北海道食堂 (已結業)

位於沙田中心商場3樓50及57號舖的北海道食堂，主打日本菜。餐廳頗近沙田站，地理位置方便。餐廳的環境舒適，開放式廚房內可以看到廚師在制作刺身。今次則坐在卡位位置，位置闊落不狹窄。極上四色刺身丼來到了，賣相頗精緻，用上油甘魚、三文魚、三文魚籽及海蝦四款新鮮刺身作配搭。刺身肉質爽口彈牙，個人最喜愛吃巨型海蝦，蝦肉飽滿，吃落很滿足。升級套餐還會包味噌湯、蒸蛋、前菜、熱柚子蜜，十分豐富，而且很比單點更化算。北海道牛乳華味鳥味噌鍋來到了，侍應會端來一個迷你的石油氣爐子，把材料煮熟。客人可以按自己喜好的熟度，十分彈性。「華味鳥」是一種日本銘柄雞種，以天然發酵而成的專用飼料飼養，粉紅色肉質為其最大特點，肉質滑溜細嫩。加入以北海道牛乳熬製的濃厚高湯，將各款香菇蔬菜一同烹調，華味鳥的鮮味和濃厚的牛乳湯底互相襯托。點了一客北海道十勝紅豆香草雪糕作結，雪糕口感冰凍滑溜，配上煙煙韌韌的白玉，和豆味頗香濃的十勝紅豆，頗不錯。順便一提，如果餐廳的空調能更強勁，便更好了。

小朋友最愛 💛 牛油玉子捲：看似簡單但係好食，好香牛油好邪惡。份量超多，我地咁多人都食唔晒。鐵板牛油帶子：牛油同帶子根本係絕配，面頭加上黑椒更惹味！六十幾蚊有咁多粒，好抵食！三文魚腩刺身：三文魚夠新鮮，大大件厚切。腩位又夠油。好想叫多碟。和牛豆腐野菜鍋：牛肉夠多唔算太肥，配埋雜菌同雜菜。仲有滑豆腐。好味。個湯底偏濃味，但送飯又剛好。 重頭戲！北海道十勝紅豆黑芝麻雪糕： 又係必點之選！十勝紅豆大大粒又香甜，跟埋幾粒白玉丸子。多重口感。重點係黑芝麻雪糕，芝麻味濃，好食。

成家人喺沙田行完街搵飯食，沙田市中心真係插針都插唔入！唯有轉戰沙田廣場，一條天橋之隔，條路暢通好多！真係天堂嚟㗎！今次揀咗呢間日北海道食堂，地方夠大又我得舒服，而且價錢唔貴，以後去沙田行街又多個選擇啦！講多啲食物啦！海葡萄豆腐野菜沙律： 阿囡超鐘意食沖繩特產海葡萄呢度都有得食。豆腐夠滑菜又新鮮，配埋個醬汁，酸酸甜甜好開胃！軟殼蟹天婦羅：一碟2隻，份量都多，軟殼蟹大大隻，啖啖肉，好好食！推介💛鐵板美國牛小排：本來想叫五成熟，但店員窩心推介七成，因為唔係鐵板上，所以七成熟剛剛好。香濃牛肉味，入口淋，肉汁豐滿。仲好大碟，抵食！跟餐送埋飯、飲品、湯好抵！蒲燒鰻魚丼飯： 套餐跟埋飲品、麵豉湯同埋 茶碗蒸，好滑又鮮味。原條鰻魚好厚肉。醬汁好濃好入味。配飯一絕。日本芝士雪糕：口感幼滑，芝士味雪糕好少有得食，估唔到咁好味，芝士味好香。好正。下次一定要再食！

今晚同朋友行完沙田市廣場, 就在附近商場覓食, 見到有日本餐廳, 又不是很多, 於是入內坐下。餐廳燈光明亮, 有區分鐵板燒座位, 不會令人全身滿有油煙味。餐牌上有單點或者套餐可供選擇, 我們點了兩個套餐, 套餐除了主食, 還有飲品蒸蛋, 面豉湯。美國牛小排丼 $158牛肉雖然切得薄, 但牛味亦很重牛味, 而且很冧滑, 數量亦不少, 飯粒分明, 不黏稠。陶版炭火燒雞 $92燒雞肉質嫰滑, 配上美味醬汁, 令雞肉的鲜味提昇不少, 而且雞肉亦很多, 好像吃不完。北海道燒魷魚 $78燒魷魚一上枱, 大家都迫不及待舉筷夾, 魷魚圈燒得外脆內軟, 煙靱得嚟又容易咬斷, 亦很juicy鮮甜, 不會太亁身。唐掦雞軟骨粒 $35最後送上是熱騰騰的唐揚雞軟骨粒, 外表炸得金黄, 內裡香脆可口, 淋上少許檸檬汁, 帶出雞肉汁的味道。雞軟骨粒粒分明, 不會黐埋一舊舊。

維尼b話要同公公出街，於是唯唯媽安排左我地3人飯局！飯局當然食公公最鐘意既日本菜啦！是晚餐單：兒童餐（壽司，飯團，烏冬，啫喱，飲品-益力多）$68呢份兒童餐堅大份，連維尼b咁大食都食唔晒，壽司大部份都係熟既食材，件蟹子壽司俾我地用茶碗蒸同維尼b交換左！烏冬好彈牙，湯底清淡，唔會太咸，是晚甜品係啫喱，仲要公公餵佢食甜品，不知幾開心！加埋俾我用水開淡左既益力多，維尼b大滿足！蟹肉蟹膏玉子燒$86唯唯媽好鐘意食玉子燒，同公公食，食豪啲，食有蟹肉蟹膏既！蟹肉蟹膏樂鮮甜，玉子燒都煎得好靚！松葉蟹肉野菜沙律$44本身想叫魚生沙律，怕維尼b扭食，叫左熟晚松葉蟹肉野菜沙律，好大碟，好多蟹肉，性價比高！極上4色刺身丼套餐$128公公鐘情刺身，所以叫左呢個4色刺身丼！帶子、三文魚、蔥吞拿魚腩、大大隻赤蝦，每種刺身都好新鮮甜美，呢個價食到4款刺身，抵！鹽燒牛告舌套餐$108牛舌好耐無食，見到即叫，送到面前，剛燒起，熱辣辣，入口鹽香油香俱備，高水準之作！服務：唯唯媽湊住維尼b食飯，我好重視餐廳既服務，服務態度差既，幾好食都唔會再去！北海堂食堂，職員好細心，set bb highchair 期間，已經自動將枱面

之前聽說沙田開了新餐廳！ 北海道食堂！ 剛好來沙田就來吃一下吧！菜單內容好多！ 價錢也都不貴燒北海道產魷魚好大隻魷魚， 佔滿了整個碟子 碟邊有附沙律醬， 喜歡的朋友可以點一下。雪白的魚肉 好厚肉，好新鮮，好彈牙， 特製燒汁提升了魷魚的鮮味， 風味十足，真的好好吃， 這個魷魚真的是必食之選！鐵板美國小牛排 一上桌就香噴噴 小牛排肉質不錯， 外面煎得微微焦香內面肉嫩帶點脂肪， 肉味咁香濃郁， 好juicy！ 還有炸過的蒜片為牛排增加了點點蒜香， 很喜歡這樣烹調的小牛排。蟹肉蟹膏玉子燒 我本身很喜歡吃玉子燒， 這裡的有款升級版的， 在玉子燒上再加上： 蟹肉的鮮甜 蟹膏的濃郁 蟹子的口感把整隻蟹的精華濃縮在玉子燒內， 蛋味和蟹味互相提升天呀！ 每一口都充滿滿滿的幸福感， 一口接一口，不知不覺已經吃完了。芝士咖喱吉列豬扒石鍋飯 咖喱很香濃， 豬扒也很焾， 用吉列的方式炸得脆脆的， 也能鎖住不少肉汁， 米微微帶點煙韌QQ的， 用石鍋上也可以保溫， 喜歡飯焦的， 可以放久一點， 就會吃到香香脆脆的飯焦。還有因為點了套餐， 附送了味噌湯，蒸蛋，漬物和柚子蜜， 味噌湯濃度剛好，不會過咸， 蒸蛋很漂

沙田除了雞粥出名，其實一直有很多美食，今晚與家人到了新城市廣場逛街，晚餐便選了我最愛的日式餐廳～牛肉壽喜燒（餐）牛肉大片，肥瘦平均，配上金菇、娃娃菜、紅蘿蔔等，令湯頭更甜，茶碗蒸香滑，配有香菇、蝦更有口感，漬物酸中帶爽脆，好送飯芝士咖哩吉列豬扒石鍋飯吉列豬扒炸得香脆，咖哩濃而微辣，面層有滿滿芝士，有飯蕉，惹味拉芝呀兒童餐A烏冬彈牙，壽司份量足，還有益士多和啫喱，小朋友好滿足唐揚炸雞炸得不油膩，雞肉不老北海道十勝紅豆黑芝麻雪糕芝麻味濃，紅豆香濃有口感，丸子軟糯香草味一樣不錯，香滑

北海道食堂...佢地既餐牌選擇有很多...有平嘅又貴既..又有拉麵又有定食又有鐵板燒仲有二人或四人套餐。因為餐牌太多選擇嘅關係有好多野都想食但係因為我哋得兩個人，到最後我地決定叫左個二人餐🤣🤣🤣二人餐入邊有麵豉湯，沙律，大蝦，和牛，壽司，銀雪魚，鐵板煙肉炒飯，最後仲有個雪芭！其實所有嘢食都非常出色，野食好新鮮，特別係銀雪魚真係煮得好好。其實成餐飯嘢食水準十分高，但係服務嘅質素就麻麻，每次想要某一樣野都要同分別唔同嘅同事講一次，至少舉手講兩次先會得到你想要嘅嘢或者幫你解決到問題。我諗係呢方面佢哋仲有改進嘅空間。

親仔仔放假，我都放假-唔煮飯，出去食個飯！揾食黎到「北海道食堂」我地各自㨂左唔同嘅食物：仔仔🍣三文魚籽軍艦🥢鐵板蟹肉炒飯媽媽🥗海葡萄豆腐野菜沙律🐟鹽燒北海道產花魚爸爸🍱迷李切角魚生丼🍣海膽軍艦仔仔見到三文魚籽軍艦即刻食左落肚，冇比我影相當，你話幾咁吸引呢😋媽媽我就好欣賞個沙律，炎炎夏日，好開胃！個魚要等耐啲，但都燒得幾滑、夠味！個魚生丼，又係未影相佢就開動食左了！魚生爽口、陪配埋個冷麵，個配合不錯！唯獨個蟹肉炒飯，黎到見到有好多蔥🌱因爲我同仔仔好煩的，咩食物都要走蔥，而師傅應該忙得滯睇漏咗加上原來飯內係有黑椒，仔仔覺得好辣食唔到，固執嘅仔要叫多碟炒飯食！店員走來連忙道歉🙇🏻，及即時快快手炒番碟飯比我地。值得欣賞👍🏻其實做過飲食業嘅我都理解，有時忙起上黎搞錯嘢時常發生！但店員嘅態度同處理手法好值得欣賞👍🏻👍🏻👍🏻10個讚！

係沙田覓食, 大家第一時間諗起新城市廣場, 其實係附近的商場也有不少選擇, 今次我就去了位於沙田中心的北海道食堂.款式選擇也有不少, 最後我選了鐵板燒銀鱈魚定食.定食幾豐富, 當中包括前菜, 湯和蒸蛋.飲品係熱柚子茶. 定食賣相精緻. 先食前菜, 帶點酸酸, 夠醒胃. 蒸蛋幾滑身, 而且內裡有蝦和蟹柳. 我鍾意這個湯, 因為夠多料, 有滿滿的紅蘿白和海帶. 燒銀鱈魚. 外層夠脆身, 而魚肉夠嫩滑, 外脆內嫩, 雙重口感.味道調教適中. 用來配飯食最夾. 下次要試下其他款式.

成日去沙田行街，原來只要穿過新城市沙田中心都好多嘢食。見冇乜人又坐得舒服，就揀咗北海道食堂。叫咗蟹肉蟹膏玉子燒超邪惡，嚟到必食！一咬落去啲蟹膏就咇曬岀嚟，超級正，由流心蟹膏到軟熟玉子，一絲絲蟹肉，整個口感配搭簡直係極品！特盛信月薑鹽湯拉麵叉燒鬆嫩，湯底系雞湯，以為會好淡未，但附上薑鹽，即時提升整個湯的鮮味，拉麵夠軟身，湯我都入曬呀！豚肉味增雜菜煮套餐窩入邊有大量銀芽，蘿蔔絲，椰菜，好足料啊，再用豚肉蓋面，豚肉切到好薄，一開爐水滾啲肉就熟啦！另外有一碗辣味噌，食得辣嘅人先好落曬呀！加$20轉套餐就有茶碗蒸味增湯前菜白飯同飲品，好抵呀！鐵板牛油焗帶子帶子表面落咗啲炸粉，食落去脆面又香口，帶子口質岩岩好，無變硬。燒北海道產魷魚一上枱已經勁香燒魷魚味，食落去唔硬，好淋，個燒汁同點沙律醬，岩岩好兩人食咁多野，四百零蚊超值啊

【北海道食堂】平日晚飯時間，咁啱似乎有拍攝，只開放了半個場，雖然坐滿，但仍然唔嘈，成餐飯都感覺好舒服享受。🥗炙燒平目魚邊黑松露牛油果野菜沙律：平目魚好嫩好滑，淡淡嘅鮮味，牛油果同黑松露亦好夾，有酸酸地嘅沙律醋，好開胃。🐮 牛肉壽喜燒：一上枱已經先呃like ，確實好難煮完都影得靚😂 牛肉份量好足，我自己一個餐係食唔曬。配料有好多菜，日本餐手嘅好處係一定肉菜平均。起初將壽喜燒主角之一嘅雞蛋就咁發咗加鼓油，牛肉掂少少蛋醬係會滑d。食到一半我倒咗蛋汁入煲。omg! 滋味即時提升十倍，個湯變得好甜，我仲用黎撈飯，湯都清埋。🍱 天婦羅咖哩飯：咖哩比較淡，怕辣又想食咖哩可以叫呢個。天婦羅有蝦蝦蝦，南瓜，紅椒，天婦羅漿厚薄剛好，唔會一口粉。上枱仍然好脆卜 卜☺️☺️🍨 北海道十勝紅豆芝麻雪糕：好好味呀！食完熱辣辣 煱物配又甜又凍嘅雪糕先係正解。芝麻雪糕好滑又香，上面既十勝紅豆好甜，👨🏻‍💼 如果冇漏單就更好啦！

第一次黎 , 午市無加一 , 仲有 4 人同行 , 一人免費 !! Lunch set 有好多選擇  , 爐煓燒 , 壽司 , 刺物 , 炸物 , 麵食 等等跟餐有麵鼓湯 , 沙律 , 蒸蛋 , 飲品可以揀凍或熱柚子蜜 , 亦可以加錢轉其他飲品蒲燒鰻魚丼定食 ($98)鰻魚幾腍 , 味道正常 , 略嫌鰻魚汁唔係好夠朋友叫左 四式刺身丼家食 ($118) 佢話好好味 , 不過個壽司飯唔係好夠 , 男友人話唔夠飽

父親節正日無同爸爸去慶祝，今日等爸爸收工決定去食好西。重點原來呢度仲係全港首家榮獲北海道市政廳認可嘅北海道餐廳，兼且場內仲有埋兒童餐添，帶埋小JM來食都一樣無難度。今晚我地「一人一套餐」，再加少少壽司同手卷咁，都已經好夠飽。爸爸 CHOICE:  鐵板美國安格斯西冷（套餐）套餐包括:味噌湯、茶碗蒸、前菜及白飯爸爸係牛魔王, 自然唔少得食牛今次嘅美國安格斯西冷爸爸揀咗五成熟, 上枱再加埋我影相都差不多已經七成。味道不錯，牛味濃郁，只係筋位有點韌，不過係可以接受嘅。茶碗蒸有冬菇及蟹柳等食材，味道濃淡適中，連女女都喜歡食，足足食咗一個半茶碗蒸添。媽媽 CHOICE:  角切刺身丼（套餐）我嘅套餐同爸爸嘅大同小異，但主食我就揀咗角切刺身丼。份量對我而言剛剛好，食得晒又唔會浪費。材料新鮮得來夠豐富，刺身款式都有成五、六款，配合多款刺身令口感更為有層次。小JM CHOICE:  兒童餐A兒童餐A大部份都係熟食, 除咗蟹籽壽司。但其實小JM都好鍾意食蟹籽壽司架。兒童餐A包括：壽司：蟹柳壽司、玉子壽司、腐皮壽司、多春魚子壽司及青瓜壽司主食：湯烏冬及飯團甜品及飲品：啫哩及益力多最先被小JM KO嘅就係烏

岩岩就過左父親節啦! 唔知各位點同爸爸慶祝呢?我就同屋企人簡簡單單出去食左個飯慶祝表示心意~日本菜不嬲係屋企人的口味, 父親節唔洗諗就揀左日式餐廳 個人重點推介 蒲燒鰻魚重鰻魚厚身又大條,入口啖啖魚肉, 加上燒得香, 配上醬汁, 簡直滋味 牛油帆立貝都唔輸蝕, 用鐵板上, 新鮮熱辣之餘, 牛油香味更為四溢, 的確係加分位! 帆立貝入口嫩滑帶鮮, 有牛油香而不過於濃烈 粒粒脆炸雞軟骨, 份量足又大粒, 入口香脆而不膩, 由外層的香脆至內裡的爽脆, 佐酒的最佳拍檔! 雖然父親節人客多, 比較上忙, 但服務都係周到有禮, 令人更覺值得再次一到