十三少 (已結業)

今日突然好想食酸菜魚，之前成日聽人講十三少酸菜魚都唔錯，所以放工約左老公一齊去試下😂😂，我地叫左個2人餐，有個涼菜3選1（椒麻皮蛋/涼拌土豆絲/蒜泥青瓜），我地擇左椒麻皮蛋，個皮蛋係四川皮蛋，係勁透明果款✌️叫左個主菜2選1（十三少酸菜魚/水煮魚）我就梗係叫酸菜魚啦，估唔到份量都比想像嘅都多☺️☺️，魚肉好滑無咩魚腥味✌️，之前食過有幾間都好腥！另外仲有個小菜2選1（麻婆豆腐/乾煸四季豆）我地在叫咗個麻婆豆腐，味道都唔錯，送飯一流😂😂😂

成日到香港仔做嘢嘅我, 今次喺條小巷入邊, 發現左間十三少. 而且入邊位置都好多, 地方闊落. 但係有好大陣消毒水味. ☹️☹️但係都搵唔到其他想食嘅嘢就坐低咗.一坐低就每人有個細細哋嘅前菜, 我嘅係土豆絲. 酸酸辣辣好好食!😍😍我叫咗份口水雞, 朋友就叫咗麻婆豆腐. 兩樣都唔算辣但係都好入味. 口水雞份量仲好多. 我食完個飯都仲有雞剩. 仲包埋嘢飲. 真係冇得輸! 麻婆豆腐屬於小麻. 撈飯真心一流!😌下次經過一定會再去~ 👏🏻

地方隱蔽，如非好食，真的不會一試再試。十三少酸菜魚，魚片滑而無骨(必須的)，湯底鮮甜，不會死咸大辣，配菜+寬條薯粉，彈牙好食👍👍👍水煮田鷄欠佳，紅紅的一大盤，辣椒多田雞少，田鷄淡而無味，配菜比田鷄好吃😰麻辣豬手，軟滑入味，老人家及小孩都可以食; 乾煸四季豆夠正宗，干身香辣好味👍服務不錯，不停有人幇忙換骨碟，換碗; 環境乾淨，座位舒服，特別在用花生做筷子托👏P.S.香港仔分店無酒賣，如要飲酒，自已帶去。

之前收到宣傳單張一直想試！今日終於去咗！舖頭係秘密嘅行裏邊，講真如果唔係有燈箱都搵唔到！一入去見到好多人，舖頭裝修都唔錯，初初睇宣傳單張以為係啲好細間比較古老嘅店舖！入到去一張張食物嘅相好吸引！叫咗個二人餐！啲餸嚟到之後10分有驚喜！服務員態度好好有禮貌！經常幫我哋換水！👍👍😋😋😋蒜泥青瓜好好食！最驚喜係麻婆豆腐！連唔食飯嘅我都要食咗一碗飯！好正有麻辣味！酸菜魚好大兜好好味！總括十分之抵同埋性價比好高！埋單嘅時候，見到個收銀好熟面口！相認之後，佢好親切，仲介紹午餐都可以用現金卷，午餐個價錢都好抵！下次一定要試💪💪

“十三少酸菜魚+寬粉”($238+22)“四季春冷泡茶”($22)之前除咗買到openrice $20廚十三酸菜魚仲買埋呢間喺香港仔嘅十三少🤣(點解都係十三😂)香港仔十三少舖頭入口喺條巷仔入面不過唔會驚難搵因為出面有好多指示😆呢道嘅酸菜魚有得揀辣/唔辣咁食得酸菜魚就緊係要食辣先過癮啦🌶同埋加咗我好鍾意嘅寛粉😛酸菜魚好快就上枱🥰食落唔會話好辣,怕辣嘅朋友唔駛擔心🤣魚肉大大塊而且夠滑☺️啲麻味愈食愈出好惹味😆最後啲寬粉吸哂啲湯真係好正🤤另外四季春冷泡茶茶味清香食完濃味嘢飲返個人都舒服啲😆

早排Openrice有活動，用$20就可以換取一碟菜式，我都參加咗，當喺一個機會發掘周圍新餐廳😯~見到有酸菜魚就決定試下。十三少有幾間分店，我哋選擇咗位於香港仔的分店，位置比較偏僻，要穿過一條幾黑的小巷再轉彎先去到，揾咗15分鐘先揾到🥲相比街外餐廳內燈光充足，入到餐廳點咗酸菜魚，選擇只有辣與不辣，我哋叫咗辣 (得好少辣)，但酸菜味道好香，配菜都好多，魚肉好鮮加上吸收晒湯底的香味，整體來講都幾好~小食方面點咗四季豆和土豆絲，有得簡辣與不辣。四季豆炒得幾香，土豆絲一般。2樣小菜份量適中~會再幫襯~但會簡其他分店🤣

今日晏晝去買咗五個午餐外賣 其中兩個係酸菜魚另一個係素菜麻辣香鍋 返到去打開碗酸菜魚入面只有5片好薄嘅魚肉 味道比起其他舖頭都非常失色 得一碗好大嘅湯同酸菜 試問食酸菜魚得5片 你會點諗？而素菜麻辣香鍋一打開個蓋賣相好差 令人冇晒食慾 入邊啲菜都冇乜選擇 只見到有啲芽菜、雲耳 而且薯仔一大片咁 切都未切細 成塊薯仔都係油 令人非常失望 質素非常參差 唔值得去買 唔會有下次希望店家睇到我一篇評論可以有所改進 份量同埋賣相有所提升 先會有人再去買外賣

我一直都係呢間小店既粉絲。自從係廣州深圳等地食過酸菜魚之後，基本上對香港大部分餐廳酒樓既酸菜魚不敢恭維，一係就用雪藏龍利柳魚整，一係就新鮮魚片不過多骨又腥，一係就湯底不夠味得個油字。直到試倒呢間真係暫時食過香港最好食既酸菜魚，金湯底鮮甜不油膩，魚片嫩滑無骨配菜分量足，一切味道配搭完美💯。今次再試其他食物，都係咁出色。不怕辣的推薦辣子雞軟骨，配酒一流，另外豬手辣得黎好入味鬆軟送飯佳品。

今日同朋友專登去左香港仔，位置有d 偏僻，係後巷，但一個超大既招牌成為左指路明燈，所以都好易搵到間野。其實lunch 時段佢仲有lunch set，不過山長水遠入到黎，就點左正常餐牌上既餸勒。前菜，涼拌土豆絲：(唔駛嗌ga，自動波送）椒麻皮蛋：(蒜味+麻辣味岩岩好，唔會太重口味，食完會想再食。）酸菜魚：（辣度大約係譚仔3小辣，本身唔太食得辣既朋友仔，就應該會覺得辣過頭勒，魚既份量足夠3個人食，酸菜既味道都唔錯，湯都飲左唔少，推薦👍）另外仲有嗌麻婆豆腐，但味道方面，我地一行3人都覺得唔得，仲偏油，裡面既肉碎仲唔知點解，係超級硬，同豆腐完全唔夾， 每人食左幾啖之後，就無再郁過碟餸勒。

位置喺香港仔有少少偏僻、但係入到去環境10分乾淨店員亦都很有禮貌、 我哋點左一份套餐同埋一份糍粑、第一上菜嘅就係土豆絲、土豆絲味道10分好食😊😊有少少辣、然後仲有兩碗白飯一個麻婆豆腐同埋一個酸菜魚！佢仲可以揀水煮魚、 不過我同男朋友鍾意食酸菜魚所以揀咗佢🥰麻婆豆腐十分滑入口即溶😈😈不過味道就有尚有改善空間、之後陸續登場嘅就係我哋期待嘅酸菜魚!!見嘅時候我同男朋友嘩一聲　！ 因為真係好大份！仲有兩碗白飯食到10分滿足🤪🤪佢嘅酸菜魚入邊嘅配料好足！味道亦都好夾啱晒鍾意食酸野嘅你！不過唯一唔好處嘅食到有兩條魚骨～其餘都好好如果大家嚟香港仔嘅話又想食酸菜魚我誠意推介呢一間👍🏼

本身中意食酸菜魚，咁岩見到openrice $20一個酸菜魚優惠，個日又要去香港仔，即時搶番個。酸菜魚(優惠價$20,勁抵) ,另加$20薯份本身配菜有萵荀，菇。萵荀切得好薄，爽口，酸菜份量足，酸味唔會好搶，配埋辣味岩岩好，魚都幾滑。個薯粉一定要加，吸曬酸菜味，好煙韌。辣子雞軟骨 $118呢個真係有意外驚喜，中意食香口野既必點，每粒雞軟骨都好重花椒味，又香又脆，仲有配埋腰果，勁。冷泡四季春$22呢個好香茶味，有d 解辣既功效，唔錯。

今日特登帶埋細妹去食呢間香港仔十三少酸菜魚食館食飯今次去到職員介紹我地食二人套餐 套餐包括有蒜泥青瓜 - 招牌酸菜魚 - 麻婆豆腐及兩碗白飯 套餐好抵食 食得好飽蒜泥青瓜 - 好入味 最岩我呢種勁鐘意食蒜既人招牌酸菜魚 - 我點左辣的酸菜魚 酸菜魚一到 細妹嘩左一聲 俾佢既大大碟 吸引住員工先推介 喝一口魚湯 魚湯好鮮味 好正然後用湯泡些飯 試試 果然更加好味道😝再試試魚肉 好滑 片片都是一大塊魚片呢間係我食過咁多間最正宗的酸菜魚👍麻婆豆腐 - 又是好送飯的一菜 同出面食開的麻婆豆腐好吾同 好特別 又係好值得推介的一菜 👍最後也順提 服務 我見到員工好勤快的工作見到佢地做得都好開心好有一種大家庭的感覺呢度果然沒有介紹錯 各位記得黎呢間試下呀😉😉

今晚到香港仔揾食😚十三少係一條巷仔內，係油站望上去，已經會有好大塊指示牌➡️➡️ 雖然位置格攝，但都容易搵到👍🏼我地分別叫咗兩個餸同一個白飯😋先睇下十三少嘅 招牌酸菜魚($238)，酸菜魚好滑，但個湯底就只有得揀辣或唔辣🌶，冇小辣中辣大辣之分，我平時唔係好食得辣，但都接受到嘅。至於味道， 十三少嘅酸菜魚非常惹味，唔算好油膩，同埋配菜都算幾足料，兩個人份量share啱啱好😋我地加咗寬粉底(+$22)，味道就真係好夾嘅，但係啲款粉淥都好淋，冇咗原本嘅彈性，基本上用筷子一夾，佢都會斷開另外一樣就係雞軟骨，份量正常，有好多辣椒襯碟，望落非常大份🤣 佢個辣味比較出，比酸菜魚更加辣，更加麻，食到我都流晒汗。一定要推薦比鍾意食川辣嘅朋友！

這店我們於今年四月尾去過，當時覺得他的酸菜魚做得不錯, 近期無意中發現一個Apps 有該餐廳參與及不同時段分別有不同折扣優惠。我哋選擇17:30 這段用餐時間是（有半價優惠）今次點的酸菜魚已發覺湯不濃魚味. 水還水，油還油，（請見如下第一張相片所示）魚塊仲帶有腥味。價錢跟4月的相比已有上調，但食品質素沒因有加價而改善，現出確實已退步了不少， 如果這個質素是用（正價）去食的話，簡直是沒有CP值可言。

成日都好想嚟食。不過開咗鋪咁耐都冇機會嚟。今日特然同朋友重陽登高之後，從香港仔水塘行出嚟，見到好多綠van都有十三少廣告，所以的起心肝，一定要試試！唔試唔知，一試返尋味！我其實都算係酸菜魚，麻辣干鍋嘅熟客。第一次嚟到十三少。。。真係，真係，完全打贏我以前食過既所有地方！（包括大灣區！！）麻辣干鍋超得，如果能夠加料就perfect!!!酸菜魚，真係食兩碗飯都唔夠喉!!!最後介紹： 四川糍粑一定要食！本人覺得比成都整得還好食！ 不過事先聲明：要等成半粒鐘，所以可能落主菜時已經可以落單，唔冼等咁耐。😁