劉森記麵家 (桂林街)

营业中

休息中

辛苦o左一日,又夜媽媽,想搵一些能令身及心靈得到滿足的食物,必來呢度.今日叫o左蝦子牛肉撈麵,凈水餃,一支提子汽水.蝦子撈麵好味唔使多講,那些牛肉亦灼得剛剛好,配埋D薑蔥及鼓油o黎食一流.水餃D蝦新鮮彈牙唔在講,D筍同木耳咬落聲,三種食材在口裏彈來彈去,得到滿足的口感.飲埋蔥花清湯,飲埋支汽水,全身滿足感十足.可以返屋企訓個好覺....

睇了Openrice d 食評咁耐, 今日夜晚同朋友專登0黎試.- 細份薑蔥黑柏葉+ 鵝腸(圖上): 細份都咁大份, 嚇親. 兩樣0野都洗得非常乾淨, 完全無異味, 咬落爽脆, 薑蔥幾惹味; 加埋辣椒豉油香0左唔少. 值得一試!- 魚蛋/魚片麵(圖下): 麵質一流, 無鹼水味, 咬落爽口彈牙, 非常唔錯! 可惜湯底幾勁人造味精0既味. 魚蛋魚片都彈牙, 但魚蛋0既魚味就勁d, 好好食.朋友叫了雲吞撈麵. 賣相一般... 雲吞係bite size, 不過好多, d 麵下面有成7, 8 粒! 入面有蝦又有豬肉, 味道口感都唔錯.環境認真麻麻, 迫夾, 我0地仲因為坐0左0係廚房(?) 門口, 經常聞到好大陣好難聞的燒燶0野/油煙味. 招呼都算ok 啦.埋單約$45 一個頭, 好食又食到飽飽, 滿意的一餐. 有機會再0黎的話要試蝦籽撈麵!

專程來試了蝦子撈麵，味道不錯，但比好到底差，特別是那個湯底，怪不得好到底貴十元仍不乏顧客。

就因為呢度咁多食評讚口不絕就去試一下，果然名不虛傳。和朋友去，點了蝦子撈面和雲吞撈面。蝦子撈面鋪面的蝦子真的很香口，超讚的，面底也夠爽。至於雲吞撈面都是傳統的蠔油撈，一般，雲吞則是非常出色。廣東雲吞最重要一環的鮮蝦，非常大隻兼爽口，回味無窮。臨走見到隔離桌的豬手賣相不錯，下次番來再試過。不過可能鋪仔太開揚，衛生只是一般，有隻蒼蠅常飛個不停，稍為美中不足。

要搵好食嘅雲吞面都唔易，之前見呢間咁好評，決定去一試。兩個人叫咗一個雲吞炸醬撈，一個豬手蝦子撈，兩樣都好有水準。蝦子撈好惹味，D豬手夠淋兼入味。佢嘅面好靚，冇咩梘水味，同埋軟硬度適中。我初頭以為淨係佢個蝦子撈面出色，點知原來佢D雲吞都好爽，好好味咖。所以如果大家有一日好想食一個好味道嘅雲吞面都可以走一趟，順便仲可以係附近食埋甜品。

位小,要門口等,我就轉叫外賣,呆等3 個字只係叫左鮮牛肉撈麵同蝦子蝦撈同你地推介既芥蘭話超好味??食完就一d 都唔係依一件事,芥蘭只係同一般芥蘭冇咩分別唔係差囉又唔係你地講到天花龍鳳,先講鮮牛肉撈麵,牛肉食得出係好鮮不過同冇味差唔多,可能佢係賣鮮味,另再叫蝦子蝦撈都係只有蝦子果小小味,成碟野都係淡.... 蝦只係比得果2 隻最大問題,二者都係麵太過乾身,唔係太可以接受,我好唔明菜Sir點解推介佢真係要堂食先好食? 如果賣點係賣鮮同原味都尚可,服務好,叫你等囉,我都係睇yahoo 推介,我係住天天果邊,依間係好多人都係睇yahoo 而o黎,如果食慣原/鮮味就推介,我同我女友真係唔識欣賞

好難食呀~~~~~~~~~其他野未試過

昨晚和老婆仔去幫襯，地方太窄顧客太多，要不斷扭動身軀來躲避夥計手上的滿載熱湯的盤碗，腰都扭到痛。但蝦子撈面的確不錯，雲吞和牛筋也非常好味，腐乳通菜非常超值，而桌上的一大罐腌泡白蘿蔔任食更加是神來之筆。但似乎只會在熟客坐下的時候才拿過來，有些偏心啦。

試咗蝦子雲吞撈麵，雲吞同湯另上，所以唔會整濕ｄ麵。ｄ麵本身真係好正，麵屬於幼身個種，有旦香又彈牙，另外淥麵功夫好得，個麵夠乾身，加埋ｄ豉油同蝦子，夠晒香，一個字形容：正！麵湯夠味，全部飲晒；雲吞都幾好，不過呢到係鮮蝦為主個種，如果係豬肉多ｄ重好。加埋碟油菜都係３７蚊。

劉森記, 食過好多次, 蝦子撈必食之選, 通常都會+水餃,牛栢葉或者豬手,最好嘢係... 樣樣都覺得好味, 仲有佢地跟面個湯, 你都飲到陣蝦子味, 亞姐服務有禮! 唯獨係環境一般, 天氣炎熱, 行住冷氣都食到身水身汗, 但總括嚟講, 值得一試!

一向很愛吃蝦子，上星期終於可來一試這兒的蝦子雲吞lo麵。很是好吃，味道豐富之餘亦很有層次。最重要是蝦子份量足夠，不似別的欺場。如果雲吞可以多一粒和每粒雲吞的豬肉份量多dd那就有滿分了。另外，鋪面細小，人客超多，而冷氣不足都是令人有不舒服之感。

雲吞好味蝦子麵好多蝦子不過冇乜蝦子味只係一般食完果晚肚痛肚痾不過同我食同一樣野o既朋友又冇事可能自己腸胃唔好

昨天吃完撈麵, 今天來試雲吞麵. 雲吞麵材料新鮮, 麵很彈牙, 湯好像有點味精. 還是撈麵較出色!

無乜胃口下只想食一碗湯粉.試了黑椒牛丸河.只有三粒黑椒牛丸, 每粒中間了一下, 幾大粒, 彈牙爽口, 但牛味和黑椒味唔算重.河粉嫩滑, 有韮黃和葱粒伴吃增清爽.

到黃金買Mouse, 順便試試劉森記.下午2時多, 要等位.點了煆子撈麵. 麵質一流, 非常彈力乾身. 煆子也不少. 十個正!跟的湯, 唔知關唔關天氣事, 飲幾啖己經好口乾.下次要再試下其他, 服務不錯.