十侍 - 棉花糖A5和牛壽喜燒專門店

营业中

休息中

難得約左朋友出旺角食晚飯，我地揀左呢間棉花糖A5和牛壽喜燒。四個人人均500左右。好足料既壽喜燒有專人幫我哋燒和牛，唔駛怕會煮過龍。和牛有獨立膠片包住。專人燒好和牛，就放入拌好既蛋汁度點完先食 會有種滑溜既口感。和牛都好好味。燒完和牛就到壽喜燒時間落埋烏冬，滾左就食得。豆乳同壽喜燒湯底，個豆腐都好滑，冬菇呀，蟹柳呀！豆卜呀！正！環境都好日本feel

👅壽喜燒二人前（$898）真係好中意食壽喜燒😎今次食呢個仲要係用棉花糖黎起個鍋添🍭店員首先會捲起個波形棉花糖再放係個鍋到，然後將壽喜燒汁倒落去😆棉花糖就會溶埋係個醬汁到！用左鹿兒島A5黑毛和牛😃和牛好軟淋，油香而唔膩😋點埋蘭王蛋食會更加香滑！食完牛就可以加啲水食shabu shabu啦🍲個野菜盛合都幾多料，腐皮最索湯汁！冬菇都好爽滑好香👍🏻豆腐好嫩滑～。👅珠蔥豚肉卷（$42）豚肉燒到微焦，但入面包住既蔥有啲辣口🫢。👅大蔥雞（$42）雞肉肉味唔算濃，係好在唔會好韌口👌🏻。👅雞腎（$38）雞腎偏細舊，口感唔夠爽彈😕。👅芝士番薯（$28）芝士同番薯幾夾！燒得幾香口😗

見到朋友post棉花糖壽喜燒嘅相，覺得好吸引，所以特登訂位試下呢間餐廳🥰🔹️鹿兒島A5黑毛和牛壽喜燒🐄第一次食棉花糖壽喜燒，好有驚喜呀😍。店員會負責燒，放咗好大舊棉花糖落鍋度，加上特製嘅壽喜燒汁，兩者意外地夾，甜度剛好😊。鹿兒島A5黑毛和牛真係勁好食，雪花好靚❄️，啱晒打卡，和牛撈埋日本蘭王雞蛋嘅蛋漿，十分香滑，入口即溶，非常高質😋。燒完牛肉之後，就會加野菜落鍋度，野菜吸收左壽喜燒汁和牛肉味，都幾正哦。🔹️芝士蕃薯、珠葱豚肉卷、大葱雞串除咗壽喜燒，叫咗3款串燒，熱辣辣和好香口，幾好食呀。

今日黎到旺角食日本野 見到OPENRICE食評話唔錯 裝修又幾有特色就黎試下不過餐廳位置都幾偏僻 去到樓下要問看間先知入口係邊我地叫左素串燒, 串燒入面有秋葵 蓮藕 冬菇 另外仲叫左豬頸肉同珠蔥豬肉卷上菜既時候係燒好哂咁上 可惜淨係放左係鐵架上面 冇保暖功能講番味道先, 珠蔥豬肉卷食落蔥香十足 個油膩感即時中和番, 秋葵幾爽脆 冬菇幾好食豚肉白湯烏冬 冇乜豚肉 烏冬上面加左D炸蒜片同蔥花仲叫左兩杯野飲 一杯打卡幾靚 不過味道就普普通通

十侍係日本武士主題的日本料理，係旺角正中心地帶既樓上餐廳，好方便。上到去先見到一個好大既武士公仔，座位牆身佈滿燈籠，充滿日式的感覺。上到黎係俾個棉花糖壽喜燒吸引，除此之外仲叫左啲串燒食下。叫左鹿兒島A5黑毛和牛二人餐，包左A5鹿兒島黑毛和牛西冷、季節野菜盛合、讚歧烏冬/飯。店員先將一大球棉花糖放係鍋到熱溶佢，望住佢用咗嗰下真係瞬間即逝，所以記住要準備定電話影相呀🤣塊牛都好大塊，油花幾靚，擺盤精緻，點上蘭王蛋，十分滋味🥹好想食多幾塊🤣之後啲蔬菜吸收晒壽喜燒嘅汁都好好食 ☺️🔸鹿兒島A5黑毛和牛二人餐🔸珠蔥豚肉串🔸大蔥雞串🔸芝士蕃薯📍#十侍 - 棉花糖A5和牛壽喜燒專門店　(#美食)旺角豉油街21C號Station 21樓

已經好耐無去過日本旅行，今日決定同朋友去食壽喜燒，解下思鄉之情🤣一入門就見到成個日本武士，即刻好有去日本嘅感覺🤣呢間餐廳除咗壽喜燒，仲有好多選擇，送酒小食、串燒個啲都有😍店員首先會加咗棉花糖係個鍋，好特別呀😍然後慢慢等棉花糖溶落甜豉油到 再落油花分佈好平均嘅牛，塊牛入口即溶，好香牛味，再配合埋蘭王蛋， 真係絕配🤤食完想繼續再食今次我地叫咗個set有野菜盛合，入面都好足料，有豆腐，菇，蟹柳， 竹輪…仲有好多嘅菜🤣食完肉可以食返啲菜中和返🤣我地再叫埋串燒試下，有燒雞心，大蔥雞肉同埋芝士甜薯。最特別係會放係個炭爐上，咁就唔驚啲串燒凍曬，可以熱辣辣咁食🤭

💬特點 : 棉花糖壽喜燒，自家威士忌提供，日式裝修，座位舒適，日本味道重💬🔶交通，環境🔶在西洋菜街，荷李活商業中心向上走，女人街前的黃店水門雞飯，稍一留意，暗巷有一個表參駅商業大廈，有點像歌舞伎町的街道感覺，不過，這裡沒有藝妓，也沒有居酒屋，有的是像一間隱世厨師坐鎮的十侍棉花糖壽喜燒。環境上，個人頗欣賞每個座位都有特色，有高身枱，也有向吧枱的座位，梳化位置的防疫膠板為一把日式扇的圖案，再加上那和式VIP房，望著那旺角街道景，仿佛有點新宿的感覺。評分 : 🌕🌕🌕🌕🌑🔸食物🔸當日食的是二人前套餐包括六大片鹿兒島黑毛A5和牛，季節野菜盛盒，串燒有雞腎，牛脷，大蔥雞，芝士蕃薯，飲品為巨峰提子和乳酸梳打。🔹棉花糖壽喜燒配鹿兒島🔹這裏的特色是用像雲一樣嘅棉花糖，取代傳統壽喜燒用的糖，令味道更濃更香更甜，過程上，職員深諳打卡之道，會把整套按你心水擺放，讓客人準備好才開始把自家製的壽喜燒醬汁倒在棉花糖中 ，然後看著那A5和牛，由放大蒜的一刻，直到燒好 過程非常治癒。稍後會出Reel 觀看過程。A5和牛個人上非常滿意，霜降平均，油花豐滿，加上壽喜燒的醬汁完全沾滿了牛肉中，非常入味，配上日本蘭王卵的雞蛋汁

餐廳裝修走型格現代日系風格，用上日本武士及燈籠等日本古代風做擺設。餐廳主打日本鹿兒島A5和牛壽喜燒，除此以外仲有串燒、揚物、小菜等日式料理。壽喜燒食得多，但用棉花糖起爐真係第一次見，的確幾有創意，成盒和牛放喺你面前相當吸睛，鹿兒島和牛油脂分佈平均，睇落已經好想食。呢度嘅壽喜燒，以關東風烹調，先用棉花糖起爐，之後再加入秘製壽喜燒汁，店員會幫你淥鹿兒島A5和牛片，淥好後沾上蘭王蛋漿，一口食落去，油脂溶化於口中，口感香滑，牛味香濃！食完和牛有啲唔夠喉，好在仲有新鮮當造嘅季節野菜盛合包底，盛合有獅子狗、油豆腐、豆腐、壽喜菇、蟹柳等等！另外仲試咗三款串燒，包括芝士蕃薯、大葱雞同雞心。食材新鮮，帶有微微嘅炭香。

最近日本恢復免簽證自由行，不其然令我想起日本嘅美食！當中，A5和牛壽喜燒真係諗起都流口水！立即上openrice搵食，一search就見到呢間十侍Juji - 棉花糖A5和牛壽喜燒專門店，一於試吓！「侍」係江戶時代軍官嘅階級，即「武士」嘅意思，入門即見武士盔甲，非常配合餐廳名。餐廳以型格現代日系風格裝潢為主調，配上江戶時代嘅燈籠，令身處香港都好似置身於日本一樣 。十侍主打棉花糖A5和牛壽喜燒，以關東風烹調。員店會先詢問生熟喜好再進行烹調⋯餐廳好特別，先以棉花糖起爐，再加入自家制壽喜燒醬汁，配上鹿兒島黑毛A5和牛片，再蘸上蘭王蛋漿，入口即溶，牛香四溢⋯食完牛肉，再煮埋個季節野菜盛盒，蔬菜同埋菇類吸收晒牛肉嘅精華，非常滿足！

我好鍾意食壽喜燒 見到呢間又棉花糖又壽喜燒咁得意梗係要試吓🤔🫣入到去環境好靚 感覺好舒服😍😍壽喜燒 二人前（$898）A4鹿兒島黑毛和牛季節野菜盛合二人套餐有六片和牛 攤開都幾大塊㗎🤤 仲有專人幫你燒 啱晒我咁懶啦🤫 首先會有大大個棉花糖放喺焗 然後會淋上壽喜燒醬汁整溶佢 令到醬汁唔會太鹹太濃😝 staff仲好貼心咁問我哋食開熟唔熟 煮返相應嘅熟到俾我哋👍🏼 和牛油脂均勻 入口即溶 肉質非常嫩滑 超級滿足😋😋 仲配埋日本蘭王蛋 口感更加香滑😌 食完和牛之後 就可以加湯食蔬菜 種類都好豐富 吸收哂自家製嘅壽喜燒汁 又香又好味😋牛舌（$58）牛舌咬落幾彈牙 口感好好 而且味道好夠好好食😋 大蔥雞（$42）雞肉都幾嫩滑 配埋大蔥一齊食更加香😍雞腎（$38）雞腎每一粒都好爽 唔會話好難咬 😚芝士蕃薯（$28）番薯咬落嘅煙韌 茄埋芝士配搭好特別😍巨峰提子乳酸梳打（$48）蜜桃乳酸梳打（$48）兩杯梳打都好啱我飲 唔會太甜 同時好香果味 🥂

肉就食得出係幾好食嘅，不過配菜就唔好啦。1.娃娃菜好老2.烏冬好淋，同噹噹烏冬差唔多3.其他就吉邊質素同埋食得好趕，五分鐘都冇就燒哂6片肉(每人3片），同要90分鐘交枱，唔係聚會好地方。

餐廳個佈置幾有特色，裝飾有好多武士元素。環境闊落，一班人食都幾舒服。呢度主打壽喜燒，但係成個場唔會好大油煙。未食主菜之前，嗌咗幾款唔同嘅串燒，牛舌厚肉但係唔會太淋，雞頸肉肉質幾嫩燒得香口。鰻魚唔會腥，有陣陣炭香。加碼嗌埋飯團，配埋蒜片，幾有飽肚感。當然要叫個壽喜燒二人前，有專人幫手燒埋俾你食。望住店員燒一大塊A5鹿兒島黑毛和牛西冷再浸入蘭王蛋嘅蛋汁，各種油香同蛋嘅香味係口腔混合一齊，難以形容嘅好食。仲有跟一份野菜盛盒同埋一份稻庭烏冬，食到好飽啊！飲品叫咗一杯佢哋嘅signature cocktail—練，上枱嘅時候會有煙燻效果，味道帶啲柚子同柑橘味，好易入口。

第一次喺香港食棉花糖壽喜燒，高質得嚟夠晒養眼~ 見住職員喺棉花糖機整棉花糖，已經好期待！原盒A5 鹿兒島和牛齋用肉眼睇佢嘅雪花分佈係好靚😍 一開始佢會將一球棉花糖放入個鍋，之後倒入壽喜燒汁，令棉花糖溶化~ 再放入d大蔥，最後師傅逐塊牛幫我地燒燒完沾埋個蘭王蛋食，牛肉好嫩+香濃蛋汁，勁滿足🤤食完牛師傅會幫我地落埋d野菜，然後俾我地慢慢享用，個汁帶點甜又吸左d牛肉香，令野菜更鮮甜入味！我地另外仲叫左d串燒，其中燒牛舌有驚喜，好爽口😋 芝士蕃薯都係幾特別~ 大蔥雞同珠蔥豚肉卷正常發揮👍燒飯糰幾迷你唔錯，唔會驚太滯~ 炸半熟煮玉子都超正，外脆內流心😻飲品叫左一杯巨蜂提子乳酸梳打，一杯蜜桃乳酸梳打，食住壽喜燒同串燒飲，係享受啊🥰

唔係第一次幫襯每次都係慶祝活動環境舒服，綿花糖壽喜燒必食，今次亦有追加鹿兒島和牛不後悔，不過追加價錢都幾貴炸蠔鮮味，串燒反而一般可能因為和牛太好食氣氛同環境都好舒服，會令你想再黎enjoy

餐廳一入去就見到一個一比一真人大嘅武士盔甲就知道唔簡單，成個裝修格局都非常和風日系，好似返咗日本咁。坐低叫咗個二人前鹿兒島黑毛和牛A5套餐，之前上網見過其他食客啲相已經期待咗好耐。棉花糖係即場製作，唔係超級市場買到嗰啲，跟住侍應將棉花糖同壽喜燒一齊煮嘅過程都非常華麗，好打卡able 。壽喜燒湯底加埋棉花糖非常濃郁，配埋肥瘦均勻白裏透紅嘅鹿兒島黑毛和牛好夾，食之前要點一點蘭王蛋漿，放入口好啦，牛味即刻湧出嚟。✨珠䓤豚肉卷餐廳好細心咁俾個溫爐食客，咁樣食客一邊傾偈，一邊食串燒，啲串燒都唔會凍哂！珠䓤豚肉卷䓤嘅味道完全消除豚肉嘅油膩感！好食❤️❤️彩蛋：食完之後發現個爐係made in Japan，喺香港真係少見。🙈