劉森記麵家 (桂林街)

营业中

休息中

深水埗美食多到都唔知點揀好次次經過劉森記都見佢好多人,係咪真係咁好食先於是入去試下黎到劉森記,竟然冇叫到佢既蝦子麵反而叫左碗較少人會第一時間叫既牛腩麵牛腩麵呢度啲麵好爽口,彈牙,而牛腩又炆到好腍,又入味又大大舊,份量都ok多最重要既係佢既湯底,好清甜 唔會得個咸字,同勁濃味精,唔錯

在深水埗食完午餐 等待朋友期間，逛完福榮街 福華街 西九龍中心後，不知道下一個目的地後，就走到去 黃金廣場附近的劉森記，一坐下，其實剛吃完的午餐好像還未消代，好癢癢就點了個香葱牛柏葉了。我一向點什麼都要走葱的，但今次失擦，忘記了點走葱，整碟滿著葱的牛柏葉，呆了三秒，不知道怎樣續條夾走。拿起快子，一夾 牛柏葉 每夾都必有葱伴著，簡直可以唱首歌呢，(同一刻飛上天，同一刻跌落水)P影映不離。好吧，就連同葱一起吃。葱的味道很香，沾著soy sauce,味道非常配。牛柏葉是少有的黑柏葉，就連我平常不吃葱的，都大啖大啖的吃。黑柏葉非常爽口，又不難咬，易於咀嚼，不錯不錯。我一人慢慢的吃，要配枝可樂。好快就把整碟黑柏葉清光了。

放工發口痕想食雲吞, 就黎左劉森記試食.奶奶住附近, 成日推介話好好食, 就連外國來港的親戚也大力推介, 每次返港都一定黎食.所以我就黎試一試.點了淨雲吞($27), 比想像中便宜. 有8粒.但味道就....唔係我杯茶, 好好好重的味精, 吃完勁口渴的感覺.食過就算了. 唔使再心思思想黎食.

劉森記從中學一直吃到現在已有十幾年。每次都喜歡到舊舖吃,因為有人情味。每次都最愛吃它的酸蘿蔔,是十分開胃的小食。每次都因為吃了酸蘿蔔,胃口大開吃更多的麵食。事隔兩年再次光顧此小店。桌上的酸蘿蔔所淨無幾,問店員(老闆娘?!)是否還有一樽新的酸蘿蔔? 店員便冷冷回答:我知道自己食了不少的酸蘿蔔,所以每次都會點當中較昂貴的淨食+各款麵食,以作補貼。但十幾年來第一次!第一次聽到如此的回答,過往的談笑風生呢? 我唔係介意你唔refill酸蘿蔔比我,而係我介意你的街坊感覺消失了。

約了朋友到深水埗等辦點事，話想食劉森記，相約門口等，但搭的士又塞車，由於兩間門外都已有人龍，所以朋友就響桂林街正鋪排住隊等我，真的不好意思，到達時朋友已在第一位，好快便可入座，朋友點了蝦籽牛腩牛筋河($34)，而我點了蝦籽水餃撈麵($40)，未食麵前先食醃蘿蔔去清清味蕾，夠酸又夠爽口，香港已不多麵店有醃蘿蔔供應了。先來碗湯，內裏有兩隻水餃，過咗一陣先來麵，成碟麵都清楚可見大量蝦籽在麵上，蝦籽同竹昇麵一樣夠乾淨身，蝦籽鹹鹹的，麵身爽口彈牙，水餃夠大隻又足料，不過水果餃皮散散地。

約十年前左右, 經常去深水埗睇電腦野, 有次無意中黎左呢度食野,之後每去兩次深水埗,就會食一次劉森記,食過佢既竹星麵, 我就無再食過一般麵舖既雲吞麵,又抵食又好食,大過左少左去深水埗, 今次經過, 自己一個去唔洗等位,今次點左碗雲吞麵, 麵身依然爽口, 雲吞彈牙, 雖然已經唔係十幾蚊碗,但依然係經濟又好食之選

幫襯開劉森記都知係深水埗有兩間店，星期六一出地鐵站行過去見到新鋪有成十幾個人排隊⋯就行去睇吓舊舖，好彩舊鋪唔係太多人排隊大概七八個度⋯大約等左十分鐘就到我哋。其實劉森記久唔久都會去幫襯一次，因為佢嘅奄蘿蔔實在太難令人忘記⋯次次都食到停唔到口，加埋小小辣椒漿簡直係無敵。今次叫咗蝦子牛筋腩冬菇撈面，蝦子依舊多到蓋住晒啲面⋯冬菇大嚿得來又淋又入味，不過可惜今次嘅牛腩好硬⋯汶得一啲都唔淋，食咗一舊都已經放棄啲牛腩。朋友叫咗豬手湯河，豬手我唔食⋯不過我知道係呢度嘅招牌貨⋯我朋友話又淋又好味，膠質又重⋯而湯底仲唔錯添。

心思思要去試新舖,就在舊舖轉角不遠處,格調像譚仔,只有圓枱和木櫈,新淨好多！舒服的，光猛好多！地方大得多,約二倍,比舊舖鬆動.但始終都係舊鋪好食好多，唔知仲以為同名。加因食物質素大有不同！下午三點,人客只有四五個,叫了水餃牛腩撈麵,阿姐答道剛售罄,都唔太意外,因它素來都是老板娘即包即賣.斷貨係平常事.不過也見新舖的師傅也在包水餃,可能是老板娘做唔切,只好轉雲吞牛腩撈,好快就有得吃.不過很失望,雲吞是煮好放得太久,已經爆開,蝦煮得過火.不爽.舊舖有四隻,新舖只有三隻.牛腩的份量和味道不變,但不夠淋.麵的質素也不變.新鋪去過兩次都無再去！以後都係幫襯舊舖好D.

行完黃金商場就見咁多好評既蝦子麵試一試,7點左右,未見多人,可以直入。店鋪好細,擺放大約5張細枱。蝦子水餃撈麵 $39竹升麵-應該爽滑彈牙,但佢麵質偏乾,帶鹼水味。但的確好多蝦子,整個麵都係。水餃-不過不失,個湯就都有D咸,不太是清湯總括: 一般.不會再食!

今日去到深水步又吾想食咁多野,最後2個選擇簡單面食和甜品結束今晚晚餐。一直都係去新店,今次去舊店試下....最後叫左2個撈面和一支可樂一樣有好味的白蘿白,微酸加少少辣勁開胃,每人黎必開既小食,最重要係免費任食。我地一人小碗作為小吃。主菜我地2個都想食撈面,所以一個黑柏葉和一個鵝腸蝦子撈面。面質2個都好有口感吾會淋晒,加左大量蝦子再撈已經好有味道但吾會太咸。但廿竹黑柏葉蝦子撈面,黑柏葉煮得剛剛好和不切得都幼身。有口感之餘又吾會太硬咬吾開,好味道。鵝腸蝦子撈面,鵝腸整得太老,好硬,好似係食橡根這樣子。還要味道是沒有的,真的十分失望。

偶而想試試傳統風味，深水埗絕對是個好地方讓我們去尋寶！市面上普遍的麵店都會採用機器製的麵條，務求快靚正，而著名老店「劉森記」至今仍堅持用手工製竹昇麵。竹昇麵師傅會坐在長竹竿的一端，壓向放在另一端的麵團，重複再重複，一下再一下，令製造出來的麵條更有口感。今天就慕名而來試一下💜 蝦子水餃撈麵 ($39) : 麵條上佈滿密密麻麻的蝦籽，數量比預期中多，甚為驚喜！入口時，麵條頗為乾身，麵質亦偏硬，沒想像中那樣爽口彈牙，還帶點鹼水味。水餃很飽滿，餡料十足，有蝦、豬肉、雲耳絲、筍等，可惜只得兩隻。水餃的湯底為大地魚湯，配上蔥，味道就很鮮甜。桌上有樽滿滿的<自製醃蘿蔔>，免費任吃的，酸甜爽口，是很好的餐前小吃啊！推介分數:  (整體不過不失，未有感受到竹昇麵應有的口感，有點失望)

幾年前住係附近成日幫襯，今日再去食真係好失望....叫左個水餃蝦子撈麵，啲麵焾又唔香，以前佢地啲竹升麵爽滑彈牙.... 飲啖湯，好甜...係砂糖個種甜味...一啲蝦味鮮味都冇個酸蘿蔔好澀，又過晒火好乾好實，好明顯冇揀過啲蘿蔔最後，啲阿姐態度真係好差......食完今次，我真係超失望，我唔會再幫襯!

那天看到食評的介紹而慕名而去的，以為撈麵的麵身會爽或彈牙，但可惜⋯實際是軟綿綿，而且乾，還扭結成一團。坐在身旁的婆婆說店家轉了麵條，以往的不是這樣子。由於我不吃牛肉，所以點了魚片頭和墨魚丸，但又是另一個失望。

見到openrice很多人推介，決定於放工後一試，帶著平常心去試，不想因為太多好評而對它增加了期望。一點多到達，也排了一會隊，夏天大汗淋漓真的不要來，因店內的冷氣也沒多大，由等待到入坐，都辛苦到不行，店內也沒有幾多圍，需要一點時間等位。我點了雲吞蝦子撈麵，一直對蝦子撈麵有份鍾情，看起來蝦子充足，有種好感，一放入口就知中大伏了！！麵質不單是”爽”，可以說是硬！撈麵姐、都不應dry到如此地步，也沒有蝦子麵應有的質感……好頹…..加上要兩對筷子才能把一'箸箸'的麵分開。撈麵的味道也一般般，很清淡，這不是”撈麵”，可說是蝦子麵...飛水，完---。你想減肥少油少鹽吃這個就對了，哈哈，但我沒有減肥的打算，可以把味道做得正常一點嗎？雲吞方面…沒什麼surprise點、入面的餡有點兒求其。迷你雲吞？em….灣X碼頭啊、東X雲吞都比它好味……………..唉唉唉..失望到喊！幾十蚊碗麵，頂硬上強行食完，幸好麵的size也不大，很快吃完（size細到呢……食唔飽）。友人點了雲吞麵, 湯中一大陣鹼水味？！除此之外沒有其他味，害麵也受到很大影響，湯底很重要！！麵質因為有湯底的關係，浸過一輪，也沒那麼硬，但由於湯

招牌蝦籽撈麵 我揀左配牛筋牛腩($39) 我以細微位同大家去睇呢碟麵 蝦籽多但味道較淡 無應有既鹹香鮮味 麵條幸好無鹼水味 麵以竹昇壓製 質感卻唔算好Q彈 好彩唔會太腍 但以撈麵嚟講感覺crunchy 左少少 而且呢度既麵條係鴨蛋製造 卻欠缺蛋香亦無麵味 牛腩腩汁入味炆得尚算夠腍 但我對牛腩要求好高 只喜歡食牛肚皮腩位近橫隔膜附近位置既爽腩 整體以$39來說就算啦 acceptable