劉森記麵家 (桂林街)

营业中

休息中

同女友食晏，來來去去都係果幾間，於是特登走出深水步同佢睇下有咩餐廳未試過。行行下去到劉森記附近，見佢出面貼晒O的雜誌介紹，就入去試下。入去到，細細間麵店坐到爆晒，我地都要搭檯坐，不過黎得呢o的地方食唔要求得咁多。我地叫左三樣野，包括豬手撈、薑荵牛肉麵同淨雲吞。先係我既豬手撈，豬手入味，有咬口，good！麵質亦都好好，爽口彈牙冇咩鹼水味，加埋豬手汁，絕對係美味。女友既牛肉麵亦唔錯，牛肉軟滑，麵質唔駛講。至於雲吞，中規中矩，好味，但唔係好突出。食飽飽，都係幾十蚊找數，平有平食貴有貴食，有時周圍搵下o的又平又抵既野食，都係種生活情趣。我諗我會再幫趁呢間野，試下佢既蝦子麵係唔係真係咁正。