劉興記生煎包專門店

营业中

休息中

佐敦最常被人講嘅餐廳，澳牛是也但相信現在一定不會是本地人去幫襯的前日來佐敦探長輩，佢話澳牛隔離開咗劉興記之前起旺角口痕, 買咗幾隻起街邊食, 超好味, 印象很深刻今日路過佐敦新店, 順便嚟食埋lunch, 成條街都好多人, 幸好walk-in最後2個位都比我地搶到店鋪空間感唔算大, 不過以香港速食文化, 食完就走的心態是明白的第一次堂食, 見到有人氣熱賣皇牌套餐, 全都是$54同埋惠顧套餐就可以任飲豆漿, 超正, 佢地嘅豆漿微甜和濃郁, 所以帶點杰身, 我鐘意我地點咗S2 蔥油雞扒菜飯 + 生煎包1隻 和 S4 鮮雞湯小雲吞12粒 + 生煎包2隻, 另外再加多份小棠菜$54套餐真係推介必點的!! 蔥油雞扒不是港式的那款, 雞扒和蔥都是炸過的, 而不是油浸蔥再淋上面的, 這樣會更乾身, 唔會覺得油淋淋, 但就會缺乏蔥香的味道而一香不愛吃蔥和怕油淋淋的我, 我會較喜歡劉興記的那個做法, 起碼塊雞扒唔會淋咗雞扒脆口, 雞肉嫩滑, 厚肉的, 唔會咬到只係炸粉, 同埋佢呢度嘅食物, 全部都係新鮮熱辣, 即叫即製菜飯都大碗, 菜嘅份量都唔少, 最鐘意食有味飯至於跟餐嘅生煎包 (招牌原味) 都係新鮮

今日係佐敦行街，見到呢間劉興記生煎包有好多人排隊，決定入去試下佢地有套餐好抵食，仲有豆漿任飲，豆漿好濃好香，唔會太甜招牌上海排骨菜飯配生煎包1隻 $54轉湯麵 +$10呢個排骨超大塊，新鮮炸起熱辣辣，好酥脆，豬排好林好入味，湯麵清清地都好match蔥油雞排菜飯配生煎包1隻 $54雞排大大塊，配埋蔥油好惹味，菜飯都好正雞湯小雲吞 12粒 $35小雲吞啖啖肉，都幾正蟹皇生煎包2隻 $38生煎包同蟹皇生煎包各有特色，真係爆哂汁，真係要小心d食，真係世一生煎包

呢間人氣生煎包店開到去佐敦，店內環境好細，多人嘅話都唔係太方便講嘢，不過大家快食快走，所以都冇咩問題。店員服務態度十分友善，依家香港真係好難有。生煎包超級熱辣辣，咬落爆汁，小心唔好焫親，外層脆，餡料足，難怪咁受歡迎。蔥油雞扒飯，雞扒分開上，外皮煎至脆身，金黃色，肉質嫩滑，菜飯散發著淡淡香氣，健康又好味。私心推介麻醬手撕雞粉皮，粉皮入口滑溜，最緊要係個麻醬，一定要加醬食，手撕雞都OK，唔好以為份量細細食完都幾飽肚。蔥油拌麵幾有驚喜，油油哋又唔會膩。麵條軟硬度適中，唔夠飽嘅可以食。另有小雲吞湯麵，六小粒，皮薄，餡料足，湯底清甜，相對嚟計比較清淡同健康，如果唔鍾意濃味嘅呢個都係個唔錯嘅選擇。

呢間位於佐敦新開嘅上海生煎包店真係好正！我試咗佢哋嘅手撕雞絲粉皮，真係十分足料，入面有好多嫩滑嘅雞肉同清脆嘅青瓜，加上香濃嘅麻醬，食落去口感好好，令人食過唔停口🤩🤩至於蟹黃生煎包，真係不得不讚！外皮香脆，咬落去就有汁流出，蟹黃味道濃郁，令人一口接一口，根本停唔落嚟。每一口都係享受，真係好過癮！😛仲有，佢哋嘅豆漿亦都好好味，豆味香濃，唔會太甜。下次經過佐敦，一定會再入來食呢間世一生煎包，想試埋佢地嘅瀨尿蝦生煎包，一定好好食🤤🤤

餐廳：劉興記生煎包專門店地點：佐敦白加士街菜式：上海菜餐牌：生煎、菜飯、湯麵、拌麵、蟹粉、小食、涼拌、餅類、湯丸、小籠包、飲品，都有人氣熱賣皇牌套餐。落單掃QR code。豆漿一坐低就有一杯加一jar豆漿，夠濃厚滑溜，豆味剛好又唔太甜，好解渴。服務員會主動幫你斟豆漿。雞絲酸辣湯 $35雞絲酸辣湯好多料。除咗雞絲，仲有冬菇，黑木耳，豆腐，同爽脆筍絲，蔬菜量豐富。味道酸酸辣辣，唔錯。生炸雞扒湯麵  $42生炸雞扒一開5件連皮，炸得外脆內嫩，肉夠厚，食哂都唔覺太油。上海麵我留到最後先食，都仲有咬口，唔粗唔幼，味道清淡。面頭加上少少脆脆同蛋絲，伴有小棠菜兩條，個湯好清。今餐食物質素唔錯，價錢實惠冇加一，唔太餓其實$42一碗湯麵連肉都夠飽。呢間分店裝修就簡單啲，不過食完就走都無問題。 

作為一個響粵打拼嘅上海人，最掛念嘅就係家鄉嘅味道。偶然行到呢間店，懷住一絲期待入咗去，點咗呢份有好多家鄉美食嘅套餐，食完真係感慨萬千。蔥油雞扒湯麵一端上嚟，蔥油香就撲鼻而來，瞬間叫醒味蕾。麵條好有嚼勁，每根都裹滿醇厚蔥油。雞扒炸得啱啱好，外皮金黃酥脆，肉質嫩滑，咬落仲有肉汁流出，為碗麵加分唔少。配嘅生煎包雖然只得一隻，但都足以慰藉我對呢味嘅思念。底部煎到金黃焦香，咬開嘅瞬間，鮮美肉汁喺口腔爆發，麵皮韌，肉餡實淨，味道同家鄉嘅比，雖然有啲唔同，但都有自己嘅特色。凍豆漿口感濃郁綿密，甜度啱啱好，食完濃郁湯麵同生煎包，飲啖凍豆漿，清爽解膩。小籠包皮薄到透光，褶子精緻，雞湯鮮美醇厚，蝦肉小籠包嘅肉新鮮彈牙。

朋友喺台灣嚟香港玩幾日帶佢嚟品嚐下香港嘅人氣餐廳近年風靡全港嘅生煎包專門店最近開到佐敦呢區都係好受歡迎價錢依然係咁貼地必食馳名嘅✨招牌生煎包外層底部煎得金黃香脆裡面湯汁非常清甜✨蟹皇生煎包咬開一啖．湯汁隨即噴射食嘅時後真係要小心．唔好彈親對面朋友✨上海排骨菜飯即炸熱辣辣嘅排骨好香口跟菜飯係最佳嘅配搭✨生炸雞扒湯麵雞扒啖啖肉．外皮金黃香脆配上清甜湯底嘅上海麵．超正最驚喜係呢度嘅✨自家製豆漿係無限添飲好耐無飲過豆味咁濃郁嘅豆漿喇

佐敦都有劉興記生煎包，新開將冇耐已經吸引到好多遊客，今日用咗少少時間等位，但亦都阻咗我嘅雅興。麻醬青瓜雞絲粉皮雞絲好嫩滑，青瓜絲就好爽脆，再配搭淋上香濃麻醬的粉皮，非常好味。鮮雞湯小雲吞好鍾意個雞湯，好鮮甜，而小雲吞粒粒爽口，熱辣辣食個感覺真係好正。招牌生煎包生煎包絕對係必食！外皮酥脆，內餡爆汁，底部金黃香脆，一件一定唔夠喉。秘製上海炸排骨炸排骨外酥內嫩，肉質軟腍，唔錯唔錯。手功豆沙窩餅餅皮香脆，內餡甜美，是一道完美的甜品。豆漿可以無限添加真係好驚喜！豆漿新鮮現磨，唔會好甜，係剛剛好嘅味道。

人氣生煎包「劉興記」，在短短時間連續開分店，佐敦白加士街這間已是第七間，老闆果然夠膽識，也對自己的出品充滿信心。佐敦店細細的店舖裝修簡潔，經常坐滿客人，服務員招待殷勤，食物種類多。現在惠顧任何套餐，都有豆漿免費任飲，真是夠晒盡興。皇牌套餐有五款，我和朋友各選了一款《鮮雞湯小雲吞12粒 + 生煎包兩隻》$54招牌生煎包每隻都是人手包製，老闆採用本地新鮮豬肉梅頭肉，而爆汁的秘密是在加了皮凍，皮凍是用雞腳和豬骨去淆製， 再混合新鮮豬肉一齊搞，就成了鮮甜爆汁的生煎包。小小的一隻包，背後的功夫可多呢！雲吞湯底用十多隻三黃雞熬製，非常鮮甜，雲吞皮薄肉嫩，一口一粒，12粒很快就食完。《雞絲酸辣湯+生煎包2隻》$54酸辣湯材料豐富，有雞絲、冬菇絲、蛋絲、雲耳絲……酸味也適中。《招牌擔擔麵》$42想不到擔擔麵的材料咁豐富，肉碎配櫻花蝦，加上軟硬適中的上海麵，超正。《手功豆沙鍋餅》$28脆脆的外皮包著軟甜的紅豆榕，不錯。