勇記海南雞

营业中

休息中

巳經避免午市長龍而選2:30pm 左右， 前面4位排隊ok, 但侍應糸咁叫D一位嘅先入座..排左15 分鍾后决定改買外賣， 前面有個女人糸櫃面仲糸到睇menu 俳徊未决， 女侍應叫等一下， 好， 无問题， 然后一個阿叔走上来問糸米外賣， 我答糸， 佢叫出返去叫外賣到排， 虽然好有禮貌， 但我火到嚟埋！ 究竟識吾識做生意㗎？ 外賣条隊已经全部落晒order 系到等， 只糸得個女人系櫃面睇menu 點解其他侍應吾take order? 简直浪费時間！排隊又吾俾menu 等D人唸定叫乜， 糸要去到櫃面先慢慢睇慢慢唸。三，四個女侍應加埋条阿叔糸到无聊。 铺頭得10 幾個位但做嘢都咁慢条斯利…好食（聽講）都吾想幫襯！即走！

下午兩點行過見到人龍不算長，一於加入人龍排下。等位大概20分鐘，阿姐落單推來推去，搞咗幾分鐘終於落到單。叫咗個蔥油雞飯，蔥油不多亦不香，湯又賣哂，蔥油勉強夠送半個飯之後就只有好似乾哽咁食。青瓜得一片，厚切，真係feel到廚房好趕時間唯有求求其其。以前去酒店食開心啲，起碼醬料仔細啲多啲。雞好滑，切大大件幾好，不過雞味冇乜。見到搭枱的情侶叫小食，兩碟炸嘢顏色一般亦無香味，應該唔洗試。喇沙都應該唔洗試，湯的顏色唔係好掂，我見搭枱情侶完全冇飲過，不過香港人食喇沙對湯底唔挑剔，所以應該會接受。埋單$63，這個價錢加上名氣，在上環是有競爭力的，雖然除咗雞之外樣樣都麻麻。

已經是第二次幫襯，前後五個外賣套餐。除咗炸蝦餅等切得太薄，冇乜口感，又唔見咗D拍黃瓜，又沙薑醬，薑蔥油冇落鹽，又冇醬油之外。超正嘅雞肉和油飯補返數。願老闆再細心啲，比多少少心機做好套餐D配菜。我明天會再買三個套餐😅😅😅。

勇記係上環都開左一排, 由前Grand Hyatt廚師主理. 不過日日都好多好多人排隊, 琴日lunch時間落大雨先難得地見到條龍少人d, 即刻排隊試下先! 招牌去骨泰式海南雞飯 ($66)雞肉好滑好嫩, 就算係雞胸位都一樣, 有時食海南雞, 雞皮同雞肉中間會有層肥膏, 但係呢個係無既, 完全唔會有油膩感! 油飯都一樣, 香得黎入口唔會覺得好油, 面頭加左d 乾蒜, 再提升左個香味!本身跟餐係會配埋一碗椰子雞湯既, 可惜已經賣晒, 下次一定要早d 黎試下個湯!

之前開張第2日已幫襯左一次，今日又好彩喺上環做野，又知道開11點半，咁就快閃食海南雞！之前叫上庄都好滿意，今次就豪啲叫下庄試試，冇失望，一樣咁滑。而今次決定個汁唔食泰式，改叫麻辣汁。個汁有驚喜！好爽，如果可以用黎撈米線米粉應該好正！

勇記海南雞總店喺紅磡，一直人氣高企，論雞既質素，佢無疑穩佔全港top3。海南雞飯，睇落好似好簡單，但其實原來都大有學問。海南雞飯分有好多派別，主要有海南、泰式、新加坡、馬來西亞。由於地理環境，星、馬，即係新加坡同馬來西亞既版本，基本上冇乜太大分別，如出一轍。最特色的，在於正宗新加坡海南雞，會配以三色醬(黑豉油、辣醬、薑蔥);除左醬之外，油飯既處理，亦會特色地加入斑蘭葉，令正宗星馬版本既油飯，有一種獨特香氣。而海南島的海南雞版本，主要用文昌雞。文昌雞本來就係海南特產，主要用椰子渣、混合穀糠餵飼，養於籠內，由於雞隻沒有運動，所以肉質肥美而骨軟。另外由於中國人提倡"有骨落地"，所以正宗海南既海南雞，係唔去骨的，享受滑嫩雞肉之外，再嘆吮骨之美味。而勇記海南雞呢度賣既，佢都寫左，係屬於泰式的。泰式既特色呢，就係d雞係去骨的，而且醬汁方面，只有一款。勇記既雞，由前君悅酒店廚師主理。眾所周知，君悅既海南雞飯出晒名!超好食!!...但亦好貴...差唔多300蚊。但勇記只係4分一價錢，而且味道一樣咁好!!點能夠唔追住勇記黎食呢!勇記用既係三黃雞，一望落去，d雞皮顏色鮮黃，望落已經好正!三黃雞又滑又香，佢

網上介紹上星期喺上環開左《勇記》我去開果頭睇展覧 就試吓佢掂唔掂店入面得9 張枱 排隊都等左四個字好在天氣涼返少少 如果唔係就死火外賣條隊就仲長龍 😵‍💫呢區多寫字樓lunch hour 我叫左個招排海南雞飯餐（$66）D雞超黃油 肉滑 皮唔算太肥 雞份量亦唔少 點埋個汁辣辣地 幾好送飯 🍚油飯有少少香茅味但整體唔算香唔揀飲品 可以揀揶子雞湯 🥥🥥🐤個湯 超！級！甜！好好飲～ 呢個必試！有興趣行開可以試吓～btw 紅磡仲有一間總店架

勇記海南雞，土瓜灣本身好出名，雖然之前有食過，但係開到嚟上環，即係公司附近就梗係要買一次， 之前做足準備，知道要排長龍先至會食到。雖然有預計到，但係都排左差唔多成個鐘以上海南雞飯， $67 ，送一杯花茶價錢合理，呢個範圍嘅餐廳都差唔多價錢佢哋嘅雞好嫩滑，雞皮滑得嚟唔會覺得肥膩，出自酒店主廚嘅出品，真係有質素，唔怪得咁多人排隊。佢哋嘅飯夠香夠乾身，個汁亦都係靈魂所在，用嚟配雞同埋飯係最出色嘅。雖然係辛苦啲，但係好食都叫做值得

紅磡人氣海南雞早幾日正式進駐港島上環，作為香港人要食靚雞終於唔駛一早走過九龍排隊，上環店堂食11:30開始，外賣大約11:45開始。當日11:15到店，門口分兩條隊排，一條堂食一條外賣，可能時間尚早，排堂食唔太多人大約十幾人，排外賣約二三十人左右，到11:30開門第一轉已經可以入店，本來想堂食試下佢哋個幾有名氣嘅喇沙，不過當日天氣有少少熱所以都係食番海南雞飯，海南雞同紅磡店水準一樣，做得夠滑夠嫩，而且雞嘅份量亦唔少，油飯做得頗為出色，飯粒分明夠香唔會有肥膩感，加埋飯面少少炸蒜幾惹味，跟海南雞飯送嘅椰子雞湯，好好飲好清甜，六十幾蚊有咁樣水準同份量喺同區算係相當合理，下次先再嚟試喇沙。

近期要推介的必定是這客泰式去骨海南雞飯，是在紅磡打響名號的記海南雞，渡冮過來上環開張的新店。 每件雞肉皮下都有一層薄薄的啫喱，雞肉既有味，雞皮爽彈而肉質嫩滑度是近年少吃到的。 带些香茅氣味的油飯，幼長分明的飯粒表面有雞油的微黃色，入口沒有令人感覺到太油膩。 可能因為成本的關係，店家只提供一款泰式醬醮雞，沒有典型的三色醬，但依然瑕不掩瑜，食味是近年吃過的海南雞傲中最好的水平。 聽說店家採用的是三黃雞，是指毛黃、爪黃、喙黃，肉質嫩滑，皮脆骨軟，味道鮮美。別看三黃雞體型較小，但分量很重，成年雞的體重一般有三至四斤。在農村三黃雞一般是放養的，並且不是拿飼料餵養，所以它的肉質和口感更好，用來煲雞湯更鮮甜。踓然老闆一再強調今天的椰子湯欠了些配料，但我依然要喝這招牌椰子雞湯，今天可能欠了－些椰子肉，所以椰香味較正常薄，但這碗湯絕對比一般例湯要強多了，斯待下次能品嚐到它的理想水平。

今日係堂食二人一檯既最後一日，外賣條隊仲長過堂食。唔使諗，即刻變陣喺度食埋。黎到海南雞名店，直接試一份招牌海南雞（上庄）。雞夠滑，本身個雞已經夠哂味道，個泰式汁點左就更惹味。值得再幫襯！

終於食到傳說中嘅海南雞飯，呢度嘅海南雞係海南雞關注組入面得到好評嘅餐廳，今次開到去上環仲要係第一日開張，難得唔使等個幾兩個鐘就食到當然要買返屋企試一試佢啦！當日嗌咗個招牌海南雞飯加$10就有一碗椰子湯，個人覺得呢碗椰子湯一定要試，真係成餐飯最好味架❤️至於海南雞飯隻海南雞都滑嘅，同埋店主講隻海南雞會比一啲雞胸嘅部份再加上雞髀嘅部份俾你，務求可以好公平咁樣分配一啲滑身同埋鞋身啲嘅雞，抵讚👏🏻👏🏻另外雞油飯唔算好油，仲有淡淡的雞香味，我都好鍾意呢個油飯，整體來講味道都算唔錯，但係本身對佢非常之有期望，食落又唔算好驚為天人咁好食，所以就覺得唔使特登去排咁耐隊食，見到有位就可以一試