北海道食堂 (已結業)

去沙田找朋友，朋友喜歡北海道食堂，我點左和牛喬麥麵套餐，牛肉有肉香味。茶碗蒸表面有冬菇底有一隻蝦，真不錯。有前菜紅色蘿蔔片，和沙律菜和柚子蜜，埋單才知不用加一，真抵呀，明白朋友要指定此店。

平日經常到新城市吃飯，最近想在沙田附近其他商場找美食,就到了沙田中心。原來這裏有一間很不錯的日本料理。這店子內在環境舒適，我們被安排坐在寬闊卡位上，打開餐牌，選擇十分多，有壽司刺身，也有鍋物，燒物，又可以選擇套餐，心大心細。選了極上四色刺身丼，帶子清甜美味，吞拿魚腩新鮮份量也很足，基本上只吃這個已經很飽了，加餐後也只是128元，有湯有前菜有蒸蛋。不得不提，蒸蛋極出色，是我吃過的日式蒸蛋中接近最出色的。另外我們點了壽喜燒，湯汁甜美，牛肉品質也很好，配菜也不隨便，一鍋美味。還有我最喜歡的燒魷魚，是十分驚喜的菜色，有輕輕的燒焦味道，下酒一流。串燒也推介呢，牛舌的口感很好不會太硬，另外驚喜的是鹽燒黑豚腩，油香肉均勻。這樣豐富的一餐只是$400左右。品質這麼高，份量豐富，加上滿口鮮甜味道，一定會再來。

一入到餐廳已經感受到濃濃的日本氣氛，有古式古香的燈籠、蠻有日本風的裝潢，而且被職員安排坐卡位，超闊敞、超舒服!跟朋友各自點了套餐，套餐比單點多$20，但多了前菜、蒸旦、面豉湯和飲品，所以相對地套餐比較划算!我自己一看到鐵板燒立即鎖定一定要選，價錢超平民，最後選擇了銀鱈魚 。比較少餐廳會有這麼大份的銀雪魚，足足是兩大塊，廚師煎到肉質剛好，每一口都充滿肉汁，超鮮甜! 而且配菜(芽菜)也處理得相當好，加上少少黑胡椒，更添美味!朋友選了「極上四色刺身丼」，四色刺身正正是我們兩喜歡的種類，整體食材都很新鮮，而且份量都算大，吃完之後都超飽 ! 套餐附送的蒸旦超讚、超滑，內面也含有超多材料，如:蟹柳、蝦。而餐飲可選(熱/凍)柚子蜜，另加$3 可改咖啡/茶，這裡熱柚子蜜令我對柚子蜜改觀，不太甜而且超濃郁的柚子味，喝完之後喉嚨好舒服。另外加點「天婦羅軟殼蟹」和「蟹肉蟹膏玉子燒」。「天婦羅軟殼蟹」炸粉不厚，所以肉身吃起來超有口感，超多肉。而「蟹肉蟹膏玉子燒」完全是不得了!!!!! 旦味超突出，最驚喜是玉子裡包著滿滿蟹膏，味道超搭!吃完還想再吃呀~

今日一個人黎沙田食下午茶，見到幾抵就入去試下😛-🐟醬燒三文魚丼 配熱柚子蜜 $62好多舊肥美既三文魚上淋上蛋黃醬，再經過輕輕炙燒，啲香味出哂黎🤤🤤🤤火炙三文魚壽司愛好者必試！-🍤雜錦天婦羅盛 $38套餐加購小食。有2隻海蝦，1件茄子，1件紅椒。天婦羅蝦好好食，炸皮唔會過厚，鬆脆唔會淋。茄子都好食，但個人不太喜歡紅椒，如果換成冬菇就好了。-佢下午茶套餐真係幾抵食，最平$38就有，仲有得加壽司🍣😋

因為中午食得比較飽同埋比較遲，夜晚就食唔落咁多野。行過見到個Menu，有個餐好抵食，份量啱啱好就行入去試吓。呢個餐可以揀一碗仔蕎麥面，然後配下面兩個丼，啱晒兩個細食嘅人分，我哋點多一個沙律，份量就啱啱好。松葉蟹肉野菜沙律（$44）蟹肉都唔少，沙律醬又夠，撈埋幾好味，好開胃~迷你角切魚生丼雖然係刺身粒粒，都算新鮮既蕎麥面迷你蒲燒鰻魚丼細細碗都唔會馬虎，覺得幾好整體來講，其實食既野唔多，但質素都唔錯。同埋佢D裝修幾繽紛同好濃厚既日本風格。店員既服務都幾好同貼心。來到沙田唔知食咩好既話，除左新城市廣場，都可以行多兩步過來，都係一個好選擇。

高質牛舌飯😚鹽燒牛舌套餐 $108 好值呢個價👍🏻呢個set有6塊厚切牛舌，雖然厚但吾會韌👅仲好有牛味😚亦好有肉汁食完一直回味住如果朋友想食日本嘅但一個想壽司🍣，一個想食鐵板燒，一個食熟食，呢間餐廳可以滿足到你😍..📍：#北海道食堂 (沙田)沙田橫壆街2-16號沙田中心商場3樓50及57號舖

收工約埋屋企人一齊食飯，想食日本野，見佢呢間嘅餐牌好多選擇，就入去試試😋食日本野點少得叫壽司，即刻叫左個壽司盛14件加鐵火卷3件食😋😋 啲魚生好新鮮，而且好多款，刺身同飯嘅比例剛剛好😋佢最近有個夏日週年激安祭，本身想試下佢嘅燒鮑魚不過好似冇晒，就叫左個A4和牛試試~ 一黎到好香牛味，雖然份量少少，但佢一咬落去嘅油脂好多好軟滑，食兩粒都有啲漏😅再黎蟹肉蟹膏玉子燒！聽個名都夠晒特別！平時好少食加左餡嘅玉子燒，呢個蟹肉蟹膏嘅份量都好足料，食左除左蛋香，仲好鮮甜添呀啲蟹！😋另外我地仲叫個鐵板牛油焗帶子同北海道牛乳華味鳥鍋（即係雞肉)。帶子正正常常好香蒜味。雖然個鍋啲料唔係好特別，但個湯底好濃牛乳味，值得一讚👍🏻👍🏻配埋碗白飯就冇得頂😋

我自己就喺沙田返工既，發覺沙田既餐廳好似轉變都幾快，有質素既餐廳好似越開越多，我都未有時間可以全部試齊。不過今日過左黎沙田中心食完lunch，經過見到呢間北海道食堂裝修好似幾靚咁，一於夜晚再過黎食晚飯，果然都值得一試。餐廳裝修充滿日式風情，主要係木為主，令人感覺舒服，最特別係可以望住個廚師煮鐵板燒，幾治癒。食物方面都好出色，首先一定要講呢個足量三文魚籽爆丼，配上吞拿魚蓉同松葉蟹肉，呢個真係正到爆，一粒粒晶瑩剔透既三文魚籽多到好似火山爆發咁，可以大啖大啖咁食，吞拿魚蓉同蟹肉都好好味，呢個真係攞滿分。見到個師父煮鐵板燒煮得好香，梗係要叫燒物啦。呢個香煎廣島蠔好香好惹味，我都係第一次試呢種煎蠔，估唔到係咁香，但係保留到蠔既鮮味，必試！另外呢個鐵板美國牛小排超級juicy，好香好重牛味，肉質一流，非常高質。

當百年品牌老店都不能保證味道不變；當大集團連鎖店質素都不得保證時，那就相信自己到小店尋找失去的美味。到沙田，避開人多租貴的大商場，走到離開車站十多分鐘的沙田中心。以往細商場人流不多，基本上只有些小型時裝店、街坊小食之類，但隨著近車站的店鋪租金上升和迫暴到處是旅客，離開車站遠一點的沙田中心的餐廳也升格起來，在這裡我找到了一間精緻的日式料理餐廳。北海道食堂的裝潢走日式簡約風，最喜歡是他們燈飾及掛牆上的大漁旗，好像在宣示他們的刺身新鮮度。我也跟隨著點了一個四色刺身飯定食。老實說，刺身是新鮮及份量十足的，但也不致於令我感到有驚喜啦，反而是跟餐的茶碗蒸給我印象深刻，蛋香滑而內裡的海鮮也配搭很好。另外加點的燒牛舌和烤新鮮魷魚，特別推薦的是烤新鮮魷魚，那種火烤燶邊香味不是常有，可見廚師的細心。假使世界不是你預期，不是完美，但請你僅記不放棄就會找到美好的食物。

行街 shopping行到累，遠遠看見有間十分大日本餐廳。行近門口已見到這個週年激安祭牌，見到咁抵不用再諗一於入去試試。刺生丼相影得十分吸引，價錢唔貴十分吸引。定食套餐包括一杯柚子蜜，選了一杯凍及一杯熱，不是太甜也有柚子香味。九州長崎直送原條池魚刺生用$88價錢有原條砌得比相片更靚刺生原隻日本海產活海膽$78用小匙從殻中刮出海膽吃，又新鮮又有feel天婦羅盛套餐$92天婦羅外層炸得十分脆蝦又大隻。極上四色刺生丼套餐$128刺生切得好大大粒，三文魚十分肥美，帶子大大粒又夠厚身。蒸蛋十分嫩滑，蛋內有菇丶蝦丶蟹柳，令到蛋也帶鮮甜味。

-最近經常到沙田去🥰中庭有很多東西看喔～累了便到附近吃美食😋😋那天剛好去送花所以在摺紙xd♥《鐵板海膽海鮮炒飯》一進去便看到廚師在鐵板炒飯😍色香味俱全，當然要嘗試一下了！果然，豐富足料又熱辣辣很美味💖飯粒炒得金黃均勻，配上帶子和三文魚等配料～嗯～口感豐富外，這塊海膽還要很鮮甜呢🤤🤤♥《鐵板鰻魚炒飯》一樣是熱辣辣的喔🥳最重要的是鰻魚沒有骨！鰻魚香軟入味，大滿足呢😘唯一缺點是飯粒比較黏，不夠乾身～不過對比起來當然海膽炒飯比較多料🙊♥小提示 Tips：這裏有鐵板燒位置，可以看着廚師即場鐵板燒😚 另外，只需加$20便有味增湯、蒸蛋、前菜和飲品😻 質素都不錯，超值！

沙田市中心終於有新餐廳啦！沙田餐廳雖然多，不過食黎食去都係果幾間，真係好悶。見呢間餐廳有鐵板燒，入黎試下，鐵板牛肉定食好好味，配菜可以加錢叫壽司，雞軟骨等，刺身幾新鮮，唔錯

夜晚約朋友沙田食飯，起裝完修既沙田中心發現多左好多野食，就同朋友決定試一試呢間北海道食堂，見佢入面d位好似幾寬敞，又唔嘈，同fd食飯吹水就最岩。餐廳標榜北海道食材，menu種類超多，有小食，壽司刺身，串燒，鐵板燒都有，見佢做緊周年激安祭promote,當然要即刻試下佢個鐵板燒鹿兒島A4和牛。果然A4和牛油脂分怖比較多、所以食落去肉質好軟腍鬆化，不過略嫌份量比較少另一個試左鐵板比目魚扒，燒得岩岩好，佢有得揀加$20轉套餐，多左沙律，茶碗蒸同麵豉湯，性價比都高陶板炭火燒雞Menu見到覺得幾特別，上菜時已經聞到好香，出曬煙，d雞燒到好嫩滑，仲配埋雞腎，又係送飯一流蟹肉蟹膏玉子燒本來見到得面個到鋪左少少蟹肉有d失望，點知原來玉子燒裡面都包左好多蟹膏同蟹肉，真係好足料👍👍食到最尾已經好飽了，好滿足的一餐

今日我同老公去沙田食飯，見到呢間日本餐廳好似幾吸引，於是就入去試一試首先我哋叫咗一個滑蛋吉列豬扒定食套餐，豬扒炸得金黃香脆，滑蛋配上豬扒呢個配搭一定冇錯，而套餐包括蒸蛋，味增湯，前菜，白飯，熱柚子蜜，相當豐富， 價錢都不用$100另外就係吞拿魚蓉丼，吞拿魚蓉肥美，配上香蔥作調味 (因老公不吃葱所以另上)，冇得頂!而老公鍾意加上少少Wasabi和日式醬油，味道更濃週年激安祭夏日小食——鐵板燒鹿兒島A4和牛粒，是餐廳大力推介的。整整一點A四黃牛，價錢都只係$100左右，經濟實惠，和牛肉汁豐富，柔嫩，入口即溶，幾高質紅豆香草雪糕，為這晚餐畫上完美的句號。紅豆，小丸子，香草雪糕，絕配!總括來說，這間餐廳的選擇很多，無論是定食、壽司、刺身、小食、甜品都應有盡有，價錢亦很合理，着喺沙田的朋友不妨黎試一試！

#cassiegoshatin-瘦編今日咁岩去左沙田食lunch，為左遠離大陸客，我就去左沙田中心嘅北海道食堂。-佢嘅位置係新城市廣場旁邊，可以經商場穿過去。佢有好多Lunch Set揀，價錢嘅Range都好大，大家可以就翻自己銀包預算來決定。💕-我依個套餐好豐富，有幾件三文魚壽司、刺身、麵豉湯、烏冬、熱柚子蜜、蒸蛋，價錢大約$110左右，食物質素唔錯！平時喺沙田出沒嘅沙田柚可以考慮。🙈-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌓🌑 (3.5)-➡️北海道食堂 (沙田)📍沙田橫壆街2-16號沙田中心商場3樓50及57號舖-