勝利牛丸

营业中

休息中

元朗有唔少特色嘅店舖， 一場嚟到梗係想試下啲本土地道特色餐廳啦。路經呢間門面好似茶餐廳，大大隻字寫住自製牛丸， 對於自家製產品我一向都好支持， 滿懷希望咁去嘗試一下。店舖食品種類唔算多， 牛腩，牛筋，牛丸 可以配河粉，米粉，油麵。有啲選擇困難症嘅我就揀咗三拼配米粉。 碗仔細細 ，但裝到個碗幾乎滿瀉。唔食牛嘅可以選擇食三文治或者西多士， 西多士有法蘭西西多士，芝士西多士，火腿西多士， 又或者可以三拼。不過食咗一碗粉就已經食唔落其他嘢啦。 所以我就冇試到。淨係黎講普普通通啦， 牛筋都炆得好林， 牛腩啲肉就比較鞋身， 牛丸亦冇我想像中咁有牛肉味同彈牙囉。唔值得特登入嚟食， 但如果經過都可以試下嘅。

元朗老店。我元朗大，但在這裡經驗不豐富。都是近幾年才吃。可能是一種習慣，每月都要吃一碗。其實我最愛這裡的凍檸茶及西多士。玻璃杯裝著的凍檸茶特別好味。重點要夠凍。西多士加練奶超級邪惡！真的每月只能吃一次。我吃愛吃中間位置。邊位都留給朋友吃😂😂😂每次來都要適應姐姐們不停大叫。她們不用寫order。全都大叫！但又不會漏單。人流極高的一間食店。價錢確實不平、可以說很貴。成本很高嗎？我也不知道。每一天都沒完沒了的超多人吃。

好啦 行行下街發現勝利牛丸我地兩個都未食過就入去叫碗「淨牛丸」試下啦P小姐食第一粒先佢已經同H先生講 🙅🏻‍唔掂H先生即時謝曬😣(因爲經過長時間專業訓練P小姐已經由一開始只有好食/唔好食階段發展到今日仲揀擇過H先生😱)牛丸只有爽口彈牙質感但無鮮牛肉嗰種味道唔係好覺真材實料湯亦唔特别😩落埋辣油都加唔到多D分數唔理解既係蔥都無一粒 真係「淨」牛丸 如果有蔥 起碼賣相都好睇D食落亦更香口絕對係大失所望之作😞

以前成日都食「勝利牛丸」，其實好耐冇食過，一直都好想返黎食，今次就想帶埋女友黎等佢試下。餐廳內面舊式粉麵檔裝修。食物選擇粉麵類真係靜係得牛類，但都仲有三文治同多士。三併油麵　$36即係牛筋、牛腩、牛丸，有河粉、米粉同油麵可以揀，單拼同雙拼同三併都係同價。份量適中，牛丸都有3粒，牛腩有幾舊，牛筋都係。湯底十分深色，似係有落豉油/老抽調色，因為食落腩汁味冇乜，似豉油味多，但係牛丸真係幾彈牙，食得出自己整，牛腩同牛筋就冇乜特別，可能隔左太耐黎食，都唔係好記得以前係咩味。比起以前，唔知點解食落好似差啲野咁，味道冇以前比我既咁驚喜，可能食既係回憶掛。

忙完週六早上後，穿越成堆水貨客既大喼地雷陣🚧🚧 醒起近排有朋友問元朗嘉麗園牛丸得唔得，嘉麗園其實元朗人就好少去，無乜食就唔comment 🤔 但勝利牛丸，我相信係元朗長大既點都會食過🤗 今日查一查, 原來勝利仲老過我, 82年成立👍👍30幾年來都當咗佢係元朗必然既一部份💖 谷亭街個舖都幾大, 應該坐到50人我估😮 全部係圓枱, MENU簡潔⭐舖面出面已經見到麵吧處理湯底, 牛腩🐂, 牛筋🐮, 牛丸🐃, 其實勝利牛丸主體就係咁簡單🐂, 主打賣上面呢幾飛嘢, 搭番個河或麵, 要落單IS SO EASY🧐 勝利既丸腩個人心水係一定配河粉🤫落完單係麵吧執比你再加色 (加腩汁)🍜兩嘢就上到枱 湯底十年如一日柱候浸泡牛腩溝埋清湯底, 隻質地帶少少杰似醬, 味道帶少少榨菜, 色水貼近滷水汁😎呢隻湯底襯埋佢既幼身河粉 不停咁吸收啲湯(定汁?) 我就好似要同河粉吸水力鬥法, 係碗河粉吸飽水塞滿個碗前要食晒佢 🤣😂 牛丸少少彈牙喇, 未算係最好😏牛腩特色啲, 無碎成舊上, 質地炆到好淋;🤩連同個啲已經炆到入心既牛筋, 咬口好😃成個組合真係勾起晒啲回憶😬食完碗粉, 走出去埋單, 再望多次個麵吧, 可以係元朗

未試過嘅朋友一定要試下 呢間嘢已經係老字號 出名專食牛丸牛腩同牛筋 雖然價錢比較貴 但係牛腩同腩汁係十分好食 牛腩同牛筋係比較淋 牛丸就比較有牛味同好彈呀一定要試下一試包你上癮

今日同朋友tea time有大把時間，終於有時間可親身去試下勝利牛丸！餐牌就有齊晒店內既野食，不過奇怪既係麵類唔多只得三種選擇，米粉，油麵同河粉！黎到就當然食依度出名既牛丸啦！叫左個牛丸河，牛丸彈牙同爽口啊！每日用新鮮既牛打牛丸，食落同出面真係唔同河粉係厚幼既河粉，如果薄幼河粉應該會仲好味！不過混合埋汁同河粉一齊都真係好味道牛腩牛根油麵，牛根都係一入口即溶化好味！牛腩都係紋到好入味好淋，都好足料，第一次試配油麵食落感覺唔差，下次都要再食先！

我通常比較少會去食魚蛋粉，但如果好似呢間咁出名都會想試下~勝利可以做到喺元朗開2間都算有名氣嘅~去到坐低叫左碗牛丸米，淨講價錢嘅話，$36唔算話太貴，如果出名嘅話。 但加野飲要$10就真係唔抵。。好唔合理🤨份量黎講，牛丸同米粉都唔多。。性價比唔高。。不過牛丸的確足料嘅，食落感受到唔會喺得啲麵粉搓出黎咁。口感都唔錯，幾彈牙。個湯就冇咩味道。。米粉唔知本喺咁粗身定浸耐左，口感麻價。但呢個價錢終於不值。。。

如果想一日試哂元朗粉麵檔係一件難事。第一站，先食勝利牛丸啦。好多人等位。同阿菇每人叫一個，大家一齊分享，叫左牛丸米同三拼粗麵。勝利牛丸麵食主打三樣，牛筋，牛腩同牛丸，其實亦只有依三款。雙併三拼都是$36。先講牛丸米（$36），所有麵食會加冬菜加添香氣，湯底有點咸，牛丸一碗有六粒，夠彈牙而無筋，有些牛味，米粉正常。但未至於驚豔。中上。另一個三倂牛筋腩加牛丸粗麵（$36），叫粗麵可以掛多些湯汁。湯底濃而入味，牛筋炆得腍而好有口感，好有膠質，牛腩亦腍而軟及入味，牛丸彈牙，加上粗麵掛上湯汁。今時今日，係元朗食個三倂麵只要$36其實唔算貴，因為相比華麗的嘉麗園，價錢味道我還是覺得勝利牛丸。結賬$72。

＊沒有圖片，敬請原諒😢補習後的下午茶，諗住食碗麪，所以黎到最近果間粉麵店，坐低之後先知剩係得三選一（牛丸，牛腩，牛筋）所以我揀三拼河$$36😋好多餸同麵，好飽好飽😁牛丸彈牙無筋，幾好😖雖然唔硬，但牛腩好鬼鹹，食咗好多鈉（鹽）落肚🙄啲鹹菜可能係精髓，但我真係唔識欣賞😑牛筋好軟，一啲都唔硬，但只因索哂啲汁，變到好鹹總括而言，如果想醫飽個肚，我誠意推介你去食，但想食廉價美食就真係要諗吓先喇😗😗😗

作為元朗人點會無食過勝利牛肉呢， 今日因爲晏啲有野做想食個快靚正麵，而且好耐無食，決定就去「勝利牛肉」解決啦😁細細個屋企人成日帶我食，佢地成日都幫我叫牛丸米「加色」，果時仲覺得「加色」呢句好古怪有啲唔夠膽食，後來大啲先知原來係解加腩汁嘅意思，諗起都覺得好搞笑😂到番正題， 因為都好耐無食，貪心的我又想食牛筋，又想食牛腩，又想食牛丸，所以一於食筋腩丸河😛，「勝利」有個好處就係三併都係一樣價錢😍正正子！秘製腩汁好濃好有牛味，而牛筋同牛腩都好林好入味，牛丸亦都好彈牙有牛肉味辣椒油也是重點！好辣的我加左好多辣椒精華🌶🌶🌶🌶🌶🤪另外食粉麵梗係配番支樽裝汽水先至夠風味啦！ (細個我比宜家更識飲， 果時我已經飲緊忌廉溝鮮奶了😂🤣😂🤣唔知宜家多唔多人飲呢～～～～ 但今日太熱，唔想飲鮮奶，下次啦🤤💕)咁岩我坐近門口，望住條大馬路，榮華果啲，睇住啲街坊入黎買牛丸買外賣，啲樓面姐姐個個有講有笑，呢刻股元朗風味同人情味真係滿瀉😆💕呢啲就係餐牌上面仲有嘅其他選擇（餐牌很復古，很7-80年代🙌🏻）總括今日餐「快靚正」午餐共$46；價錢雖然唔算好平，但味道同價錢都成比例，間唔中食都係唔錯的！

星期日中午去到已經人山人海，好彩搭枱就唔使等太耐。食麵只有3款餸揀：牛丸、牛筋同牛腩，感覺好似好pro(專賣牛)。雙拼三拼同價，如果想試多d款可以叫三拼(牛丸有2粒)。牛丸河粉($36)+可樂($10)牛丸有6粒。牛丸彈牙，有少少牛肉味，幾好食。河粉正常。如果加腩汁應該會更惹味。以元朗區而言，$36一碗都唔算平，算係食個牌子。(個人口味: 3.5/5)無寫單，埋單既時候收銀就會同你講幾錢。最好自己記得叫左咩食物同幾多錢，避免出現計錯數既情況。

好多年冇食過勝利牛丸突然心血來潮想食，牛丸依舊彈牙，牛腩牛筋都夠入味同淋， 但有點可惜嘅係， 出咗名之後真係冇以前咁好食，以前每次食完個口會好黏(因牛筋起膠） 就連米粉都入曬味( 牛肉汁飲入哂米粉） 希望做番以前嘅水準啦

住在元朗的人一定知道的這一家，小小的店面，只在元朗有分店外別無分號，勝利牛丸歷史悠久由細已經開始食，雖然價錢倍增，但味道仍然依舊口味道地、價廉物美的牛丸和牛腩麵，麵還可以有米粉、河粉和油麵三種選擇，雖然選項不多但半筋半肉的牛腩河粉真是讓人回味無窮牛腩牛肉軟嫩中有嚼勁香濃有咬口，牛筋更是不得了入口即化，搭配清爽的湯頭，吃完讓人意猶未盡牛丸是店裡的主打，自製的牛丸，彈Q有勁爽滑彈牙，有口感，真係超級好味👍加埋秘製辣椒油，一支可樂，超級滿足😋

由細吃到大既「勝利牛丸」讀書時期係貪佢平，成日走去食，大個先發現唔係度度都食到甘既味道！粉麵類 統一每碗$36蚊，點統一？就係 無論你叫一餸二餸三餸定係剩餸，通通$36～叫左牛筋腩河，同一碗剩牛丸同朋友分享，成碗都係牛筋好‘霖’好軟仲好夠味反而牛腩得一舊仔，不過都係阿姐隨意分，牛腩唔夠‘霖’但同樣好夠味，由腩汁已經食得出好好味，雖然碗仔細細，河粉 分量十足，塞滿成碗河粉，連同行男友人都夠晒飽。另一必食 牛丸，冇根，彈牙，有牛味由十幾蚊食到三十幾蚊，屹立不倒成為幾十年老子號