十三姨 (通菜街)

营业中

休息中

呢日咁啱自己黎旺角學野係google search下有咩好食見到呢間小店俾佢個麵底-粉絲米粉吸引左入去食試左個13么 （即係叉燒雞肉粉絲米粉）口感都幾特別胡椒味既湯底，應該係味精湯底但係都幾入味黎得呢度點都要試下佢既辣醬同出面果啲好唔同 值得一試仲要附送蝦片一碟 正， 推介推介

有驚喜值得一試同friend 行完街經過間鋪見佢個名咁有趣就入左試下。想講間野好貼心，有個袋仔俾我地放口罩，值得一讚👍🏻仲要一坐低就送咗個蝦片，可以一邊食一邊等。😹跟住我叫咗個炙燒雞叉燒米粉個湯香濃而且雞都幾大塊同好嫩滑😋佢上邊仲有啲炸香蒜，正🥰隻蛋仲要係糖心蛋🥰下次會再食下佢其他嘢～

人人都推介老闆娘鵝肝煎蛋飯！好邪惡所加要試！老闆娘鵝肝煎蛋飯果然名不虛傳有3件鵝肝，太陽蛋，蔥油及XO醬重口味的我當然要多XO醬及多䓤😝😝鵝肝肥美太陽蛋煎得好靚蔥油及XO醬很夠味！攪拌來吃簡直是人間第一美食😋😋鵝肝好簡單只要煎到脆，送飯一流！

行經旺角,兜嚟兜去兜左好耐都唔知食乜,經過13姨見好多人排隊,感覺唔惹少,加上價錢平平地就決定食呢間,等咗大約半個鐘到,就安排到入去 一坐低就送咗盤蝦片俾我地,味道冇乜特別,都係啲普通嘢,香香脆脆咁,但勝在過下口引,邊食邊等啲上菜我哋一共叫咗三樣嘢1) 十三么2) 大三元3) 西多雞翼首先講講十三么, 十三么其實即係雞肉叉燒並雞絲米粉,湯底超香濃,米粉又好索湯喎,好食!而大三元同十三么用既配料差唔多,只係將個雞湯米線轉咗做雞油飯同埋搭多兩隻糖心蛋雞油飯做到香而不膩,非常難得,建議食呢個飯嘅時候加埋佢擺喺枱面嘅辣醬,食落更加野味最後西多雞翼,顧名思義即係西多味嘅雞翼,可以一試最後埋單每人唔洗一百蚊,算好抵食

早排已經食過一次十三姨，俾佢個雞絲撈飯深深咁吸引住，今次決定再黎回味一番。呢間餐廳常常爆滿，不過呢排疫情就少啲人排隊，我今次平日七點入座都唔需要排隊就直接入到去。大三元個人最中意呢個雞絲撈飯，配合蔥花同埋炸蒜，成碗飯好香好下飯，唯一就係有啲油膩。糖心蛋就正常發揮，雞叉燒肉質都算幼嫩。但係我會覺得再濃味少少會好食啲。炙燒雞叉燒湯陽春麵呢一款本身係米粉，朋友轉左陽春麵。湯底覺得係用新鮮雞炮製而成嘅，唔似出邊嗰啲味精湯。至於個陽春麵我覺得就一般，同平時喺超市買返嚟嗰啲白掛麵煮出嚟口感差唔多。椒鹽魷魚鬚雖然佢包住一層麵包糠，但係炸出嚟成條魷魚酥係霖身的，唔脆。個人覺得麻麻地。

十三姨📍.成日經過旺角都會見到呢間人氣店排哂長龍👥餐廳最熱門既佢地既fusion湯麵唔講唔知原來湯底係印尼秘方黎加埋灸燒 叉燒甘 真係幾fusion下🍜.🦐一入到去就有蝦片食住等即使免費但都唔會比啲腍哂既蝦片比食客蝦片都好香脆 鹹香好味.🐥十三么（轉銀針粉，$66）其實係叉燒 溏心蛋🥚同手撕雞湯底鮮甜 飲得出鮮甜既雞味但唔油膩🐔襯埋幼滑銀針粉真係好好味麵底仲有腸粉 幼滑得黎加強左麵底口味 表現出色👍🏻仲可以加滴檸檬汁提升湯底既層次🍋味道會清新啲.🐮十三飛（$72）其實指牛腩 牛肉 糖心蛋 同米粉拼粉絲湯底牛味勁濃🐂米粉同粉絲都好入味 .餐廳仲有秘製辣醬提供🔥好辣人士推介加啲辣椒醬🌶可以令到湯麵既層次提升 勁惹味.另外餐廳仲有串燒提供🍢都燒得唔錯 加埋辣粉都好香口整體質素都唔錯 值得試下.人均消費：$85美味指數：😋😋😋😋😋😋😋（8.5/10）抵食指數：💰💰💰💰💰💰💰💰 （8.5/10）打卡指數：📷📷📷📷📷📷📷📷（8/10）.店名：十三姨 (旺角)地址：旺角通菜街1M-1T號華發大廈地下C號舖

老闆娘鵝肝煎蛋撈飯💰$108衝着鵝肝而去試食😍鵝肝煎得好香❤️加上秘製XO醬蔥花蛋mix一齊撈勻食，增添唔少色彩👍🏻👍🏻👍🏻評分：8.5/10大三元💰$68炙燒手撕雞伴雞油飯+炙燒雞叉燒+糖心蛋呢個飯比想像中清淡，味道不過不失評分：7/10

十三姨有驚喜，一坐低低有五顏六色嘅蝦片，雖然係送嘅，但都唔差，食落卜卜脆，叫左個手撕雞拌雞油飯，啲雞絲同雞油混埋一齊食係好香，好滿足，味道幾特別，可以試下，不過可能有啲人會驚太油

MK 旺角 • 十三姨 1️⃣3️⃣📍旺角通菜街1M-1T號華發大廈地下C號舖店主開店為了紀念印尼的婆婆（ 綽號十三姨），將其二百年秘方的手藝於旺角開一間主打印尼雞湯麵的餐廳，亦想帶出「女人當自強」的訊息。老闆娘鵝肝煎蛋撈飯 $108 🦆大三元（手撕雞拌雞油飯+雞叉燒+溏心蛋)$68🐥白牛（雲呢拿雪糕+雪碧）$28🤍黑牛（朱古力雪糕+可樂）$28🖤煎得金黃的鵝肝，加上流心的太陽蛋，配香蔥炸蒜、秘製醬油同微辣XO醬，超開胃，推介推介🤤雞叉燒同溏心蛋麻麻地，叫手撕雞拌雞油飯$48已經夠食，不咸不淡，恰到好處，有點像台灣的嘉義牛肉飯🥰意想不同有港式特飲的白牛同黑牛添😬➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💫💰 抵食：🌟🌟🌟💫

一個人晚飯唔知食咩好就去左搭車附近搵食。又唔係好肚餓但又要食正餐，行左半條女人街都好似冇咩啱一條友食😢 最後行到十三姨見麵有得轉菜就決定入去。環境都坐得舒服入去見到筷子筒多左即棄筷子呢個時期都想盡量用有獨立包裝既餐具另外一坐底就有杯蝦片比你食，好脆口叫左個 十三么(雞絲+雞叉燒)半銀針粉半菜，個流心蛋好食，個鍋好熱所以食得慢都唔易凍，個雞、銀針粉同菜就無咩特別。但有個茶係鐵觀音，加分加分佢有塊檸檬分開上，但我唔知係點食就直接掉左入個湯度😂所以個湯有少少酸，餐牌寫住個湯有秘製香料包括用黃薑、南薑、石栗、香茅，呢樣好吸引我點呢個麵，食落都有少少但唔太重味最後幫同屋叫埋個外賣就埋單，個外賣飯都出得好快，不過番屋企要45分鐘，所以個飯焗左45分鐘先開黎食，番到去仲係好熱，不過飯林左d總結是有銀針粉可選，麵亦可以轉菜同有蝦片鐵觀音好加分，所以一定會再去既

比店名吸引到 一間專門食雞嘅食店。入去睇下menu 其實除左雞都仲有其他野嘅。Order完 會先送上一兜七彩蝦片 仲脆卜卜架 都幾好味。手撕雞拌雞油飯＋炙燒雞叉燒手撕雞好好味 雞油飯亦夠香 不過食落唔會太油膩。另外雞叉燒就爭啲啦 唔夠嫩滑。整體嚟講都值得一試。

呢間餐廳個名就夠晒特別啦，但淨係齋聽個名唔會知係食咩嘅。入到去見到啲裝修都非常之特別，切合返佢個餐廳名， 「十三姨」有少少古色古香嘅感覺。為可以食多啲食物，所以又係食左2次呢間餐，先打呢篇食評🌟講返點解會黎試呢間餐廳先，就係見到有朋友share，俾佢個鵝肝飯吸引到，所以特登嚟試個鵝肝飯。一坐底，侍應就會端上茶同蝦片。每杯茶都有一個茶包，好飲蝦片亦都睇得又食得。（評分：5⭐️為最高）老闆娘鴨肝煎蛋撈飯（評分：⭐️⭐️⭐️⭐️）其實我就唔食鵝肝嘅，因為我怕鵝肝嗰陣油膩感，同埋怕咗羶味。但經朋友極力推介，咁唯有試一試。不過講真呢個撈飯啲色水的確豐富🤤煎蛋豉油撈飯已經好吸引，加上鵝肝，成個煎蛋飯好似昇華咗十倍咁鵝肝煎香咗，但咬落鵝肝軟淋淋，冇咗鵝肝嗰陣油膩感，而且冇乜羶味。就算唔識鵝肝嘅我都覺得好味，真係值得一試。十三飛（評分：⭐️⭐️⭐️⭐️）十三飛其實即係牛肉嘅粉絲拼米粉，入面有牛肩胛、牛肋條、同溏心蛋。由於湯應該一有腩汁，加埋芫茜同椰菜等配菜，所以粉絲同米粉，仲有腸粉都好入味雖然係麵食，但份量十足，唔會餓親。十三么（評分：⭐️⭐️⭐️⭐️）十三么主要係雞肉，入面有手撕雞、雞叉燒、溏心蛋，都係粉絲拼米粉。個人覺得雞

🍳老闆娘鵝肝煎蛋撈飯 ($108)有成足足3大塊鵝肝 煎得香口無咩酥味 唔好期望係咩高級鵝肝🙈煎太陽蛋有埋脆嘅蛋邊 加埋流心蛋黃仲有蔥花同炸蒜 同辣辣地嘅蝦乾配上㊙️製豉油 好邪惡呀 膽固醇超標啦🙊如果個豉油有D甜味 撈飯就仲正因為鹹豉油加上飯有嘅辣椒XO醬就有少少過鹹🤣 但係黎個重口味組合係無得輸❤️另外都試咗佢地嘅串燒 價錢合理 都可一試🥳🥰 不過真係超級多人等位而且坐得比較逼好彩上彩都算快 而且職員都好有禮貌😚

呢間十三姨喺旺角花園街好多人排隊，次次晚餐去都要等位。餐廳唔算好大，但係座位好多，坐起黎其實好迫，枱與枱之間好少位，同成日都要搭枱。而家呢啲時勢就好少再去啦，因為真係同隔離枱好近。每次去十三姨都係叫十三么同13飛，分別係牛同雞。講左個d基本料，個麵底係米粉加粉絲溝埋，仲有幾條腸粉，口感好多重，市面上比較少見，都幾好食。個湯底就幾清新，仲可以自己加幾滴檸檬汁落去，食哂成個湯都唔會好膩。牛有牛肉牛腩，兩樣都幾林，呢個價位，算係咁啦。不過我比較喜歡雞，雞有雞叉燒同雞絲，夾埋d米粉加粉絲，食落口感豐富好多，正！

前日見好多人排隊, 為左滿足下好奇心就試下因為一個人食,所以唔洗等位座位好逼,但蝦片,茶都好飲好食嘅叫左個十三飛牛湯陽春麵都OK但如果要排好耐就真係唔會再番來服務人員態度一般帶你入去位都無講過繁忙時間用餐一小時到50分鐘就突然走過黎同你講叫你走一小時就真係有D趕當食快餐都OK 嘅