北海道食堂 (已結業)

兩口子決定以美食開解那難熬的周一，一起到位於沙田的>>>北海道食堂<<<用餐。 除了一般卡位，還可坐在鐵板燒檯旁，親身目擊師傅烹調功架。我倆被安排入座於卡位，附近沒太多食客，更能靜靜地撐枱腳。 餐牌彩色印刷，精美。 可以選擇套餐或者散叫。 餐廳正進行夏日周年激安祭，當中我們選了鐵板燒鹿兒島A4和牛。 牛肉粒粒佈滿油香，一口咬下那鬆軟幼滑的口感，便知道A4和牛果然是高質素之選。調味是簡單的炒蒜片，非常鬆脆，也令牛肉更加香口。 先生不想吃飯，而我愛吃海鮮，那便點一客北海道海鮮湯炒麵。海鮮豐富，包括帆立貝、海蝦和魷魚等等，味道鮮甜。值得一提是湯底，豬骨湯味道特別清甜，打破我倆在香港吃日本餐不會喝掉湯底的習慣，我倆把湯底一喝而盡，而且喝後也不覺口乾，用料還真不錯。 湯炒麵軟硬適中，加入木耳，兩者混在一起，口感更爽。 天婦羅軟殼蟹炸漿非常透薄，輕輕的一炸，讓軟殼蟹十分香脆，但因炸漿夠薄，沒有喧賓奪主，搶走軟殼蟹風頭，方能品嚐軟殼蟹鹹香。 蟹肉蟹膏玉子燒是最後一道菜，以細滑蛋香混合蟹肉和蟹膏的滋味，為這餐畫上完美的句號。

黎間日本餐廳日本裝修得好有feel 都算易搵 我係俾佢門口既過年夏日激安吸引到過黎足量三文魚籽爆丼配三文魚 $98(美味指數: 😋😋😋😋😋)黎個足量三文魚籽爆丼配三文魚係《週年夏日激安祭》特別菜式，上枱既時候剩係得三文魚刺身飯，點知之後店員拎左起個小木筒，將筒入面既三文魚籽淋上去，充滿視覺享受！睇住佢淋滿個碗既感覺好治愈！！ 每一啖都食到三文魚籽，而且三文魚刺身都好肥美鐵板美國牛小扒 套餐$158 (三成熟)(美味指數: 😋😋😋😋)(套餐跟配 漬物、菜蒸碗、味增湯、熱柚子蜜 白飯)可以睇住師傅即叫即煎，牛小扒煎得岩岩好，肉質鮮嫩，少少脂肪入口即溶，加埋蒜片好香。 而配菜炒芽菜吸收晒肉汁精華，香口惹味。茶蒸碗就好香滑，入面有香菇、蝦同蟹柳 食得出清甜海鮮湯味鐵板廣島蠔(一隻) $30(美味指數: 😋😋😋😋)煎得好香脆，蠔汁鎖住係入面，肉質飽滿多汁鐵板活鮑魚(兩隻) $106(美味指數: 😋😋😋😋)剩係用左鹽同胡椒去調味，新鮮彈牙，略嫌少貴😍(5分為最高)整體食物質素: 性價比:推薦指數:

某日 , 筆者約了一位朋友出來見見面 , 吹吹水 , 談談近況 ~用餐地點就在 沙田-沙田中心 的 北海道食堂 ~Menu ~燒豚肉露筍串 $24/串 : 蘆筍 & 豚肉 , 永遠都是 dream team, 這個豚肉露筍烤得火喉很好 , 調味適中 , 惹味之餘仍然保持到肉汁 , 露筍也清甜爽嫩 ~燒北海道產魷魚 $78 : 原條烤北海道魷魚 , 烤得夠通透 , 燒烤的香味滿溢 , 吃落煙煙靭靭 , 味道香口 , 十分惹味 ~鹽燒牛舌 $88 : 一碟有六件厚切的牛舌 , 牛舌烤得火喉恰到好處 , 調味得宜 , 肉質香嫩爽口 , 舌味鮮香濃郁 , 真的好吃 ~本篇完 ~

沙田新城市食飯比較貴，想慳番啲錢又想食得高質嘅日本菜真係唔知邊到揾🤦🏻‍♀️好彩行多兩步就見到呢間🤩價錢新民而且食物質素唔錯🥰好彩早咗少少到，等多一陣已經要排隊，好彩鋪頭比較大，好快就有位🤓兩個人又懶得諗食咩就叫咗呢個2人餐前菜係北海道鹽昆布青瓜，香脆又新鮮活魚刺身 半條，一開始好驚太魚腥，不過食落又幾新鮮，完全冇咩腥味😋😋點少少豉油特上壽司盛 6件，因為唔食三文魚🍣所以一早落單前要求換其他，帶子又厚切😚豚肉味噌湯，呢個不過偏鹹咗少少南瓜天婦羅🍤🎃香脆可口😋金菇牛肉卷，挺惹味😚肉汁鎖實岩岩好🤘🏻鰻魚炒飯🍚炒得十分惹味，飯帶鰻魚燒汁🤤偏濕少少呢個二人餐仲跟餐飲🙌十分抵

香港人對飲食好有要求，好嘅就讚，衰嘅就彈。平時約朋友去行街、睇戲、食飯，唔喺打冷就西餐，唔係韓燒就泰國菜，都食到有d悶。有次經過間壽司店，諗起好耐冇食過壽司、刺身，就約朋友去試下。入到去地方尚算寬敞，清潔，餐桌闊，唔會貼近隔離位，另有卡位，可以坐六人。員工態度温文、有禮、細心、善待顧客，抵讚👍我地叫咗碟鐵板美國牛小排，職員上枱時已經聞到陣好香嘅燒烤味。咬落去好香口，而且肉質幾鲜嫩，味道適中，都好適合鍾意食濃味嘅人🤤。好鍾意食蜆，見到佢有清洒煮蜆，就叫左來食，味道好清香，带出蜆嘅鲜味，充滿酒香嘅湯底加上鮮甜嘅蜆汁令到個湯更鮮更好飲。終於可以過下想食壽司嘅隱啦，樣樣都有啲，但我最鍾意都係帶子，超鮮甜，啖啖肉一啲都唔吝嗇。壽司飯嘅酸度啱啱好👍煎廣島蠔，粉吾會太厚，煎到好脆，好新鮮，一d都吾鯹。下次想試下壽喜燒，隔離枱食到好香😂

行行吓見到間北海道食堂(沙田)，D野食個樣好似好正咁，於是決定入去食吓啦，入到去個環境幾舒服，D waiter很細心解答我地問題。我地叫左壽司盛，D壽司好新鮮很好味。跟住叫左個陶板清酒煮蜆，D蜆好鮮甜美味，又有酒香，真係好正呀。我地再叫左個鐵板美國牛小排，我個friend鍾意D牛生D,我就鍾意剛剛好，佢地可以幫我地分開一半煮生D,一半煮熟D，真係好好服務呀，D牛好嫩滑，好入味呀。我地再叫香煎廣島蠔，D蠔好大隻呀，好正呀！

沙田新城市出名購物方便，買衫、鞋，護膚品都好方便，搵食當然唔難啦，其實附近都有其他商場選擇，逛街後便到附近搵食，今晚試日式美食見到這間食店好有日本餐廳感覺，我又要食肉啦牛肉壽喜燒（餐）牛肉是肥牛一樣大片，油脂重，鍋內有很多蔬菜，金菇、娃娃菜、紅蘿蔔等，幾清新，可以迫自己食多啲菜，套裝配有茶碗蒸，滑嘟嘟，配料都不少，香菇、蝦等更有鮮味，漬物爽脆，酸味重好送飯芝士咖哩吉列豬扒石鍋飯咖哩濃而微辣，配上脆身豬扒，面層鋪滿芝士，，惹味不辣好送飯服務唔錯，座位相隔遠無壓迫感

肚餓既我望到餐牌上嘅100幾十蚊就有一個套餐有三樣主菜揀仲有蒸蛋、麵豉湯、前菜同埋一杯嘢飲 巧抵食哦 所以就即刻坐低試試👅👅我就叫咗個$138既套野 揀咗迷你蒲燒鰻魚飯、切角魚生飯同蕎麥麵套餐既前菜係醃蘿蔔 切角魚生飯 魚生款式都有好幾款 包括三文魚、八爪魚、吞拿魚等 仲有啲青瓜、玉子 以迷你丼黎講 有咁多魚生真係唔錯炸蝦野菜天婦羅追加 粉厚適中 蝦兩隻、南瓜、黃椒 menu有寫明係蝦同蔬菜天婦羅各兩件（但對於我依個椒類恐懼者🙈我唔想見到黃椒既出現😂）這個天婦羅是即叫即炸的 食日本嘢，天婦羅一向都係必選小食㗎啦😛😛鰻魚飯 鰻魚個底係脆的 仲有啲索左鰻魚汁既蛋花鋪係飯同鰻魚中間 咁個飯食落都冇咁dry👍🏻蕎麥麵 依個蕎麥麵是淡味的 口感彈牙追加唐揚炸雞吞拿魚壽司

沙田有很多好野食，今天試了這間位於沙田中心的日本餐廳。一進店看餐牌，有很多選擇，有串燒，刺身，鍋物，等等全部都像很好味😋想了很久，先點了一個串燒盛，即是串燒併盆，有牛肉，雞肉，雞翼，牛舌，冬菇，翠肉瓜。。。等等燒得幾好味，幾香主食點了北海道牛乳華味鳥味噌鍋，牛乳湯底很香濃，很滑，又帶少少甜味，很好味😋👍🏻喜愛牛乳的朋友一定喜歡雞肉的份量也很多👍🏻另外又點了一個和牛味噌雜菜煮，顏色很好，賣相不錯，牛肉都很肥美，煮熟後湯底很濃郁很甜，有一碗紅色的醬可以加進去，有微微辣味，加了很味道更香，鍋底有很多菜，加埋牛肉的油份和香濃，幾好味😋因是套餐所以有飲品，點了熱柚子蜜，甜度適中總結幾好味😋

這餐廳新開張沒多久 附近其他日式餐廳都爆滿 所以就過來試試了餐牌封面有設計過 不錯圖片清楚而吸引 只是有點點重先來一碟壽司 有些是追加的 但也沒有偷功減料壽司很新鮮 飯量偏少 一口一件 是全餐最好的一道炸雞軟骨也是追加的 新鮮炸起來份量多 好味道這是追加餐牌 不限數量均可任點接着家人的拉面 湯也很不錯 有調製過唯獨是不太夠熱 可能始終不是純拉面店 但整體是合格全餐的敗筆在這個石頭鍋上牛肉全生上枱 也不要緊要待牛肉煮熟 飯也相對歎涼了而更嚴重的是放下醬汁後 飯超級油 每一口都好像呑一口牛油一樣 十分差餐廳有常見的開放式廚房後門不設進出 也拍了幾張餐牌]]這店只要不叫石頭鍋 其他就很完美了坐得舒服環境不錯 但有機會要搭枱的價錢不貴 久不久來是可以

呢次我地黎到既餐廳叫北海道食堂 顧名思義係食日本菜 但啲菜式不單止限於北海道 皆因我地都見到有大阪燒之類既食物以宜家香港既物價 晚市黎講 就咁睇餐牌都算抵食環境都幾乾淨舒適 係我鍾意既風格 裝修主要用木材 再加上一啲色彩元素做裝飾 唔錯上菜啦 第一道係松葉蟹肉足两三文魚籽爆丼 蟹肉唔算多 但勝在三文魚籽好新鮮 啖啖魚籽 仲有少少海水味 正第二道係陶板炭火燒燒 甜甜咸咸咁 十分惹味 送飯一流 同埋肉量都幾多 唔洗驚唔夠飽黎個高炒合照先 個set都幾抵食 不得不提 個茶碗蒸睇落平平無奇 但其實佢係又滑又香蛋味最後兩道係鐵板比目魚扒同豚平燒 話說我係第一次食比目魚 感覺唔錯 好有魚味 夠哂油脂 塊皮仲脆卜卜添 而個豚平燒 我就覺得麻麻 可能我唔算好鍾意食蛋 但愛雞蛋既朋友仔不仿一試 幾特別最後埋單$403已加一 以呢到既環境同食物質素 認真唔算貴 可再試

每逢草齊四既倍數既同事出去食飯都好大機會會係食北海道食堂因為​LUNCH SET​會係四送一我地當日一行四個人1240左右去到餐廳門口都已經聚集左3,4 group人行到去counter攞位先發現原來可用​GULU​拎定張飛 (下次可以係office攞定位先慢慢行出黎)大約等左五分鐘左右就入得餐廳由於四送一既關係 我地決定叫價錢相當既lunch set我就叫左個他他醬炸雞set一個set包一碗飯 一d鹹蘿蔔 味噌湯 日式蒸蛋 都幾多花款炸雞幾好味但上面d醬真不知所謂係普通沙律獎溝水再加左d青瓜片同雞蛋碎我諗佢係想個口味refreshing d但可惜一d都唔夾...他他醬入面應該有既酸瓜洋蔥佢咩都冇蒸蛋幾高質 可惜味增湯偏鹹lunch hour都幾繁忙 但亦都導致服務質素麻麻不過4送1呢個情況下 會考慮再黎幫襯

同朋友係沙田行完街，不經不覺，到左晚飯時段，上網搵吓有無啲其他區少見嘅餐廳，咁啱見到呢間餐廳嘅評語不錯，於是嚟試下。餐廳位於沙田中心內，係新城市廣場行過嚟，沿途有瓦遮頭。餐廳門面挺光猛，室內空間感闊落，間隔呈L形，劃分左兩邊區域，一邊有吧枱可以見到廚師準備魚生壽司，另一邊可以見到廚師落力咁炒呀炒，準備鐵板燒食物。餐廳餐牌內嘅食物選擇非常多，有定食、刺身、鍋物、串燒等。朋友話放假想輕鬆下，都唔想諗太多，見二人套餐內都幾多野食，於是直接點左1份鐵板羊架鮑魚虎蝦套餐（二人前）。「鐵板」套餐內嘅食物非常豐富，有🥢野菜沙律、🥢鐵板炒野菜、🥢鹽燒牛舌、🥢黑豚腩串、🥢鐵板羊架、🥢鐵板虎蝦、🥢鐵板鮑魚、🥢鐵板煙肉炒飯、🥣蜆肉味噌湯、🍧柚子雪芭及🥄柚子茶。「鐵板燒」嘅特色在於廚師開頭將食材不停咁「炒呀炒」，迅速鎖著食物嘅鮮味，另將食物表層燒至金黃色，再鎖住醬汁，令菜式份外惹味可口。套餐內，最有驚喜的是鐵板鮑魚及虎蝦。鮑魚切片上，咬落爽口彈牙，配埋鹽燒汁一齊食，味道非常可口。虎蝦肉厚清甜，廚師將一隻蝦分三份煮，索哂燒汁嘅味道，食落非常滿足。另外，羊架、串燒牛舌及黑豚腩都燒得很香口！沙律菜及炒芽菜都很爽口，

影pre wedding 前夕，大部份女士都會減下肥，忍下口，但我系一個吃貨，所以系5會咁做!有一段時間無黎沙田食嘢，今次去試食新餐廳，食物質素一般，還算可以，不過刺身沙律，我系無諗過會有一整個生菜頭系度，仲系無特別處理過。另外，5知系咪不同地區既大阪燒既味道會不同，今日食既系好多椰菜，麵粉5多，而且有d似麻糬口感，扁扁既，5夠鬆軟。而且5知系咪人手5夠，店員都好趕忙地執走d嘢，亦5清楚食物應送去邊張枱，會送錯......

今日去沙田見到呢間北海道食堂，裝修幾靚，餐牌價錢都幾合理，好似幾吸引咁，於是同老婆去試試。呢款滑蛋吉列豬扒定食套餐，豬扒配埋滑蛋，簡直perfect match啊。 套餐仲包埋蒸蛋，味增湯，一款前菜，白飯，同一杯野飲。而我地揀左熱柚子蜜。跟住我地再叫埋吞拿魚蓉丼，吞拿魚蓉新鮮肥美，配以微溫既飯入口，肉中油脂豐滿，甘香撲鼻，每一啖都係享受。問過waitress有咩好介紹，佢就介紹左呢款鐵板燒鹿兒島A4和牛粒。除左價錢相宜之外，選用牛肉亦非常高質。肉質鮮嫩，juicy,連隨少少脂肪入口即溶，唔錯唔錯甜品方面我地叫左個紅豆小丸子香草雪糕。呢三樣原料，雖然簡單唔花巧，但卻係經典配搭。只有歷久不衰，先可以稱為經典