劉森記麵家 (桂林街)

营业中

休息中

我次次黎到深水埗都一定會黎食 今日中午時份人多點 排左陣隊好快都入到我地一人點左個麵雲吞係我既至愛 我多數都會食 彈牙又香不過今次又貪心叫多個墨丸試下都唔錯呀 有d墨魚係入面 彈牙但我最愛都係雲吞 牛筋麵。。。肉汁唔錯 彈牙可口呢間老字號大家不彷黎到深水埗試下啦d麵好彈牙架 又冇皂水味

第一次黎尼一間咁出名既劉森記麵家，蝦子撈麵最出名，黑柏葉好少見，於是經過深思熟慮，叫左蝦子薑蔥黑柏葉撈麵，40蚊。我估40蚊係尼一區算係比較貴既，但係唔緊要，想試下出名既野。張枱度有一罐酸蘿蔔，可以無限量囉。我第一次驚唔好食唔敢攞太多。蝦子撈麵等左一排，所以我就空口試左一舊，酸酸地，又有小小生既白蘿蔔既味道，唔錯蝦子撈麵終於上黎，都幾大份既，蝦子多麵超多，黑柏葉唔多。黑柏葉：點辣豉油，脆卜卜，唔錯，但冇乜特別。蝦子麵：有d幹，但下面d麵又有小小油，蝦子多所以還ok，但是我覺得試過一次就得，唔洗特登黎，不過路過再去食都ok既，但是平時很少去深水埗，同埋果度咁多野食，唔洗次次食尼一間既蝦子麵湯：蝦子麵跟既湯，聽話係因為驚食蝦子撈麵會口乾，所以跟湯，湯清清地既，鮮美，但係係因為蝦子本身咁鮮定係味精我就唔知了wor麵因為有d乾，所以配蘿蔔一齊食岩岩好，好爽口總體ok，代表香港特色，建議遊客可以去食，但係香港人就唔洗特登跑去果邊食，我相信其他地方都有尼d野既

蝦子雲吞牛筋撈麵 | 蝦子薑蔥鵝腸撈麵逐樣逐樣說! 牛筋超入味超軟稔 鵝腸爽口 同行的鵝腸愛好者說是很出色 竹昇麵爽口無鹼味 彈性還差了點點 但已是hk中非常高質 蝦子份量極多 但吃下沒那麼鮮香 整體很滿意  三併撈麵中的雲吞 是放在另上的上湯中 上湯喝第一口 感覺不夠鮮味 但喝上幾口後 鮮味逐漸浮面 喝得出有我最愛我大地魚煲製 而雲吞只屬一般 不是我最愛的金魚尾 豬肉比例瘦了點 但特別之處是連雲吞內都有蝦子 更有鮮香

劉森記麵家已是很出名的了，而第一次食的我由門外看都是不明為何深水埗區可以做得咁貴價，吃到了，終於明的！每一枱的枱面都會有一瓶酸蘿蔔，是免費供客人食用的喔！感覺店家很大方呢！但個人口味來說，是有點兒過酸了。蝦子豬手撈面，竹昇麥果然與別不同，非常彈牙和爽口，粒粒蝦子撈埋麵一起食很香，豬手軟淋淋好入味，好吃！雲吞麵，招牌菜麵底冇得輸啦！雲吞就中上品，略嫌細粒左。

劉森記除了出名食麵，這自家制的免費醃蘿蔔是不得不提吧！任吃的喔酸酸甜甜的，好開胃。 餐牌上的湯麵均是28蚊，單拼蝦子撈麵40蚊，單拼撈則35蚊。媽媽點了牛腩牛筋撈麵（$35），牛腩牛筋份量足，也夠入味，牛筋冧得來滿有膠質，是我喜歡的質感 我要了最簡單的招牌菜—蝦子撈麵（$35）！ 第一次吃蝦子撈麵，味道沒有撈蠔油的咸，多了點蝦子香；麵質彈牙，好吃

今日想食粉麵，去完高登行左兩轉，就走去食劉森記。黎得呢度食，當然係食撈麵啦，所以叫左黑柏葉撈麵。我從來唔食牛柏葉，只會食黑柏葉。呢度既黑柏葉好爽口，質地好夠彈牙，點埋份特製辣鼔油，野味之餘更吊出鮮味呀。襯埋薑蔥就真係最佳配搭。撈麵份量超少呀，黑柏葉份量好似仲多過撈麵呀。所以慘在食完好似食左陣風咁。

可能是期望越大 失望也就越大看到open rice附近的餐廳排名第一 趕緊來食但是味道不好 價格又貴 還不如一般的小店#蝦子撈麵淨雲吞 40一份 才3只雲吞！只是中等水平 一盆撈麵裡寥寥幾根芥藍 蝦子撒上去很多 但是撈麵太幹了！像是在空氣中放了很久失去了水分 嚼起來如同干草 沒有麵條因該有的彈性和韌性總之不會再來 以後挑選餐廳要謹慎啊

有多年歷史的劉森記，一提起相信大家就會諗到竹昇麵，近幾次黎到深水埗都會黎呢到食番個麵! (其實呢區除左買電腦野平之外，呢邊都好多唔貴又好食的東東，假日行下食下隨時有驚喜)地點好易搵起黃金商埸附近，一帶食市雲集桂林街 呢到最多人食蝦子撈麵，好少搵到一間麵店蝦子真材實料之外仲加得咁足料，啖啖薑蔥黑柏葉蝦子撈麵 ($40) 都會充滿蝦子，蝦子富咸香，炒得又夠乾身~ 再加埋呢到個幼麵條韌性十足，爽口彈牙，同D蝦子撈埋黎食真係令人好滿足。薑蔥黑柏葉唔係處處都食到，由於無經漂過我比較鍾意食黑柏葉 黑柏葉本身無咩味，所以加左大量薑蔥MIX埋個效果好唔同，如果唔夠味仲可以點埋附上的辣椒鼓油蝦子撈麵係我心水推介仲有，每枱有樽醃蘿白用醋醃的味道酸酸辣辣，蘿白口感爽口，可以配麵一齊食~每個撈麵會跟一個上湯。睇落簡簡單單，麵底卻是食完會有掛念的感覺，未食過既朋友就去試下啦

每次到黃金商場睇電腦配件，總會不期然地跑往劉森記吃碗麵。醃蘿蔔一道只會在舊式老店先有機會遇上的免費小食，香港大概另有永華及中環水記可以找到，店方把蘿蔔切成丁方細粒，醃成甜甜酸酸的可口小食，清爽的感覺，令味蕾喚然一新。蝦籽鵝腸撈麵鵝腸並非新鮮貨，少了一份甘香豐腴的口感，實在有點可惜，但蝦籽很香，起了提鮮的作用，麵條很爽身，吃落只有淡淡的鹼水味，脫鹼處理得相當好。湯底亦同樣有很濃香的大地魚味，喝了幾口都不覺口乾，老店就是老店，認真就是成功之道。

早前聽講劉森記嘅蝦籽撈麵好好食，但無奈距離呢間店比較遠，一直想食都無機會試，今日難得有時間就專門坐車過去揾食喇，位置唔難揾，系小食一條街果度，附近都有好多美食，對面就有維記，果間雲吞都唔錯，不過今日就系想去食劉森記嘅，所以就直接去揾呢間喇，店面唔大，但都坐滿人。牛柏葉，好耐無食過喇，做得好爽口，好Q彈，再沾D醬料，口感好好，好開胃，作為餐前小食唔錯。蝦籽撈面，同我想象中嘅唔一樣，原嚟呢度嘅蝦籽系炒干身，口感比較特別，蝦籽有調味再炒，所以味道唔錯，麵應該系手工嘅竹升麵，感覺無傳說中嘅咁好食，但都唔錯，比較特別，仲系值得一試。每張臺都有放蘿卜酸系度，又酸又辣，好爽脆，覺得好好食啊，如果放入湯麵食會更加好食，我將果小碟仔都食曬。

今日去深水埗個朋友屋企攞返D野，中午就同佢一齊出去食飯，我叫佢帶我去食呢邊嘅好野，佢話我一定會有驚喜嘅，原嚟佢帶我去劉森記，聽講呢間店上過節目，應該系呢個原因所以好多人排隊吧，好多人排隊，等左差唔多要20分鐘先到我地。店內環境一般，但香港嘅老字號食店都差唔多，朋友點左個鮮蝦雲吞麵，佢話湯好鮮甜，麵系竹升麵，好有韌勁，雲吞又好味，佢話好好食。我點左個雲吞蝦籽撈麵，原嚟佢地嘅蝦有處理過，炒干身，簡直系良心作品啊，好多蝦籽，性價比好高，竹升麵條條都有鴨蛋味，好有勁道，條條分明，雲吞另外用一碗裝，有四個，雲吞入邊有一到兩只鮮蝦仁，好新鮮，又彈牙，仲有就系佢呢度免費送嘅酸蘿卜好好食，好酸，但又酸得好過癮，我將佢送嘅都食完，仲想再加，你地一定要試呢個。

難得daddy同mommy今晚出曬去旅遊過二人世界，得翻我自己一個人係屋企，夜晚無人煮飯俾我食，唯有自己一個人落樓地睇下有咩食啦 蝦子雲吞撈麵，性價比非常高，因為佢俾噶蝦子真係超級無敵多吖，差唔多將成個表面都鋪滿曬，而且撈麵噶軟硬度適中，唔會話太硬 撈麵同雲吞係分開噶，雲吞都幾大粒，而且肉質鮮美，個湯底仲好鮮甜 我最鐘意噶系姜蔥柏葉，下次嚟仲要再點，可以聞到好香噶味道，食得出同街邊簡直一個天一個地 酸蘿蔔酸酸甜甜，非常開胃，而且蘿蔔非常爽口，拿嚟送麵食真係啱曬

睇返openrice，原來上一次幫襯已經係整整三年前。因為對鵝腸念念不忘，平日唔會排隊的我也破例去等咗15分鐘。叫咗蝦籽薑葱鵝腸撈麵（$40）。蝦籽真係好香，麵也十分彈牙，而且份量多。可惜鵝腸質素不再，偏薄，量少，睇返相都睇得出唔同，可能有人會鍾意呢一種，但我還是比較鍾意以前。友人叫蝦籽雲呑撈（$40），反而保持水準，豬肉和蝦的比例好，大大粒。若果再去，不用排隊的話，都可以再幫襯。

一丁友黎到深水埗想食碗麵，就黎呢間老字號。我就叫做呢碟黑柏葉蝦子撈麵，黑柏葉夠爽口，煮既時間剛好，而且入口都幾滑，我就會嫌唔夠鹹會點埋鼔油食。至於蝦子撈麵，蝦子細細粒，撈埋入麵度鹹度就剛剛好啦，而且充滿蝦子既新鮮味，因為唔新鮮既蝦子係會有異味。麵質就算係淋，其實唔需要煮咁淋。食一碟撈麵其實唔多夠飽，最後要食夠兩碟先收手。

劉森記創辦人劉庭森靠一根竹昇，屹立香港超過半世紀，扎根九龍深水埗，為該區街坊提供價廉質優之麵食。劉森記現已交由其大兒子昌發及三兒子主理，繼續服務深水埗區。今天到福榮街拜訪客户，當要惠顧一下只點了雲呑麵一客麵未到，先來一點免費前菜-酸蘿蔔，蘿蔔入味，脆口無渣，按味道不遜何洪永華，按口感則更勝何洪，何洪的切粒太幼，他們的則大小剛好。麵到，先談賣相，非正宗，雪呑在上而面在下。看份量，最近嚐過何鴻、深仔、黃枝及永華等名氣老店之大用，以劉森記份量最大。雲呑麵 HK$27一如已往，會對湯頭、麵及雲呑三項一一作評湯頭顏色帶啡，從顏色已能判斷用料有炒過的蝦殼及蝦皮(小如櫻花蝦之蝦乾)，嚐一口，香濃鮮甜！除以上提及之材料，還有燒香的大地魚、蝦子及豬骨等等。湯底足料正統，扎實非常。一直標榜竹昇壓麵，記憶所及數年前吃的麵甚有嚼勁，咀嚼時可用鏗鏘有聲來形容，確實非凡之品！唯近年光顧，麵的嚼勁有感畧遜從前，不清楚是否已改用機器製麵，但仍屬佳品。今次感受亦一如近年，爽口彈牙，有蛋香，硯味輕。雲呑體積較大，不是金魚尾。饀料份量較多，味道一流，蝦肉既彈牙亦有蝦味，啤水時間剛好，蝦肉跟豬肉比例為八二，豬肉明顯混入大量蝦