魚等海鮮，非常新鮮！而天婦羅就脆卜卜，蝦肉仲好爽彈，質素同專做天婦羅嘅日式餐廳一樣咁好💖西式嘅代表就有🌟香煎海鮮鯷魚醬扁意粉🌟扁意粉有咬口，鯷魚醬嘅鮮味令煎過嘅海鮮味道更具層次🤤估唔到同時有西式同日式嘅餐點都能夠做得咁專業，下次一於叫多啲朋友嚟享受吓5D嘅餐飲體驗先👭🏻👬🏼👫🏻

依間新開嘅fusion餐廳menu極多元化，有意粉、肉類、魚生、定食咩都有，實有嘢食啱自已食😺而我哋今日就主打海鮮，所以叫咗3份由唔同海鮮製成嘅菜式，唔知質素係點呢？😽🐠紙包比目魚西西里汁 $208🐠西西里汁用牛油、蒜蓉、紅蔥頭等材料炒香，配搭淡味嘅比目魚唔會過濃，加上紙包方法特別可以保存到魚肉嘅水份💦🦀松葉蟹肉海鮮丼 $328🦀一絲絲嘅松葉蟹肉甘甜到不得了，用咗日本米製成醋飯，每粒米都圓潤飽滿，昇華咗成碗海鮮丼嘅味道😻🍤蝦天婦羅定食 $218🍤炸漿好輕盈，唔會好厚好油，一咬就卜卜脆，加上隻蝦唔會霉，用料新鮮上乘，就算係整天婦羅都唔會俾啲唔靚嘅料你,so good!幾碟海鮮菜式都好有驚喜，用料新鮮又足料，所以我哋對餐廳嘅出品都好有信心😽

媽媽生日，作為孝順女嘅我一早預約定餐廳，一家人一齊慶祝媽媽生日💞一去到餐廳，媽媽已經捉住爸爸瘋狂打卡，由門口到入座都不停影相，好興奮📸特別係餐廳用咗好多雲石設計，所以好華麗💎而且餐廳個舞台放咗部白色嘅三角琴，有人彈琴氣氛好正🎼🎹我哋嗌咗4個主食，每份主食都配一碗餐湯🥣主食分別有：烤美國頂級牛腹肉扒伴紅酒燒汁、紙包比目魚西西里汁、米蘭燉牛膝意大利飯、香煎海鮮鯷魚醬扁意粉～牛扒油脂分布平均，啖啖肉肉質軟腍，有肉汁唔會乾身，非常高質！比目魚魚皮有金黃色，魚肉彈牙～意大利飯索滿牛膝嘅精華，飯粒飽滿有咬口～意粉嘅鯷魚醬味道好濃烈，咸咸香香好惹味～我哋最後叫咗個甜品拼盤俾媽媽做驚喜，氹得佢不知幾開心😍

喺銅鑼灣血拼完之後好肚餓，嗱嗱臨搵吓周圍有啲咩好嘢食👀途經登龍街見到V point有好多新開嘅餐廳，但有一間餐廳特別吸引我哋目光，即刻上去睇睇👀我哋平日中午時間去，都幾多人wor!原來餐廳做緊新開張優惠，上網book位午市定食買二送一，計落真係好划算🤑📍香煎伊比利亞豬肩胛肉伴青醬及芹菜蓉 好欣賞依份豬肉唔會煎得過老，而且份量都幾多，加埋甘甜嘅芹菜蓉好細緻😉📍烤美國頂級牛腹肉扒伴紅酒燒汁 果然係頂級牛腹肉嘅質素，牛味濃郁，新鮮嘅牛扒三成熟剛剛好，伴碟仲有烤新鮮時蔬，十分吸引😍😍😍📍紙包比目魚西西里汁 用紙包所以更能鎖緊水份，記得唔好嘥咗啲魚湯，係比目魚嘅精華🐟📍金目鯛一夜干定食金目鯛表面呈金黃色，魚肉用日本酒、醬油、糖醃製後風乾，肉質細膩鮮美，十分優秀🥰