勝利牛丸

营业中

休息中

元朗有唔少特色嘅店舖， 一場嚟到梗係想試下啲本土地道特色餐廳啦。路經呢間門面好似茶餐廳，大大隻字寫住自製牛丸， 對於自家製產品我一向都好支持， 滿懷希望咁去嘗試一下。店舖食品種類唔算多， 牛腩，牛筋，牛丸 可以配河粉，米粉，油麵。有啲選擇困難症嘅我就揀咗三拼配米粉。 碗仔細細 ，但裝到個碗幾乎滿瀉。唔食牛嘅可以選擇食三文治或者西多士， 西多士有法蘭西西多士，芝士西多士，火腿西多士， 又或者可以三拼。不過食咗一碗粉就已經食唔落其他嘢啦。 所以我就冇試到。淨係黎講普普通通啦， 牛筋都炆得好林， 牛腩啲肉就比較鞋身， 牛丸亦冇我想像中咁有牛肉味同彈牙囉。唔值得特登入嚟食， 但如果經過都可以試下嘅。