十侍 - 棉花糖A5和牛壽喜燒專門店

营业中

休息中

見到肥媽曾介紹過所以試吓。地點在旺角，但很穩秘。叫了二人和牛套餐，和牛好味，湯底唔會太甜。有專人幫你燒和牛，串燒都ok.價錢尚可，如果和牛再加兩件就吸引了。但地方可待改善，有煙味。當天用openrice 訂位。消費1100未見儲分喎

同老公慶祝生日，想食壽喜燒，所以搵搵。位置係旺角，好方便，係難搵少少，不過職員都細心介紹。佢留左間房比我等我同老公有privacy 抽風做得好好，食完無成陣味用棉花糖做壽喜燒既甜，唔係死甜，我個人好鐘意A5和牛還可以，烏東麻麻，下次要食飯串燒係ok既炸蠔好食，岩岩好，覺得炸粉有啲厚，但因為蠔比較林，咁樣食落外脆內軟，係好既。另外前菜炸物啲菇好油，油到成口都係。炸秋葵同蓮藕其實係未熟咁滯，所以皮同內面都好硬。我扔左落壽喜燒到煮，令到炸粉離開左，煮熟左先食。而且炸粉有啲厚（大家可以睇相）

原來旺角嘅一條巷仔樓上有間咁精緻嘅日本餐廳🇯🇵！但裝潢精緻用心、有氣氛和牛棉花糖壽喜燒仲超正！！鍾意食牛嘅朋友一定要試❤️🔸Mini 壽喜燒 Set （$445）A5鹿兒島黑毛和牛西冷肉，充滿肉香、好軟好滑、入口即溶，口感味道都好正！棉花糖加自家製壽喜燒醬汁，香濃惹味又甜甜哋，煮季節野菜盛合都一樣入味好食。沾一下日本蘭王雞蛋嚟食，味道更香濃融洽。食埋讚岐烏冬/白飯就飽哂啦！🔸Mini BBQ Set（$238）牛舌、豚肉大蔥卷、雞肉大蔥、甘薯燒得剛剛好，香口、唔乾！牛舌彈牙、大蔥超香又多汁！仲有個爐仔，下面有啲熱石，令串燒keep住熱度，好貼心！🔸Kyoho Raisin Soda（$48）🔸White Peach Soda（$48）好好飲嘅梳打！有果香而唔太甜，泡細密，清爽順口又好飲！

見未有得去日本旅行🇯🇵，一於去食壽喜燒滿足下自己🤩🤩呢間餐廳有專人服侍，可以同朋友慢慢傾計等食好野！都幾爽～～🍲壽喜燒二人前 $898✨店員先係鍋中放入綿花糖☁️，等待融化途中加入秘製醬汁，完成後就可以煮和牛啦～～A5鹿兒島黑毛和牛🐮入口柔嫩，油脂分布平均！蘸少少蘭王蛋漿更加香甜美味🥚🥚整體質素唔錯，食完好滿足😋😋🥗季節野菜盛合✨盛合包括有娃娃菜、冬菇、本菇、金菇、油揚、豆腐、蟹棒同獅子狗等，十分豐富～～煮完所有肉後，店員會再添加醬汁細火慢慢煮菜🔥，煮滾就食得啦🤤🤤當中最鍾意油揚！索滿哂湯汁精華，甜甜地軟綿綿口感好正👍🏻👍🏻🍡迷你串燒組合 $238✨另外仲試左幾款串燒，包括芝士蕃薯🍠、大葱雞🐥、豚肉卷🍖同牛舌🐮～～全部都燒得幾香，推薦大家試試豚肉卷！！外層燒得皮脆肉嫩，內裡京蔥部分爽口，好特別😍😍飲品方面，我地叫左蜜桃乳酸梳打($48)同巨峰提子乳酸梳打($48)～～蜜桃乳酸重果味，入口好香🍑🍑巨峰提子乳酸味道酸酸甜甜，好清新😋😋

餐廳主打鹿兒島A5黑毛和牛壽喜燒，起爐時特別加上了棉花糖融合壽喜燒醬汁，可以非常治愈地看着棉花糖慢慢融入醬汁，吃起來的肉質更感香甜。我們選擇了日本鹿兒島的西冷，店員會幫忙烹調，之後再沾上蛋醬食，牛味十分香濃，油脂平衡剛好，入口即溶。套餐還有日本雞蛋、烏冬或者飯、以及野菜拼盤，都是基本的壽喜燒配料，整體的味道因應壽喜燒汁融入了棉花糖，所以食物吃起來都比較香甜易入口。整個套餐是兩人份量，大概是每人$400至$500。雖然味道非常之不錯，回頭率亦很高，不過和牛片印象中每人只有大概3片，性價比稍為低了一點。

今日同朋友黎到旺角十侍食午餐。環境舒適，佈置有日本風味，燈光昏暗有格調。我地叫左壽喜燒set，有一盤A5和牛同一個雜菜拼盤。雜菜拼盤有金菇，娃娃菜，冬菇，豆腐等。壽喜燒嘅湯底係用一個巨型棉花糖同袐製醬汁調製，店員將壽喜燒醬汁倒落巨型棉花糖到。令味道係甜中帶鹹，巨型棉花糖仲可以順便打埋卡。主角A5和牛賣相相當靚，油脂分布平均，牛肉色澤鮮紅，非常新鮮吸引。和牛有入口即溶嘅感覺。沾蛋汁一齊食有蛋香味之餘，亦都令牛肉更加滑身，蔬菜吸左湯汁非常入味，特別係福袋嘅腐皮。BBQ set有芝士蕃薯，燒牛舌同大䓤雞肉串。芝士蕃薯兩者都口感軟綿，蕃薯嘅甜同芝士好夾，甜而不膩。燒牛舌爽， 面頭嘅鹽更能帶出牛味。大䓤雞肉大䓤juicy同雞肉嫩滑。

📍旺角 -# 十侍 - 棉花糖A5和牛壽喜燒專門店 ——-壽喜燒 二人前-芝士蕃薯，牛舌，大蔥雞串——-壽喜燒 二人前呢個二人set 跟咗A5和牛西冷6塊+野菜+烏冬+雞蛋兩隻 佢最特別係用棉花糖代替糖開火燒溶棉花糖加入自家製壽喜燒醬汁 再落京蔥 當壽喜燒醬汁夠熱後 就落一片A5和牛西冷 呢個過程店員會幫你整 完全係等食🤣和牛西冷微微加熱再配搭生雞蛋 一齊食真係超好味😋 不過肉質唔算入口即溶 但呢個價錢每人食到3塊 都算不錯 野菜部分仲有 蟹柳，腐皮，雜落，娃娃菜，豆腐可以揀烏冬/白飯——-芝士蕃薯，牛舌，大蔥雞串串燒就中規中矩 正常水準如果三款揀一款我會推介大家叫牛舌——

居酒屋用日本武士&燈籠等日本元素作裝潢更特設榻榻米包廂 主打地道和牛壽喜燒還有串燒.揚物.小菜等日本料理～之前都未聽過棉花糖壽喜燒 幾新奇😳原來是用棉花糖取代平時的砂糖 圓滾滾好可愛♡和牛充滿油脂香 牛控表示巧巧吃 盛合都好豐盛如果想體驗正宗壽喜燒可以一試喔( ´ ▽ ` )ﾉ.▫壽喜燒 二人前 $898♪ A5鹿兒島黑毛和牛360g店員全程會為你效勞 會先整棉花糖起爐再加入自家製壽喜燒汁浸泡 之後就開始煮和牛紋路分明 油花分佈好均勻 吃下去充滿油脂感疊作一團吃更是充滿肉感牛香 肉質巧軟嫩沾滿蘭王蛋液後味道更濃厚(ᯅ̈ )♪ 季節野菜盛盒食完牛牛 店員會再加湯烹煮野菜盛合～有冬菇.金菇.蟹柳.獅子狗.娃娃菜.豆腐.油揚豆腐同平時唔同 輕輕燒過質地比較紥實但都好Q滑 油揚索晒湯汁好好吃 湯底香濃甘甜不會過鹹♪ 讚岐烏冬/日本米飯整個set好豐富 食完都好滿足.ᐟ‪‪.ᐟ.▫大葱雞 $42 ▫珠葱豚肉卷 $42▫牛舌 $58▫芝士番薯 $28串燒有heater可以保溫 幾貼心ദി ᷇ᵕ ᷆ )大葱雞香嫩滋味 豚肉卷包住大葱薄脆香口可以解膩之餘豐富口感 牛舌軟韌剛好keep the到juicy

今日同朋友落咗旺角行街，喺百老滙睇完戲諗住搵啲嘢食下，上OpenRice見到附近有間和牛壽喜燒專門店非常吸引，即刻同朋友去試吓。十侍 棉花糖A5和牛壽喜燒專門店，餐廳裝修得好有日本風情，仲好有格調，清靜嘅環境，好適合同朋友談天說地，坐得舒舒服服。A5和牛壽喜燒，一盒好靚嘅和牛放喺你面前相當吸晴。一盒六大片和牛，望落去油脂分布好均勻，睇到已經好想食。店員會將棉花糖融化加上特製嘅壽喜燒汁，中和返個味道呢個配搭啱啱好，牛肉一陣已經可以食得，配上蘭王蛋漿，令到牛肉味道提升一個層次，口感更加香滑。牛肉入口即溶，滿口牛肉油脂香味，加上壽喜燒汁令到整體嘅味道層次更加豐富。每食一啖都覺得好幸福。享受完牛肉之後就加其他配菜落去，野菜吸收左牛肉嘅香味，清新得來又有肉香。串燒，串燒上枱會放喺前面嗰爐保溫，每一啖都食到熱辣辣嘅串燒，燒牛舌我就最欣賞，牛肉味道香濃，咬落去非常爽口彈牙，食得出食材係好新鮮。另外豚肉卷都好好味，燒到微微焦香，入口仲係好Juice。另外呢度嘅Cocktail都好值得推介，Neri 將煙燻深入杯酒入面，除咗賣相吸引之外，入口味道又香,第一次飲一杯咁特別嘅飲品，我見仲有好多其他嘅Cock

#十侍📍旺角豉油街21C號Station 21 1樓聽講旺角有間食A5和牛壽喜燒超好食一於就同朋友一齊去享受下👍🏻棉花糖鹿兒島A5和牛壽喜燒 (二人前) $898包括綿花糖、⁠鹿兒島A5和牛、日本野菜拼盤、日本蘭王雞蛋2隻⁠、稻亭烏冬⁠、日本米飯🍚呢度嘅煮法好特別，先用棉花糖起爐，然後會淋上自家秘製壽喜燒汁，製造完壽喜燒汁後，侍應會幫你煮A5和牛。和牛油脂香味突出，沾上蛋汁啲牛肉更加滑口。真係好好味😋野菜拼盤有好多材料，將煮完牛肉嘅醬汁，放落鍋到煮，十分好食😋配上稻庭烏冬同埋日本白米飯都係撈飯之選👍🏻

之前同朋友去咗十侍 食高級和牛棉花糖壽喜燒 餐廳嘅lift口比較唔易察覺 要入一條巷仔去station 21搭lift上去就會到鹿兒島黑毛和牛壽喜燒 （二人前）$898上菜嘅賣相非常之吸引 一份黑毛和牛總共有六片 外表色澤吸引 油脂分布均勻 店員更會先卷好一枝棉花糖 非常特別 之後再將壽喜燒汁倒落棉花糖入面煮 再逐塊和牛片放入去煮和牛片嘅生熟拿捏啱啱好 食落和牛味濃 亦食得到濃濃嘅壽喜燒汁味 口感軟熟 配埋蘭王蛋食非常和味 壽喜燒菜式亦好豐富 有黃芽白 京蔥 豆腐 菇類 福袋腐皮等等 全部都係好索湯嘅食材 滿滿嘅壽喜燒湯汁吸入食材入面 好惹味叫咗幾串串食試下，有串燒牛舌 $58，燒大蔥雞 $42同埋芝士甜蕃薯 $28店員仲會好貼心咁附上heater保溫 咁就可以一邊食壽喜燒 一邊試吓串燒牛舌嘅味道突出 厚度不俗 唔會太薄 口感亦唔會過韌大蔥雞唔會有過多調味 雞肉肉質嫩滑 口感不俗

餐廳係旺角女人街附近 雖然入口係後行 不過都好易搵 呢間餐廳食壽喜燒出名 可惜當日去到已經無可以食壽喜燒既位 建議都係訂左位先好D 除左壽喜燒 仲有其他主食小食可以簡 餐廳座位唔算多 型格裝潢風 有間獨立VIP房包 轉食左串燒叫左個有素拼串 (秋葵,蓮藕,冬菇)$58 串燒下面有個爐可以keep warm 唔錯 比較少見秋葵做串燒 估唔到食落都唔錯 雞頸肉$38 肉質幾彈牙 呢個部位比較少食到 和牛串$68 雖然食唔到壽喜燒 唯有叫個和牛串重牛味 鎖到汁 不錯飲品方面都有不少選擇 叫左杯Melon Soda $48 好重Melon 味 都比較少見既配搭 帶來意想不到既驚喜

先講服務同環境，第一次係到食壽喜燒，本身滿心期待。但係有個男侍應過黎落單嘅服務態度真係好唔掂、輕挑，完全覺得佢無尊重過顧客。侍應同經理全程係客面前㩒電話、又係酒吧旁食飯，其實餐廳入面有房。食物方面，嗌左個二人壽喜燒、最出名嘅牛舌。壽喜燒好似迫住你食咁，未食完第一塊就煮好第二塊，牛肉未解凍就已經急住放落鑊煮，牛無牛味、得個淋字，唔知自己食緊啲咩落口。牛舌又係無味，係比出面嘅淋啲，但唔覺得有咩特別要專登去試。除左得棉花糖個下特別啲。係一次對壽喜燒唔好嘅體驗，食過一次唔會再食！

身邊好多朋友向我推介十侍壽喜燒，一直未有機會去試，今次終於約到朋友去試。一入餐廳門口，覺得環境亁淨又舒服，有普通係大廳既4人檯亦都有私隱度較高既房間，非常適合朋友聚餐。我地叫咗一份二人前既A5和牛壽喜燒，另外知道餐廳既串燒都好出名，所以我地都叫了幾串串燒試。店員好快就將壽喜燒食材送上來，隨後店員將棉花糖放在鍋中，然後加上醬汁，看見棉花糖漸漸融入鍋中，因為第一次見到餐廳用棉花糖調味覺得好新奇，而且嘗試過後味道真的不錯。店員幫忙燒和牛，我地隨即撈埋蛋汁食，和牛入口即溶，而且味道剛剛好，食完好想再食，非常推介大家去試佢地既和牛。除咗和牛，套餐還有一盆素菜，其中腐皮煮耐咗索咗壽喜燒既醬汁，非常好食。除咗壽喜燒，佢地既串燒都好食，我地叫了芝士蕃薯，牛舌和雞肉。估唔到蕃薯加上芝士甘有驚喜，我原本都唔中意食蕃薯都覺得好食。雞肉肉質好嫩，牛舌好爽脆，加上餐廳送上碳爐一路保持住串燒溫度，令到串燒味道更加好。

“壽喜燒 二人前”($898)“牛舌/豬蔥豚肉卷/大蔥雞/芝士番薯”($58/42/42/28)“巨峰提子/蜜桃乳酸梳打”($48)成日都見有人介紹呢間食和牛壽喜燒嘅十侍最吸引之處就係個棉花糖壽喜燒😍所以就book咗位去食返個正dinner😚我地叫咗二人前壽喜燒☺️入面包咗A5鹿兒島黑毛和牛🐮,野菜盛合🥬,日本蘭王雞蛋2隻🥚,烏冬/白飯🍚壽喜燒用棉花糖嚟起爐真係第一次見😝店員將特製醬汁,京蔥倒落棉花糖醬汁味道鹹中帶點香甜好特別☺️之後將黑毛和牛片落鍋煮到7成熟入口香滑,油脂豐盈,唔係好駛咬就吞到🤤配上蘭王蛋口感就更順滑😍美味嘅牛肉片話咁快就食完🤣之後店員會幫手煮埋個野菜盛合配料有油豆腐,豆腐,蟹柳,冬菇,獅子狗,娃娃菜等啲蔬菜索哂啲醬汁好正😛呢道都有啲串燒提供,我地就叫咗幾串試吓😆串燒上枱時會放喺個爐仔上面keep住溫度🔥仲會散發出好香嘅煙燻味☺️串燒質素都好唔錯☺️特別鍾意個牛舌😋飲品方面叫咗巨峰/蜜桃乳酸梳打🍇🍑味道清爽,食完咁肥美嘅牛解膩就岩哂☺️