勇記海南雞

营业中

休息中

下午兩點行過見到人龍不算長，一於加入人龍排下。等位大概20分鐘，阿姐落單推來推去，搞咗幾分鐘終於落到單。叫咗個蔥油雞飯，蔥油不多亦不香，湯又賣哂，蔥油勉強夠送半個飯之後就只有好似乾哽咁食。青瓜得一片，厚切，真係feel到廚房好趕時間唯有求求其其。以前去酒店食開心啲，起碼醬料仔細啲多啲。雞好滑，切大大件幾好，不過雞味冇乜。見到搭枱的情侶叫小食，兩碟炸嘢顏色一般亦無香味，應該唔洗試。喇沙都應該唔洗試，湯的顏色唔係好掂，我見搭枱情侶完全冇飲過，不過香港人食喇沙對湯底唔挑剔，所以應該會接受。埋單$63，這個價錢加上名氣，在上環是有競爭力的，雖然除咗雞之外樣樣都麻麻。