十下火鍋

先一排阿叔係咁打邊爐，頻密程度試過下晝打完，夜晚又打，打到飽、打到驚！呢間火鍋店就係當時日打夜打嘅其中一間，不過阿叔一直想嚟好耐，因為店內裝修充滿香港地道風味，非常好打卡，而且朋友食過都話食物質數幾好。.果然店內裝修好有香港特色，地磚、木檯、雪櫃甚至用嘅碗筷，都好似令你番返去80-90年代咁，店內仲播緊張學友、李克勤等嘅經典廣東歌，對阿叔嚟講更份外親切。下晝嚟食散叫，價錢同夜晚一樣，特別推介近期我好鍾意嘅 #椰子燉雞湯 ($208)做湯底，湯採用原個椰子、新鮮雞、海底椰肉、杞子、紅棗熬製，份外清甜、養顏滋潤，一啲都唔膩。

《☺️那些年，和你打邊邊🥘》充滿八九十年代既裝修及佈置，播住八九十年代既金曲～ 坐低果下，有種怪感覺～ 心理暗嘆：到底幾時我哋可以光復從前美好既香江？😐******************************專心食野先～😄由於人腳食量比較細，叫既野比較精～叫左🌶麻辣同豆乳湯底，兩個都幾好～- 佢既手切本地牛肉🐮，質素真係好okay! 肉味濃而肉嫩！😋推薦必點！- 手打3式滑亦唔錯，可以一試！👍- 比較特別係佢既蟹粉餃子🥟，完全唔膩！******************************P.S. 注意佢係有限時，我地四個人限2粒鐘，坦白說係有d意猶未盡～不過無計啦～人地都要做生意既～如果下次執野時唔洗提早成半個鐘，有d似趕人走咁就更好啦～

復古懷舊裝修，猶如置身於80年代。店舖名字「十下」，即打邊爐「霎吓」食物的諧音。飲品選擇確實與一般港式火鍋有點不同，可見到少有老字號的品牌。麻辣湯底味道不錯，辣度適中。大刀手切本地牛肉的刀法一般，中規中矩。肥美大沙白其實不會太肥。其他食材配料豐富全面，不會失望。6人光顧，點餐如下：醬料（每位）x5大刀手切本地牛肉（大）鴨血牛柏葉滷水大腸艇家魚片頭厚切午餐肉醬爆瀨尿牛丸（六粒）蝦乾蝦籽墨魚滑大蟹棒鳳城水餃（六隻）脆炸魚皮肥美大沙白萵筍糖心白蘿蔔皇帝菜 x2雙拼湯 蕃茄鮮魚湯 麻辣湯烏龍茶可樂 x2洛神花茶天然椰子水藍妹 x2無糖可樂 x2蜂巢凍豆腐脆炸響鈴甜玉米蓮藕片西洋菜冬瓜加一後合計HK$1,947。

一個對客人連最基本禮貌及尊重都欠缺嘅粗魯女店員！我上星期連續兩晚十點左右打過幾次嚟book枱，OpenRice有兩個電話。我兩個都打了，一個電話飛了去voice mail, 但voice mail已full不能留言。另一個則可留言，但留完之後兩日都冇人覆。因同在銅鑼灣返工，所以星期三（12月11日）lunch time 1:40pm 左右親自上去book枱。上到去在門口見到個女店員喺度執空紙箱，於是表明想book枱，呢個短髮略胖說話十分粗豪嘅waitress粗聲粗氣咁叫我行去入面另一邊幫我book。跟住我同佢講我打過嚟幾次都冇人聽（不是投訴tone, 我語氣十分溫和，只想知道如下次再book可以點做，因為我唔想又要專登走上嚟book)。點知跟住...佢：繁忙時間唔係打一次就打到，個個客都要打幾次嚟㗎（巴閉提高聲線冷言冷語tone)我：但係早幾日夜晚成十點打咗幾次嚟，但冇人聽又留言都留唔到喎...佢：咁你依家打啦，依家試吓打啦（再提高聲線並開始燥）我：其實我只係反映返個情況你知... 佢：咁你咪依家試吓打囉我：（內心發火但冇提高聲音）我依家已經上咗嚟，做乜要同你試電話呀，我只係反映返個情

近呢半年，香港發生咗好多事，好多人都好似生活喺平行時空，對世事不理，仍然繼續享受所謂嘅生活。而我哋今日都去咗平行時空，但所謂嘅平行時空唔係畏縮，而係我哋去咗以香港復古懷舊為主題嘅餐廳，位於銅鑼灣嘅十下，喺呢度打邊爐就夠晒氣氛啦！「嗱，M哥仔，我 la 你去食火鍋，之後去荔園睇天奴！」鴛鴦鍋底湯底選擇好多，揀鴛鴦鍋底就可以滿足兩個願望，想試埋其他湯底就要下次再嚟喇！今次我哋就揀咗有好多酸菜同豬肚嘅胡椒豬肚湯，胡椒味好香濃：而另一款就揀咗清燉山藥菌菇湯，湯底清香，菇味濃郁！大刀手切本地牛肉手切嘅牛肉，厚薄度不一，其實食落更有口感，牛肉新鮮，色澤嫰紅，牛味濃郁突出，而份量十足。花雕雞嫰肉雞肉伴了杞子，食落嘅花雕味超香濃！而雞肉好嫩滑，帶有微微酒香，味道好有層次。十下三寶滑三款三寶滑分別係：牛肉滑、墨魚滑同蝦滑，伙記會貼心幫我哋拌勻再落鍋。三款滑都夠新鮮彈牙，而墨魚滑同蝦滑仲有好多墨魚粒或蝦粒，配上粒粒蟹籽，口感一流。懷舊果皮魚蛋好耐未食過果皮魚蛋啦！皺皮嘅果皮魚蛋除咗食到果皮嘅清香，仲要好彈牙，份量仲要夠晒多。流心粟米丸/三星蔥醬爆貢丸兩款丸一咬落去就爆晒汁！流心粟米丸就夠晒驚喜，入面好似飲

早幾日黎打邊爐，係門口見到有好多檯而𨋢口已經塞滿曬人，但個經理唔肯俾人入黎之餘仲要聲大夾惡，最後坐左係櫃前面嘅檯，仲聽到個經理同另一個女仔咒罵其他客人最後一提，餐廳食物質素幾好，其他店員都算有禮貌

好多人問究竟邊度打邊爐又食好，環境好及性價比高，我必定會想起銅鑼灣登龍街的「十下」火鍋。首先餐廳裝修的好懷舊，舊式屋邨的風味，而且不停播放著80年代的金曲， 彷如置身於在家中打邊爐，愈食愈有feel。湯底選擇有12種，有白玉菊花、火瞳花膠魚肚雞湯、 龍蝦鮑魚海鮮鍋、卜卜蜆煲、 椰子燉雞湯、蟹肉瑤柱冬瓜湯、滋潤木瓜番茄鮮魚湯、清燉山藥菌菇湯、養生豆腐乳白鍋、十下麻辣火鍋、胡椒豬肚湯、烤花生沙爹鍋。最後我哋選了招牌十下麻辣火鍋及滋潤木瓜番茄鮮魚湯做鴛鴦鍋底。當職員送上湯底，見到材料滿滿，果然真材實料。滋潤木瓜番茄鮮魚湯，仲有大大條魚尾，魚肉滑溜，再呷啖湯非常清甜，已感受到精心熬製，一點味精也沒有。十下麻辣火鍋微微辣，麻辣感十足，鋪滿辣椒的紅湯，聞到超濃烈的辣椒味都已經開始食慾大增。今次我哋揀咗2人套餐，每位$288，食物款式總共有11種，包湯底及飲品。11種食物有大刀手切本地牛肉、花雕雞嫩肉、十下三寶滑(墨魚滑，牛肉滑，鯪魚滑)、懷舊陳皮魚蛋、流心粟米丸、三星蔥醬爆貢丸、鳳城水餃、爽滑鴨血、脆炸響鈴、寛冬粉及蔬菜拼盤，非常豐富。我最愛懷舊果皮魚蛋，細細粒，果皮味十足，浸透麻辣湯底後更惹味，

呢間鋪頭一入到去就感受到懷舊香港味，就連牆身都用舊時既格仔磚～周圍仲有啲八十年代既家具，好似穿越左返去打邊爐咁呢個係四人套餐既份量，就咁望落去每碟既份量雖然唔多，但其實每人食完都好飽肚都食物方面，打邊爐雖然最重要係到爐，但食材都好緊要架佢地既食都十分新鮮，仲要大大份咁，尢其是隻蠔半個手掌咁大，真係好肥美😋😋而硯都唔係細細隻個啲，所以食落好滿足但佢地既價錢相比出面邊爐可能稍高小小，但正所謂一分錢 一分貨，咁既價錢換到新鮮既材料

師傅都有一段時間冇同外星人食飯，踏入九月係外星人嘅大日子，所以師傅就決定同外星人食餐飯，但係食啲乜嘢好呢? 因為外星人都幾揀食，左諗右諗，最後決定同外星人打邊爐，問過外星人，佢話好，於是師傅就去搵下地方。同外星人當然要就返佢喺港島區同，所以主打嘅地點都不外乎係灣仔或者銅鑼灣。上網搜尋左一陣就見到呢一間食店，覺得好似幾特別，師傅就打個電話留張枱同外星人喺呢度食飯!店員相當細心，打電話嚟留枱嘅時候，已經同師傅講明兩小時要交枱，正常兩個人打個邊爐兩個鐘乜都食得曬，所以師傅覺醒問題唔大，當然應承啦 。到咗當日食店嘅店員在致電確認留枱時也再次確定交還時間，似乎十分嚴謹。於是乎外星人同師父當日亦都準時到達食店。其實打邊爐都冇乜嘢好講，最緊要係新鮮同湯底夠靚，基本上都已經唔會太差架喇，但係點解師傅仍然決定要講下，呢因為呢間食店都幾特別，環境以懷舊，完全係以前大排檔嘅感覺，有一種好似時光倒流，感覺非常親切，而枱面，枱櫈甚至乎啲碗碗碟碟都係用啲比較舊嘅款式，如果想黎懷舊一下，呢度都係一個唔錯嘅選擇。好啦都係要講返食嘢先，打邊爐最緊要係個湯底，所以師父同外星人商量左，一陣決定叫個鴛鴦湯底，外星人就揀胡椒豬

十下係一間主題式既打邊爐鋪頭，以７　８０年代既香港做背景，等人有種可以回歸過去舊式既味道，平時都有好多後生仔女去打卡食野。先講講食物先，入面既邊爐料同一般地方可以選擇既差唔多，唯一覺得特別Ｄ既係有一隻叫瀨尿牛丸既料，咬落去真係識瀨尿同埋幾好味，叫完一碟又叫多左碟，另外肥牛都好食過出面，唯一美中不足係價錢比較貴，不過都合理既，因為開響銅鑼灣地段都貴。同埋野飲都唔平，加上ｂｏｏｋ左都有食野時間限制，對於想一齊坐低食幾個鐘吹下水既朋友，可能唔太岩。但純粹想食餐好既打個卡都係唔錯既選擇黎。

一大班人慶祝生日最好食乜？ 當然係去打邊爐啦！ 一入到去間餐廳果然令我立即感覺到香港嘅情懷！地同牆上嘅一磚一瓦都有一種八九十年代嘅感覺，而且佢嘅餐具同埋裝修，都好有懷舊嘅味道。湯底飲品同食物都有幾多選擇～～如果有選擇困難症嘅朋友可以考慮下叫呢度嘅二人或者四人餐。點餐之前佢就擺低咗一大盤醬料，有好多配料選擇。飲品方面，值得推介嘅係呢度嘅手工啤酒。叫咗一支伯爵茶手工啤酒，酒樽標籤嘅設計好有香港特色，啤酒飲完落口之後有淡淡嘅伯爵茶味，夠曬特別！湯底我哋叫咗一個鴛鴦鍋，分別有清燉山藥菌菇湯，同埋胡椒豬肚湯。兩個湯底都用料十足，而且夠曬味，煮完嘅嘢食真係唔點醬汁都夠味道！食材方面特別想推介嘅係六合彩(六款丸共十二粒)，同埋海鮮拼盤。六合彩嘅丸粒粒都有唔同嘅餡，感覺新奇又好食！大家食嘅時候要小心會熱親！呢度海鮮用料新鮮，龍蝦鮑魚蚌蜆嘅size都大大件，整齊又乾淨，令人食得安心又放心！其他食材都擺得整齊有心機，整體感覺都衛生， 但係就冇乜特別驚喜。最後，每人都要三百幾蚊，我就認為呢個價有啲貴，食物質素ok，不過份量唔係好夠食。呢個價喺出面其他地方食，應該可以食得飽d！

自從上次食過番尋味，今日再推薦朋友黎食！我地就算係平日，訂座都要第二輪先有位，證明依家人氣幾旺！入到去就會見到以前舊式圓檯，十下的霓虹燈牆身仲整左細細粒的磚仔做裝飾我地揀的係二人餐，湯底係養生白玉湯同胡椒豬肚湯真係好好味！養生白玉湯偏向藥材味，再加左蜂巢豆腐吸味！材料足夠！就算打打下加湯，藥材味依然係度！而胡椒豬肚湯，有好多豬肚，酸菜都係度，胡椒味會令到有少少辣，但感覺係驅寒！醬料選擇多，會俾客人自己選手切牛肉不會太肥，牛味好夠，都好大碟配合胡椒豬肚湯好正三寶滑三樣都好彈牙！蔬菜盤用黎配合兩個正到暈湯底就very good

夏日熱辣辣邊個話唔可以打邊爐？同朋友都突然bino癮發作 咁啱又喺銅鑼灣睇完戲 行去登龍街搵食～結果俾我哋搵到一間上樓火鍋店！名字很特別：十下 （明啦形聲詞）撞正食飯時間～店內已經坐滿人 等咗大概10分鐘左右入座門口有兩張充滿童年回憶嘅小摺櫈 坐住等 準備好進入懷舊香港嘅環境未？一入到去已經俾佢嘅裝修吸引首先見到一個大大嘅霓虹燈！勁有feel！絕對係影相位之一坐低左之後已經好快有人過嚟招呼 首先我哋介紹咗餐牌（有套餐、有得散叫）然後就捧左一盆調味料過嚟 係萬壽無疆碗仔！餐廳有兩款二人餐：普通/精選二人套餐講真嘅 就算係普通嘅二人套餐 已經十分豐富！total有成十二款配料湯底我地揀鴛鴦鍋：養生豆乳白鍋+十下麻辣鍋真係好想讚一讚佢哋嘅效率！唔使5分鐘已經將我哋張圓台鋪得滿滿的 成枱都係嘢食 超級吸睛～湯鍋一放上枱 花椒、八角湯底麻辣湯香氣撲鼻 口水直流！入面仲有鴨血㗎賣飛佛！仲可以無限refill 養生白鍋有一陣陣藥材味，白雪雪湯底一睇Feel到佢勁養顏牛肉絕對係打邊爐第一樣想放落鍋嘅食材超新鮮嘅手切本地牛 ！！牛味香濃、唔會太肥 而每一片切得均勻 大概落湯掃20 30秒剛剛好花雕雞肉

「十下」洋溢七十年代的復古氛圍，餐廳內的枱凳充滿時代感，檯上的鍋具、萬壽無疆碟等，沁出老香港的味道。牆壁中間的紅綠霓虹燈最吸引眼球，餐廳播放著八九十年代為人熟悉的廣東歌，進入餐廳就好像回到過去時空。十下二人套餐 (每位$288)套餐食物包羅萬有，湯底已經有多款選擇，鴛鴦鍋底最適合貪心的我。養生豆乳白鍋藥材味濃郁，湯底內有百頁豆腐、紅棗、杞子等，滋補又正氣。滋潤蕃茄鮮魚湯名不虛傳，湯內大量有鮮蕃茄和新鮮魚尾，食一口軟嫰鮮味魚肉，再呷一口清新的蕃茄湯底，有一種家中溫暖的感覺。大刀手切本地牛肉牛肉的色澤嫰紅，略為厚身，比一般的薄切肥牛更肥美，配合大刀手切的名字。牛肉滾淥十多秒，入口柔軟而帶嚼勁的口感，牛味濃郁突出，吸收了蕃茄湯內精華，更加香郁。花雕雞嫰肉滾淥後花雕味道仍然顯著，雞肉滑嫩無骨，咀嚼時傳來陣陣酒香，人和雞都醉了!十下三寶滑三寶滑有：臘腸鯪魚滑、墨魚滑及鹹蛋黃蝦滑，3款都圓碌碌，舖滿蟹籽，職員貼心幫我們拌勻、切片落鍋，令我們可以更專注享用美食。臘腸鯪魚滑配搭新鮮，鯪魚打至膠狀，啖啖鮮味；墨魚滑爽彈、鮮甜，加入粒粒蟹籽，口感十足。蝦滑中有鹹香的蛋黃粒，提升口感而更加惹味。懷舊果皮魚蛋

想 回 到 過 去 ~中學時代九十年代，曾經有幸跟父母去過大排檔打邊爐。今次去左銅鑼灣一間樓上火鍋店，裝潢懷舊有特色，彷如回到八、九十年代屋邨時代，霓虹燈林立，播著八、九十年代流行時代曲🎵(但點解我首首都識唱，老了老了🤣)-我地叫左 十下二人套餐 HKD$288/每位湯底可以五選一或二，我咁貪心梗係揀鴛鴦鍋🙆🏻‍♀️ 《十下麻辣鍋🌶》X《滋潤木瓜蕃茄鮮魚湯🐟》，麻辣鍋幾正，辣中帶麻，麻得好過癮🤩 入面既蜂巢豆腐吸收哂湯既精華，由白變紅夠哂刺激！木瓜蕃茄魚湯鮮濃味美，啱哂中女需要滋補既我🤣 內裡有成半條魚尾熬製，超級足料😍😍 魚尾煎過肉質仍有彈性，成條魚尾俾我食哂😋-配料包括以下多款，十分豐富💕▪大刀手切本地牛肉▪花雕雞嫩肉▪十下三寶滑▪懷舊果皮魚蛋▪流心粟米丸▪三星蔥醬爆貢丸▪鳳城水餃▪爽滑鴨血▪脆炸響鈴▪寛冬粉▪蔬菜拼盤-牛肉油脂同肉分布平均，有微微牛羶味🐮 三寶滑包括牛肉滑、蝦滑及墨魚滑，墨魚滑最為出色，口感非常彈牙，食到粒粒墨魚肉😋 最驚喜居然有果皮魚蛋食，由細到大都好鍾意食，魚肉內滲出濃濃陳皮香味，俾我啪哂咁多粒🤗 鴨血放落麻辣湯夠哂惹味，質地仲要超嫩滑，淥火鍋食無得輸！寛冬粉第