利苑酒家 (北海中心)

营业中

休息中

利苑的臘味煲仔飯一向有保證，昨晚我們的臘味排骨飯($49/位)就以超水準完成。飯身油潤分明，排骨軟稔剛熟，最出色係啲飯焦，大大塊兼香脆唔痴牙，難得難得。這裡的羊腩煲亦相當唔錯，羊肉差唔多全部連皮，肉質極稔，炆得夠入味，一點也不膻，啱哂怕膻的男友。

早聽聞灣仔利苑是芸芸多間分店中最多名人富豪光顧的一間, 故一直以為其食物與服務質素應為最高, 故今次要招呼外地客人吃晚飯, 就選址這店.以下是我們點選的菜色:- 片皮鴨: 由於服務員大力推介, 就點選了. 餐牌上寫著即叫即燒, 但點菜後5分鐘鴨就上桌, 而且只由一個女樓面作片皮工作, 有點失禮吧! 結果如預期一般, 鴨皮只是微暖, 而且片得大小不一, 皮連肉一起上, 而且附上的薄餅黐在一起, 根本分不開, 似是放在蒸籠過久之故.- 蓮藕鱆魚煲唐排(例湯): 否決了店員不斷游說的名貴燉湯, 結果選擇正確, 例湯夠火喉, 不過未見突出.- 砵酒焗富貴蝦- 用上去殼特大瀨尿蝦, 多膏而且極鮮甜, 炸後再用砵酒香焗, 以生菜包著進食, 味道與口感都一流. 是晚唯一推介!- 家鄉蓮藕餅: 蓮藕不及旺角分店般薄, 而且頗油膩- 千葉豆腐: 刀功出色.- 清炒豆苗+ 野菌浸娃娃菜: 一般- 瑤柱蛋白炒飯: 加上卜卜飯焦, 頗香口- 棗泥糕: 口感煙韌, 有棗香加上椰汁香, 不俗, 但感覺有點像印尼糕點. 整晚只有富貴蝦較為出色, 而酒樓的服務表現也未能令在座滿意:- 預訂了的非吸煙席與吸煙席竟只有一

利苑的煲仔飯一向有水準，新推出活蟹煲仔飯($58蚊/位)，第一時間點嚟試吓。煲了三位飯，落單不夠20分鐘，飯經已上枱，心諗：「咁快?」。侍應從煲仔端上活蟹，謎團便立即解開- 活蟹經走油後才放上飯面，嚴格嚟講，個煲仔飯只係一個無料嘅煲仔白飯，加side order一碟炸活蟹。活蟹係好普通嘅肉蟹，好細隻，走油後一啲鮮味都無；個飯其實煲得幾好，夠乾身而且粒粒分明，不過就一啲蟹味都無，令我大為失望。真係好掛任摩登漁佬嘅蟹煲仔飯，原隻膏蟹放入飯面慢慢煲熟，很可惜，摩登漁佬已結業多時，珍味不再。

同嫲嫲、公公、姑姐、姑丈，表弟、爸媽、小妹係利苑食生日飯。爸爸特意點了四斤重的珊瑚蟹(約$1,200蚊)為我慶祝。珊瑚蟹超大，蟹腳同蟹鉗就用蛋白蒸；蟹蓋就用嚟焗飯。珊瑚蟹肉質同其他蟹唔同，無花蟹咁實，但就超鮮甜。我最喜歡用蛋白蒸，清清地，啲蛋白超好味。Daddy亦預留咗我嘅致受魚湯魚腐，為呢餐生日飯畫上完美句號。

灣仔利苑係我近年family dinner嘅飯堂，每個禮拜日都會去同嫲嫲食晚飯。最最推介利苑嘅各款湯水，特別係天麻魚王湯同埋白菜豬肺湯。湯料多到一隻蝶都裝唔哂，啲雞腳同豬肺真係好味到停唔到口。小食我就推介叉燒、燒肉同埋豬腸。致於小菜，我最鍾意食千葉豆腐(見圖)。啲豆腐片非常薄，滑得嚟又有豆香；中間嗰係炒香咗嘅冬茹粒同銀杏，有獲氣但絕對唔肥。甜品亦係利苑嘅強項。脆麻花(見圖)係我爸爸嘅至愛，十分鬆脆，又不會過甜。

星期六和媽媽去利園飲茶慢慢歎... 兩個人點左:鮑汁雞腳: d鮑汁幾入味,幾腍,好!滷水豆腐: 一般0既滷味可能都係暖暖,什至係凍0既,但呢度0既滷水豆腐仲好熱,而且好滑,好野!!燒賣: 本人愛吃0既燒賣,好味泥鯭粥: 清清地0既泥鯭粥,無乜點 我地坐左差唔多兩個鐘,服務幾好 兩人埋單$113

尋日係響灣仔番工的last day，之後就會調去中環，所以有個同事就請我黎呢度食飯啦呢度真係幾豪，個個入黎食飯既都係身光頸靚我無負責點野食，都係同事拍版，叫左例湯、牛肉球、蘿蔔糕、生腸、燒腩仔、蝦餃、飽汁鳳爪、cha燒腸、cha燒飽同擂沙湯圓燒腩仔幾好食，d肉唔鞋，生腸都幾特別，蝦餃超細粒，普通，cha燒飽好鬼咸...最難食係呢個......飽汁鳳爪都ok，鳳爪幾肥幾大隻，好膠質，其他也是普通吧埋單3個人$420......好貴呀.....真是有d 唔好意思......

同bf家人食飯慶祝bf生日, bf選擇捧熾哥場, 四個人叫左:1. 預先book左響螺湯- 超鮮甜, 料足, 唔油2. 上湯炆燴星斑- 星斑肉嫩鮮味, 加埋枝竹生根冬菇落去炆, 索唒湯汁, 食到停唔到口3. 古法羊腩煲- 汁濃, 羊腩皮肉一層層, 好覯, 亦淋, 但我同bf覺得唔夠"so"4. 味菜炒鹿肉柳- 鹿肉切得很幼絲, ok, not too oily, texture and flavour are similar to beef5. 上湯豆苗- 嫩, 魚湯好味6. 過橋鮑魚片- 將一隻一斤多既大鮑魚薄切, 用上湯灼熟, 加埋銀芽同油炸鬼片, 幾好, 鮑魚爽有咬口, 湯味過甜略蓋過鮑魚鮮味7. 楊枝金露- 料多, 尤其係西柚肉, 花奶味也香, 不過西米太淋

20051106 12noon講o左幾個禮拜話o黎飲茶, 終於今日訂到位. 坐房, 環境算高雅骨子. 連鎖酒樓o黎講真係比其他行家高幾皮.同男朋友兩個人食o左o的咩見圖.* 蜜餞火肪- 味道一般, (我講既一般係比其他酒樓好食幾倍果隻一般wor) 但賣相比留園更delicate.* 豉汁排骨蒸陳村粉- 陳村粉好大碟, 滑. 可惜肉唔夠肥.* 蝦餃- 一般.* 叉燒包- 竟然好得!!!! 個餡料味道好正.* 冰燒三層肉- 你估下呢碟o野幾錢? 8小粒手指甲大小燒腩仔竟然索價$68(未連加一)!!!!!! 皮脆肉滑, 不過仲貴過食toro, 好赤.* 唔知咩檸包- 呢個麻麻地, 狀似墨西哥, waitress 又話會有流沙白奶黃! 呃鬼! 服務唔錯. 埋單$260, 如果唔食個燒腩仔其實好抵食.

今朝因公事要同幾位同事去一去灣仔,攪掂晒都成點半大家都話係呢頭醫埋肚先返去,因見有大食大加埋入公數關係其中一位提出去呢樹飲茶,開頭去到都見滿晒都怕佢冇位諗住走入點鬼知居然話有間房喎,跟手坐低就等高層發板自己就等食!!!先黎個例湯”杏汁腐竹煲雞”---完全唔覺有杏汁味或者香,但個湯都煲得好濃好夠味同好飲,另飲落唔覺有味精!!!先前叫點心就一一排住隊黎,都係叫d蝦餃, 燒賣, 鮮蝦腸粉, 叉燒包, 煎腐皮卷, 蘿蔔糕等等, 全部o既賣相都幾好而味道都有水準,唔會好似出面一般o既煎炸o野會好鬼油同點心o既外形同我一樣大大件咁唔使硬食!!!跟手叫多個上湯豆苗同荷葉飯---兩樣整體上都幾好,特別係個荷葉飯食落唔會太濕同好香!!!因入公數埋單唔知幾錢,估計每人約$110度,雖然比較上偏貴但以佢地食物o既質素同埋員工o既服務態度加上環境都好舒適令我覺得值呢個價錢!!!

同朋友食點心, 3人點了:豉油王菜花- 大碟, 但切得長短岩岩好, 冇渣.叉燒腸粉- 合格魚湯西施粉- 好掂! 湯甜, 粉滑.蝦餃- 夠的骰. 點心本來就應該係咁精緻, 好怕大大舊, 三啖都食唔哂果d"交貨"點心.蘿蔔絲酥餅- 好鬆脆! 如果翡翠係好, 呢度係四個好!埋單唔知幾錢, 有人請. 要讚下, 服務好貼身. Waitress好花時間好有心機咁解釋是日推介, 甚少在午茶市享受這種服務.

星期六，有免費飛去睇祖雲達斯，入球場前同太座食飯，佢話我地都好耐無飲茶，就訂位來了這裡。一場攔門雨，人客一樣咁多，訂左位兩點來到都要等位。呢度樓底高，有場面，覺得地方係比起一般酒樓好的。劃了成十個點心，都不外乎是食開果幾味，如蝦餃、燒賣、叉燒包、馬拉糕、芋角、炸鯪魚球、鹽水鳳爪等等，當然少不了的是這裡的「名物」~蘿蔔絲酥餅。呢度點心偏向精緻，碟頭不大，二人分吃就剛好。食物普遍仍有水準，蘿蔔絲酥餅炸得過了點火，外皮燶了一點，不過都夠鬆脆，蘿蔔餡亦香甜，仍是必叫的點心；炸鯪魚球不算出色，反而蜆芥就好出色，鹹香鮮味，如果呢味有得成樽賣的話，我都會考慮買番樽；但一些傳統點心就不算出色，如叉燒包就細細隻，表皮硬硬的，不夠鬆軟。馬拉糕亦不夠鬆軼香甜，沒辦法，平時吃慣的是蓮香或陸羽，相比之下自然失色。埋單二百三十幾，以食物及場面計，價錢都唔算好貴，至少茶錢都十蚊位啦！如果同家人飲茶，呢度一定好過美心。值得一提的是其員工的服務態度，是非常之好。話說我們來的時候，雖然要等位，但卻見一些熟客就直行直過，好像不用點等位的。見這個情況，我當然俾少少面色佢地睇，但幾位侍應都非常知機，立即幫我找來檯，並逐個來道歉

雖然此店是城中富豪常幫襯之店, 但食味唔係想像中咁出色. 服務唔錯, 待應個個好好口, 可惜廚房唔係比旺角店出色好多. 我一心想食片皮鴨, 老公特登call埋我父母搭的士落黎一齊食, 點知on the way時待應才告知"賣哂"! 差d要起身走人.最後都係叫左一個set:老火湯- 老根煲豬, 幾好.叉燒鹵水拼- 每樣得6舊, 早知散叫. 叉燒亦都係退左步, 我想全線都食唔返以前"好味"果個位喇.黃金蝦- 始終冇一間好味過利苑, 細細隻, 炸到透哂, 可以連殼食.蒜子白菜仔- 普通, 勝在不太多油.蒜紅- 火喉爭少少, chi骨. 都係上環好彩好野.加: 宮廷醬烤骨- 待應大力推介, 我覺得麻麻地.甜品: 椰汁西米渣柞- 難食, 甜到傻, 食左2啖放棄. 冇辦法, 比源記寵慣.埋單$600, 好麻麻, 下次去返旺角店好過, 有discount嘛!

在這裡吃的都是貴精貴多。叫了石窩薑蔥爆魚球、西芹炒蟹酣、鹵肉、雞絲趐、脆皮雞。樣樣都係精品，非常美味。不得不提最後的甜品蛋白杏仁露，生磨得杰度非常適中，杏仁味香，又夠熱。真的很滿足呢！家人決定團年都來此吃呢！

ok，啲食物唔錯，服務也有水準；係請客的好選擇。