勝利牛丸

营业中

休息中

今晚，老公車我到元朗去吃勝利牛丸。原來已有30多年歷史。我點了一個牛筋河。牛筋好冧，有一點點酒味？！腩汁濃濃的，十分好吃。另外叫了一個淨牛丸，牛丸細細粒，很彈牙，很不錯！叫了一個勝利西多士。多士有火腿和芝士，厚厚的樣子很不錯。但是吃不到芝士的味道，反而花生醬的味道就很濃。對於我愛花生醬就不太喜愛了。離開的時候，老闆發現收多了我們＄18 ,立刻叫回我老公。在這現實的世界，真係非常難得。

黎到元朗，如果係又新街落車通常都會光顧附近食肆。今天想吃牛，當然要去勝利牛丸。好想吃牛筋，就點了碗牛筋油麵。看上滿滿的，但份量不大。湯底有牛腩汁精華，味道較濃偏鹹。牛筋大條炆得入味，肉質夠稔身而且很黏口，感覺有很豐富的骨膠原，hahaha~ 看似細碗，不知是否湯底太濃的關係令人很快就飽肚。$32 略嫌貴了點!

小弟於去年參加了WEST - Wine and Spirit Education Trust 的三級證書課程，在考試中失手，未能及格。至今年三月中補考，補考前參加了一個考試前的一天雞精班，負責導師是名叫Ian ，在開始授課前跟他說說談談，知道他是勝利牛丸的『太子爺』，亦知道我現居原朗，問我有否吃過他們出品，當時我率直的告訴他我已吃了他們出品十多年，但這兩年並沒光顧，原因是有一次吃過他們的牛丸味道淡而無味，另一次吃他他們的牛腩則『燶味』滿溢。所以從此便沒有再踏足他們店面。他跟我說早前出現一些股東爭執，可能因此導至質素下降，他跟我說：『俾次機會添啦，再去食下』！我答道: 『好啦!』。這承諾我牢牢記住，大半年後的今日，我才真正履行。今回跟友人同往，點了兩碗牛筋腩牛丸油麵每碗HK$32，一份勝利多士HK$29，一支忌廉汽水HK$8。牛筋腩牛丸油麵麵到，份量一如已往的多。先試牛腩，柱候醬完全注入牛坑腩之內，炆得很香滑；但不糊口，有些還有點彈牙，個人更愛牛筋，非常高興今次牛腩並無煲燶，沒有令我失望。牛丸爽口彈牙，有牛味，沒有前次光顧的零牛味情況出現。看看湯底，充滿腩汁，感覺好像只在喝腩汁而不是湯，

上星期六在元朗做完facial之後，就在附近搵下餐廳吃午餐，見到勝利牛丸在前面，想到好耐冇吃勝利牛丸,決定去勝利吃午餐。元朗有三大麵店老字號，勝利是其中一間好出名麵店，勝利主打手打牛丸 ，它的手打牛丸在元朗好出名 ,我去到勝利門口時,勝利依然好旺 ,因為只有一個人，十分容易揾位,我叫了牛丸河粉,牛丸較為多粉亦不夠彈牙,河粉味道都幾好味 ，河粉亦都爽口，加了腩汁相當惹味,湯底亦冇咁淡，可樂冇咩特別，服務都OK ,環境亦都可以，充滿麵店人情味 ,勝利牛丸整體都一般，價錢稍為貴咗些小，32元吃一碗牛丸河,其實不太值啦

勝利牛丸($32)勝利牛丸係元朗大有名氣，以前甚至係賣晒牛丸就收鋪！咁好生意，司令黎到元朗梗係要試試佢！😋 可以選擇牛丸、牛腩、牛根，三併都係一樣價。司令就簡左至愛嘅丸腩米，一上枱唔好睇佢好細碗，食完真係飽晒。牛丸彈牙、爽口，係司令中意嘅質感，牛腩好入味，仲附送左少少牛根，都同樣出色，中意食牛根既一定要叫，炆得好淋，好有膠質，一碗麵可以一次過滿足到三個願望！食完飽晒，見到餐牌上面有勝利西多士都食唔落添，下次再戰！

終於入去元朗試下勝利牛丸呢間係元朗幾出名既食店。全間店既特色就係只買牛丸,,該店提供 牛丸/牛腩/牛筋 配 河粉/米粉/油麵,,或 3文治&多士。但今次既主題5係多士3文治>.<而係牛丸當日me係下午時份去到,果陣暫時需要排隊住, 所以好快就入左去食,,咁me想試下河粉同油麵配出名既牛丸喎,咁就出現左以下既配搭喇咁呢淨得 牛丸河(HK$32)同 麵(HK$13), 又好齋喎健康D叫碟菜吧~~嘿嘿嘿Main meal係牛丸,,,粒粒都好彈牙彈牙彈彈牙同出面用機器打既真係口感有明顥差別

小時候經常會去食粉，至從出左名後，人太多人就少去左了，一個人經過想起它的牛丸就入去獨自hea過下午茶喇丸腩河$32+樽裝鮮奶$11牛丸好彈口，腩不算太肥、但香棯！河粉都爽口～如果大家棯住靜靜食餐，就唔建議大家去，因為呢間舊式麵家，無寫單，班落單姐姐叫野係大叫靠記性～所以成間舖都比較嘈！

好久沒吃勝利牛丸了，小時候常常來吃，近來它三間分店只剩一間，怕再不吃就沒得吃了。點了牛腩牛丸河粉，牛腩湯的味道很濃郁，而且加了冬菜，味道更是提升，牛丸相當爽口彈牙，但似乎細粒左。牛腩就好吃到沒話說，給了很多都是連筋帶肉的，筋位燉到超嫩滑又淋，好好吃！但價錢就一點不像小時候了，可能牛肉都比較貴吧！點了雙拼河粉加一碟油菜，盛惠$49，好貴喔～

勝利牛丸在元朗個名好响，我搬咗嚟有七八年，由賣二十蚊碗食到今日三十二蚊，間中放工後過來食下，也算老顧客了。十年如一日每次都係丸腩米。(因為佢祗供應油麵但我唔鍾意食)老實說勝利有點名大於實，但又唔算差嘅，丸腩米三粒牛丸實實淨淨，粉比肉的比例比較多，所以相對唔算彈牙。牛腩唔係炆得好淋，份量適中，但柱候腩汁湯底濃濃，加埋D冬菜太多了，碗湯會偏咸唔敢飲太多。賣32元唔算抵食，但又過得去醫得飽個肚咁話啦！

下午茶時間來一碗丸腩河非常滿足由學生時代到現在都保持水準，牛腩炆得好入味又鬆軟，肥瘦適中而且份量頗多，牛丸很爽口，細細粒一口一個很易食，用上㓜身河粉好滑，湯汁充滿牛肉香同膠質，食完唔會口渴，整齊都造得出色

去個元朗探個FD，順便玩佢個隻狗仔，同埋係元朗行下搵下野食，去左幾出名既勝利牛丸食,原來收7點,去左剛好趕得切食呀。地方都幾光猛而且坐得舒服。淨牛丸,$27,有9粒,牛丸表面好平滑,食落彈牙爽口,牛肉味濃,不過唔算好好食,腩汁湯底,咸左少少呀。奶醬多－舊式整法我最鐘意食呢種，夠原始唔需要加其他創新元素整色整水。

吃過生煎包後仍不滿足，總是心思思旁邊的勝利牛丸，一直聽聞很好吃卻又未錯吃過，難得一問之下友人又願意陪同再吃一頓，當然立馬叫好！牛丸+牛腩雙拼麵 $30評分 : 7/10可以單點1碗淨牛丸或淨牛丸麵及淨牛腩麵，價格同樣30，是次要了雙拼2樣都有。單要說牛丸的話絕對會是9.5分，牛丸肉質夠平實而彈牙有牛味，不會像平常吃到的一樣口感粗糙，更什至帶雪味之類的...個人而言好喜歡這牛丸！麵是油麵，麵質彈牙有咬口，但湯汁卻好普通，牛腩沒試不評論，不過份量超少，比杯麵更少，30元的話真的貴了，故此論整體的話就只有7分。

放工探親戚，晴天。放工後入元朗探公公婆婆，剛放工太餓了，所以提早揾晚飯。勝利牛丸十分出名。又方便快捷。牛根牛丸河，牛丸十分彈牙又爽口。牛根十分入味而且交質十分厚，河粉麵質亦十分適合。湯底及牛腩汁盡佳。各方面都十分滿意。所以另叫一分淨牛根。超讚，推介的一間……

今日又入元朗，好耐冇食勝利牛丸，以前都覺一般，看現在如何，中午12時許，好容易找到位，因己食早歺，故只單叫牛丸麵。牛丸麵(7/10)~麵是油麵，牛丸有6粒，湯底冇特別，麵亦不大碗，如午餐靠佢來飽肚，真係靠唔住，牛丸彈牙但比較實，牛肉味不太濃但好在亦沒有其他平價牛丸的蒜頭味，$30碗又食唔飽就叫做貴，最後買了半斤牛丸$64回家煮來吃好過。

我死都估唔到食碗雙拼會搭梅菜!仲要喊過睇咸片又細碗...收成三十蚊...牛丸都唔錯嘅...但點都估唔到啲牛腩又un 又乾...食河粉都一舊舊扭麻花咁嘅樣...今舖真係中哂伏!!!......仲無餐飲添