北海道食堂 (已結業)

今日lunch 早放左就去得遠d 食去左沙田哈哈！見到e 間d 定食不錯！就去食下我m 個人叫左個 和牛蕎麥麵定食有湯，沙律，茶碗蒸有一杯飲品都幾豐富！價錢 $88 不用加一都有點小貴味道都不錯，下次可以再來！

在沙田跟朋友吃飯，經過這一家北海道食堂，很明顯這是一家日式料理，很有興趣，所以進去隨便吃。餐廳的位子多，裝修也幾光猛，乾淨企理。打開menu發現有一道牛舌定食($108)，因為啱啱響日本吃過牛舌，很好吃，所以現在看到這一道菜，想都不想就要了一份。沒等多長時間，這一份定食就來到我的面前，有七塊牛舌，出乎我意料之外，牛舌都是厚切的，不像我在日本吃過的比較薄，但是一咬這厚切牛舌，感覺非常好食，質感好有彈性，想是因為牛舌夠新鮮，加上只用鹽燒，沒有其他什麼什麼好似五味粉嘅調味料，所以不單止肉質彈牙，連味道也啱曬我。想講呢份定食仲有一碗白飯丶蒸蛋丶味噌湯、前菜，飲品尤其是蒸蛋，不止冇出水，口感仲幾滑，亦唔會話好咸咁！

見到佢既門面好靚，同埋排滿晒人。所以每次都好想入去食😍😍😍，最後今日終於有時間排隊入去食😋壽喜燒一開始黎到真係哇哇聲🥰見到d肉好肥美，而且肥瘦好均勻，唔會過過肥或者過瘦。餐廳準備左新鮮既日整雞蛋。正宗既食法係將雞蛋打均之後用牛肉佔蛋汁黎食。最後食剩既蛋漿可以放落去個煲到寫熟黎食。入面既材料都好入味，食落甜甜地，大家可以一戰。極上四色刺身丼可以就咁單叫或者叫餐，我比較建議叫餐，因為叫餐可以有埋麵鼓湯、茶碗蒸、漬物。不得不提既係佢既用料非常新鮮，帶子食落非常鮮甜，而吞拿魚蓉食落都好滑，好幼細。哈密瓜疏打如果你鍾意哈密瓜既味道，可以一戰。但佢唔係太甜，只係有氣既哈密瓜。如果再食既話，我覺得可以翻兜個刺身丼，跟住試下新野

放工去沙田飯聚，同兩個老友試左位於沙田中心嘅北海道居酒屋，坐低仲睇緊餐牌已見四、五位啱啱收工嘅日本人，飲酒relax食晚飯，相信食物都應該唔錯。和牛蕎麥麵（溫），Menu話蕎麥麵即叫即製，原材料從北海道入口，口感韌中帶腍，食後應同，蕎麥香味亦特出，加上多片和牛及大量大蔥絲，令整碗蕎麥麵非常濃郁美味👍🏼炙燒平目魚邊黑松露牛油果野菜沙律，見菜名已經知成碟沙律有乜材料，見$52呢個價，以經驗應該唔會大碟，點知我哋三個都跌哂眼鏡，大碟之餘，平目魚邊及牛油果都多，黑松露分量足，加埋三文魚子更顯高貴👍🏼👍🏼👍🏼和牛味噌雜菜煮，味噌醬好特別，有D似麻油味出前一丁，按個人喜好放入煱中，加多$20有套餐，包括味噌湯、前菜、滑滑蒸蛋、好味白飯及凍/熱柚子茶。全晚服務好好，我哋呢個墟成晚傾得好暢快，值得推薦俾沙田友🤗

最近都係食泰菜， 呢日就同媽媽去食日本菜。 媽媽好鐘意食炸軟殼蟹， 咁就緊係要食啦。 個炸蟹超好食呀， 啲粉漿一啲都唔厚， 炸到熱辣辣就上枱， 入口勁香脆。 啲蟹一啲都唔霉， 正呀！我媽媽唔食生野， 於是叫左個餐， 係熱烏冬+ 魚生飯+兩件壽司+飲品。 好貼心嘅餐👍🏻 有熟有生嘅食物可以揀。 我冇食個烏冬， 所以比唔到食評。 我食嘅魚生飯就好正啦， 啲飯上面舖住好轉魚生粒粒， 全部都好鮮甜! 而我自己都好鐘意食雞軟骨， 所以都叫左一份。 同一般日本菜餐廳嘅雞軟骨都係差唔多， 應該係雞軟骨好難整得好好食， 都好難整得好難食😂😂😂 鐘意食嘅都可以試下。 至於個雞煲都帶左啲驚喜比我地， 裡面有雞腎（？） , 因為我平時唔食內藏， 唔係好識食。 但係佢整到好香。 啲雞翼斬開左兩邊， 好入味， 而且仲有啲雞件， 冇諗過係日式餐廳都有雞煲食☺️🤪🤪

係網上見朋友話哩間居酒屋既野食唔錯，所以今晚放工拉埋個同事黎食下，同事見到哩度有個現場廚師即製的鐵板燒爐，加上做緊夏日激安祭，A4和牛同鮑魚都可以優惠價就食到，朋友話一定要食下，我見店內好似都幾推崇華味鳥(雞肉)，就叫左個華味鳥味鏳鍋套餐，擔心同事只食肉唔食菜，於是就叫多個松葉蟹沙律比佢，我既套餐因為唔洗煮，所以好快就黎到，套餐包前菜、一碗白飯、味噌湯、海鮮蒸蛋同柚子蜜，店員幫我地上左gas同開埋爐，味噌鍋開始慢慢地煮，我正奇怪點解個鍋望落好似無湯既，同事轉述反個店員話D湯有機會滾出，叫我地要小心睇火，甘奇怪？？這時店員放底左碟香噴噴既和牛，我忍唔住夾左件品嚐，見到中間仲帶點嫩紅色，但咬落完全唔覺得生，食到用了鹽和胡椒就簡單帶出肉既濃味同嫩滑，同事仲話入口好似有點即溶既口感，鮑魚都上台了，同樣只用了鹽和胡椒調味，廚師仲幫我地清哂D內臟，切好一片片，好方便夾黎食，食落嫩口彈牙，哩個時候我個鍋開始滾了，食材開始軟化，終於見到奶白色的湯浮面了，我忍唔住畢左兩啖湯飲，牛奶味濃配合埋淡淡既味鏳味道，Oishii~沙律都黎埋，沙律汁味道都幾特別, 當中沙律菜款都有三種，配埋車厘茄、蘿蔔絲、紅洋蔥蟹

同老公買零食買BB野咁啱行過好運中心，做左人呀媽真係好困身，想放低個仔食餐好。依度咁啱又有Ikea BB椅，咁baby friendly 就入黎依間坐低叫野食。要節慳識檢，睇睇下menu, 有個餐好抵食。依個set真係啱一家三口： 一個烏冬+2碗小飯，有湯+燉蛋+前菜。$138唔夠食仲有特價追加小食，我地今次追加軟殼蟹，蟹蓋仲有蟹膏在裡面，真係好正～ 燉蛋同日本食一樣咁滑咁香。鰻魚飯下面有蛋絲，切得好幼細，成個配搭非常好👍🏼。魚生飯色彩豐富，睇落都知新鮮，甜甜酸酸的壽司醋飯配上新鮮魚生好正。 越食越開胃，見到「夏日激安祭」menu 好抵食， 貪心的我地忍唔住又再叫吞拿魚蟹肉包爆丼同埋蒜片和牛粒。和牛粒入口即溶，煎得剛剛好，外脆內軟好juicy 加埋香脆蒜片好味到震～ $108真係好抵～ 爆丼有專人過來即場加魚子比你，每碗三大匙～ 滿到瀉呀～同樣新鮮👍🏼 真係好想叫多碗白飯撈一撈～大滿足😋🥰

今日放工老婆話唔煮飯咁就去新城市睇下有咩食行行吓行咗去沙田中心見到有間新開日本菜叫北海道食堂，我依世人都未去過北海道唯有去北海道食堂當自己去咗北海道啦。入面空間好闊落不過都全場爆滿10周年激安祭Menu幾抵食就點左鐵板燒鹿兒島A4和牛超好食煎得非常香口吞拿魚茸松葉蟹肉足量三文魚子當非常足料咬落去爆曬啲汁出嚟好過癮炸軟殼蟹超級好食揸得非常脆口唔會好硬入面仲有蟹膏超正迷你切角魚生丼有三文魚吞拿魚刺身好新鮮浦燒鰻魚飯萬裕食落去就知唔係大陸鰻魚同醬汁好香呢個自選迷你配塔有魚生飯鰻魚飯仲有烏冬烏冬係一食落去就知係稻庭烏冬非常好食跟餐仲有蒸蛋整得好滑同個麵豉湯唔會太咸以$138有咁多嘢食非常抵真心推介依間咁好食嘅日本料理最後依杯柚子蜜又唔會太苦又唔會太甜

點可以味道咁差！份量實在太少！太令人失望！太過份！点解冇員工檢查和處理這些重要問題，点解？？真的不明白！餐廳的內部環境所有傢俱表面多塵和多漬，枱面有是油漬和其他油漬，咁都得！最重点價錢一點也平易！激死人！

最近幾日突然想吃日本菜，瀏覽一下網上嘅資訊於是揀咗呢間位于沙田中心嘅北海道食堂。一個人食得唔多，點咗兩個前菜，一個主食。首先黎講下呢個鐵板牛油焗帶子：一上菜，因爲係用牛油煮嘅，所以就聞到陣陣嘅香氣，吃落口除咗帶子本身嘅鮮甜仲有牛油所帶黎嘅濃鬱口感，上面嘅橙色粒粒，都增加咗唔少口感。接下來要介紹嘅係呢道三文魚腩刺身：三文魚腩刺身，我的最愛。我自己本身係好中意食三文魚刺身，挖掘好食嘅三文魚刺身係我嘅使命。好，步入正題。呢個三文魚腩真係一食落口就感受到區嘅柔軟，濃厚口感，三文魚楠油脂化作無數小分子佈滿曬成個口腔，就連呼吸都帶著油脂氣味。雖然有著足夠嘅油脂，但係唔會因此感到肥膩，反而感覺清新，恰到好處，强烈推薦。最後就係主食——鐵板美國牛小排：雖然餐牌無寫，但其實套餐入面配有柚子茶嘅。牛肉我要咗七成，煎得啱啱好，中間肉仲係粉紅粉紅。表層酥脆，肉質柔軟鮮美，加上表面撒有調味粉，咸香適中。除咗牛肉，隔離嘅蘑菇蟹肉燉蛋都唔錯噶，又鮮又滑。好！今日介紹完啦，如果有興趣嘅朋友仔，不妨去品嘗一下。

朋友係沙田友，成日發掘到一啲小店，今日帶咗我去食一間日本菜。我好鐘意食鐵板燒，嘢食熱辣辣先正。估唔到呢間小店有即整鐵板燒，真係覺得好驚喜！我地叫咗兩個套餐同埋幾串串燒share!1. 鐵板雞扒嚟到呢度，無理由唔識下即叫即製嘅鐵板燒掛。啲雞扒燒到脆卜卜，熱辣辣，調味亦都好足夠，啱晒啲重口味嘅人！加咗$20 ，要咗個套餐。套餐包一碗白飯、一杯嘢飲同埋一個茶碗蒸旦。值得一讚嘅係，個蒸蛋好滑，好有蛋味！2. 燒北海道產魷魚個魷魚唔韌，好脆口！呢個嘅調味就唔係好多，得出返由於本身嘅鮮味！3. 串燒要左幾串唔同嘅串燒試吓，有牛舌、豚肉、雞肉。牛舌嘅熟到啱啱好，咬落去唔韌身！豚肉嘅醬汁搭配好好味，而雞肉就好嫩！幾款食物嘅質素都好唔錯！cp值好高

今晚在沙田收工，好肚餓，同事帶我去沙田中心食埋飯先走，原來呢邊都幾多野食。度度都好多人等位，呢間北海道食堂座位超多，地方大又闊落，一於就喺呢度食啦。喜歡的話，可以坐廚師枱的座位，一邊食，一邊有廚師在你面前表演鐵板燒。餐牌價錢不算貴，點了和牛味噌雜菜煮，配套餐$108, 每款套餐都有味噌湯、蒸蛋、白飯、漬物，一定夠飽！太肚餓，先來小食。北海道燒魷魚，單點$78,燒魷魚幾時都係 為食之選， 喜歡燒完有微微烤焦的香，灑上燒汁後更加惹味，而且魷魚口感煙韌，越食越香，好開胃，好想來杯清酒呢！可惜同事唔飲酒。 魷魚切成段，排返一條魷魚狀態，賣相靚之餘，也吃得很方便，還有沙律醬增加酸甜味道呢！點了兩個餐，還送飲品，柚子蜜不用加錢，很貼心，而且味道不錯，就算點熱的，在夏天飲也覺得喉嚨很舒服。和牛味噌雜菜煮套餐$108,見到咁多嘢食真係開心。有辣味的麵豉醬，在煲滾後加進湯裏，牛肉薄切，很快便熟，可以拌飯吃。原來湯底的味道是日式壽喜鍋般，味道帶甜的，不過加了麵豉醬後又有辣味，中和一下甜味，感覺就無咁甜。 牛肉上桌時見到非常鮮紅色，很新鮮，食落口感滑溜，有牛肉味。喜歡每個套餐都有的漬物，是醃蘿蔔，味道酸酸甜

沙田要搵間好食而又坐得舒服的日本菜真係買少見少。 依間想食好耐，今日終於抽到時間去試。見佢個menu 都有好多選擇，我同朋友唸左好耐先唸到食咩。哈哈，因為太多選擇了，另外，想講下佢地提供的定食選擇好多，真係花多眼亂。最後拍板叫左四歀食物。 1. 壽司盛+卷物用料上盛，分別有三文魚，帆立貝，三文魚籽，赤蝦，吞拿魚和劍魚。海鮮新鮮，最愛三文魚籽，非常新鮮食落口一粒粒在口內爆開，非常有口感2. 三文魚腩剌身雖然得四件但真係好滿足。肉質鮮美，同埋件件厚切3. 和牛蕎麥麵蕎麥麵真係女士最愛，健康又高櫼，怕肥人仕最愛。和牛是生的所以我把牛肉片放在湯裡等左一陣先食。正4. 食到咁上下都好飽下，但見到個北海道唐揚炸雞配他他醬便忍吾住叫左。 香脆多汁配埋個醬食係另外一番風味整體食物質素都好好，服務也週到。

今次發現呢間日本餐廳好抵食，又有我鍾意嘅鐵板燒，咁啱佢又做緊夏際，所以叫多咗啲食物。鐵板燒廣島蠔（HKD138）成set有6隻蠔，肉質幾飽滿，而已好多汁！配埋少野菜、茶碗蒸、前菜、麵豉湯同柚子蜜，其實幾多吓。夏祭優惠：鐵板燒鮑魚（HKD78/2隻）比想象中彈牙，爽口到想返屋企自己再炒嚟食。而已只係用鹽同胡椒調味已經好香！夏祭優惠：鐵板燒A4和牛（HKD108）每日限20份，食唔食到睇彩數喇。我唔鍾意太油，呢塊A4啱啱好，啖啖肉夾埋蒜片一齊食好香口惹味。

2018年去過日本北海道，到現在已經一年多，今晚約咗個朋友去到沙田中心商場（北海道食堂）餐廳有著自然的日本風設計，除了普通座位之外，還有鐵板燒的座位，可以即時讓我看到廚師在面前煮出多款美味佳餚，所以在這餐廳食飯時，彷似回憶番旅行時，享受當中點點滴滴的感覺，非常輕鬆寫意，餐廳位置交通十分方便。吞拿魚赤身壽司，吞拿魚位置相當靚，魚油充足油香，食後十分滿足感。極尚四色刺身丼，食材新鮮分別有油脂豐富的三文魚、鮮味嫩滑的帶子、鮮甜爽口的海蝦、吞拿魚蓉等。活海膽量$78份量十足，好抵食，質感細膩，新鮮味道又甘香，忍唔住啦。陶阪炭火燒雞，這是一個套餐$92有飯有湯，非常抵食，雞肉入口嫩滑不會過老，仲有微微焦香，十分惹味。甜品柚子雪葩，柚子香味十足。