勝利牛丸

营业中

休息中

勝利牛丸這家店在元朗已有超過三十年歷史了由我小時候$14到現在要$34一碗麵外場都維持著是一班姐姐在打理下單後基本上滿場都會知道你點了什麼吃結賬也不會有單子都要靠姐姐們在店內大聲傳話元朗人應該早就習慣了店裡這種模式了對我來說這也是小店裏的特色而食物味道也始終如一牛丸一直保持其爽彈口感濃濃牛肉香味牛根Q軟入味牛腩則比較硬有點難咬麵上面放上冬菜增添美味吃罷一碗牛丸牛腩河嘴唇都會黏黏的滿滿膠質的感覺配上瓶裝可口可樂爽我覺得好吃不等於你 純屬個人意見愛分享

作為元朗人既我，我的確係由佢以前12，13蚊碗食到宜家$34蚊碗，我一直都仲好支持佢既，因為我真係幾鍾意食佢既牛丸，今日難得收早，就走左去買碗外賣番屋企食，照舊牛丸河分湯，番到去一打開⋯⋯⋯乜原來宜家叫碗牛丸河都係得3粒？以前係有5粒，個下我真心嬲左，你加價唔緊要，但無理由我叫單併同雙併三併你牛丸分量都一樣，咁點解我唔叫雙併三併？就係想食多你兩粒牛丸，咁就$34，其實係好失望！！我希望你地睇到可以改善一下，因為咁樣真係好唔抵

勝利牛丸喺元朗一向都出名，今次第一次食，一於試晒三款，牛筋牛腩牛丸，單拼雙拼三拼，價錢都係一樣，咁就梗係要三拼啦，三款質素都幾好食，特別係牛筋，煮到好淋，口感好好，牛腩煮得好入味，牛丸就相對黎講比較平常，湯底有好濃嘅腩汁，但係又唔會喊，食完之後唔會好口渴，呢個價錢黎講非常抵食，而且地區小店人情味比較重，職員會同食客傾計，氣氛都好啲，個職員會同啲老人家講話油面唔係咁適合佢哋食，推薦佢哋食米粉或者河粉

一提起元朗，勝利牛丸一定排係我嘅第一位，因為細個嗰陣，媽咪每逢經過元朗都會買一袋牛丸返屋企囤貨。一路都忘不了勝利牛丸嘅蛋呀程度係無人能及嘅！星期六晏晝經過元朗，見到勝利牛丸唔多人，所以決定入去重拾童年嘅回憶。一行入去就有數位姐姐喺門口招呼你，好溫柔咁安排你入座。 呢度嘅粉面選擇可以話好少但係專門，基本上只有牛筋、牛腩，同埋牛丸可以揀。而粉麵方面，就只有米粉、右面、河粉可以選擇。無論叫起三併定係就咁牛丸粉都係清一色$34！ 我就叫咗牛筋拼牛丸米粉牛筋一咬落去，軟綿綿但不乏咬口。略略一數大約有五至六件。而招牌牛丸就不負眾望地十分之彈牙爽口，輕輕一咬就可以咬開，果然係童年嘅味道。輕輕加左枱面上嘅辣椒油，香味即刻更出，正！加上東菜既鹹度，岩岩好！而男友就叫左三併河粉。牛腩相比之下略為遜色，有少少難咬。河粉冇咁入味。size亦係唔夠佢食，碗粉比佢秒清左。勝利牛丸既麵係唔跟餐飲，凍飲加$17。我地叫左一杯凍奶茶少冰，有水準，茶味濃奶又滑。 清一色 每碗$34總結：勝利牛丸既牛丸真係王牌無得彈，食既更重係人情味! 下次我又買返袋淨丸返去孝敬屋企人先。

工作關係到元朗區，當然要周圍走走覓食一番。記得多年前吃過勝利牛丸，但已經想不起味道來，所以決定重拾回憶。選擇不多，但驚喜是雙併／三併都是同價錢，對於貪心的我實在是一件小確幸。點的是腩丸河，侍應姐姐快迅下單後約3分鐘就有好吃的上枱了。當然要先喝下一口湯，湯頭算清徹，烹調時間夠，每啖湯都豐富實在，濃濃的牛香。牛腩略嫌過瘦，缺了牛脂香；反觀牛根較出色，炆得淋香入味；主角牛丸郤令我有點失望，欠肉汁又算不上彈牙爽口，只屬一般般吧！元朗好吃的東西太多，勝利牛丸我想嚐過就好了。

記得以為經常跟著父母到元朗吃勝利牛丸，也是因為勝利牛丸愛上牛丸。這天獨自到勝利牛丸，店鋪如之前一樣座無產席，與人搭枱是常識吧。叫了一碗丸腩河。一上桌，與之前份量無異，都是滿得快要溢出來。牛丸還是跟之前一樣，爽口彈牙，可是牛腩給了好多牛筋，沒有什麼肉。而湯汁也沒以往那麼香了，不過整體之這還是不錯，盛謂$34，其實還是值得的。但是店內汽水，足足$20一枝，這個價格可有點貴了。下次與友人可以試下勝利多士。

這店聞名已久， 今日行過又正巧午餐時間，試一試， 三併同價，緊係叫三併河 - 牛丸牛筋牛腩河， 外加紅豆冰（見隔離枱叫又想飲😂）朋友叫西多士， 我當然要痴一舊食！😁三併最好食唧反而是牛筋，又入味又軟又滑， 牛丸也彈牙，不錯， 但沒有牛筋驚喜。 可能對牛丸有期望（此店名物），牛腩⋯一般～湯底濃，不宜淨飲湯， 幸叫了河粉， 河粉吸了湯，條條河粉都滿滿牛肉味✌️️，下次會叫雙併 - 牛筋牛丸河😋紅豆冰， 粒粒紅豆， 有咬口， 紅豆冰沒有叫小甜也不甜， 由於本人不太愛甜， 所以好啱我，愛甜的人， 可能會不喜歡。西多士，痴朋友食， 試了一口， 新鮮熱辣上枱，有花生醬在內，香香的好味！ 整體來說，下次會再去😂

好耐都無食呢間啦~~~~一來你幾點去都係咁多人，你自己一個都叫易搵位，多幾個人去又要等二來人多坐位就自然無咁寬敞架啦但近日在回味呢間既濃汁就買個外賣食啦外賣如果怕番到屋企會無曬湯的話，可以加錢分湯的啊!信義妹最鐘意就係食牛丸牛筋油麵啦呢度係無生麵或者粗麵架牛丸夠彈牙，一咬肉汁慢慢流出來牛筋夠稔身，如果喜歡有咬口既朋友就未必覺得好啦有黏黏的口感，充滿五香的味道而麵唔會太軟，油麵掛上濃濃的汁增添美味湯汁濃郁，充滿牛與五香的味道，唔會因為鹹而蓋過五香味覺層次豐富~~~

難得入元朗，當然問下住果邊既朋友，做定功課睇下有咩好食：P朋友推介勝利牛丸米，仲好細心教埋我點叫餐：「丸米」、「丸腩米」，可再選擇要否「加色」，即是加醬汁。配料有牛腩、牛筋、牛丸選擇，雙併三併都不用加錢；我貪心想試哂咁多款。就同男友一人一碗三併：P$32一碗麵來說，份量是足夠的。牛腩、牛筋的顏色較平日吃的淺，略帶柱侯醬香，可惜部位唔算靚，好韌！好難咬！因為咬唔到，所以食唔哂。牛丸則大小均勻，口感爽口彈牙，啖啖牛肉味，好味！食完覺得唔夠喉，男友竟然加了一份勝利西多！好邪惡！（呢d野當然有佢係度先敢食）西多內有芝士、火腿、花生醬，有三層麵包！不得不讚，真係好好好好好味！西多表層香脆，充滿蛋香；內層麵包軟熟，不會炸至乾透。本以為配芝士火腿會太鹹，誰知有糖漿、花生醬的相襯下，不同的味覺交織著，非常有特色！總結：牛腩、牛筋有點令人失望。下次來的話，只為牛丸、西多而來。餐廳環境比較嘈雜，服務一般。

星期日約佐班朋友去行山⋯經元朗入去⋯朋友話未試過勝利牛丸⋯當然要帶佢地去試下啦😁好彩一入去就有位⋯因為已經好肚餓⋯叫佐個三拼⋯因為同價⋯1碗$32 牛筋同牛肉都好林⋯正！牛丸都好好味😋 係細碗佐少少😅

久久就聞大名，今天終於到訪，由於已吃一餐中午，bay佢太早食慾不振，就得我一個ko...我叫的丸腩河32其實可以三併同價，來了的是三併也罷，照食可也，先試是日重點牛丸，一口咬下，一碗有三顆，細細粒幾彈牙，而且牛味幾濃，不過唔覺有乜汁，如果有牛筋丸就更有咬口，可惜呢度係無既。牛腩不特別，湯底無預期咁得，相對清淡，不過不失。平常不吃牛筋的我為求不浪費食物，又自我說服的有骨膠原，就吃吃吧，淋軟的挺易入口，原來我也開始會吃這個喇。由於重口味小妹嫌棄清湯味道不足，終歸也要加店方的辣椒醬，只有點點辛辣，並不香，不外如是，如其賣肉。不得不大讚其河粉滑溜軟無比，是近年吃到最好的，估佢唔到。。。汔水8

2016年9月7日，時間晚7點13分，放工揾野食，咁一向都有幫襯開勝利，基本上由細食到大。我叫左碗腩河，一食，發覺無味。咁我再食多啖，都係無味。索性飲下個湯，超，堅係無味！！！(牛脾係有味。) 有無搞錯呀，你碗碗都多筋我都由佢，我不嬲都食筋。但係今次係個湯淡到水咁！我接受唔到！色水係無變，但係淡到咁！點食呀！跟住我問吓班大陸阿姐，佢竟然話不嬲都係咁！我話 阿姐，我細細已經跟阿媽黎食，大左就帶女友黎食。我就係鐘意牛腩濃湯！！你話不嬲都係咁我唔同你拗啦！無意思。但我成日都唔見到老闆，否則我直接同老闆講。不過，我寫喺度，希望老闆睇到啦！一飲就知到溝晒水，老闆麻煩你檢討一下。谷亭街呢間呀！唔該！

咁啱入開元朗，下午兩點半，口痕搵野醫肚，諗起呢間野，再查地方，原來近在咫尺，馬上入店，有位。兩個人，點咗個根丸面，三十二蚊，西多，廿皮，凍奶茶少冰，十六雞。碗面一上就知不妙，啲牛丸同真係純牛打出黎個啲差好遠，九成九摻混左其他肉，入口同街邊小食啲牛丸並無分別，什至更難食，不是百份百牛肉，而是百份百被騙。講講個湯底，色水足，但入口零味道，食完仲要有超勁味精反應（我本人一向對外邊食物味精反應不大，除非極重手），垃圾湯底。西多一般，即炸，唔難食亦唔好食。奶茶我無飲，我老婆話都算難飲，飲左半杯就停。總括而言，三句講哂：難食，呃錢，祝早日結業。

元朗多美食，個個都知^_^勝利牛丸一定係元朗美食始祖當年至今，都好多人專登入元朗食意碗丸腩米、丸腩面因為除左元朗兩間店，其他地區別無分店我細個住元朗，我爹地媽咪成日帶我黎食嫁，到依家我就帶我兩個囡黎食食左三代，食到有感情講番碗面先牛腩湯底香濃，牛丸爽口彈牙，牛筋超淋，超正！奶茶香濃有奶香^_^懷舊紅豆冰，紅豆淋比例剛好^_^

相信會到元朗搵食既朋友點都聽過/食過勝利牛丸其他佢只係一間好普通既粉麵鋪：佢選擇奇少，一般都係食個牛丸/牛腩/牛筋 加 米粉/河粉/油麵，魚蛋豬手呢d common 粉麵配搭係無既，間唔中都見過有人會加個西多士；佢價錢算貴，一個碗仔size $32唔包野飲，想黎個涷0茶都$16但佢就同譚仔既都市傳說一樣，係會上癮既🙈話說我搵食咁耐，勝利牛丸既味道真係唔會好刺激到我--佢既牛丸的確係充滿牛味又好彈牙，個米粉同辣油又好鬼match, 但牛腩成日會太硬，好難食中靚位，而且係炒麵界真係唔突出但我一有機會係元朗一條友搵食，我十次有9次會食佢我諗左好耐，除左上癮我諗唔到點解。我係連個湯都會飲埋，果d 濃牛味。。。而且你會發現周圍既人都係咁crazy個個都清晒個碗真係同譚仔一樣充滿迷思🤔歡迎你搵日坐低食返個麵睇下你有無同感分享返我今日既伙伴：丸腩米