劉興記生煎包專門店

营业中

休息中

今日收工同朋友嚟食門口見到餐牌好似幾吸引呢度嘅生煎包係招牌嗌咗兩個蟹黃生煎包生煎包嘅底煎得啱啱好 脆卜卜好香口咬落去爆晒汁 成口蟹黃超級香濃試咗4隻上海小籠包 新鮮蒸出嚟熱辣辣🥟小籠包最緊要皮薄 呢度絕對做到入面嘅肉索晒啲汁 一口過食好滿足嗌埋個王牌套餐 炸豬排菜飯🐖豬排都係新鮮炸出嚟 一啲都唔膩王牌套餐送多一隻生煎包 仲要豆漿任飲叫埋個招牌炸雞扒拌麵🐥雞扒炸得啱啱好 肉質都幾嫩 好juicy 拌麵嘅調味都好食 唔會過鹹總結嚟講係一間幾高質又抵食嘅正宗上海舖任飲豆漿超抵食🫘🫘

劉興記生煎包專門店係一間正宗上海風味聞名的餐廳，吸引無數饕客前來朝聖，我都去左品嘗一下👉🏻招牌生煎包劉興記既招牌生煎包係必需要食，煎包外皮金黃酥脆，底部經過精心煎製，形成一層焦香的脆底，咬落去滿滿脆感。內餡係由新鮮豬肉製成，肉質細嫩，咬一啖再小口啜吸湯汁，非常多汁且充滿豬肉餡料既鮮甜，再加上外皮搭配蔥花和芝麻的清香，微微既鹹香與湯汁的鮮美交織，好食到建議每人叫一籠四隻🤤👉🏻雞絲酸辣湯麵麵條煙韌有彈性，入口順滑而唔軟爛酸度適中，湯底微辣既刺激感恰到好處，濃郁而不膩，加上有細嫩既雞絲、冬菇絲、竹筍絲、木耳絲，醋香與胡椒的辣味，好開胃。👉🏻雞湯小雲吞雲吞皮薄，入口滑順，以清淡鮮美見長。豬肉餡料緊實。湯頭清甜，帶有濃郁的雞肉鮮味如蟬翼，包裹著細小的肉餡，整體食落輕盈又滿足。👉🏻蟹粉小籠包（4隻）蟹粉小籠包皮較為煙靭，內餡混合了蟹粉與豬肉，肉質細膩，湯汁充滿蟹肉既鮮甜，搭配一小碟醋食用提升左鮮味，不坊一嚐。食飯高峰期好多人食，店員係忙碌之中都抽空幫我地添加豆漿，值得一讚。

劉興記已經成為左我同同事之間嘅飯堂🤣推介佢地嘅生煎包，生煎包外脆內嫩，咬落去肉汁爆出來，肉香四溢，不要小心d唔好彈到對面枱🤣✨ 推介原味同蟹粉味，可惜今日最鍾意嘅蟹粉生煎包已經賣晒，下次一定要早啲來，因為餐廳真係好火爆遲來的話熱門菜式好多未賣晒😢另外，麻醬雞絲粉皮係必點！🥒 麻醬香濃，搭配清爽嘅青瓜絲，配上冰冷嘅粉皮，夏天食真係一絕！😌炸雞排亦唔可以錯過，外皮鬆脆，裡面嘅雞肉嫩滑，每一口都咬得過癮！🍗仲有，雞絲酸辣湯極足料，酸酸辣辣，正好開胃！🌶️每次同朋友嚟呢度食到捧腹走，真係笑聲不斷，味蕾都滿足到不得了！下次再見！🎉

今次帶大家去咗間人氣滬菜餐廳，一入門口就聽到「滋滋」炸物聲同生煎包香氣，即刻同大家開心share今次嘅邪惡美食之旅！ **🐷招牌炸豬扒飯配生煎包** 塊豬扒大過塊面！金黃酥脆嘅炸衣包住juicy豬扒，咬落「咔嚓」聲超治癒～🍚！跟餐嘅生煎包底脆皮軟，肉汁多到要小心接住～！ **🥒麻醬青瓜雞絲粉皮配生煎包** 夏日必點！冰涼粉皮掛滿香濃麻醬，雞絲嫩滑，青瓜爽脆～🥜 面頭灑滿花生碎，撈勻食超開胃！～ **🍗招牌炸雞扒** 即叫即炸超熱辣！雞皮脆到似玻璃，肉質嫩到有汁流出來～🍯**🫘手工豆沙窩餅** 即叫即煎香噴噴！外皮脆到似威化餅，入面係綿密紅豆沙～🔴 豆沙自家製唔會太甜，仲有粒粒紅豆增加口感！熱辣辣食真係幸福到暈～ #炸物控 #少女食評 #高CP值 #街坊美食 #生煎包專家劉興記生煎包專門店 (佐敦)佐敦白加士街53號地舖

又食世一生煎包 & 擔擔麵，今次呢度佐敦分店。 照舊嗌咗我最喜愛的食物。1. 生煎包（4隻） ($35)生煎包外皮金黃酥脆，內餡鮮嫩多汁，搭配香葱和芝麻，口感層次分明。食落口會爆汁，小心燙親。每一口都能感受到肉汁的香濃。價格也相當實惠，世一生煎包。2. 招牌擔擔麵 ($45)擔擔麵的麵條彈性十足，搭配勁濃郁的花生醬和香辣的調味，味道十分出色，十分惹味。📌：劉興記生煎包專門店🏷️：佐敦白加士街53號地舖…..

佐敦劉興記生煎包！🚇 出地鐵行1分鐘就到，超方便！不過間舖真係細細間，晏少少嚟就要排隊㗎啦～ 好彩等得都值！🥟 今次同阿媽兩個人嚟，貪佢豆漿任飲 🥛（無限 refill 真係好抵！），仲每款生煎包都叫咗幾隻，分住食試勻晒啲味！✨ 🥟 招牌生煎包： 必食！底脆到「咔」一聲，一啖咬落去爆晒汁 💦！豬肉餡好鮮甜，熱辣辣食真係無得輸！🔥 🦀 蟹粉生煎包： 呢個貴氣啲～ 一咬開就見到金黃色嘅蟹粉！🟡 蟹味幾香，唔會腥，鍾意食蟹嘅朋友要試！鮮味同肉汁夾得啱啱好～👍 🦐 瀨尿蝦生煎包： 嘩！呢個真係好特別！估唔到瀨尿蝦做餡都夾喎～ 食到粒粒蝦肉，爽口彈牙，仲有啲蝦膏嘅香味！好驚喜！🤩 兩個人分住食，每款味都試到，大滿足！👩👧 豆漿任飲仲可以解解膩～ 總括嚟講：生煎包即叫即煎夠晒熱，皮薄底脆多汁，款式仲夠特別！係佐敦搵平靚正小食，呢間真係必試！✅

呢度嘅生煎包果然係招牌香脆嘅生煎包外皮湯汁勁多我哋呢款係普通生煎包價錢比較平另外仲有蟹粉生煎包一盒咬落去 一定要小心最好細細啖慢慢食我點咗個嗰款係雞絲粉皮套餐50幾蚊就有一個生煎包，雞絲粉皮，任飲的豆漿呢個價錢真係茶餐廳都做唔到粉皮的花生醬 比得夠足加埋青瓜絲的清涼 整個配搭很不錯當然非常夠飽另外仲揀咗一份蔥油拌麵蔥油雞扒拌麵$42我覺得好食過平時上海餐廳$80一份嗰啲因為蔥油雞扒，炸得好香脆拌麵的蔥油也很香性價比極高就算旁邊有兩間人氣極高的食店劉興記一樣大排長龍但係相對來說 等候位置時間不長不過今日的小籠包就賣晒下次早啲嚟

今日lunch去咗劉興記生煎包專門店，人流都幾多，好彩過咗繁忙時段，等一陣就有位了。招牌炸豬排菜飯招牌炸豬排金黃酥脆，口感鮮嫩多汁，菜飯夠香，味道很不錯。麻醬青瓜雞絲粉皮青瓜好脆爽，雞絲嫩滑，粉皮滑嫩，麻醬的香氣完全為這道菜增添了不少風味，是炎熱夏季的完美選擇。生煎包呢個原味生煎包都好出色，內餡同樣是豐富的肉汁，跟餐食價錢仲抵啲。蟹黃生煎包感覺嚟呢度點都要食吓呢個招牌之一嘅蟹黃生煎包。生煎包外皮金黃酥脆，咬下去時，蟹黃的鮮美湯汁瞬間迸發，極之美味！豆漿豆漿係無限添加，而且仲有好香嘅黃豆味。

🩵蟹黃生煎包🦀🦀滿滿蟹肉絲、蟹膏同埋蟹皇汁🤤 個底煎到金黃色！脆既包底，口感一流！🩵瀨尿蝦生煎包瀨尿蝦餡都落得幾多～ 第一次見瀨尿蝦生煎包，幾有鮮味，都幾特別🙈🙈🩵招牌炸雞扒拌麵🐥+生煎包（1隻）雞扒炸得好香脆，又juicy~ 拌麵質感幾有咬口，套餐仲跟原味生煎包，無限凍豆漿任飲😍😍🩵手工豆沙窩餅🫘$30一份豆沙窩餅，cp值幾高，紅豆餡唔會死甜，窩餅微脆😛😛 唔油膩，罪惡感唔高🫢

餐廳：劉興記生煎包專門店地點：佐敦白加士街菜式：上海菜餐牌：生煎包類、新品推介、菜飯、湯麵、拌麵、蟹粉、小食、涼拌、小籠包、飲品，皇牌套餐。落單掃QR code。糖醋炸排骨 $30糖醋炸排骨一客10件入口size，炸得外脆內嫩，有豬味，糖醋味夠，味道酸酸甜甜好醒胃，面頭灑上白芝麻粒。招牌炸雞扒 $28招牌炸雞扒一開6件連皮，炸得外脆內嫩，肉夠厚，幾好食。麻醬手撕雞絲粉皮 $50麻醬手撕雞絲粉皮好大碗。粉皮質素正常。加有大量粗雞絲，雞有雞味，面頭加上白芝麻粒。麻醬超多。同行友人叫左一碗走醬，自己加枱上面醋食，一樣風味十足。豆漿任飲，夠濃厚滑溜，豆味剛好又唔太甜，好解渴。個人幾鍾意叫一碗健康清爽粉皮加一份小食，夠飽又可以平衡啲，夏天正呀！呢間店位置方便好易搵。

朋友極力推薦我去呢度探店，見到佢都有幾間分店，就揀咗最方便我嘅佐敦！喺門口除咗見到同發哥嘅合照之外，仲大大隻字寫住豆漿任飲！真係超開心！睇返價格其實一啲都唔貴，啱曬我呢啲小資女未落單已經自行送上豆漿，中途唔需要刻意請店員加添，而係店員自動走過嚟幫我添加，感覺非常良好！生煎包可以輕易地見到裏面嘅湯汁，證明皮夠曬薄，一面煎到金黃色，另一面灑上芝麻同蔥，每一粒嘅湯汁，足足有一湯羹嘅量，真係非常驚人！重點係！肉餡嘅肉香爆棚！香濃鮮味，朋友真係冇介紹錯！招牌炸雞扒菜飯配生煎包一粒~雞扒非常大塊，炸到金黃色，外脆內嫰，菜同飯嘅比例均勻。招牌炸豬扒拌麵配生煎包一粒~豬扒夠曬入味，同雞扒一樣兩邊都係金黃色，拌麵非常有驚喜，夠曬圓潤彈牙！汁料味道唔會過濃！

♥ 爆汁生煎包！劉興記生煎包專門店♥說到爆汁生煎包，我極力推薦「劉興記」！店家堅持每日新鮮人手包製，選用本地靚料，多間分店即製即賣，品質有保證！如果點套餐或消費滿$60，就可以任飲豆漿，店員超主動幫我添豆漿，特別是在大熱天時，喝一口冰涼的豆漿真是舒爽！① 生煎包（2隻） $20
果然是招牌，底部煎得金黃酥脆，裡面的肉餡鮮嫩多汁，湯汁滿滿，吃起來特別過癮！② 蟹黃生煎包（1隻） $20
因為有蟹黃，味道比普通生煎包更濃郁！一咬開即有濃濃的蟹油溢出！③ 上海小籠包（4隻） $40
皮薄餡靚，湯汁清甜～④ 豆漿
好解膩～豆漿帶有淡淡的豆香，喝起來非常順口～📍 劉興記生煎包專門店
佐敦白加士街53號地舖
.・。.・゜✭・♥・✫・゜・。.#劉興記 #生煎包 #上海小籠包 #佐敦美食 #港式點心 #平民美食 #佐敦餐廳 #佐敦美食

呢間劉興記好出名就人人都知，佢既生煎包真係好好食，今日去試下食個lunch先招牌炸豬排菜飯+生煎包👍🏻👍🏻豬排新鮮炸起熱辣辣，佢個肉好滑夠林，個味道都好好，菜飯唔會油，勁多菜雞湯小雲吞（18粒）+生煎包👍🏻👍🏻小雲吞一啖一粒岩岩好，個湯清清地唔錯，生煎包真係爆哂汁，個肉好香，皮都好脆手工豆沙窩餅👍🏻👍🏻豆沙窩餅性價比超高，做甜品一流Coke zero $8烏龍茶 $12飲品都好抵飲

之前聽我朋友說都是一般般，我就不信邪非要親自去試試，我星期六晚上八點半去佐敦店，好彩不需要排隊，環境算是整潔，服務員態度也很好，唯一不好的就是食物溫度，生煎包是微溫的，差一點點就涼了，蟹黃生煎包和賴尿蝦生煎包如果再涼一點就會腥😅不信的話你叫老板自己去吃一個涼的蟹黃生煎包試試看😅菜飯是涼的，好彩雞排是熱的，飯不熱也無所謂，哈哈，只有炸雞扒是熱的😅唯一讚的就是豆漿無限續飲，這次店鋪體驗最好就是服務員和豆漿，

今日喺佐敦做完嘢，周圍搵嘢食見到原來開咗劉興記，諗起好耐冇食過生煎包飲豆漿，而且我1個人咁啱有位，所以就入去試吓🤤見到Menu有套餐幾抵食，可以揀粉麵或者菜飯，再配埋生煎包同豆漿都只係50幾蚊，睇真啲豆漿仲可以無限添飲，豆漿超香濃我都飲咗兩杯👍🏻🔸招牌炸豬扒湯麵炸豬扒份量超大，炸到脆卜卜但係肉質仲保持住juicy，清湯上海麵超大碗，麵質彈牙湯底清爽，配埋惹味嘅炸豬扒味道好夾！🔸招牌生煎包就係呢一種傳統嘅味道，真係好吸引我！生煎包底部煎得勁香脆，咬落去勁多熱辣辣嘅鮮肉汁流出嚟，有時簡簡單單都可以喺人間美食🥰🔸瀨尿蝦生煎包食完1隻生煎包唔夠喉，見到瀨尿蝦生煎包幾得意所以試吓😍估唔到瀨尿蝦肉又幾好食喎！蝦肉新鮮有一種獨有嘅海鮮味，配埋濃厚嘅湯汁，同招牌生煎包各有各特色❣️