勝利牛丸

营业中

休息中

週日新界西北遊又怎少得勝利牛丸? 其實這一站是這次郊遊的主要目的之一哦。自從第一次吃過後就念念不忘, 感覺它是我在香港吃過最有牛肉味的牛丸。吃過了下午茶, 其實很飽但都一定要來吃一吃。點了個淨牛丸和飲品, 一口一粒的牛丸, 是我在香港吃過最有牛肉味的牛丸, 浸著牛丸的湯, 都帶有濃濃的牛肉味, 吃了都沒有味精感, 就知道是真才實料!! 就是我每次來元朗必吃的。

別忘記加冬菜同男友路過入去食，2人share1碗淨牛丸牛腩($27)食左一半，都覺得好普通啫：牛筋幾冧、牛丸幾爽、牛腩入味。之後，突然發現原來碗入面有冬菜未食！我地試下加埋一齊食，連腩汁一併入囗，果然好味好多！P.S.鍾意辣嘅記住加辣椒油❤️

為什麼！？為什麼這間勝記牛丸贏得這麼多好評、笑哈哈 ！？未去前我是很好奇，試過後倒是很驚奇了。 我們吃到最招牌的牛丸和牛筋腩，但味道不感人之餘，還更讓人傷感，後悔長途跋涉來元朗試這招牌，算了，就當到此一遊好了 。招牌牛丸($27)比普通還要普通，哪來的彈牙和爽口？  我吃到的只是幾粒結實而牛肉味不算濃郁的牛丸。27元9粒算不算抵吃就真的見人見智了，對我來講試過就算了，也不能理解它的名氣從何而來 。牛筋腩($27)比前者更不討好，特別討厭那味道又酸又怪的湯底(但又沒有清湯可選)，吃得很不滋味 。同時，牛腩早吸收了那彷彿浸過太久酢菜的湯汁，味道很怪異 。牛筋也己經浸得爛溶溶，沒有理應爽口的質感。花椒八角的味道很突兀，酸味也不知從何而來，又碎又爛的一碗，份量也不算多，這個價錢來說就又點太貴了。 服務倒是非常殷勤、有效率，會主動協助食客搬椅、拿碗筷等。環境還算光鮮企理。抱到此一遊的心態來幫襯還好，若帶期待而來就會失望而回了 。

食完「串皇」再轉去「勝利牛丸」；店子小小，與一般粉麵店裝潢差不多。這裡食物選擇少只有牛丸、牛腩、多士及油菜。欣賞這裡的專注，沒有為迎合主流，把大量不擅長的食品引入，令整體食物質素下降。由於主打牛丸及牛腩，廚房很簡單只有兩大盤牛丸及牛腩跟麵或淨食，單併或雙併，價錢都是一樣，$27。非常易計，唔駛煩！牛丸表面平滑，而且粒粒大小一樣，有點人工化及大量生產的感覺；跟常見的粗糙感有所不同。咬下去，牛丸爽彈但牛味欠奉；牛肉裡面太滑，可能打牛丸太長時間，令牛應有的纖維消失了。腩汁湯底幾深色，味道應該幾濃牛味？喝一口，湯是淡淡的，而且有些酸味，唔知落左D乜東東。牛腩味道一般，只得數件而且「碎濕濕」，肉質炆得夠淋，但牛味欠奉。牛筋份量比牛腩多，但炆得太淋，沒有咬感。牛丸味道質素跟想象有些落差，試一次就夠。

第一目標食店見長龍, 唯有另覓目標, 剛好在谷亭街附近, 就幫襯新舖的勝利牛丸.金剛小儀都有黎做飲食節目介紹, 還記得小儀將粒牛丸掟落枱, 隨即彈起, 就試一試吧.店內店外都坐滿食客, 流量極快, 和我們同枱吃牛丸牛腩河的叔叔花了一個杯麵的時間, 食完走人五香牛腩河 $27湯底色澤較深, 牛筋多過牛腩, 腩肉不是靚肉, 多是瘦瘦一塊, 未算韌, 味道就一般般貨式.新鮮牛丸河 $27牛丸係用新鮮牛肉打成, 係無筋的口感, 有啲失望, 相對質感較滑溜, 牛味又無想中濃, 河粉算爽, 但不夠滑, 還好有幾粒冬菜調一調味, 添一份鹹香.一人一碗$27, 完全吾飽, 純熟打底, 街坊們是當下午茶嗎？

到元朗出差，中午想找個地方吃點東西才回程，但好日都唔去元朗一次，對區內食肆非常陌生。利用 OpenRice 網站搜尋，發現位於谷亭街的「勝利牛丸」離自己位置最近，雖然見這家分店網上食評不多，不過位於康景街的總店，就好評如潮，心想兩店水準理應所差無幾，加上自己向來是個路痴，也不想再左尋右覓，就決定進店裡一試那自家製的新鮮牛丸。既然店子以牛丸掛帥，所以連貼牆餐牌也沒看，甫坐下即點來一碗牛丸麵，醒目的亞姐已第一時間提醒店裡所選用的是油麵，沒甚麼生麵、蛋麵等供應，擺明車馬，免得雙方誤會。碗麵端上來時，一數，牛丸共 6 粒，先咬一口，彈性不俗，吃來爽口彈牙，雖不算鬆軟卻毫不死實，有咬口，而且順滑度亦唔錯，完全沒半點黐牙的感覺，只是稍嫌肉汁唔夠豐富，不過整粒牛丸最大的弊病，竟然是入口淡而無味，味道非常的寡。幸好有檯上有辣椒油供應，筆者雖然一向不算嗜辣，但對著這般淡口的牛丸，亦只好狂下辣油以增添食味。後來發現原來是要以牛腩或牛筋等配對牛丸雙併來吃，是坐在我對面的一對母女教路的。據說店子的牛腩炆得軟腍入味，而且以濃味的腩汁配對爽彈的牛丸，再放點冬菜入口作伴，食味能即時提升不少，看來這些街坊比我更懂

繼續補寫元朗搵食記~~~其實都差唔多到尾聲架喇~~今次要寫的是勝利牛丸~食完雲吞同牛腩(@好到底)~就去埋附近食牛丸~~~遠遠望到大直路的遠處有一家勝利就走左過去~原本只想買一些牛丸來試試，不過見到好似無得就咁買幾粒試下...所以就叫了一碗牛丸河(好彩好到底的麵不算大碗，否則一定吃不下)點完才有點後悔...早知叫雙拼試埋牛腩比較下~~~為了無咁核突~~二人叫多了一杯菊蜜也不算大碗的~~對於搵食的我們來說是好事~~因為不用吃得太飽而嚐不到別的~~菊蜜倒沒什麼特別~~有點像我讀書時愛喝的維他紙包菊蜜...=0=呢到卻賣十多元...主角牛丸卻很讚! 成粒放入口(小妹口大....覺得咁樣最試得出彈牙程度)honey同我的反應很一致...都是想起了星爺的戲...可用來乒乓球!!!!!好好好好好彈牙呀~~~~另外，佢質感較滑，全部都無筋!!!正!仲唔鞋口tim~~真係唔錯~味道方面嘛~~~沒有雪味就是了略欠牛味~原本仲想放棄呢間...驚食得太飽~~好彩有食咋~~~至於河粉~~是配角也~請恕小妹太飽~~全權交由另一半清場~~~hahaha二十多元一碗~價錢還可以~可以一試^^

跟朋友行完山，打算到元朗晚飯。豈料去到元朗，也不過是5時許。吃晚飯，好像早了一點，但又超肚餓，怎辦?朋友提議先找點下午茶醫醫肚，身為元朗地膽的我，當然要一盡「地頭蟲」的責任，向他們介紹馳名的勝利牛丸啦。最初，我打算只吃菜，留肚吃晚飯的。畢竟，我經常可以食到，加上個多小時後又再食，真不想自己暴漲呢。可是，一入店聞到那香香的牛腩味，就真的是什麼也忘記!!去勝利牛丸，當然一定要食牛丸啦!但它的牛筋牛腩其實也是非常美味的。通常在難以取捨的情況下，我會叫雙拼，那就可以一次過滿足所有願望 再加上在這裡點雙拼是不用加錢的，學朋友那句︰唔係唔叫呀?!就是這樣，麻煩5碗丸腩麵這裡的麵，不是什麼粗麵幼麵蛋麵蝦子麵，而是軟硬適中的油麵呀!!牛丸新鮮彈牙，牛肉味濃，吃上來完全不像平日吃到的質感。平日吃的，總是有一點點筋，或鞋鞋的感覺。但這裡的牛丸，單是表面看上來，已經是滑滑的，好像剝殼雞蛋一樣呢 雖然它比平日吃的牛丸細粒，但味道真是有天壤之別，再加上它的彈牙程度，實在沒有其他牛丸可以媲美。牛腩是用淆製多年的腩汁燜出來，所以肉質嫩滑，兼超入味!!吃上去時，會有膠質的感覺，因為腩汁是吸取了N年的日月精華呢。特別當

很多年沒來元朗食，一來便食碗雙拼。從前第一次來食，只​需$17現在卻加到$23。真是物價飛升得很厲害。這店​最出名的，只有五香牛腩和新鮮牛丸。單單只賣兩款食品，​已經在元朗有三間分店。五香牛腩味道獨特別家真的找不到​，牛腩軟"林"味香。他的牛丸比他的牛腩更加獨步食界，​彈力有牛肉味入口。入到元朗一定要來試試!!

香港的交通費確實昂貴，從屋企出發入元朗打個白鴿轉，來回兩程已花接近六十元。走到這個鮮有踏足的地方，首要任務當然是搵食！由於今次是即興節目，之前沒有做好功課，只是單憑記憶尋找一些廣受歡迎的食肆。第一個目標是大榮華酒家，可惜人潮實在太過恐怖，有食客已在埋怨等上個多小時，見此情況我們只有打退堂鼓。走著走著，看見勝利牛丸的招牌，猶記得這裏也頗為出名，於是便走入店子祭祭五臟腑。本以為麵食店會有各類如雲吞、魚旦、墨丸等配料，怎料這裏只售牛丸和牛腩，單雙拼均售23元。另還有一些三文治和冷熱飲品。不用多想，就要一碗雙併河粉。食物送上的速度是超級快，幾乎是一落河打，轉頭便有食物送上桌子。論份量而言，碗子不算大，但吃起來又覺得很飽，可能是河粉吸收了湯底的緣故。這裏的湯底呈深啡色，質地濃稠且糊口，相信是時間累積的成果。牛腩頗為碎身，肉地很瘦但不算嚡口，另牛筋是精髓所在，每一片滑溜腍身，盡吸濃郁湯汁的味道，咬落有黏黏感覺，似乎很重骨膠原哩！牛丸每碗有三粒，打得細緻緊密，無渣亦無筋，可是又不算太彈牙。冬菜是錦上添花，略加一點更能突顯味道。不消一會，整碗河粉已徹徹底底落入我的肚子裏，下一程吃甚麼好呢？

作為元朗人應該沒有太多個是未曾吃過勝利牛丸的吧？這裡的牛丸的確出色，無給人粉粉的感覺，而且很彈牙，味精也吃不出來，難怪他如此成功的！牛筋也炆得腍滑入味，湯頭是濃郁的腩汁，可恨是河粉一方面是煮得未夠腍，二來又挺粗嚡的，未能吸盡湯的味道，實有需要更換供應商呢！

星期六同朋友去左元朗睇戲,睇完戲朋友就話想食嚟呢度食,本來係諗住去另一間的,但係已經唔見左,於是就嚟左呢間啦,估唔到係元朗都有三間分店.2點幾都幾多人喎,全間舖頭只係有牛丸及牛腩,單隻拼都係21元,還有一些多士西多士之類,我地每人叫左一碗雙拼,我食河粉,朋友食麵,超快就嚟,唔係好大碗,但係d料舖晒係面度,好豐富呀,有三粒牛丸及一些牛腩,個湯好濃好香牛腩味呀,牛丸真的好爽口彈牙,好味,普通size,我覺得啱啱好,牛腩唔會好肥,有一些牛肋,好淋身好入味.河粉份量其實都唔少的,吸晒d牛腩味道的.朋友的麵唔係茶餐廳食開既麵,係油麵嚟架.朋友話想食西多士,於是叫左一份芝士西多士一齊食,西多士都好快嚟,勁!! 西多士面有一塊四方形的牛油,慢慢溶掉,舖滿個西多面,好想快d食,加些糖漿落去,切開入面係溶掉了的芝士,好香,又咸好甜咁都幾得意呀!不過食得多都會漏!!我地兩個人一齊食就啱啱好啦!!呢度仲有支裝細支汽水架,正呀!!

我知道勝利牛丸一向係元朗好有名氣的...尋日出去元朗...好熱...本來想坐低飲杯野...但由於呢間勝利我想試好耐, 於是老公就提議去了...一坐低, 真的無選擇...只得牛丸+牛腩可選擇...於是就叫了一碗牛丸米+牛腩河...頂唔順要叫一杯凍檸茶...$13好貴檸茶先到, 好濃, 仲有D苦澀味... 牛丸米到, 有少少冬菜係上面...牛腩河, 望落好足料WO..試試牛丸, 只有爽, 一點牛味也沒有..牛腩, 好淡, 佢D五香味真係唔識欣賞...河粉都覺難食...連我個兩歲半的小BB都話好難食, 果下先搞笑...唉, 我係新墟食既21蚊粉面餐仲好食過佢呀....超級失望...仲寫明賣牛丸...真係OMG...睇睇OPENRICE見原來有三間分店..可能我去了最差的那間了

唉! 好耐無寫食評,不過真係忍唔住手要寫,事關成間舖打正招牌係賣牛丸,但d質數差成甘,點都要比個劣評佢架la!甘難得入元朗,諗住食下唔多野都好啊!見到對面馬路大大個招牌寫住勝利牛丸,唔多唔少都覺得應該去試下。入到去,當然係兩眼望望,睇睇有咩好食,點知一坐低,個阿姐就話:呢度得牛腩同牛丸架喳(=..=")okay 甘就一人叫一豌牛腩河同牛丸河lo!!!一來到,牛腩河成pat野甘,碎晒,好似d煲湯用剩既碎肉,甘都叫牛腩?食落去更加唔店,====,,,=====似殘喳多d!!牛丸就更加衰到無人有,外表睇落正常,不過食落就.............咩黎架???面粉啊???好彩佢無話係手打, 但都衰過機整la!!唉........食過好多粉面店既牛丸都好過佢la!(<<<----好心唔好打正招牌賣牛丸)河粉就無咩特別,但無味兼且唔夠滑身。離開時,見到佢佢招牌寫住: 自製牛丸,秘製牛腩(勁灰---,,----)味道：ref to 上面環境：黎得呢度當然唔預佢環境好la, 比高一分佢服務：單係阿姐對個個客人甘既態度已經可以比最低分佢衛生：都可以比兩分既抵食：難食就點都唔抵..

前往南生圍的第一站, 就是到元朗吃個當地午餐不要見怪, 我這些九龍人真的十年也不會去一次元朗, 今次難得效遊, 當然要吃盡元朗名菜!勝利牛丸在電視見過, 地方也不難找到一進去阿姐就問吃什麼, 其實也沒有什麼選擇可言, 就是牛丸牛腩單雙拼同價, 點了雙拼河後, 欣賞一下內裡鋪局, 也就是普通的粉麵檔, 不過當然選擇很少, 價錢又比較貴, 和牆上貼滿雜誌介紹啦~牛丸牛腩河 $21份量都幾少, 河粉只得2啖, 牛丸和牛腩加埋比粉還要多!真不知平時來吃的人怎樣吃得飽第一啖試試加了腩汁的湯, 都算清甜無味精!之後試試牛丸, 果然跟出面的不一樣, 比較實淨和彈牙, 口感較普通的優勝!再試牛腩, 很入味, 根位部份很多, 大都很滑! 不錯!不過我最最最最愛的竟然是這裡的辣椒油, 刺激非常! 一打開蓋已聞到很香! 喜歡吃辣的一定要試! 差不多個個人也用一匙辣油來點牛腩, 超正!我跟朋友吃到要把辣油打開蓋放在面前方便"不"呢!其實這裡抵就真的不是很抵了, 不過也幾值得一試的, 笑面是給作為元朗驕傲的牛丸!特地來吃牛丸就當然不會啦, 但他日經過時也一定會來吃的!