劉森記麵家 (桂林街)

营业中

休息中

聞名不如見面，落到深水埗，不可不去劉森記一嘗他們镇店之寶云吞蝦籽撈麵。仲要去埋舊舖體驗一下地道風味。首先吾執輸，先吃放在抬上免費任食的酸蘿蔔，醃得夠爽，酸甜味適中。主角駕臨，麵和云吞是分開上。三粒云吞放在湯上，感覺少了一點。湯底清甜吾算濃，云吞皮薄餡料OK，但吾算特別出色。主角是鋪滿蝦籽嘅竹升麵。蝦籽炒得夠香又多，麵條少鹼水味，吃落夠爽滑但又吾乾，撈得洽到好處，三扒兩口就把它吃光，好有滿足感，果然名不虛傳。

一份豬手蝦子撈面，一份凈雲吞，一瓶可樂，吃的賊飽！蝦子撈面確實很有特點，面能吃的出來是全蛋面，超級有彈性，脆脆的那種口感。蝦子很多，厚厚的鋪在面上，面下還藏著幾根青菜，搭配很好

之前都試過一次覺得麻麻地，今日再去試， 見到蔡生張poster已經覺得可能奶嘢🤔🤔點知， 一言難盡😧😧隨便街邊22蚊碗啲平價雲吞麵仲好食過佢。啲麵煮到發脹咗，湯底簡直…… 只係覺得係用大地魚， 但一點都不像傳統雲吞麵的湯底。 同檯嗰啲客都食到也也星只有值得一讚嘅就係嗰樽醃蘿蔔😋😋

去到深水埗見到呢間咁出名嘅蝦子麵，勁到喺同區開幾間分店，當然要試試！七點半嚟到又唔係好多人，唔洗等位，三個人都坐到5人枱。我地全都點了鼎鼎大名嘅蝦子麵，我嘅牛筋牛腩蝦子撈麵，果然成碟灑滿蝦子，牛筋好'煙銀'，牛腩反而唔夠淋，整體偏咸，蝦子份量雖然幾多，但唔係太吸引，純粹食落有啲口感，加埋細枝樽裝可樂成50幾元，又唔抵喇。朋友再點左雲吞墨丸蝦子撈，雲吞同墨丸都係正常出面粥麵店味道，唯一抵讚係條菜夠淋囉。

深水埗可算是香港其中一個平民美食集中地，大大小小的各具名氣的食肆林立，劉森記是其中一間。或許連鎖食肆愈來愈多，大都千篇一律，好吃但沒有特色，服務好但沒人情味。劉森記在深水埗屹立多年，每逢去黃金、鴨寮街，都定必光顧。個人十分欣賞酸蘿蔔，因為味道酸酸甜甜，令人開胃，每次都會忍不住吃不少。至於麵方面，今次點了牛腩蝦子撈麵，牛腩入味，入口淋滑，而蝦子份量超多，帶咸香，每口麵都食到啖啖蝦子。以今時今日的物價，是物超所值，同時在劉森記吃的除了是食物，還有小店的人情味。

路過深水埗諗唔到食乜，就嚟試試！放眼一望，樣樣都係蝦子！食咗個蝦子豬手撈。真係放咗幾多蝦子。夾起一住蝦子試試幾香，但係撈勻食就覺得啲麵好乾兼有啲硬。碗湯好甜，好似加咗糖咁。總結嚟講，叫做食過就算！

現在鮮蝦肉對我來說，它跟蟹肉、牛肉一樣，都是我現在這一刻不能隨便食的東西。不過我說的「不能食」，只限在我媽面前的時候，她一定不會讓我隨便進食蝦肉和牛肉。如果我的人生只剩下雞肉的話，人生無疑會變得單調無味。所以我今天來到深水埗「桂林街」，走到麵店「劉森記」的時候，我是感覺到有一股無形的阻力，在無意識下在攔截住我，不容許我進入「劉森記麵家」。其實所謂的「阻力」，只是店內面積不大，檯櫈數量有限，全場都已經擠滿了食客，令向來不喜歡搭檯的我，在當前一剎那忽然迷惘，在猶豫是否真的要進入「劉森記麵家」。結果我再在店外稍等多一會兒，等到終於有吉檯剩下，沒有食客佔據時，我才能安心進入和坐下點餐。不過等到我坐下不久，店外還是有其他食客魚貫進入，食店內立刻再次擁擠起來。「劉森記麵家」跟其他中式麵店的最大的分別，除了有馳名的蝦子雲吞撈麵之外，還有每一檯都必定擁有的餐前小食，味道酸甜開胃的醃蘿蔔。「劉森記麵家」對我來說，除了醃蘿蔔和蝦子雲吞撈麵之外，就好像再沒有什麼值得一試的粉麵小食可以選擇。有時對食店來說，專注只做一兩款招牌美食，對食店不一定是有弊無利，專注造好一款美食也是食店的優點所在。所以光顧這樣的餐廳，

之前係openrice，見到很多人介紹這間麵店不錯，而且還有酸蘿蔔任食，所以決定來這間麵店 。我點了一個 薑蔥鵝腸水餃蝦子撈粗麵※ 酸蘿蔔放左枱上客人可以任意添食 。酸酸甜甜的，蘿蔔帶一點爽口， 是我久違了的味道，我一口氣吃了三小碗 。※ 薑蔥鵝腸原本我有一點滿心歡喜，因為我以為薑蔥是會泡一泡油的，但是上檯發現後 薑蔥像烚一烚過水再加一點油，味道是有好大大分別，而且鵝腸不是用新鮮貨的，原全食不出有鵝腸應有味道，似食無味得爽口橡筋。※蝦子撈粗，可惜敗在蝦子上，雖然他們放蝦子很大方，滿滿的蓋著麵條，蝦子是脆卜卜，但蝦子太腥了，對我來講有這個味道不太討好我。其實面條幾好， 彈牙沒有鹼水味，相信不要蝦子或直接做湯面都不錯。※口餃有2大隻，用料十足有筍，蝦，豬肉，木耳，味道ok，但可惜水餃放在湯到，因為個湯是偏甜的，不是我喜歡的味道。總結都是個酸蘿蔔最好食，妹仔大過主人婆ps.可以外賣酸蘿蔔，好似55元有一大樽，同堂食一樣大，可惜今日沒有貨

深水埗永遠是香港飲食「兵家必爭之地」，由於位置處於九龍非常平民地段，有過百間餐廳食肆，你要有實力才可立足。所有blogger , marketing 都幫不到你，街坊生意就赤祼裸反映了你的實力。我其實不喜歡米芝連，很多食店亦因這個名走向沒落。 「劉森記」亦曾為米芝連推介，幸運地她並沒有太大改變。 「去深水埗不去劉森記就像欠了點什麼」我說的。一間餐廳能企得住腳變為老字號總有其過人之處，街坊、年輕人、中年、老街坊絡繹不絕。2007 年 $20 一碗淨雲吞，2017 年 $30 ，對得起街坊，質量亦保持。湯底還好，雲吞亦保持有蝦豬一比一比例 (其實有2/8 或3/7)，一口一粒不會太少蝦亦夠爽。我敢說劉森記在平民版粉麵店的水平高而穩定，就是因為其雲吞水餃牛腩牛筋鵝腸豬手到今時今日亦絕不讓人失望。如果港澳朋友到了深水埗卻不知從何入手？我這個「死人尋舊路」專家告訴你，去劉森記來個「雲吞蝦子撈」，是個好開始。

劉森記麵家是蔡瀾極力推介的餐廳，我看完蘋果動新聞後慕名而來!!（*´▽`*)晚飯時間來到深水埗的劉森記麵家，要排長龍等位，人氣好高！慶幸一般食客在麵店的用餐時間短，等了10分鐘左右就有位了～點了兩客撈麵:蝦子南乳豬手撈河 ($40)蝦子牛腩牛筋撈麵 ($40)雖然是小店，但食物賣相極吸引(*´∇｀*)蝦子好香，味道濃郁，配上爽口彈牙嘅面同河粉，簡直係絕配！！豬手和牛筋腩都炆得好入味，膠質非常重，女士必吃恩物♥️♥️♥️老字號果然名不虛傳，令人一試難忘，下次來到深水埗必會再來！

我同老公係好怕等位既人...如果你話會等半個鐘以上去食野...SORRY啦...我地真係唔會等了...好食都係咁話啦...大把地方有得食...食過第二間好過了...不過...行開深水埗揾食...我又好想食雲吞麵...老公即時揾俾我...揾左一間高人氣麵舖...劉森記...高人氣即係要等位既機會好大啦...唯有去碰一碰運氣...睇下要點等法啦...去到真係要排隊等一等...幸好...只係等五位入就到我地...門口等位既時候已經留意到蝦子撈麵...當下我已經決定食撈麵...等左十分鐘不到就可以入座了...圓枱位置唔算太逼...比想像中好...老公選了蝦子黑栢葉雲吞撈粗麵... 蝦子多到呢...物有所值...黑栢葉有一堆薑葱拌住...同埋有一小杯辣椒豉油...未經漂白的黑栢葉食落好爽脆...讓我們想當年晚晚宵夜的日子... 我就選了蝦子牛筋雲吞撈麵...當然少不了兩支忌廉啦...支裝忌廉唔知點解飲落好似係好味DD... 牛筋軟淋淋但不失咬口...同埋超級入味...蝦子撈麵食到啖啖蝦子...有點鮮有點鹹...麵質未有皂水味...這個是重點...雲吞就普通...不過...皮薄餡靚...

呢日去深水埗買電腦零件，難得過來，就黎老字號<<劉森記麵家>>食個中午飯。成日都想黎，但對於住港島既我，深水埗真係太多野想食，每次只可以食到一間。坐低就見到自家製的醃蘿蔔, 而家香港已經好少見呢D免費既傳統小食, 女友見到未叫餐就食住先。舀出來既醃蘿蔔, 入口一陣酸酸的，真係勁醒胃。 我鍾情竹昇撈麵，所以就叫左<<牛腩牛筋撈麵>>。麵條入口幾韌，而且冇鹼水味。因為係撈麵，所以都有小小爽口。牛腩入口唔肥，牛筋又夠韌。 女友叫的是<<蝦子撈麵>>。蝦子真係夠多，配合麵，入口層次豐富之餘，再配合湯食,令麵更易入口，以後都唔使再過澳門先食到囉。

早排去左澳門玩食完蝦子麵，返到黎突然又想食，所以就去左係深水埗有幾十年歷史既劉森記麵家，佢地竹昇麵都蝦子都好出名，今日咁啱經過附近一於黎食。深水埗有新舊兩間舖，今次黎就去左舊舖，門面好有傳統麵家既味道。我地今次兩個人黎食，朋友原本想叫蝦子牛拍葉撈麵，但原來我地太早黎要1點後先有，想食既朋友記得下次唔好咁早黎，朋友最後只係叫蝦子撈麵，而我就叫左蝦子牛腩牛筋撈麵。蝦子撈麵面頭滿滿既蝦子，撈完後保証每一啖都有蝦子係上面，而且蝦子十分香，好味原本以為兩餸會比較少蝦子，點知一樣係咁多，而牛腩同牛筋都好入味同夠淋。佢地野食味道真係唔錯，由其係個手打竹昇麵真係夠晒爽口彈牙，朋友都話下次要黎再食牛拍葉。

openrice 看得多，寫係第一次，老闆見到吾好見怪，上次吃完長沙灣分店已衰，今次再入深水涉店真係不吐不快，3:30pm到入去碰見到鬼佬鬼婆拍攝，叫碗水餃麵，來到九王係有既，湯平凡，第一口麵，Sorry 麵無麵味一般既爽，水餃蝦淡但爽，內裹不夠入味，失敗！成隻餃可食不食，值得喜歡麵既分量三兩口KO，不用多，但我3典幾無吃午飯，也只硬吃D完水餃淨下半碗就想走！真心一句無靈魂既麵，別影響香港走出世界吧！出面太多不知所為既粉麵，一係粉太幼一係麵無味又過林！失望！

今日同男友去食，開頭都好期待我叫左碟蝦子雲吞撈麵，佢叫左蝦子魚蛋魚片撈麵。麵好快到左，係有好多蝦子舖喺面，一食落點解無蝦子嘅香味同喺澳門食嘅好唔同雲吞有個湯裝住，有3粒，但係雲吞裡面d蝦係好細又唔新鮮肉又無味，深水埗是但一間麵店嘅雲吞都好食過佢，仲要呢間係好出名嘅舖頭，真係要留意一下材料。男友嘅魚蛋撈佢都覺得唔掂，魚蛋無乜特別，d蝦子食落都覺得好唔掂，完全無蝦子嗰種香味，我地都覺得應該唔會再有下一次囉！