勇記海南雞

营业中

休息中

睇舖頭名已經知道呢間食肆主打係海南雞飯， 聽講勇記海南雞係由前君悅酒店廚師主理， 早前更獲海南雞關注組網民大讚， 最近終於喺上環開咗分店， 對於喺上環返工嘅打工仔真係一大喜訊。 今天決定早少少去食佢個馳名嘅去骨泰式海南雞飯。大概11點25分去到， 見到門外有兩條人龍， 原來一條係排外賣一條係排堂食， 買外賣嗰條隊就長過堂食， 於是我就決定堂食坐低慢慢品嚐， 店舖職員十一點半就準時讓客人入座， 客人要先掃安心出行後就獲安排入座。坐低後第一時間即刻order咗個招牌去骨泰式海南雞飯（配油飯）， 跟餐就要咗個限量送完即止嘅椰子雞湯， 大概等咗數分鐘嗰餐就已經送到。先品嚐主角嘅雞， 雞皮爽口唔油膩， 雞肉嫩滑就算連雞胸肉都夠滑， 再點埋個醬汁就更冇得彈。 但係個油飯個人覺得就唔夠油香，好一般。至於另一賣點嘅椰子雞湯就真材實料， 夠曬椰子香味， 飲得出清甜冇味精， 唔怪之得好快就送曬。整體而言以咁嘅價錢食到有質素嘅雞係值得一試嘅！

呢間係上環既勇記海南記長期都排晒隊買外賣，胃食既小編一直都心痕痕，今日畀小編撞到終於無咁多人排係門口既時候啦！🤩小編點左【 招牌海南雞飯】$67，奉送熱玫瑰茉莉花茶。 打開外賣盒都見靚靚仔仔！哇，雞件好大件，一放入口就即刻明點解咁多人排，因為雞肉超級無敵滑！好滑，真係好滑！不過小編個人覺得扣分位係雞件唔係好有雞肉既香味，如果呢點改善到真係會perfect池架！ 跟餐既花茶係茶包沖，但都幾好飲！😋😋分數：（10分滿分）味道：8價錢：7.5環境服務：N/A（以上評分只是小編個人口味而已）

今日lunch 又同同事食盡中上環😋😋😋😋😋😋去左勇記海南雞試下，一睇個招牌就知要食佢個海南雞啦🐔🐔🐔🐔🐔餐廳主打買海南雞飯$66仲要送椰子雞湯😋😋😋😋賣相相當吸引，色澤分明，非常新鮮，餐廳店員說，雞隻是經過浸雞湯、冰水及秘製滷水，雞肉份外嫩滑，配以自家製的醬汁😋😋😋😋。椰子雞湯濃濃的椰子味，非常鮮甜的雞湯。

這裡係紅磡總店嘅分支 當日去到見無人排隊 所以即入去試一試 但其實用餐體驗麻麻 最大問題係坐位問題 一進去職員就已經叫我哋兩個人坐同一邊 這個都唔係大問題 因為好多餐廳都會在繁忙時間要求 最大問題係佢哋坐位細 我哋兩個人就算唔計背囊 兩個人都唔夠坐 不過都算數 因為都只係想試一試海南雞 唔係食高級餐廳 都明白餐廳想賣枱 我哋最後發覺佢哋一個人都係比一人一邊位 所以問職員可否一人一邊 職員話可以 我哋就比較舒服 我哋點咗一碟招牌海南雞飯和泰式大拼盤 這杯花茶其實唔係我首選 我下次應該都唔會再點 我情願加錢要凍檸茶 根本無味道的 飲到最後都無味道 如果唔係無例湯 我想無人會點 不過例湯真係好受歡迎 有人因為知道無例湯 直程唔光顧 我睇返食評 原來真係一湯難求 主角出現了 賣相都算正常 件數唔算多 但一人份量就已經合格 那嗰汁有點辣 但都好討好和美味最值得讚賞嘅係雞皮 真係好驚喜 有點啫喱口感 我一直都唔太食雞皮 但今次都清晒碟 其實係因為我哋兩個人 本來想一人一碟 但怕掌握唔到份量 所以決定點左一點先 之後點咗一個泰式拼盤 這個拼盤真係好唔值 價錢都算合理 但味道真係好一般 嗰啲辣醬又鹹又

Lunch hour, 想去試吓馳名嘅海南雞飯人龍唔算好長，十幾人等候👍🏻為免長時間等候，可以轉外賣買返去食於是乎，我哋去問侍應姨姨堂食大概等幾耐佢回應大概10分鐘左右，個心都定少少。等咗15分鐘倒，我哋企到門口第一個位置，即刻去掃咗安心出行，等入座但係等呀等，望一望個app都又已經又過咗十幾分鐘，total 30分鐘up佢哋不停俾1位2位4位入座，遲嚟先上岸，就係唔俾3位入佢話無視我哋企喺度咁耐，成個過程好無奈，等到嬲，將心比心，排隊都唔係跟先到先得嘅，俾籌都係假嘅奉勸各位，除咗1人，單數唔好去食飯，等到傻呀最慘係排到第一，走又唔係😂😂😂呆望住後面班人入去終於入座，大家都點咗海南雞飯同雞湯上枱都幾快好彩只係排隊安排差，個飯嘅質素有保證海南雞冇骨同非常嫩滑飯面有些少炸蒜點綴醬料係辣椒同醋，少辣同酸帶到啲泰式風味出嚟整體係好味嘅而椰子雞湯，濃而不膩入面有好多海底椰，些少紅蘿蔔，好飲今次係幾不愉快嘅經歷，幸而海南雞飯同雞湯力挽狂瀾，加返少少分😥下次堂食，要預先睇幾人再去啦🫠好餐廳，但服務不予置評。

有毛嘅海南雞 咁嘅價錢唔代表你要俾有毛嘅雞我食仲有雞嘅顏色令我覺得好假 明白上色令成件事好睇啲 但會唔會太過份 仲有啲肉粉紅色嘅 最後揀左幾舊冇毛又熟透嘅雞食 一食就似食緊沙姜雞或者 鹽焗雞 個皮咸到我係咁飲凍奶茶 奶茶就出色在係我咁咸哪時候救左我條利 雞係冇雞味 已經好失望 食埋油飯 非常油膩 食左一半果斷放棄望一望隔離枱 有人加飯 可能係我問題啦 我仲有少少反胃想嘔嘅感覺最後椰子湯 的確幾好飲 4人餐$400上環算啦 酒店可能400都未夠俾隻冇味嘅塑膠雞嘅可能上環冇野好食啦 冇下次 名大於實

太耐無出過post la😅😅今日食到個超正嘅海南雞🐔令到我唔出唔得啦🤣 排左半個鐘買外賣都抵🥳❣️招牌海南雞，60幾蚊有埋個椰子雞湯👍❣️個雞真係滑到不得了😍就算係雞胸都係滑加👍一入口雞皮脆脆地，肉質超好，雞味正又入味😃❣️個油飯味道剛好，雖然係外賣，只有微暖，但味道都咁好。好期待可以堂食熱騰騰咁食😆❣️點雞醬聽聞秘制，同坊間好唔一樣，咸得來又唔會cover d 雞味👏🏼❣️海南雞喇沙🍜外賣有分湯👍估唔到湯底超好，味道濃微辣，唔會稀😉唯獨係如果有米粉揀就好了🤤❣️最後介紹埋椰子雞湯，無味精，好清嘅椰子味。聽聞有機會每日送完就無🤪❣️係上環番工打工仔一定要試呀🎙💚💚💚💚💚

古滑的雞 絕不滑稽位於紅磡嘅勇記海南雞未開分店前早已人氣大發 大家對佢嘅海南雞讚不絕口 讚其肉濃 頌其肉嫩 可惜唔係咁易買㗎 聽聞夜晚六點前就會售罄🥲佢近日闖入上環開分店 開埋午市 當然要試試😋 當日堂食12:10到 等十五分鐘就入得😋 11:45開始有外賣 外賣條隊長到見唔到隊尾 勁誇張😰————————————————————————🐕 海南雞伴油飯 （$66）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯呢個餐配飲品/椰子雞湯椰子雞湯喺其中一個賣點 椰香飄溢 香濃可口 同時又冇乜浮油但通常1:00就冇哂🥲唔講求擺盤 最緊要好食海南雞確實油潤嫩滑非常 煮到恰好熟 肉質好似慢煮咁軟滑就連雞胸位都唔乾柴 雞皮爽脆彈牙 出色好食👍🏻👍🏻肉厚但肉味還好 唯一挑剔喺雞翼有好多雞毛😣😣油飯亦相當出色 香氣十足粒粒分明 軟硬適中 帶些許煙韌食落唔會太濕太油👍🏻————————————————————————🐕 海南雞喇沙金邊粉（$76）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯呢個餐同樣配飲品/椰子雞湯喇沙湯底同樣出名蝦味有 椰香有 但未夠重口味 略為普通過淋嘅金邊粉喺一大敗筆位最正係粒半熟蛋😋下次

星期六我11：35到,前面有一個人排堂食,但外賣排就有十幾人排.我排左15 分鐘就入得座.點了海南雞飯轉髀,和椰子湯.剛下單,幾分鐘內到.分量適中,沒有過分少.第一啖,沒有點醬；雞十分嫩滑,我吃得出有淡雞味,雞也吃得出有醃製過.但我還是覺得北角全日雞更嫩,但全日雞相對沒有味,如果不點醬.至於椰子湯,清甜.但我沒有很大慾望.對我來說,有是bonus.我來之前,特意上海南雞關注組看別人comments,但發現最近對勇記彈多過讚,我試過反而覺得,沒有關注組所說不值一試.總比關注組多人推介的長沙灣蘇珊好味,也許只是我上次不好運.Anyway,如果只是要排10-20分鐘,我是願意的

去骨海南雞飯-轉髀(8.5/10)：雞肉非常嫩滑。刀功不錯，連雞髀筋也能起肉。黃油飯帶椰香而不油膩。唯一瑕疵是用的估雞似乎是油脂較多的三黃雞，不過一分錢一分貨，what can you ask for? 椰子雞湯(7.75/10)：真材實料，清甜滋潤———————————————————————————⭕️ig@ fastfoxfoodie 總評：繼紅磡店大受歡迎後，上環店午市一樣大排長龍，不論堂食外賣。海南雞飯的確拍得住>$200水平的名店之作。會翻食 ✅ 💵Budget: $80 pp

之前lunch去過拜訪紅磡分店原來兩點先，今次就去拜訪新開嘅上環分店！毛毛雨之下1:30pm去到條隊唔算好長，排左約十五分鐘就有位啦！開門做生意唔夠兩個半鐘咋，傳說中好好飲嘅椰子雞湯就已經售罄😭 Order左招牌去骨泰式海南雞飯(油飯)，好耐冇見咁過金黃色、色澤咁光鮮嘅雞皮，海南雞好嫩滑有雞味，點埋個微辣醬汁一流！好高質！雞皮下層冇附帶額外嘅肥膏/油脂粒，而份量都好多好足料！油飯除咗有誘人嘅雞油香味仲帶微微蒜香，如果飯再少多dd水硬多dd就更perfect！為左安撫冇得飲椰子雞湯嘅心靈，加左泰式蝦餅作小食，薄身而好香口，$25/3件真係好味又抵食！下次等我去埋紅磡總店睇吓有咩新驚喜先！Menu-

想試好耐 不過成日唔就腳啱啱去開上環就去勇記排一排喇lunch鐘數去, 攞飛排隊, 排到街角轉彎前後等咗20分鐘左右我叫咗個招牌泰式去骨海南雞飯(油飯)加$13蚊轉咗脾位啲嘢都幾快到隻雞真係冇得彈㗎喇 😍爽滑香👍🏻 果然絕不滑稽！我坐咗卡位都幾舒服 地方乾淨衛生

約左朋友仔係上環食飯 一點兩個字左右到 好好彩唔算太多人 排左15 分鐘就有位 餐廳環境乾淨 始終新手 但好細間 叫外賣既人仲多過堂食 不設電話落單叫左個招牌海南雞飯 唔算快 都等左十分鐘 首先 主角 雞肉好滑 走晒骨 爽口 而且皮唔油膩 份量黎講算可以 醬汁正宗 唔會太咸 油飯非常出色 好香而入口唔會覺得油淋淋 仲有陣椰香既味度 整體黎講係高水準 絕對可以媲美酒店既海南雞 如果有埋雞湯就完美加埋凍飲 唔洗70蚊 價錢唔算好平 不過真係好多人 間唔中食一次可以

想食勇記海南雞好耐，有一次專登去紅磡總店， 三點幾四點鐘已經話截咗龍😫聽聞上環開咗分店，趁星期六有時間就諗住過去排下隊，好在去到唔算多人，排咗半個鐘左右就入到去，不過想飲個碗椰子湯就已經沽清，嗰陣大概一點幾，咁快碗湯就已經賣晒，希望老闆下次可以煲多啲湯😉冇湯飲就會送花茶，花茶就冇乜特別，不過不失。講番碗海南雞飯，肉質嫩滑，油飯比較乾身，但份量都算多，喺上環用$66食到咁嘅飯，性價比高，可以一試。

食完晏4點左右突然想去上環試下運買勇記外賣做晚餐竟然！唔洗排！買到最後三盒！ ( ˶  ᷇𖥦 ᷆ ˵ )偷聽到店員話平時預3點賣哂我地真係好好好好彩呢間勇記大有來頭由前君悅酒店廚師主理之前睇過米紙訪問同介紹加上海南雞關注組既吹奏期望值都好高下！但佢無令人失望ദ്ദി^._.^)雞份量算多 皮薄唔肥 肉好滑幾香雞味雖然無啫喱 但我無呢個追求既油飯都好食 好爽身唔太多油清楚食到香茅果堆香料味祝我下次幫襯都咁好彩啦ʕ•ᴥ•ʔ希望仲飲到椰子雞湯