勝利牛丸

营业中

休息中

今日入咗元朗行街食飯，搭輕鐵喺大棠路站落，好肚餓去咗勝利牛丸食個麵， 一個牛丸麵都要三十幾蚊，略嫌少少貴。 麵得河粉, 米粉同油麵，我就叫咗個油麵，牛丸麵送到上嚟，上面有啲冬菜，牛丸唔多，面都好少，但係牛丸確實是彈牙爽口，牛味都有啲，咬落去咇出陣陣的牛肉汁，唯獨是麵份量少，另外可以加醋令碗麵提鮮，怕淡可以加啲辣椒油調一調味。總括嚟講，老字牌不過不失啦。

好少入新界, 但都成日聽人講勝利牛丸。既然咁難得入去元朗郊遊, 緊係要試下元朗既地道野。店鋪裝橫同一般粉麵鋪差唔多。圓枱圓凳 , 要搭桌。 食呢D都係快黎快去。食完就走。叫左個三併, 即牛丸牛腩牛筋。單併同三併同價。麵種類得河粉, 米粉同油麵。牛丸好彈牙, 咬落去有牛肉汁, SIZE 係可以一啖放落口。牛筋入口即溶, 食完唔會痴牙牛腩反而冇咁出色, 唔韌, 但可以再煮耐D再入味D。湯底好飲, 中式牛肉湯味, 加醋令成碗麵提鮮。$36蚊大大碗, 入元朗必食。

元朗地膽一定識黎呢間老字號呢間勝利牛丸 由一間鋪仔 做到最多3間 仲要係自己鋪 可想而知 幾咁好生意入到黎 自己搵位坐低後 淨係不斷聽到 丸腩河！丸腩米！丸腩丸腩丸腩 我就叫兩碗丸腩河啦碗麵細細碗 但滿滿一碗新鮮手打牛丸3粒 牛腩係用新鮮牛腩 好食 真心正 牛丸彈牙 重鮮牛味 牛腩非常出色 顏色偏橙紅 好入味 湯底非常鮮甜 加埋菜蒲 鐘意食辣 一定要落隻辣油 簡直成碗野昇華左去另一境界 妙呀！信我 叫多支玻璃樽可樂 成個人kur晒！得一個阿姐 做唔停手

細細個已經食勝利牛丸，前晚做運動之前想食小小野但又唔可以食太飽我就醒起勝利了！好耐無食，原來已經由十幾$食到宜家$34，維持不變既就係份量😂其實一直都覺得呢道既牛丸好味過牛腩，因為牛腩既水準成日唔同，一時會好硬一時又會好淋！不過耐無食就一次過食晒牛丸同牛腩啦！今次牛丸質素無變有牛味亦彈牙，不過牛腩就略為硬左小小同太瘦！河粉都新鮮既，無出現一舊舊！而辣椒油就同以前一樣辣得黎又好香！配牛丸一流！！！

以前讀書時只吃2間潮州麵店，一是嘉麗園，另一間就是這間勝利牛丸。光顧這間完全是因為比較近學校，並不是她的食物。時間許可的話，我和同學都不怕行多幾步到嘉麗園。因為真的比較好吃。湯底、牛腩甚至辣椒油都比勝利牛丸好。今天到元朗打算睇戲前來過快食，當年讀書時一碗麵才19元，現在已加到36元。其實元朗的食店普遍都比屯門天水圍貴，36元在元朗算是合理水平，已經比起大約45元的嘉麗園平多了。雙併不用加錢，點了丸腩河。即叫即到。先嚐一口湯，意外地淡，只帶點牛肉的甜，不能形容為清甜，因為湯看起來很濃，沒有咸味，甚至用來增加食慾的胡椒味都沒有。雖然淡，但吃完整碗麵都沒有口喝倒是真的。至於招牌菜牛丸，size比一般的細，是很爽口的，是很彈口的，但未至於稱它做招牌菜吧。早前過年不停與親戚朋友打邊爐，吃了不少牛丸，老實說，這店的牛丸只比任食打邊爐的牛丸好些少，甚至不太吃到牛肉味。牛腩方面亦都如她的湯底及牛丸一樣，貫徹她的淡味路線，吃慣街外的麵店必定覺得不夠味。份量方面就與其他的潮州麵店差不多，一碗麵一位成年男人的7成飽肚。不用十分鐘就吃完了。勝利牛丸應該蠻受街坊喜歡，店名很有意頭，就是牛丸沒想像中有驚喜。

勝利牛丸的牛丸也不用多介紹，因它街知巷聞，較早前已有媒體再次採訪。我們除了點了勝利牛丸外，還點了花生醬火腿西多士$22配搭看似很奇怪、又邪惡，但十分好吃😋（我怕肥呢！雖然好吃，但堅持吃2小件）到此店，當然勝利牛丸非點不可$36

行完山搵野食，入到元朗，朋友帶我們去食出名的勝利牛丸！當日九度又係想食熱野，入到去唔使諗，叫三拼，抵食又豐富，牛根牛楠牛丸河，無論單拼雙拼還是三拼都是同價$36，咁嘅價錢有番價錢以上的質素，何謂幸福！信我，叫啦！和朋友叫多個勝利西多士，共三層，中間夾了芝士、火腿、花生醬，口感太混亂，令我享受不到西多士原有的味道，所以我覺得傳統法蘭西多士會好味啲😊最後加埋枝可口可樂，無得彈！做完運動，飲番枝可樂，爽晒！

今日一起身，突然口痕想食返個丸腩米🤗🤔🤔，平日2點幾來到都仲好多人，一入到來坐低叫左碗丸腩米，15秒內就送到，果然好有效率呀👍🏻👍🏻👍🏻👍🏻👍🏻👍🏻先講下個湯底，我覺得比以前退步左d,比上次來食既時候淡左，亦5覺係有牛腩汁味，得個鹹味。😭個手打牛丸都幾彈牙，又好有牛味，牛丸大細相符，值得推介👍🏻而個牛腩就有d硬，5夠淋，但都算入味叫牛腩仲送左幾舊牛筋Tim ,😍反然牛筋令我好surprise 有d黏口，而且好淋好juicy 總括而言，食個快餐係5錯既選擇！36蚊一個麵👍🏻最後決定下次要試下個西多先，見對面個客人食得津津有味😋😋

老爸七年未返過香港，今日同佢元朗半日遊，行行下突然話想食牛腩河，我好日都唔入元朗，真係唔知邊間好食，即時打俾D地膽友，介紹左呢間老字號，入到去乾淨企理，但價錢都幾那利，$34碗牛腩河，佢主打牛腩牛筋牛丸，叫一拼二拼三拼都係同價，我就鐘意牛丸夠彈牙、有牛味，其他就不過不失，我老爸就嫌碗牛腩牛筋河鹹，食左一半就唔食；見佢食到咁無癮，叫左杯甜甜地嘅菠蘿冰俾佢舒緩一下；另外叫左碟全走油菜，$20好大碟，我諗可能有半個生菜。

入到元朗揾好味嘅牛丸食，住响元朗嘅朋友大力推薦呢間，所以去食個brunch, 入到去光猛企理又乾淨，唔似出面好多粉麵店有亂糟糟嘅感覺，望見餐牌寫住每碗單併或者三併都係$34，即刻落order一碗牛丸、九腩、牛筋嘅三併河粉，需然佢冇比我鐘意食嘅葱花，但就加左好嘢味嘅冬菜，配上佢地嘅腩汁，味道很好唷，佢嘅牛腩同牛筋講真就冇乜特別，但係啲牛丸真係好實好好好彈牙，雖然係三併，每碗依然有三粒真材實料好好食嘅牛丸，仲有佢碗河粉外面睇唔係好大碗，原來食落係好多河粉㗎，值得下次再嚟。

是日休假#下午茶本來想試試西關粥品但是路痴我google完還是找不到😅而且今日都幾熱，都係唔好食粥喇（籍口😝）（話說搵間幼稚園都喺元朗蕩左7個字😂）咁見到呢間都好似好出名又試試，牛丸多，不會只得3，4粒，都幾彈牙加腩汁好入味鮮油多都ok最正係有玻璃支裝可樂嘛

小弟係元朗土生土長，勝利牛丸可以話由細食到大，只是近年越來越貴所以無再幫襯「丸腩河走冬菜」係我中學午餐經常講嘅說話，當時一碗粉只要14$，一碗粉一枝氣水就係一餐只是物價高漲，當年牛腩河加到34$但份量依然一樣勝利牛丸主打牛丸和五香牛腩，除外只有多士油菜,咖啡奶茶等港式食物環境裝修和當年一樣無變，只是由當年三間分店變成兩間感觸完開始食嘢!失望個粉一舊舊嘅?牛腩味道都淡咗，幸好牛丸依然彈牙評語:品質差咗好多，以前成碗清今日竟然仲有食剩(評分Ok只係感情分)

從來未食勝利牛丸，今日行完街經過，就入黎食碗麵抖一抖。不過有啲失望。叫左碗牛腩牛丸米，好鹹，湯底只有鹹味。牛腩有五香味而冇牛味，而且牛腩份量好少。牛丸好普通，彈牙度一般，冇乜牛味冇乜肉汁。價錢有點貴，這樣的牛腩牛丸米索價34元，都算，質素味道差才是令傷心的地方。

勝利牛丸這家店在元朗已有超過三十年歷史了由我小時候$14到現在要$34一碗麵外場都維持著是一班姐姐在打理下單後基本上滿場都會知道你點了什麼吃結賬也不會有單子都要靠姐姐們在店內大聲傳話元朗人應該早就習慣了店裡這種模式了對我來說這也是小店裏的特色而食物味道也始終如一牛丸一直保持其爽彈口感濃濃牛肉香味牛根Q軟入味牛腩則比較硬有點難咬麵上面放上冬菜增添美味吃罷一碗牛丸牛腩河嘴唇都會黏黏的滿滿膠質的感覺配上瓶裝可口可樂爽我覺得好吃不等於你 純屬個人意見愛分享

作為元朗人既我，我的確係由佢以前12，13蚊碗食到宜家$34蚊碗，我一直都仲好支持佢既，因為我真係幾鍾意食佢既牛丸，今日難得收早，就走左去買碗外賣番屋企食，照舊牛丸河分湯，番到去一打開⋯⋯⋯乜原來宜家叫碗牛丸河都係得3粒？以前係有5粒，個下我真心嬲左，你加價唔緊要，但無理由我叫單併同雙併三併你牛丸分量都一樣，咁點解我唔叫雙併三併？就係想食多你兩粒牛丸，咁就$34，其實係好失望！！我希望你地睇到可以改善一下，因為咁樣真係好唔抵