影片
更多
2019-06-20
49 浏览
父親節正日無同爸爸去慶祝，今日等爸爸收工決定去食好西。重點原來呢度仲係全港首家榮獲北海道市政廳認可嘅北海道餐廳，兼且場內仲有埋兒童餐添，帶埋小JM來食都一樣無難度。今晚我地「一人一套餐」，再加少少壽司同手卷咁，都已經好夠飽。爸爸 CHOICE: 鐵板美國安格斯西冷（套餐）套餐包括:味噌湯、茶碗蒸、前菜及白飯爸爸係牛魔王, 自然唔少得食牛今次嘅美國安格斯西冷爸爸揀咗五成熟, 上枱再加埋我影相都差不多已經七成。味道不錯，牛味濃郁，只係筋位有點韌，不過係可以接受嘅。茶碗蒸有冬菇及蟹柳等食材，味道濃淡適中，連女女都喜歡食，足足食咗一個半茶碗蒸添。媽媽 CHOICE: 角切刺身丼（套餐）我嘅套餐同爸爸嘅大同小異，但主食我就揀咗角切刺身丼。份量對我而言剛剛好，食得晒又唔會浪費。材料新鮮得來夠豐富，刺身款式都有成五、六款，配合多款刺身令口感更為有層次。小JM CHOICE: 兒童餐A兒童餐A大部份都係熟食, 除咗蟹籽壽司。但其實小JM都好鍾意食蟹籽壽司架。兒童餐A包括：壽司：蟹柳壽司、玉子壽司、腐皮壽司、多春魚子壽司及青瓜壽司主食：湯烏冬及飯團甜品及飲品：啫哩及益力多最先被小JM KO嘅就係烏
帶埋小JM來食都一樣無難度。
今晚我地「一人一套餐」，再加少少壽司同手卷咁，都已經好夠飽。
爸爸 CHOICE: 鐵板美國安格斯西冷（套餐）
套餐包括:味噌湯、茶碗蒸、前菜及白飯
爸爸係牛魔王, 自然唔少得食牛今次嘅美國安格斯西冷爸爸揀咗五成熟, 上枱再加埋我影相都差不多已經七成。
味道不錯，牛味濃郁，只係筋位有點韌，不過係可以接受嘅。
茶碗蒸有冬菇及蟹柳等食材，味道濃淡適中，連女女都喜歡食，足足食咗一個半茶碗蒸添。媽媽 CHOICE: 角切刺身丼（套餐）
我嘅套餐同爸爸嘅大同小異，但主食我就揀咗角切刺身丼。
份量對我而言剛剛好，食得晒又唔會浪費。
材料新鮮得來夠豐富，刺身款式都有成五、六款，配合多款刺身令口感更為有層次。
小JM CHOICE: 兒童餐A
兒童餐A
$68
2 浏览
0 赞好
0 留言
兒童餐A大部份都係熟食, 除咗蟹籽壽司。但其實小JM都好鍾意食蟹籽壽司架。
兒童餐A包括：
壽司：
蟹柳壽司、玉子壽司、腐皮壽司、多春魚子壽司及青瓜壽司
主食：
湯烏冬及飯團
甜品及飲品：
啫哩及益力多
最先被小JM KO嘅就係烏冬, 之後仲俾佢發現咗我同爸爸個餐有茶碗蒸, 仲打劫埋添。
我只係食咗幾啖咋，太唔公平啦！
食完之後小JM先慢慢啖自己嘅壽司及甜品。
女呀，其實無人同你爭，真係唔駛CHUR咁快。
整個餐點小JM食咗接近７－８成！
唔錯喔！
壽司及手卷:
火灸鰻魚芝士芝麻反卷
反卷嘅鰻魚香軟, 再配埋芝士及芝麻令層次更豐富, 食落更具滋味。
（左）海膽手卷
（右）油甘魚壽司
海膽手卷比坊間嘅具份量，而且入口即溶，極盡鮮味。
海膽仲好細滑添。
油甘魚壽司
油甘魚肥美，肉質甘甜，壽司飯唔會過於實或鬆散，值得一試喔！
张贴
