劉森記麵家 (桂林街)

营业中

休息中

雲吞蝦子撈麵~~ 好好味!! 雲吞皮夠薄, 材料多, 原隻大蝦+豬肉....., 粒雲吞非常彈牙又好香.  雲吞浸在熱辣辣的熱湯中, 雲吞皮索滿了上湯, 粒雲吞連熱湯一齊食, 好正!!  蝦子覆蓋滿了noodles, 啖啖都是濃郁的蝦味道, 好香口!!另外還點了一碟薑蔥鵝腸和薑蔥牛栢葉, 鵝腸就煙煙韌韌, 而牛栢葉都爽口.  隨碟奉上調味醬油, 將醬油撈入去鵝腸和牛栢葉內, 味道咸咸地又非常爽口!!枱上放了a bottle of 醋浸蘿蔔, 味道酸酸甜甜, 超級爽, 在等待上菜前時吃, 會好開胃好醒神!! 每次去劉森記都必食的小食!!

有一天放工, 百無聊賴, 又不想回家。一個人漫無目的駕著車, 想了好一會, 不如去當個搬運工, 清一清屯積在車內而要送到朋友那邊的存貨吧!! 與肺友商討好, 決定先吃個晚餐, 再到他那邊。就在想想之際, 車子輾轉來到了深水埗, 於是便簡單的找個食。心中一直都想來這邊試試的打算, 車子停在門口, 見外面有一龍, 約三四人長, 正在等候。心想, 要吃個麵也要排得那麼熱鬧?! 心中盤算了好一陣, 還是不要到外排隊, 不如留在車上整理一下再進去。(我有停車熄匙呀!)就正因這一個決定, 我認為我明智地選擇對了!! 因為在這之後, 發出了兩個狀態。一, 突然一陣一行二三十人的人群, 浩浩蕩蕩的來到了店前, 由本來一條小貓三兩的人龍, 變成了一條不知名的長巨龍。心想已預定到別家的打算, 不吃白不吃!! 二, 突然聽到"啪啪"的幾聲, 在未夠三十秒的時間之內, 突然下起了如將車子也沖掉的傾盆大雨。 整條巨人龍也給嚇呆了, 於是開傘的開傘, 慌忙避雨的死守在簷篷底下, 一動不動。我卻靈巧的呆在車上聽雨聲, 身子沒一點能濕。打兩通電話, 打量數遍電郵檔案, 等到雨下得沒怎麼樣, 人龍漸漸如貫入內, 才不慌

偶然路過這間想試好耐的劉森記， 剛好三點三，下午茶時間又到！這店以蝦子撈麵最為出名，今日試了蝦子牛筋撈麵。手打竹昇麵煙韌彈牙，香口蝦子密密灑滿整碟麵。牛筋非常淋，有點黏黏的，最愛這種口感！免費的酸蘿蔔亦很好味，剛好中和一下！大量蝦子跟腩汁混埋有點太重口味， 下次會試試只要其中一樣。

一直對撈麵都沒有什麽好感感覺麵條太乾身咬起來太費功夫不過這次嘗試了劉森記的蝦子水餃雲吞撈麵要重新對撈麵評價蝦子麵:麵條很容易咬，蝦子吃起來感覺略重口味，不過低下的芥蘭和免費的酸蘿蔔配合起來吃中和了太重的味道雲吞:本身味道是不錯的，蝦大吃起來很有吃感，不過沒有豬肉的配合，個人認爲有些失望水餃:以爲竹升麵店最出色的是麵條和雲吞，這裡的水餃水準居然和雲吞不分上下，料足，内陷多，皮薄，標準好吃的南方水餃

與友人在劉森記吃晩飯，曾去過福榮街那間，今次轉去試桂林街那間。 是次我們點了蝦子撈麵(配雲吞、水餃)，麵質爽滑，賣相也頗吸引，蝦子差不多鋪滿整個麵之上，質素與坤記竹昇麵的能相媲美;雲吞、水餃的皮身薄滑，一夾粉皮，肉料也不會散出來；內裡肉料豐富，用上新鮮蝦肉及豬肉，包得也很大粒，一口麵一口雲吞加水餃，確實美味非常！

今日終於試到劉森記 之前諗住等位會等好耐 點知五洗三個字就有位一去到我就叫左個蝦子黑柏葉撈麵 個撈麵爽而且彈牙 口感很好 蝦子粉也不少 可惜蝦子未夠香 但亦相當好味黑柏葉其貌不揚 但口感爽脆 柏葉本身並冇乜味道 所以餐廳很貼心的奉上了辣豉油加上蔥和少許姜絲 令撈麵五會感覺好寡 正而撈麵嘅湯亦有大地魚味 可惜湯嘅味精亦不少但整體非常好味 而且份量不會太少劉森記有免費酸蘿蔔任食建議食完要飲小小水先食麵酸蘿蔔味道亦很好 辣同酸都剛好 絕對五係免費就粗製濫造愛酸辣食物嘅人五好錯過 正啊喂！加埋支可樂都係四十幾蚊 咁嘅質素 其實幾扺嫁環境衛生正正常常 服務都係一般茶餐廳咁啦 坐就五係特別舒服似終客多 但都五係好逼 亦冇因為人多吹客走有機會都想再食

今次是第2次來食，住深水涉的朋友介紹。 本來想食京都炸醬面，但已經賣晒，好可惜，所以叫左雲吞撈，男朋友叫左黑拍葉撈面，我地再叫多個剩水餃。味道: 都好食，但我覺得油左d味道: 男朋友都覺得好食, 餸的分量好多。味道: 分量好大，好多，味道ok味道: 超好味

上次去開深水埗，首度幫襯呢間名店，叫咗個「鵝腸蝦籽撈麵」。鵝腸實在驚為天人，比平日吃到的略大和厚身，質地好爽口，份量也頗多！至於其招牌撈麵，配埋蝦籽好好撈，味道適中，食完又唔會好口渴。友人則叫了雲吞撈，我試咗一粒都唔錯，但就不及鵝腸驚喜。

經常由太子去深水步外賣淨筋腩回家送飯住今晚又突登去買 ! 打開盒感覺唔錯以下相片可能另人情緒不安全部咬唔入,吐返晒出黎全舊係膏,起碼有4~6舊結果四份三盒倒落垃圾筒我唔知點解會差成咁屋企鄰近有好旺角我都唔幫襯佢既牛腩,突登落去深水步買,又多一間例入我黑名單

朋友話帶我去食好野, 我就睇下佢有咩好介紹,其實深水埗都好多小店係值得推介下, 我唯有係咁食食食食啦我地剩係叫左撈麵各一, 因為要留肚去其他店試食,蝦子好多, 鵝腸爽到不得了, 牛腩好'林'好入味圖中未有雲吞, 因為店員話雲吞未煮熟, 先比我食住先, 唔通佢知道我好肚餓過左一陣就到啦, 呢粒雲吞有兩隻蝦, 果然足料同新鮮呀~~~牛肉只是一般發粉牛肉, 可以省略不得不提檯面免費食既酸蘿蔔, 酸度剛剛好, 可以中和用撈麵既少許油膩感

由於係大約下晝一點午飯時間，所以等左大約7分鐘第一次去食，就叫左個：蝦子牛腩鵝腸撈麵 ($40) ＋ 樽裝 Cream Soda ($6) ＝ $46蝦子 ﹣ 數量多、甘香牛筋牛腩 ﹣ 夠淋、入味鵝腸 ﹣ 爽、脆、滑，加埋辣椒豉油簡直一絕 麵 ﹣ 爽脆有彈性湯 ﹣ 甘甜，食唔出有味精 免費酸蘿蔔 ﹣ 正，任食到唔停得口下次有機會去食埋黑柏葉先

週日的深水埗慣例人山人海, 大血拼之前先來一個下午茶, 揀選劉森記是因為其名氣, 記得多年對惠顧過, 但味道如何已很難記起了.雖然是一支公但堂食爆滿要等, 幸好等了五分鐘就有位.坐下先看餐牌, 湯麵$24, 撈麵$30, 而有蝦籽的就要$31起. 來這些老字號麵家通常都只叫雲吞或水餃, 今天就來了一個蝦籽雲吞撈麵. 等待期間吃了幾粒枱上的酸蘿蔔, 味道是出奇的好, 甜酸恰到好處, 是很好的開胃菜. 不久麵上來了, 蝦籽的確如雜誌的介紹般舖滿麵上, 而麵的份量在撈麵來說也算多, 不過雲吞就太少了, 只有三粒. 蝦籽的咸香味比想像中少, 鮮味也欠奉, 麵更是令人失望, 沒有彈牙的口感, 也沒有全蛋麵獨有的蛋香, 麵身也比較乾, 有少少在吃粉團的感覺, 遠比我的雲吞麵至愛棠記差. 幸好最後有雲吞及湯挽回不少分數, 整份撈麵不至於一無是處.雖然有點失望, 但吃飽過後充滿力量去遊走深水埗, 也是頗滿足的.

男朋友話去深水埗搵食, 其實我唔知佢已經揀好左劉森記之前都食過幾次, 佢好鍾意食既今次唔駛等位, 人流都唔算多我地今次嗌左兩款, 另外加多支豆漿 ($6)~ 蝦子牛根牛腩撈麵 ($35)~ 蝦子牛腩鵝腸撈麵 ($40)先講蝦子牛根牛腩撈麵, 一黎見到勁多蝦子舖晒o係d麵上, 而牛腩唔係一大舊咁上, 而係切好一片片, 牛根牛腩分量適中, 底下有d菜, 唔會咁lum, 幾好幾好~而蝦子牛腩鵝腸撈麵, 鵝腸爽口, 有碗醬料俾你, 係豉油+辣椒既, 牛腩分量都適中上菜時間都算ok, 價錢都可以接受

在黃金商場附近逛街一會兒，已覺得非常肚餓，係時候找間食肆開餐啦，劉森記係我其中心水食肆之一！劉森記已超過六＋年，佢仍能保持傳統的口味。當你進入去，會發現每張枱都有一樽自家醃製的酸辣籮蔔，聽聞係以前嘅雲吞麵檔的慣例，俾食客嘅開胃前菜；蘿蔔非常好味，酸甜得嚟又非常爽脆，而且係免費任食，老闆真係非常濶佬，現在係香港社會有幾多間舖可以搵到及食到呢？ 今次我點了蝦子冬茹水餃撈麵及雲吞水餃相拼 劉森記嘅麪條係遵從傳統的竹升靱製，加上鴨蛋搓粉，食落有很香的蛋味；口感帶有爽滑的感覺，而且麵條上灑上密密的蝦子，加上香滑的炆冬茹，簡直可以再來一碟。另跟隨撈麵送上的麵湯，係傳統雲吞湯的烹調法，加上滿滿的韮黄，很好味。佢哋嘅雲吞，體積好似成粒乒乓球，係用免治豬肉加上爽脆的蝦肉而成，混入大地魚粉調味，食落能令餡料帶出豬肉的鮮味，正正正！不過佢嘅水餃係我及媽咪嘅至愛，體形非常大隻，而佢嘅餡料亦唔簡單，除了有主要的免治豬肉及爽脆的蝦肉外，還有筍絲、冬茹絲及黑木耳絲，口感非常豐富及複雜，有軟滑及爽脆的感覺同時存在，令人回味！。

這天要到深水埗走一趟，當然不能錯過這裏的美食，來到了人氣的劉森記，還是硬着頭皮的來吃我沒有很愛的蝦籽麵，想必它那麼人氣定必有其過人之處吧！記得約一年前朋友說起劉森記要到劉森記吃蝦籽麵,我一口便拒絕了, 想不到時至今天會有這一份勇氣, 是被陸羽的杏汁白肺湯感動了吧 (詳細可見陸羽茶室食評)。在星期日兩點多的下午來到，須要稍為排隊一下，但未幾便可入座了，但店員大多很忙，要請一個店員點單還真不易，終於點到了豬手跟牛腩蝦籽麵，應是這裡的人氣之選吧！看到有不少食客亦點了雲吞，估計亦不錯吧。 在沒多久後麵便來了，麵鋪滿了深咖啡色的蝦籽,輕拌一下蝦籽,麵質是比一般的幼細, 而且呈很密的波浪狀的, 是竹昇麵來的, 再吃一口麵,好吃! 沒有那種蝦籽很濃很濃的味道 (是腥氣嗎?), 但口感是彈牙的幼麵,再加上粒粒很細小的蝦籽。奇怪,牛腩在哪裡? 仔細一看，原來牛腩並非一般切得像四方形的，而是斜切的，比一般的要薄身，肉質看起來很嫩滑，吃起來亦一樣, 很夠腍,而且深深入味; 豬手膠質很豐富,但去毛的過程沒有很完整,而且在公眾場合吃豬手,還真的有點束手無策....還是不要吃豬手好了,有機會的可試雲吞。另外, 附