十三姨 (通菜街)

营业中

休息中

一坐低就會送上一杯印尼🇮🇩蝦片🦐🤪等我哋等菜嘅時候可以慢慢品嚐👅-老闆娘鵝肝煎蛋撈飯👩🏻‍🍳你見唔見到碗飯啊！有三塊大大個鵝肝🦢🦢呢碗飯配料極為豐富，流心煎荷包蛋，秘製xo醬，蝦乾，炸蒜，菜脯，蔥花🍳🧄真係聞落同食落都好香😍所有配料撈埋醬油白飯食真係好好味🤩鵝肝又煎得好香脆🍚真係肥幾多都要食🥘評分：9/10價錢：$108-十三么🐭呢碗fusion料理有手撕雞🐔，雞叉燒，溏心蛋🥚，芽菜，仲有好多配料啊！佢可以自行選擇麵底！可以揀係銀針粉或米粉粉絲🍜如果想調較口味，可以落d檸檬汁或醬汁或辣油😙感覺好開胃好清新👀評分：8/10價錢：$68-📍 十三姨 旺角📍

旺角通菜街不嬲都有好多正野食😋 今次特登去食其實近登打士街（油麻地）嗰邊多啲既十三姨😄😄😄 平日9點幾去到無諗過全場都坐足8-9成，都相信佢唔係黃店效應而係真係真材實料多人encore。一坐低就有人俾你食蝦片😂😂😂見到咁夜費時食返食到咁油膩，我同朋友都叫左十三幺（手撕雞、雞叉燒、溏心蛋粉絲夾米粉）。好快就上台有得食👍🏻效率好快湯底夠味有無味精感覺，好大煲啲雞好足料！！除左溏心蛋有啲唔正宗都超好食！回頭率好高！下次應該要試飯

我也不知道這是中式粉麵還是什麼了. 粉絲加米粉的配搭有點像喇沙, 而雞肉叉燒又有點日式拉麵的風格, 既然如此就叫它做Fusion粉麵就好, 連名字也叫做”十三么”如此港式, 很有以前華洋雜處的香港味道. 湯底是以雞骨餚製而成, 色水清澈而味道柔和, 加上特製的青辣椒醬, 微微辣勁剛剛好. 配料的雞肉叉燒口感厚實, 味道就比較淡, 反而手撕雞的炭烤味道令人驚喜, 看着店裏的同事真的是用手撕着雞絲, 有點像以前去雲吞麵檔, 看師父包雲吞然後我在吃雲吞麵的樣子, 湯裏便還加了豬腸粉去吸湯汁, 除了粉絲和米粉外, 三重玩法除了提供不同口感外, 也令我覺得更加飽足.

之前看到這家店，點了十三幺，我覺得內容不算太豐富，味道偏淡，還有叉燒雞飯，味道有點怪怪的不喜歡不推薦，西多士雞異有點太甜了，魷魚炸得還可以，但是份量好少，不會再去了，竟然還要排隊，服務ok

呢排抗疫持續進行中，係屋企真係悶到抽筋今晚就捉埋男朋友陪我出旺角買game玩買完都夜晚9點幾，想搵個地方食飯發現好多店都關了，我地去左女人街見到呢間叫「十三姨」，食麵既，我地都鐘意就入去試下。店舖唔算好大，但都好多客人一坐低，發現店裡裝潢又幾有心思有特色茶杯更是木製，菜單亦好靚。店員亦立即送上免費小食蝦片，幾用心！抵讚🌟十三么雞湯粉絲($66) 可轉麵類👉🏻我轉左陽春麵。食麵第一啖通常都會試湯先，呢個湯底十分濃郁，咸咸地。我自己覺得可以淡返少少，但係真心愛濃味會覺好正。而麵既質地唔錯，有咬口。手撕雞有烤過好香！仲配流心蛋，隻蛋合格，好嫩！🌟炙燒雞叉燒湯米粉($62) 加底$10👉🏻同樣轉了陽春麵。重點講下塊雞叉燒，第一次食。又整得幾似日本拉麵既叉燒，而肉質亦保持到嫩口！另外欣賞間餐廳，如果唔食澱粉質朋友，都可以加$10轉蔬菜底！呢個構思好貼心，第一次見有餐廳咁做！總括：有驚喜！我仲想試埋牛肉款。會有回頭，幾用心的小店

旺角依排好靜，幾乎過左8點好多舖頭都收左。今日本身諗住食日本野，見到十三姨，就入左去食，已經第二次幫襯啦今日唔洗排隊，入面坐得好鬆動，本身要我地撘枱，不過想坐鬆d空氣好d，同店員講左聲，就即刻轉左，態度幾好一坐底佢會俾個蝦片你食，有小小蒜香味，上面脆既，食到底開始有d軟軟淋淋咁。不過等緊野食黎，有野食下都幾好Total 食左3樣野，2個小食 西多雞翼，椒鹽魷魚酥1個主食 十三么雞湯粉絲拼米粉1杯野飲 黑牛 雞翼魷魚鬚肉質係淋身，唔好食個人覺得唔掋食，好似$38 10條都冇，偏貴十三么普普通通唔特別雞絲有d癡牙個粉絲ok好食蛋可以再流心小小黑牛佢其實係可樂沙冰配雪糕，有小小似思樂冰，Menu 寫配朱古力雪糕，但我好似食唔到

📍 十三姨 旺角通菜街1M-1T號華發大廈地下C號舖店舖裝修充滿台灣風味 古色古香 每枱都會附送七彩蝦片 脆卜卜😍送既熱茶又好飲老闆娘鵝肝煎蛋撈飯💰$108有三件特大煎到好香既鵝肝 配上煎蛋蔥花 炸蒜再加左d秘製辣辣地既蝦乾，中意辣多少少可以撈埋d飯食飯份量吾多 多返少少會好d 成件事好邪惡但好惹味 間吾中食下都得既😋十三么💰$66配料有手撕雞，雞叉燒，溏心蛋陽春湯麵可改其他麵（粉絲拼米粉）湯底清而又濃濃既雞味 帶少少微辣 店舖用左原隻鮮雞熬製 雞叉燒炙燒左有4,5片 再加上手撕雞撕到好幼細 湯底很不錯😛

黎一個餐前小食先熱茶+七彩蝦餅脆卜卜！🍛老闆娘鵝肝煎蛋撈飯三大塊鵝肝加自家製XO醬足夠大叫「老闆娘加飯。唔該！」SORRY!! 加飯要加錢架XD不過呢~呢個真係加多個飯都完全冇問題鵝肝好重油脂 好香加埋個XO醬 再加隻蛋........oh my god!!!!🍛大三元醃過既炙燒手撕雞絲 鹹鹹地配上大量蔥花+蔥油平時慣性「走青」既小編都出奇大讚好味🤤事關蔥油帶出粒粒米飯香再配上微辣既自家蘿蔔醬汁送飯一流！真係食到停唔到口

見今日平日放假，心絲絲想去旺角食十三姨，早前都係因為朋友IG見到個招牌鵝肝飯，挑起食鵝肝嘅癮於是，晏晝出左旺角，都係午飯時間但好開心唔需要排隊，加上一個人，直接入座！一坐低，店員就放低左d彩色蝦片，都幾惹味，脆卜卜，食唔停口，哈哈 同時，都有杯熱茶，未點野食已經好開心餐牌唔會太複雜，而且我一早已經決定好係要試招牌鵝肝飯！拍板！唔洗好耐，見到佢真身啦賣相唔錯鋪係面嘅有唔少得嘅煎鵝肝，但略嫌有塊薄左d 好似豬潤lol、太陽蛋、炸蒜定洋蔥、自家製xo醬同葱花。鵝肝味道唔算太濃，油份都ok﹐如果厚返少少會開心d﹐話晒佢都唔平。個人最想highlight嘅係靜靜地係側邊嘅Xo醬！本身我唔太食辣，其實佢真係幾辣，但我又覺得佢辣得好過癮！愛黎撈飯真係好開心！反而佢個XO醬好足料，見佢d瑤柱絲真係好多。今次真係比佢個小小配角surprise左！總結黎講，我下次會帶埋friend黎食，希望下次塊鵝肝唔會令我失望啦

早前喺Facebook呢間餐廳出post 已經好想黎試，見今日去開旺角就黎試下黎食lunch我同朋友叫左手撕雞飯+灸燒雞叉燒 同埋十三飛牛湯陽春麵，另外見糖心蛋好吸引所以跟餐加$6加左隻黎食。手撕雞飯個人認為不過不失，枱上可以加鼓油調味，但個人認為呢個飯太多炸蒜，雖然走左雞油但碗飯都仲系有d油，雞叉燒啖啖肉 成碗飯配埋糖心蛋食 味道吾錯！反而個十三飛配陽春麵口感吾錯 但個湯勁濃 太咸但配料好足 好多牛肉 如果個湯底無甘咸會更好。

上次食左十三么😛今次試埋個牛同埋啲飯款😋-上等牛肉陽春麵🐮同上次食到嘅一樣 啲牛依然有相當濃郁嘅牛味🤤每一塊都好有嫩滑 切得一啲都唔薄 好有口感💓仲要有好多塊😚好抵食！不過今次個湯底好似鹹過上次嗰個🙈-十三元🐣呢個飯豐富😋除咗有炙燒手撕雞伴雞油飯 另外仲會配埋炙燒雞叉燒同埋溏心蛋😍佢同十三么其實有啲似 只不過係將個麵底就變左做雞油飯🤣個雞油飯配左好多蔥花同埋炸蒜😚撈埋落個飯到一齊食好香🥰唔好以為雞油飯會好油～佢呢到個飯好濃嘅雞油香味💓不過食落一啲都唔油‼️-黯然銷魂飯🐣呢個飯嘅份量超級多🤣佢呢個雞叉燒嘅味同其他唔同🙈呢款個味道偏甜啲😛佢配左大量嘅木魚絲 蔥花仲有沙律醬🤩原本會以為個沙律醬撈飯會好唔夾🧐但係佢同個木魚絲同埋啲甜甜地嘅叉燒一齊食又幾好味🤤

呢間野啲麵好特別😍😍個底有粉絲拼米粉兩溝 仲有銀針粉 陽春麵比你揀🍜最特別係有四蔬🥗啱晒啲唔食澱粉質嘅食客👍🏻好貼心💓-一去到坐低就會即刻比好Colourful嘅炸蝦片你食🥰真係好正！我嗰日去咁啱炸起🤤所以熱辣辣 脆卜卜❣️-十三么🐣我嗌左十三么轉四蔬🥗佢有四款時令蔬菜 所以應該係成日轉～雖然轉左四蔬 但係佢都好得意會加幾粒腸粉仔落去🤣口感滑嘟嘟💓個湯底好清 好濃嘅雞味🤤飲落有啲似雞湯🙈手撕雞同埋雞叉燒都帶有少少煙熏味😍食落好香😚雞叉燒第一次見 好特別🤩啲肉好嫩滑 一啲都唔鞋💓隻溏心蛋好正❣️❣️-十三飛得朋友就嗌左十三飛🐮呢款麵個湯底就相對濃少少～個牛肩胛同埋牛肋骨個牛味相當之濃郁😍仲要一啲都唔肥！牛肋骨唔會太韌 好淋身 口感好正❣️佢個麵底係粉絲拼米粉 原本以為兩款麵撈埋會好唔夾🙈點知完全唔會格格不入 有啲軟有啲硬 口感好特別🤩好後悔冇嗌呢個😟

8點幾去到，排15分鐘唔算耐，入到去雖然要撘枱都唔算迫。店員即刻放低蝦片同茶。叫左個大三元同鵝肝飯大三元即係手撕雞飯加雞叉燒同一隻蛋，加埋佢啲秘製撈飯汁都幾香，個雞叉燒係用雞髀肉整，但就無咩味。鵝肝煎得幾香口，雖然無入口即溶，但100蚊泥講都算高質，不過個飯就有小小辣。整體泥講旺角有一百蚊落到樓既野都唔錯既。

旺角覓食 搵到十三姨其實女人街有好多小店而十三姨係其中一間 我個人推薦的每枱客人都會有一杯蝦片？脆卜卜的😆而佢哋嘅湯麵都有特別嘅名稱好似我咁就叫咗個13飛 ($72)呢一碗湯麵係用左牛湯 牛味十分濃郁而配料有安格斯牛肉 牛腩 溏心蛋同銀針粉銀針粉長短不一 口感特別 而且好滑溜成碗麵都好豐富同濃郁嘅牛湯好夾👍🏻而MY BOSS就叫左十三么配雞湯 ($66)除此之外佢嘅嘢飲都特別經典我地叫左杯金牛 ($26)入面有芒果雪糕以忌廉做底 再加上oreo粉及朱古力條好飲👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

係旺角要搵餐正常小小的飯食真係一的都唔容易.....因為又要係旺角搵食...所以就走左入女人街.....行過見到有一間食粉麵的鋪頭..平時真係一定唔會入去，但朋友話想試...好...就試一次.....坐低之後見佢餐牌幾得意喎，唔係平時一般中式或者譚仔個的類型....最後叫左一碗雞絲湯粉同兩串雞肉串燒!一拿上台，個樣都幾靚，有好大陣雞湯的味道，佢仲加附左一舊檸檬，平時一般一定唔會有。試左一啖湯，係甜既，而且甜味唔係由味精而來....飲完湯就再加檸檬落去，加完個湯又唔同左味，但係感覺清爽左好多~因為雞湯有時飲得多都會布小小膩，但加完個檸檬就真係岩岩好。個粉佢有同湯一齊煮過，所以湯的味道有入到粉個到，唔係求其煲返熱就算!串燒就一般般喇.......肉質係可以既，但冇咩味，完全係算個味粉去撐場面..同埋有小小唔夠熱..所以....總括黎講呢間係可以再去食....但只限係粉麵...下次去我會試下佢個牛肉湯，睇下係咪一樣都咁好食~