利苑酒家 (北海中心)

营业中

休息中

星期六有嘢做要返公司一陣，咁諗定放工有咩節目先，就約亞媽一齊飲茶啦。好彩11:30就走得，叫亞媽過嚟灣仔嘆茶。灣仔區好多食肆酒樓，諗住舒服啲同近近地就去利苑啦。我地叫咗飲茶3寶蝦餃、燒賣、叉燒包😆，燒賣豬肉有甜味，蝦餃啲蝦爽口，係偏細隻啲，精緻囉。　叉燒包多叉燒唔會好多芡汁，甜度適中，好味！另外仲叫咗鮑汁鳳爪，燜得夠淋但唔會爛，用咗好多鮮汁燜，花生都入曬味👍，最後叫咗個班片兩面煎，班片好大塊、似魚扒多啲，有6塊咁多，待應姐姐都話我地識食😂😂佢話淨叫班塊就得3件都$128，我地叫呢個又多3塊魚，又有麵都係$188😂底食！講番魚啦，唔腥味道調得幾好，麵煎得好脆，連伴碟條菜芯都好甜👍👍。食飽飽跟住仲去睇戲添，過咗充實嘅一日😁

以前都成日嚟呢度飲茶，自從有一次係因佢嘅服務態度差， 又串， 冇嚟一段時間。今日重臨舊地， 侍應嘅服務態度來一個大改變， 帶位嗰個竟然話你咁耐都冇嚟呀? 嘩，我冇聽錯嗎? 而成餐飯服務態度又好。 海山脆雞翼$38呢一碟真係好考廚師嘅功夫，雞翼入面冇血水，仲係熱嘅， 而且仲帶有少少嘅南乳香味。日式木魚燒茄子$45茄子處理得好好呀! 唔會成口油，又唔會淋，仲係有咬口嘅。 原隻蒸蝦餃$42蝦餃無論係皮同餡都做得好，做到所謂嘅皮薄餡靚。雪檸包呢個雪嶺餐包入面唔係叉燒餡，係奶黃餡喎! 都好食嘅，不過我都係鍾意食叉燒鹹多啲。以下飯, 湯, 米鴨係一個套餐 $398冇荷葉飯，就叫楊州炒飯啲飯炒得太過乾啦! 好難吞得落。沙溪燒米鴨 (半隻)米鴨燒得好嫩滑， 好有肉汁，但個醬汁有啲鹹。 老火湯呢啲煲湯肉望落好似乾爭爭我一舊都冇食到。 留番俾我同事食啦! 個湯第一碗好鹹，因為係老火湯，第二碗冇咁鹹。

每年母親節，越考順嘅子女就會越頭痛，因為要帶呀媽出街食一餐去威吓但又唔可以太油太鹹太凍太難坐太貴太。。。。。但今年利苑幫到我！六位用八餸一湯都係$2288。炒蝦球粒粒都好新鮮好大隻，又有鵝掌鮑魚又有燒鴨，其中個冬瓜海中寶更係我的最愛！清得黎消暑！唯一要彈嘅就係個壽包！雖然個樣好靚但係飽身好鞋口！But well, 母親們無投訴，又真係難能可貴。

I host 12 western country guests for dinner, Food is good and their manager very helpful to give me suggestion of ordering food, I brought bottle of Sake and charge of BYO is 250hk per bottle. During a week in hk, I have tried China club, Hk club and other local restaurants like Lei garden, I have to say it is good restaurant but not the top local restaurant in town, but for my foreign friends they are all happy with it. Location is a bit hard to find because they located on the 2nd floor of thi

在剛剛過去的星期天，與媽媽去飲茶，就係灣仔北海中心嘅利苑酒家，佢開11點半我哋11點半去到，門口那位小姐佢話有枱不過一點要交枱，我話吓11點半啱啱入嚟一點要交枱咁咪好趕囉？跟住佢就黑着面答我個個人都係咁㗎啦，我個個客都係叫佢一點要走㗎啦，我內心有點不舒服，可是帶著行動不便的媽媽，我冇辦法亦無奈地接受這不合常理的事，我沒有想過及從來未試過去一間酒樓飲茶仲慘過食放題要限時個半鐘囉，我唯有應左佢一句好有制度喎！那位黑臉的小姐目露兇光瞪著我，塊面黑過我屋企隻鑊底就話係咁㗎啦！我極度質疑利苑酒家的質素，現在下降到如此田地？以現今服務行業而言，應該好好檢討究竟係酒樓嘅問題，定係員工培訓嘅問題。一間如此出名的食肆，就算有再好的出品，但有如此差劣的服務人員，難以叫人再光顧！

是日要搵間正正經經嘅酒樓食飯。坐低見有啲套餐就叫嚟試下，點知冇鮑魚變咗花膠，費事再諗照要吧~跟餐嘅紅酒 - 唔識飲紅酒，只覺一般，同枱長輩都冇飲，在場經理(?) 就好識做咁換兩杯橙汁嚟，加分~即燒BB鴿 - 每人半隻。皮脆但肉唔算嫩，味道可以。金柱貢菜 - 香，爽夠味，唔錯； 三層肉 - 皮脆； 芹香魚崧水晶餃 - 無乜特別龍蝦湯燴翅 - 龍蝦湯好濃好味，翅都細細哋都叫成排，唔錯。意式脆皮大蝦扒 - 大塊過手掌，咬落去好彈牙以龍蝦蝦肉；皮脆脆哋啖啖肉幾正~XO醬白玉蒸斑球 - 魚肉亦彈牙有咬口，但一舊仔太"精緻"喇啩花膠鵝掌 - 5 位由三大塊花分出嚟， 同鵝掌一樣夠林；鵝掌亦入味。原幅花膠胡麻醬撈粗麵 - 無養特別蛋白杏仁茶 - 香滑杏仁味濃，不錯

附近好多有錢嘅老人家老闆或者公司來食飯，今日就係有客請我食飯呀！環境就一般般啦！以前服務好好，而家服務都差咗囉！因為午飯時間真係太多人佢哋根本應接不暇！今日點呢個應該係商務套餐，我淨係負責食，小食有茄子,我覺得好油膩第二樣就係燒腩仔同埋叉燒拼盤，個叉燒真係好味到尖叫我都忍唔住食咗兩件，肥瘦均勻，叉燒汁先係精華所在 蔬菜蒸餃就一般普通嘅蘿蔔絲酥餅用㷛上嘅砂礓雞，我淨係食到啲雞背脊啊！雞皮，所以唔知道啲雞肉有幾好味⋯⋯跟住呢個佢哋話係花膠雜菜，但我覺得唔係囉！韭菜花入邊又有啲肉碎，仲好似有啲油炸鬼切片，調味得好香個湯泡飯我覺得有啲 heavy, 啲油浮晒面湯水有滋潤有雞腳蝦餃燒賣細細粒，呢度又唔係特別好食，最後仲有個糖水，不過唔夠份量冇食到。

中菜多款式又有水準，呢間餐廳閒日夜晚都爆哂。坐得舒服，又有得打電話訂位，又唔逼。侍應都好有禮貌同好好服務。見到有好多人叫佢個日日唔同嘅湯，想叫但7點4已經賣哂一係好受歡迎。相片勝過千言萬語。叉燒唔肥又唔特別廋，實在太好食喇！其他菜都幾好食，中菜多選擇，四個人叫多啲，乜都試下特別係魚翅同羊腩煲！羊腩煲一啲都唔肥，超越贊！唔夠飽叫個臘味飯，冬天一流仲有飯焦！甜品推薦西米布甸(去左外國食唔到，同唔係間間餐廳都有嘅好食甜品)同招牌楊枝甘露好好食！食完唔覺口渴，好開心！

Delicious dim sum all round. Cheung fan was the highlight. Perfectly soft and smooth rice noodle. Dim sum lunch is good value for money.

今天同J嫲嫲來灣仔利苑飲茶，這裡離嫲嫲家只是一街之隔，曾幾何時都是飯堂之一。當年的灣仔利苑場面墟堪，一位難求，現在雖然都是長旺，但和以前已相差甚遠。這冰燒三層肉我已吃了無數次，今次的實在太瘦了，連嫲嫲都說沒以前好吃。但勝在肉味濃，皮亦燒得夠脆。黑松露包就嚟去到邊度都有得食，我亦開心見到利苑有新點心。可惜的是做得沒其他食肆出色。皮太厚，餡料不夠多，而且造型亦不夠細緻。柴魚花主粥沒下味精，味道中規中矩。這裡的"紅油抄手"曾是我的致愛，但現在吃起來又不覺特別。坊間的水準及競爭力都不斷上升，利苑就算做到質素保持都難免被比下去。山竹牛肉球真的是十分普通，以前的高湯牛肉球好吃一千倍。叉燒腸粉都算是皮薄餡靚。雪菜肉絲炆米的味道好好，雪菜亦是脆脆的，幾特別。奶黃餐包焗得皮夠脆，奶黃又不過甜，quite nice。雷沙湯圓是嫲嫲的致愛，好彩水準保持，糯米皮依舊熱辣辣，芝麻蓉亦超流心。最後都係嗰句 "不進則退"，香港是一個殘酷的社會....

今日我又心血來潮，跟細佬一起去了灣仔的利苑酒家，這好似是我印象中的第二次喇。今鋪梗系點翻之前未試過嘅食物喇。臘味煲仔飯性價比很高，價錢不貴，但系一個煲仔飯真的很多分量。米飯是很多的，是硬硬的那種，很岩細佬的口味，咁多分量都岩曬男仔食量喇。臘味是很正宗的家裡的臘味，油膩中帶點瘦的。米飯是加了一點醬料的，撈完之後就很入味。青菜是麻麻地。沒什麼特別，嫩是嫩的，我鐘意落蒜香爆炒的。烤鴨皮始終是我最愛的燒鴨的一部分，餅皮不是很好，雖然不是很厚，但系加上醬同蔥之後味道還算可以吧，燒鴨是裡面的精華，入口蔥味好濃。總的價錢好平。

長輩於灣仔「利苑酒家」宴客，小肥乃當晚唯一有份出席o既後輩，深感榮幸萬分 。晚宴設於餐廳內一間私人房間內，十二人一席，舒適又鬆動，可惜洗手間卻設位大堂外，令女士們都略帶微言 ，故小肥不得不扣下一分環境分。可能主人家係熟客仔啦，帶有鄉音o既幾位女侍應雖然唔係太過熟手，不過都頗為殷勤有禮，如果可以自動為客人加添埋酒水及不時更換不潔o既餐具，相信下次o既服務分會更高 。桌上菜單可見，海鮮夜宴非常豐富 。就連每位客人面前都獨立擺放有四款醬油，由左起分別為話梅汁、XO醬、翡翠芥辣及紫天椒，以扇形o既四格碟承載，大方別緻。人一到齊，好快就有四味江南小品食，當中小肥因怕食到魚骨，所以冇食到「椒鹽九肚魚」同「煎釀虎皮椒」。 江南小品之話梅石榴：滲過話梅汁o既石榴粒酸甜爽脆，非常醒胃。 江南小品之冰燒三層肉：意外地，冰燒三層肉轉咗一圈後仍然好夠熱，前菜不但層次分明，第一口已覺皮層香脆，肉質爽口彈牙，而且好夠肉汁，不需點上任何醬汁都已經好好味 。 生拆蟹肉撈起翅：小肥真係見識少，只係食過乾食o既炒桂花翅同濕食o既魚翅湯，於宴會中第一次認識到原來翅都可以玩撈起，亦即食客可自選是否及如何加湯

訂了三位，中午一時到來，沒有說限時用餐。點了兩位商務魚翅海鮮午餐，另單點了一份叉燒及龍蝦湯泡飯。套餐包括以下: 生拆蟹皇燴翅翅爽口，每匙均有翅，超濃甜蟹肉羹！ 清蒸海石班二人算來，魚的份量頗大條，蒸魚時間剛好，魚肉爽滑，葱及豉油香。 牛柳伴露筍牛柳雖不算大份，但是撲上麵粉煎，十分脆口且霖。 迷你瓦罉蒸飯原盅蒸飯，少許肉碎章魚在飯面，ok. 上湯浸野菌豆苗上湯甜，豆苗去莖，嫩，正！唯份量較少。 利傳五福(五色蔬果汁)看上去沒大期望，但原來酸中帶甜，竟是本餐的醒胃亮點～單點： 叉燒半肥瘦叉，細細件，夠霖不膩，叉燒汁甜味。 龍蝦湯泡飯超甜湯，有龍蝦香味，內有肉碎、香芹、龍蝦肉粒、飯，另上炸米，使湯更香口。讚！除了蒸飯沒什特別之處, 對其它食物都很滿意。 服務方面也剛好到位，有問必答，專業，值得一讚   比起很多餐館, 價錢合理, 交足功課! 總體而言, 必再光顧。

今日母親節，幾日前已經book定位，要我地11:30到，12:45交枱。我地11:15就去到，剛開門，只坐左10張8張枱，不過都知道full booking, 只係客人未到啫!講番食物，點心唔多選擇，我地叫左蝦餃，燒賣，腸粉，鳳爪等點心，再叫左雲吞雞，燒肉同野菌班肉米線。基本上，利苑既食物味道較清，唔多似有味精，但未必個個人食得慣。份量方面，點心都係偏細，而雲吞雞同米線都剛分到4碗滿。最驚人既係燒肉呀… 雖然有12件，不過全碟夾埋都唔夠4支牙簽砌出黎既長方形大。😭 而且，高度亦比正常食開既矮。雖然質素真係高, 皮脆肉香，但係舊肉太細，根本趕唔切比我真真正正享受舊燒肉有幾好味，就已經吞左啦！ 咁就好冇癮啦！😓坦白講，118蚊1碟未免太細舊啦！至於環境同服務方面，呢間係舊舖，地方唔大，所以枱與枱之間既空間唔多，唔算太靜。而服務方面，人手算幾充足，加水收碟都好快。整體上，今餐尚算滿意，不過唔算太有驚喜。價錢方面，每位$180都算貴，間中試下尚可。不過，我覺得可以留D機會比其他米芝蓮星星食市。

已訂8人午茶, 利園实有免費泊車.我点心吾多講,因一定得.我想講係龍蝦湯泡飯. $148 一窩.湯底龍蝦味濃, 入口野味, 瓜粒份量適中, 炸米依然遇湯炸一聲, 食到耳仔郁.每次到我都會叫, 大家不坊order 試下.龍蝦湯泡飯雪檸包日式燒茄子鹵水豆腐