劉森記麵家 (桂林街)

营业中

休息中

下晝同朋友行深步埗，朋友話呢間既蝦子麵出名，就入去食個下午茶。店內環境都ok，枱面都乾淨，不過枱底有幾舊紙巾未掃。諗揀咩餸諗左好耐，因為好多選擇。最後揀左三餸，蝦子、牛筋同魚旦。朋友揀左牛腩、雲吞、鵝腸同黑柏葉。我嗌左少麵，所以麵既份量較少。蝦子份量多，魚蛋彈牙，牛筋都夠稔夠入味。可以加埋辣椒油，仲惹味，不過隻辣椒油都幾辣下，落既時候唔好太重手。呢兩碟就係正常既麵份量試左鵝腸同黑柏葉，點附上既辣椒豉油，有啲"un"，味道還可。

定期都會去食嘅食肆！水餃蝦子撈！ 鍾意佢個麵好香蛋味，將蝦子舖到滿滿的，麵底濕度剛好，唔會太乾或濕，每啖都有好多蝦子，香味濃郁！間唔時都會掛住佢d醃蘿蔔，實在太好味！

空堂=搵食時間搭車去到ssp食好西第一次黎劉森記 鋪頭細細 但係已經坐滿晒人重開始有人等位 好彩自己一個人黎 算易d搵位見到枱面有醃蘿蔔 每個食客都會拎黎食我都口痕試下蘿蔔好爽脆 酸酸甜甜好開胃而且食晒 姐姐好快就上過樽新既叫左個蝦籽水餃牛腩撈面一睇就知落左幾多蝦籽食面前 飲左個湯好鮮甜 唔似平時粉麵檔d味精湯飲落覺得好似有d蝦籽味個面就好爽 無梘水味唔落醋食都好好味加埋蝦籽同個腩汁真係好香同埋個面唔知有無落到豬油落去撈因為食落幾似大埔平記牛腩同牛根炆到好入味個係牛腩唔痴牙 牛根好爽腍 食落好似會溶係口甘但係自家辣椒油就唔夠香 只有辣味如果可以再香d會更女

今日去黃金睇下電腦配件黎到深水埗, 最出名應該係維記同劉森記兩間麵店既然兩間都未食過, 今次就先去劉森記試下2點到達深水埗, 理應過左食飯黃金時段, 但座位少, 又係星期日我單人匹馬, 由等入店去到有得食亦需等15-20分鐘(有少少遺憾既係, 有漏單出現, 侍應姐姐態度非常好即刻幫我出菜)蝦籽雲吞撈麵$40湯清而香, 蝦籽亦好配合, 雲吞有大地魚香, 總括10分會俾9分(聽到有食客叫水餃麵, 雲吞麵....呢D應該係食慣既地膽而唔係我呢D慕名而去試既人XD)特別留意到個有趣既現象, 就係好多人有特別既點餐要求例如多湯, 麵轉米粉, 麵既軟硬等等而侍應姐姐都好理所當然咁話無問題, 非常有人情味

今天順道經過又不需要等位便去吃個快快的午餐。叫了招牌的蝦籽雲吞撈麵，不一會就送過來。蝦籽滿滿的舖在麵條上。吃得出下了點豬油，覺得剛好。趁熱食十分美味。雲吞只有三個是有點不夠喉。味道還可以。湯頭很清但感覺不夠鮮味。淡淡的感覺沒有加味精。吃完只是半飽便追加一碗水餃湯麵。份量也是偏細。麵條真的不錯。埋單$75塊。滿足

又係下午茶時間!!緊係要食返個腩麵通常都食蝦子撈麵，麵量多蝦子香，所以今日改試下湯麵。麵賣相足料，但筋腩比例差好遠，一舊腩四舊筋。食麵先飲湯係我既習慣，第一啖湯入口好香柱候醬味，但可惜咸左少少。而個麵夾起好失望，麵量太少兩啖食完，都係撈麵份量多啲。而且應該湯麵同撈麵都係用同一種麵，比普通生麵更幼身，所以缺少左夾口彈牙既質感。用黎做撈麵既話反而perfect，因為麵身幼，加上蝦子更易食出蝦子既甘香，但做湯麵真係差啲牛筋唔會煮太腍，仲有啲彈牙煙韌既質感。

話說有次與友人去深水埗買野順便想試試LEE度好出名的劉森記 但離遠一看, 是一條長長的人龍...於是便算了那天, 我一個人到深水埗買東西,居然見到冇人排.....亦有吉位便滿心歡喜的坐下來其實只係想試下個蝦子面係吾係真係咁正所以便簡單的點了一個蝦子面由於等候需時便試吃了店裏任吃吾嬲的酸蘿蔔,我比較中意食酸的東西, 所以真係好對我的口味吃了好多舊面終於到了, 簡單的蝦子面跟一碗湯的東東其實我覺得面的鹼水味很重...蝦子也不算驚為天人..湯反而是頗清甜的吃完以後又吃了數舊酸蘿蔔~其實我係吾係吾識食呢....食完之後都係吾明點解會咁出名...或者下次食埋其他野吧..(但我已經叫了應該是最出名的蝦子面....)

Weekend 同媽媽去深水埗行街 夜晚嚟到朋友介紹嘅劉森記麵家嗌咗個蝦子雲吞撈麵 唔洗一陣就有得食 成碟滿滿嘅蝦子 口水都流埋 雲吞有三粒撈面大大碟 係有少少乾 久唔久會加啲湯一齊食蝦子好多 但唔算好香雲呑好味 一直唔知樽醃蘿蔔係咩東東 見到對面食客一坐低就夾咗好多嚟食食得津津有味 先有樣學樣 夾啲試下好開胃 酸酸地 好爽口 依家實在好少鋪頭會提供免費小食走嘅時候先發現出面多人等位 發現自己即刻有得坐低食 實在太好彩了如果唔想食得heavy , 劉森記都係一個good choice

我又介紹深水埗好嘢食喇！！😋今次係＂劉森記＂牛腩蝦子撈麵🐮🍤🍜麵係手壓竹昇麵，所以都幾爽口彈牙😁真係唔同平時一般果啲麵㗎😌而牛腩都炆得幾腍，肉汁都幾夠，面上曬滿蝦子增添口感跟鮮味😈另外免費自取醃蘿蔔都一樣出色）））

突然想起澳門食過蝦籽麵心血來潮想食係Openrice search,搵到劉森記滿心期待，叫左碗雲吞蝦籽麵，可惜雲吞太少蝦 豬肉太多蝦籽唔夠香麵質彈牙 但撈麵個汁太咸 失望

六月天 - 未正式放暑假, 天氣已經又熱又翳焗, 人都無晒胃口, 一到食午飯時間大家你眼望我眼: ...無人回應即係無興趣?  正所謂辛苦搵來至在食。   無計呢, 身處頹得很的鰂魚涌 幾十蚊午餐budget有咩好食?!  有時大家只係好簡單想食碗靚雲吞或者魚蛋河, 講真, 呢區又真係- - -唉!   華昌有雲吞食, 但絕對唔稱得上'靚', 鰂魚涌上班族的日子就是如此'乏'呀~ 其實無胃口的日子, 如果是休息日, 我們間中會走去食碗雲吞當午餐, 深水埗劉森記絕對是一個好選擇, 第一: 食物可口, 食完唔口渴; 第二: 地點超方便; 第三: 價錢實惠!    本來早前寫開深水埗尋寶 想寫埋劉森記, 但找不著相片, 不知在哪部手機定已save在電腦, 又想盡快完成5月份那些同時令有關的幾篇所以暫停, 端午節休幾天整理一下存檔, 又給我找回相片, 真好! 去深水埗如果不去街市那方向'搵食', 其實我頗喜歡去劉森記的, 快 / 靚 / 正~  無失手勢, 食完再可以去'掃街'同行街, 超方便!   如果大家唔嫌環境差少少同迫少少, 去老鋪呢邊感覺上好似係好食啲... 都好幾個月無去劉

上次來已經是數年前了。今天到高登買charger，順道來吃。雲吞蝦子撈一碟只有三粒及格水準的雲吞。麵彈牙但鹼水味道非常重，苦苦的。是否出了名就不用再注意水準呢？

一間擁有歷史悠久的麵鋪，系香港越來越少，大多都比大集團壟斷，能憑雲吞麵維持到而家，殊不簡單，還有幾間分店，一碗看似平平無奇，麵條入口彈牙和爽滑，唔系一般機器製成的麵條。麵條係用人手竹昇打成，麵條質感爽滑及有麵香，沒有太大鹼水味，鮮蝦雲吞，蝦味鮮甜美爽口，內有些筍絲，肉碎，咬落雲吞沒有鬆散，湯底用上大地魚熬成，絕無加添味精，再配上少許清香韮黃，隨便都可以食上幾碗。

出名前的劉森記我知道得太遲,所以來不及幫襯,也試不到旁人說當初比較好味。到開了分店,我才有機會到總店朝聖,以及試下其不得不食的蝦籽竹昇麵。數張圓枱加摺凳,是坐得逼架,但預左架,驚坐得唔舒服就唔好嚟食。少有的枱上有瓶醃酸白蘿蔔,歡迎食客夾嚟食,對於喜歡食醃酸蘿蔔的我是很開心的,味道微酸, 而且帶一點點的辣味, 令人很開胃,一邊等待蝦籽麵,一邊不停地嚼住蘿蔔,很快地被我食了半瓶。這種大方的小店是買少見少。等了一會,份量滿滿的蝦籽竹昇撈麵來到了~大量的蝦籽鋪於麵上,覆蓋了一大半,賣相絕對100分,而且價錢是很公道(咩都加價下,仲有咁大份量已然很好)撈麵會有一碗湯另上,用來俾人覺得麵太干時用來沾來食。湯底很清,撒有韮黃,不油,喝了一口,清甜的大地魚味道,中和蝦籽的濃味,是我覺得最好喝的湯。麵底就有幾條芥蘭,比較有心思。麵身爽口彈牙, 冇鹼水味, 而且麵質非常乾身,女孩子食會較困難,食到最後都係要沾些湯。竹昇麵是師傅辛苦一手一腳打出嚟,是要好好用心品嚐。朋友點的是蝦籽豬手撈河(加腩汁),份量都是滿滿的,而且加左腩汁的河粉真的超級好食,五香味唔會太搶,而且甜度剛好。豬手有兩隻,對喜歡豬手的我來說是

好少去深水埗，好多小店簡，經過d間鋪頭，好似聽過下個名就入去啦。佢menu都有幾多平時少見既配料好似黑柏葉，鵝腸咁而枱面有醃羅白咁唔食內臟，一條友普普通通就咁叫左蝦子麵，來到，蝦子比預期既多好多，平時食都係得面個浸，d個底都有。個浸蝦子味算濃郁，一啖食，嘴唇會沾哂d蝦子，再配埋韮黃湯，成個味好夾，好鐘意d種湯，清得來好有味，但小小偏咸！麵身可以再爽d，可能唔夠乾身！份量都幾多，醃羅白就普普通通，食左幾粒，都幾脆口，酸酸甜甜，但又唔係話dump一聲咁。另外，有朋友話佢地d雲呑幾好味，遲d有機會再去試