劉森記麵家 (桂林街)

营业中

休息中

試左:蝦子撈面,豬手撈面,淨水餃,芥蘭豬手林D更o岩我!整體味道above average.真正平靚正.

我本身唔鍾意食全蛋麵,但經過深水步一於試下呢度既撈麵叫左蝦子撈麵,個麵雖然唔夠乾身,但無出面食到既鹼水味,而且麵質爽口,蝦子份量好多,不過比外面既價錢略貴,如果有機會去深水步一趟,不妨一試!

真的~只可說是普普通通，驚喜...0.5分，睇晒所有食評先出發，當然係試那好評如潮既薑葱黑柏葉撈粗+蝦子撈麵啦。But ... ... 黑柏葉較韌，又無味，蝦子係多，但又係無味既~Ｄ麵又涃口，老人家可能吞唔落tim.. .. (反而酸蘿蔔係OK~)仲有，唔知是否已加價，單拼$24；雙拼$28；三拼$32，都幾貴，因為幾細碟吓。to me, i' d rather go to 大家食。抵食好多，又好味~

已經是第四次去吃，依然繼續吃最愛的蝦子麵及免費的醃蘿蔔。雖然覺得好到底的麵質還是略勝一籌，但若將價錢、地點、份量及食物質素一併評分，劉森記可以說是更加出色。因為大大碟又滿佈蝦子的一碟撈麵才是$24，而且不用山長水遠的走到元朗，實在完全值回票價。不過若是要吃雲吞麵的話，還是要到好到底或者大埔平記，個人不太喜歡這裡的湯麵。

終於可一嘗呢度的蝦籽麵.麵質偏韌, 要咬幾口才斷及可吞落肚, 但無鹼水味.蝦籽很多, 每條麵線也沾着炒香的蝦籽, 連不太好麵的我也輕易把它吃掉.

今日由mk行到去入到去點左碗雲吞面d面剛剛黎個陣未食完就"軟"哂= = 同出面個d差唔多d皂水超重!!!真係好重!!!坐我個圍台個叔叔都咁講!!!d雲吞= =唉!!!比我係mk$10一碗差勁多可能我唔鐘意食爽既蝦呱但真係爽得太離譜喇食完好渴候= =唔會再去食!

由細到大都住呢區,但真係無留意呢間野. 話說又係度搵野食的時候, 發現呢間野好評率極高. 專誠一試. 計過度過, 不算太餓的兩人, 點了汽水, 剩水餃, 黑栢葉+蝦籽撈麵, 水餸味道不差, 但應該未算可以馳名, 而黑栢葉+蝦籽撈麵真的是一絕. 黑栢葉沒有多少人可以煮得剛好口感甚佳, 他們做到了. 而蝦籽份量極多, 外面實在很少可以吃到了, 麵絕對沒有梘水味. 待應也很有禮, 有兩個問題最大的是就是要"等很耐", 趕急的朋友勿試就是, 和位與位間實在很迫.

Their prawn egg is really flavourful, the noodle very very bounce, and bcos they added soy sauce instead of oyster sauce to the lo mien, the texture is less sticky and the flavour of the prawn roe and noodles are enhanced... it's even better than Mc Un's... but Mc Un's soup and wonton are still better. So I would definitely recommend this place as the best prawn roe lo mien place I had so far.. in HK, or in the whole world

到附近辦事後，想起這兒。點了客雙拼撈麵，：蝦籽撈麵拼水餃兩隻（$26），係貴但係好食。乘MTR 回家，依然美味。撈麵有嚼勁，蝦籽下得好，量多，每條麵條都披上足夠的蝦籽，甚是感動。那兩隻「馳名」水餃，係正野，足料餡正！外帶絕對係錯誤的決定，下次還是堂食！就讓我感受best of the best~

竹昇面果然不同；小女子平素上雲吞面舖都不喜吃面，就是嫌有皂水味；但這裏的沒有，很彈牙。推介蝦子撈面；蝦子很多，很香口，與彈牙爽口的面成絕配。吃之前記得先撈勻，因為蝦子都舖在面，如果唔撈，吃到下面就冇味了，切記切記。

尋日食完松記行去mtr既時候..突然見到我一直想試的劉森記(各人在openrice對此店的評價很好!)..唔理已經幾飽既肚...都入左去試!下午3點...都幾多人!叫左個豬手蝦籽撈麵($26)同男朋友share...份量係細左d...食落唔太dry...蝦籽係好多..但略嫌唔夠味道!個麵好爽..唔錯.....總括黎講ok既...唔算太好食下次冇咁飽既時候..要試下d雲吞

去深水埗買D嘢。呢排經常性係度出沒，差唔多食勻呢頭嘅食肆。無計可施之下，都係穩穩陣陣番嚟呢度食麵好過...牛腩水餃撈，再食兩三口醃白籮蔔開吓胃，fit晒...牛腩依舊入味，當然比陳南記還差一截，但已係水準之作；水餃亦係意料之內嘅好--- 皮薄、蝦新鮮夠大隻、木耳絲份量足，水準依然係全港數一數二...麵仍然乾身彈口、鹼味不多，合格有餘...滿足...

Openrice o的食家絕大部份人都讚呢度o的蝦子撈麵好野，麵無鹼水味，水餃又大隻又好食。由於我曾經響附近做野，lunch同埋o的同事一齊，都幫襯佐呢度好幾年，一句話，唔難食而已。尋日又到附近買野，有o的肚餓，又見其他檔口無吸引，於是來食碗麵。我叫佐蝦子撈麵同剩水餃。蝦子無疑係好多，但係無香味，水餃好似一向咁大隻，不過水準極之不穩定，有o的幾好味，有時無味，應該係包埋幾日用之故。不過，最唔得o既係o的湯，一向湯都唔係呢度o既強項，不過今次仲奇怪，竟然甜甜地，當堂唔想飲。唉！食蝦子撈麵竟然無湯送口，成口沙咁，梗唔得，唯有夾硬飲，感覺當然唔良好啦。不過佢\平，兩樣夾埋都係40蚊。街坊生意，唔可以咁高要求o既o勒。但係值唔值得專程拜訪，就見仁見智o勒。

好難得寫一個食評, 因為呢個真係無辦法唔寫...睇過d 雜誌話呢間麵店d 竹昇麵真係用手打, 而且無鹼水味, 又夠彈牙之類的, 加上openrice d 人都幾乎所有人評佢好食, 所以就特地為左食呢個水餃麵而去呢度...首先如果真係未去過而又想去既朋友, 我想講跟住"桂林街48 號" 搵會死人... 因為果條街成個牌棟住叫"福榮街"... 我來回行左成條桂林街三次先搵到... (明明佢真係桂林街尾尾黎...但就係唔知點解就係果一節寫福榮街...我男朋友都話: 留心記嘛! 唔記你唔得啦!!)然後, 我地辛辛苦苦終於都黎到啦, 心諗一定要食返夠本, 唔係一定枉行~~ 就叫左一個水餃麵同埋牛根牛腩米, 水餃真係好大隻... 有兩隻大蝦, 不過腥腥地大隻都無用, 咬落去有口感係因為蝦, 荀絲同雲耳都係得一條而且牙籤咁幼有等於無, 豬肉比例少, 總括黎講只係覺得大大隻好好咬,而且價錢相宜... 但味道就係... 可能我唔識欣賞啦個麵, 佢真係無鹼水味, 而且好彈牙... 不過敗筆係個湯底真係唔得, 或者佢咁樣做原意係想大家食真d 真係無鹼水味, 但係一個好既麵無好既湯配... 幾好都無用, 愈食

早前的食評已經講過:叫水餃牛腩撈麵時,水餃數目有時兩隻,有時三隻. 但近數個月,已經是穩定的三隻,所以便特別覺得抵食. 因為如買生水餃,每打要三十四大元,但假如叫雙併撈麵,加多四元便有三隻,條數唔知點計?但今天不知如何,又變回兩隻,便終於忍唔住口,要問阿姐,好人事的待應姐也不明.要問煮麵的阿姐.阿姐回答說,假如牛腩給多了,水餃的數目便會減少一隻.當下立即低頭一看,發覺牛腩的份量的確是稍為多了,於是便接受了她的解釋.但是私下覺得這做法欠佳,因為如果不是我多口問,便永遠不知道. 又,牛腩的份量,不是水餃那麼容易計數,多與少是很客觀的.是以容易引起不滿,損害店的聲譽. 而且在下覺得水餃的水平比牛腩較高,是別處吃不到的,我不在乎牛腩,而是在乎水餃而來,所以埋單時,特地叫了一打生水餃打包回家吃才夠喉.