前家樂餐廳火鍋店 (已結業)

朋友約好左聖誕節來"前家樂"打雞煲邊爐，一個月都同朋友黎幾次呢度，變左自己既飯堂咁制，呢次食雞蚧煲。從前的雞蚧煲的蚧好細隻膏蚧仔和紐西蘭青口和魚骨，宜家的比之前既好味多啦，一隻大蚧和好多海蜆。加左海蜆我更加鍾意 ，微辣已經好足夠，多芫茜多紫洋蔥，份量合到好處。order左日本蠔，大大隻來到，放入火鍋度，鮮味十足，推薦推薦。蓎蒿菜和蜂巢豆腐都幾唔錯。環境大致上感覺簡單，舒適既。如果可以容納多點人就好啦～因為太多客人。店員不太足夠，有多幾個就好，但服務都幾用心，看到都好盡力。 有將來的，開多幾間分店，在我家附近。

今晚18度, 話凍唔凍, 話熱唔熱啦, 就約阿媽今晚食下雞煲打邊爐烚下烚下先! 呢間前家樂係我朋友介紹嘅, 其實之前聽過個名我覺得有啲快餐店Feel, 所以呢冇乜特別話好想黎食, 不過見到咁多好評就試吓啦, 佢係奧運站行行人天橋既大角咀出口隔離, 都算方便, 火鍋店面積都唔算細, 不過呢都坐得幾迫下架, 我估呢間鋪頭生意都應該唔錯喎. 入到黎唔知食乜好, 有個後生仔就介紹咗我地食雞煲, 好啦, 就食呢個, 我都幾鐘意雞煲, 初初唔知呢個後生仔原來佢係老闆, 以為佢係侍應, 我問同佢係咪叫家樂佢話唔係, 原來前家樂係有意思嘅, 佢係想一路向前而且希望呢間火鍋店比到一家人快樂的感覺, 聽完之後令我對呢間火鍋店既感覺唔同左. 晚上都幾FULL, 要預先訂枱.先叫野飲先, 有少少失望, 因為係支裝而唔係自己煲嘅.另外叫咗啲火鍋配料, 個賣相都唔錯喎, 望落好似幾新鮮先食雞煲, 我哋要左小辣, 但係其實都幾辣喎, 不過D雞真係好鮮嫩, 加上唔同嘅花椒八角等調味, 好麻, 我好鍾意呀! 但係媽媽就覺得好辣啦, 店員呢亦都好細心, 扐左一碗清湯俾我媽媽去沖洗一下辣味.食完雞煲就加清湯落去打邊爐啦,

With a clean modern looking signage, the interiors seemed a contrasting superimposed-upgrade from inheritance. The atmosphere was that of an airconditioned well seasoned neighbourhood eatery.The owner is a young polite and contemporary gentleman with an ethic for low or no food wastage in a very fairly priced ala carte hotpot eatery and would boldly but very politely remind customers that he has "no intention to limit customer's capacity but simply a gentle reminder to treasure food", very align

天氣開始凍，又係打邊爐的季節。大角咀打邊爐選擇甚多，豬骨煲、港式火鍋、日式涮涮鍋、雞煲應有盡有。有朋友竟然從來沒有食過雞煲，就讓他到前家樂試試。這晚是平日的八點多，店舖面積不算大，訂了枱但我們一行四人還是要等了約20分鐘。進入店內，不花巧的裝潢，但尚算企理乾淨。明顯這實而不華的風格真實地反映在價錢上， 比起那些裝修華麗的火鍋店，我更喜歡這實力派。朋友唔食得辣，所以叫了一個不辣的雞煲，麻度要了微麻。雞煲就食得多，唔辣倒是第一次。由於係即叫即整所以等了一會兒。過了約十多分鐘，終於來了，餓昏了的我們老實不客氣你夾一件我夾一件。店主採用了三黃雞，雞肉極之嫩滑，炒得很香很惹味，還加入了我至愛的洋蔥，大讚！洋蔥完全吸收了雞煲的精華！這個唔辣嘅雞煲完全是意料之外的驚喜！雞肉吃到差不多，店員幫我們加湯打邊爐。肥牛份量相對價錢都算係幾多，肥瘦度適中，吃落有咬口。日本蠔肥美大隻，不過上枱時未完全解凍，略嫌扣分。不過$78有成6-7隻，咁嘅價錢仲想點？芝士竹輪 $48店長自家創作，獅子狗卷外型但内裡注滿了芝士，建議等一會涼一點先食，因為芝士會爆出來，記得睇熱呀！蔬菜拼盤實屬超值之選！必叫！自問是邊爐迷，港九

其實自己黎左好多次，每次黎都感覺好享受，好開心!認識呢度既老闆Johnny，欣賞他的真誠心，非常用心經營，每次都問我地岩唔岩食，如何才可做得更出色。今次依然係食麻辣雞煲，食過的最好味既雞煲火鍋，由第一次食雞煲，每次都有進步，雞的肉質好鮮味，滑度剛剛好，煲得時間耐都唔會老，味道口感符合我的小要求。每次力加湯會令湯淡左，但店員介紹可以加入四川麻辣醬調下味，味道重返晒。加左芝士竹輪，鮮嫩肥牛肉，韮菜餃，紅薯粉，唐生菜。菜好吸味，唔錯!!!愛上這火鍋店。希望快快開分店發揮光大

一月一日同朋友來，聽朋友介紹話呢間前家樂既雞煲好好味，佢講左好耐，今日終於約黎，等左大約半個鐘就入得啦。我地簡左麻辣雞煲，微辣就足夠，因為少少微就夠，可以品味下雞。上台黎到之後等左2分鐘就食得，好香噴噴的香味撲鼻，之後慢慢食，我感覺越食越野味，哈！正呀！我朋友無介紹錯，會食上隱的雞煲。食完雞之後店員同我地加湯打邊爐，叫左日本廣島蠔、响玲、鮮嫩手切肥牛小份、墨魚滑、蔬菜拼盆。這些火鍋配菜大致上都幾新鮮，伙記招呼都十分之體貼，埋單後員工仲關心我：岩不岩食？和有無地方可以進步？感覺好warm，謝謝我朋友介紹。食物好食，服務幾好。我認為可以改善的地方係加多一兩位同事，人手足夠服務更周到。加油，大力支持的火鍋店

天氣不似預期，但天寒地凍，最好就係打邊爐。這夜與朋友去大角咀打邊爐，她是地膽，當然知道邊間好吃。我地去到已經見到人龍，好彩等左陣就有位。今日是平日，估不到會坐滿整間餐廳，人聲鼎沸，真係好熱鬧十足。我們點的飲料：酸梅湯，雪梨海底椰餐廳有免費紙巾供應，好貼心的火鍋店！可自選麻和辣度，又有配料剔選。雞煲終於登場了！BB辣正常麻辣度，一揭開個煲蓋就嗅到陣陣香濃的雞味，又有芫茜，紅洋蔥，蔥和黑椒爆到好香好惹味。第一次打邊爐不用蘸醬油，原汁原味成煲吃，好過癮！食完雞煲，將清湯倒入原煲，等一陣打邊爐⋯⋯材料好新鮮，款式又多⋯⋯牛柏葉、竹笙、響鈴、螺肉、款式應有盡有，多款打邊爐必不可少的丸。芝士丸、芝士腸、豬肉丸、彈牙爽口墨汁墨魚丸最特別是木耳丸，包含了超多的木耳絲，皮薄饀靚，仲有鮮蝦仔，好足料！還食了雲吞和韭菜豬肉水餃，粒粒不同口感，真係好滋味。豬皮和豬肉片都被朋友清光了。混入了鮮蕃茄的湯底，另有一番風味，食落有陣陣鮮甜味！新鮮蜆肉、松葉蟹棒最得我心～打邊爐還有新鮮蔬菜，如生菜、茼蒿、白蘿蔔、蓮藕等，材料吸曬煲內的精華，吃得好滋味！打邊爐最重要是材料新鮮，我同朋友都吃得好開心！

天氣終於轉冷，到左瘋狂打邊爐既日子食厭左任食火鍋，轉去搵啲單點火鍋，希望食質不食量於是揾到呢間係大角咀的前家樂店員極力推介麻辣雞煲 可惜朋友唔食得辣唯有轉點醉雞煲 3人點左半隻（＄148)好驚喜！隻雞一黎到已經聞到好香的酒香味放入鍋煮就更加香濃 食落酒味好入味之外雞肉的肉非常甜非常滑 第一次食到咁好食的醉雞我好鍾意食鵝腸（＄68)，但唔係間間火鍋店都有見到就即叫，食落好爽口好新鮮！另最鍾意食乜滑麥滑 於是點左雙拼滑（蝦，墨魚）（＄88)2大PAT，見到就開心！食落真係蝦有蝦味，墨魚有墨魚味唔似任食火鍋店個啲，食落只有面團味道同口感是大讚的！！另外點左鮮嫩手切肥牛肉（小）（＄158)脂肪雪花分佈得唔錯，食落彈牙，唔UN，牛味亦好夠不錯不錯！

平安夜約好的一餐，知道呢曰會特別熱閙，人又多，等左陣就入得坐。期待好久的雞煲上台啦，小辣一隻，第一口食落感覺好嫩滑。本人都熱愛麻辣，慢慢食下食下，越食越野味，真正的四川味道食到一半個時就發揮出來。大家都好喜歡。我們選擇左鮮嫩手切肥牛肉，好有鮮味道、雙拼滑、三式餃子，仲有流心的芝士竹輪，加上上湯打邊爐一個字：正！。我真心推薦黎食美味火鍋之餘，還感受一份真誠服務，埋簞時店員還關心我們，問我們岩食嗎？有無進步的地方，我會支持的店，感到經營前家樂的人是擁有一棵大愛的心。加油

今日同朋友想食雞煲，但旺角太子都好多人。我地選擇到奧運站大角咀埃華街的一間雞煲店。小店名叫前家樂立即諗起藝人錢家樂!一入到都不算太多人，但去到1930的時候人數就愈來愈多。我地2個人叫左1個麻辣雞煲，可揀BB辣、微辣、中辣、小辣、大辣，非常配合各人需要。我其實不食得辣，最後我地揀左BB辣，辣度啱啱好少少已足夠。終於都到..天氣寒冷了特別多人吃雞煲！老闆說此店是用三黃雞製作，肉質幼嫩而且不會太多油。原來三黃雞經過去油又切件，相比其他雞會更健康。經過大火滾一會兒，內有有很香葱、芫茜，花椒、八角等。當雞煲都到時，我偷看了是由一位老司傅將雞件炒起還有我喜愛的洋葱!那麼多配料將三黃雞弄得超級入味。吃完雞煲後就可以打邊爐，此處有稻定烏冬及紅薯粉~紅薯粉比較少見，面質幼細一條條猶如水晶一樣。因為紅薯粉經過煮過後成為透明超滑溜。此店的熟客都應該常常光顧，不停叫一位店員做家樂仔、家樂仔加湯。老闆說:無所謂，我店所有人都叫家樂仔！哈哈，老闆真風趣呢?不得不介紹，此店的芝士竹輪:外貌似獅子夠，但一咬下去芝士迅速流出像爆布一樣似的。而且相比芝去丸的味道更CREAMY更突出。脆脆嘅響鈴是我的最愛呵，經過雞煲嘅湯

朋友話今晚氣溫降到13度，要去打邊爐暖暖個胃，既然打邊爐不如試埋雞煲，我地就去左呢間。呢個小辣雞煲當然係主角啦，麻辣味重，雞件足料，加埋其他香料令成個雞煲好香，雞件幾入味，辣味反而越食越想食。跟住試呢個烤魚鍋，佢係將鯇魚預先用香辣汁烤好，再放湯慢煮。佢同水煮魚唔同既係，呢個魚鍋清好多，湯底除左辣味仲有鯇魚既魚湯味，而配料也將鯇魚既泥味辟走。鯇魚入口係好滑，而且好大條，夠晒飽呀。其他配料有支竹，支竹索晒雞煲既湯底，係必然之選。魚皮餃放係魚鍋度就無得頂。至於墨魚滑同蝦滑，本身係新鮮既，不過食落唔夠滑，唔夠彈牙，實屬美中不足。

天氣急降 最好不過 一定係食雞煲。又係同家姐二人世界的好時機。今日要去奧海城附近工幹 搜尋一下 竟然有間店叫前家樂 一陣會唔會見到錢嘉樂架。唔知係唔係佢開架呢。店舖是街坊小店 入到去尾已經地好多人烚下烚下 好溫暖。 有一老一嫩的員工招待我 介紹佢地招牌雞煲和烤鯇魚煲 毫不猶豫揀了雞煲 微辣就好 費事變孖潤腸咀。雞煲的莞茜紫洋蔥好多 正呀 一上枱已經聞到花椒八角的味道。雞件分量好多 而且一路烚都唔會老 老細解構 原來用三黃雞 所以肉質唔會愈煲愈老。先大塊大塊食左幾件雞 醫下肚先。兩個人 配料就難揀d 先叫一個雜菜藍 除了新鮮的菜 竟然仲有蕃茄雞脾菇木耳蓮藕 都是我鐘意的蔬菜類。我和家姐都是牛肉怪 手切牛 冇走雞。上枱見到幾鮮紅 肥膏平均分佈 輕輕地拖拖雞湯後即食 牛味香濃 肉質如果再軟身點 更讚。鮮淮山 火鍋店比較少見 好清甜。芝士竹輪 好讚。一咬開 芝士香味爆發出來。墨魚滑蝦滑都是火鍋不二之選 夠彈牙。特別是墨魚滑中咬到粒粒墨魚。可惜兩個人 點得不多配料 下次要帶愛魚媽媽來試下鯇魚鍋。P.S. 要讚一下 老闆年紀輕輕 待客態度好好 埋單時仲友善咁問我們意見 今時今日 咁既服務態度 難得

呢幾日天寒地凍，最好就係同朋友圍埋一齊十下十下。聽聞係大角咀有間叫《前家樂》嘅火窩店，經濟又好味，所以行完奥海城後特意前來。經過匯豐中心行五分鐘左右，就可以搵到。好彩時間尚早，唔洗排隊就可以入去，唔洗捱寒風。呢度除咗有傳統打邊爐，仲有雞煲同水煮魚，機於同行朋友好辣，就揀咗招牌麻辣雞煲(微辣)。雞煲一黎到就香氣撲鼻，好不容易先等到五分鐘食得。雞肉嫩滑，聽年輕老闆講，店舖係採用三黃雞，味道鮮美，煮耐咗亦唔會變老。前家樂最正嘅係可以選擇芫荽同洋蔥嘅份量，由於極愛芫荽同洋蔥，當然係選擇多芫荽同多洋蔥啦~呢度嘅配料無論肉類同蔬菜都非常新鮮。推介三色餃子，水餃，雲吞同韮菜餃。水餃爽口，麻油味香，雲吞嘅蝦彈牙，韮菜餃味道濃, 全部餡料非常新鮮。老闆推薦嘅生蠔都好好味。生蠔肥美大隻， 淥到蠔邊輕微卷曲，就係蠔剛剛熟，一口咬落，勁juicy,蠔味濃，正。另一推介，竹笙同蔬菜盤，打邊爐一定要有蔬菜，既健康，亦飽肚。竹笙爽口，吸盡了雞煲的精華。蔬菜盤種類豐富，瓜，果，莖，葉，根，菌類全部都有，唔會清一色，睇得出老闆嘅用心。最後係手切肥牛肉，肉質鮮嫩，無筋，脂肪平均，成為我們全晚最快掃清嘅一樣配料。不得不讚係

老闆仔一坐低就熱情地同我地介紹佢地既鎮店之寶，佢係個陽光大男孩，係一塊不折不扣既小鮮肉，令在座戴左大眼仔既auntie睇到眼核都放光，久旱，要逢甘露鳥。嗌左烤海鯇魚鍋（小邊）香辣蝦膏味178小邊鯇魚邊度小，條魚一啲都唔細，足足有成尺幾長，雖然等左成十五分鐘最薄嗰個位先至熟，但係入口嗰吓，你會覺得乜都賺哂番黎，由於係一督得過就即刻食既關係，魚肉當然勁滑，配以甜甜辣辣既醬汁，老老豆豆蝦膏味就爭少少架喇，但係條魚鯇魚味極濃，鐘意食鯇魚既朋友真係不容錯過。邊爐料方面全部都好新鮮，魚皮勁脆，浸完湯都樂樂聲；唔係度度都有既萵荀，個心都幾嫩；冰豆腐索哂啲汁真係正到裂；打邊爐仲緊要過個爐既手切肥牛亦都充斥牛味；鮮肉仔推介既生蠔好新鮮，較好時間啱啱熟即刻食份外juicy；芝士竹輪喺口內爆芝，好特別，芝士好香好好味。埋單都係二百六十蚊位，有好野食又有小鮮肉睇。

天氣轉凍，識食一定係食雞煲~ 一於去大角咀間前家樂食。一班朋友，叫左一個雞煲同一個烤魚。兩款都有不同辣味，任君選擇，一送上雞煲，一陣陣香味撲面，雞肉好嫩滑，而且雞味十足，就算汁料好香同濃，都唔會蓋過雞味，有時食雞煲食到尾水，會變老雞，但呢個雞冇變老之餘，仲入味左，問問老闆，原來餐廳用三黃雞，所以肉質鮮嫩而且重雞味，正!個烤鯇魚好大條，而且一熟即刻食，又香又滑，啱哂鍾意食魚既人~ 至於其他打邊爐配料也不俗，個冰豆腐好索湯，好入味；另外一咬個個芝士竹輪，爆哂芝士，好香好有芝士味，仲有，個蝦滑/墨魚滑好彈牙，正~ 炸魚皮好脆好香口，正~個雞煲同魚煲好好味，再配上新鮮打邊爐配料，真係要再來一次~