別忘了

营业中

休息中

荃灣別忘了真係打邊爐仲可以打卡！雖則明知櫻花唔係真，但坐真係櫻花樹下 都幾正～任食放題分4個lv，再任選90/120分鐘～～今次食嘅係$268/90分鐘 大部分配料都以自助形式，肉類、餃類除外 最正係可以任飲手調台式飲品，超多選擇（水果茶、冬瓜茶、黑糖珍奶）都有肉類用QR code 點，選擇唔算多，但肉質唔錯！任食台式小食： 鹽碟雞、醉雞卷、鴨血、香腸等另外餐廳亦供應左唔同形式放題，台式甜品放題午市60分鐘定量火鍋afternoon tea 放題最後，我都寫番個願望掛係櫻花樹下啦

是日冬至同老公去左別忘了食台式火鍋哩間別忘了，真係愈早要book位 因為真係好多人去食職員幫我地選擇左湯底後，就同我地講星期一至五有台式甜品放題同埋afternoontea 放題12:00-17:00 公眾假期就無，仲有個$128的小食甜品飲品內任飲任食星期一至五 都系做平日14:30-17:00真係搵日同姊妹去食食先我同honey就點左B餐 可以牛肩鉀任食120分鐘見到佢地都有宮崎牛，同埋仲有的買Tim 另外下午佢地都有60分鐘火鍋，真係都可以一試除左肉，仲有台式小食，台飲，仲有台式甜品同埋M字頭的雪糕，真係多多胃都食唔曬～湯底點左椰子雞同埋麻辣，椰子雞真係好正，重椰子味，加埋肉真係一流小食花雕雞同埋香腸都唔錯！台飲都唔錯，同埋佢地d肉都keep住咁正甜品台式有鮮草凍 同埋窩夫加埋M字頭雪榚真的好正另外櫻花樹仲有紙仔可以寫下你的願望，好像去左台灣咁，真係好掛住台灣

同平時去開的台式火鍋唔同，出面大部份已變成自助餐，飲品同小食全部放哂出嚟，睇落好多款但系質素唔高。呢間系一半自取一半用QR code 落單,主要係將台式小食同手搖飲品係即炸同即沖，而且味道有台灣的感覺，呢一方面真係抵讚牛肉方面極力推薦封門柳，超正!另一特別的個人喜好是日本茶美猪，平時火鍋食牛肉多，今次嘅比例大约叫咗4成猪肉，真係回本部份係飲多2杯手搖飲品，食雪花冰同鍋夫。雪糕記得食movenpick.整體覺得別忘了湯底同食品品質係高嘅，係台式火鍋餐廳嚟講算數一數二，睇到有细心位，值得再嚟食嘅。

櫻花樹下嘅裝飾，爆發我地幾個女人嘅少女心，係千色匯眾多餐廳選擇下，因為粉紅佈置吸引左我地入去。加上天氣凍返，當然要圍爐取暖啦！$348/120分鐘任飲任食，用QR code 落單，侍應出菜速度超快，唔會漏單！超過30款火鍋配料，仲有多款台式飲品，可以跟提據個人喜好，要求少冰微糖等等，非常個人化！我地三個各點了幾款湯底，每款都各有特色，養生湯味道濃而不燥，椰子雞湯滲出淡淡椰香，麻辣鍋用上幾種辣椒、辣椒及香料等等，再加入濃郁豬骨高湯，香、麻、辣齊備，香而不嗆喉！外面有大量當造蔬菜，羽衣甘藍，皇帝菜，西洋菜。台式豆腐及紫色蘿蔔，款式幾特別小食中，最愛鹽酥雞，即叫即炸，保持熱度及多汁鮮嫩。麻辣鴨血，入口嫩滑，正宗台灣味道。醉雞件醉香入味，適宜餐前小食，配麻辣鍋一流！火鍋肉類有：美國SRF封門柳，美國安格斯午小排，M7澳洲和牛，西班牙果飼豬梅片，牛板腱，羊肉卷，選擇好多，總有一款啱食！最後最期待就係甜品時間，可以任叫芋丸仙草，雪花冰，除左呢D台式甜品，仲有布丁，雪糕窩夫，味道不遜於外面嘅甜品店。每位包一杯Movenpick雪糕。

今日同朋友去咗荃灣《別忘了》超多款式湯底選擇‼️今次揀咗鴛鴦鍋👍🏻香濃椰子雞湯濃郁椰子湯底👍🏻藥膳當歸湯好足料好香嘅藥膳湯今次揀咗$348 / 120分鐘套餐呢個套餐肉類絕對唔馬虎‼️😱😍勁多款選擇‼️⭐️美國 SRF封門柳⭐️美國安格斯牛小排⭐️M7澳洲和牛⭐️西班牙栗飼豬梅片⭐️精選牛板腱⭐️日本鹿見為茶美豚梅肉⭐️羊肉卷仲有台式小食，飲品，甜品🍮除咗任食嘅雪糕窩夫每位仲額外送一杯Movenpick雪糕台式小食款式都好多選擇！我哋叫咗陳醋木耳清爽，紹興醉雞好入味鹽酥雞🍗香碎可口麻辣鴨血食咗5,6碟😂👍🏻阿嬤金錢肚飲品珍珠奶茶🧋好濃郁茶味‼️估唔到咁出色😳👍🏻蜂蜜綠茶，茶味亦出色😍呢間主打台式火鍋店‼️簡直係回味無窮‼️因為樣樣都好啱食。出面配料區夠齊全！食咁多肉就一定要食啲蔬菜🥬佢連蔬菜到10幾款😱真係誇張西洋菜，皇帝菜，油麥菜，羽衣甘藍，金菇，粟米仔，冬菇，等等，數都數唔晒！仲有炸榴槤，響鈴，應有盡有😍‼️環境舒適，裝修別具風格！台式櫻花襯托！食完飯，仲可以寫願望卡掛上櫻花樹😍店員亦都服務周到！今晚好開心🤭

【荃灣•別忘了 】🐝————————————————————————之前食過招牌九宮格拼盤 今次試吓火鍋火鍋有四個set選擇 湯底就有九個味道‼️台灣香濃椰子雞湯 超級推介✨✨✨✨✨奶白色湯底 加咗好多椰子肉 用嚟食蔬菜一流全程吾使加醬料食都得 夠晒入味 好想飲一碗😜😋仲有台式肉骨茶湯底味道同平時飲有少許唔同 但勝在夠入味 感覺似加咗好多胡椒🍯｜SETC美國封門柳/ 澳洲極上和牛｜HKD308/位美國SRF封門柳/澳洲極上和牛。美國安格斯牛小排。日本鹿兒島茶美豚梅肉片。美國Prime Grade牛肩胛。精選牛板腱。羊肉卷最開心任食多款台式小吃，台式甜品仲有台式飲品同一杯Movenpick雪糕 食到超級飽同朋友食咗幾粒榴槤炸彈😂勁足料配菜拎了台式黑輪卷 口感甜甜幾鍾意甜品有窩夫。雪花冰。仙草芋圓等等 揀了紅豆窩夫 自己加了Movenpick雪糕 好滿足。餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD339 (連加一）✨✨✨✨✨✨✨✨✨✨✨✨✨#nkiki荃灣 #nkiki台式 🏠 別忘了📮 荃灣眾安街68號千色匯1期2樓2032號舖

睇開個YouTuber 佢平時冇乜點讚，好極都只係話可以，發揮正常，唔係亂讃，就嚟試吓。門口見到個大screen反覆翻住條片，初始覺得有啲嘢小食：真心未如理想（款色嘅吸引度，味道都係）點野食：真心選擇唔多，亦都單調，何其普通（呢個價錢，幾個人自己買嘢屋企打，可以精彩到震）肉類：我地叫咗基本餐（牛：生嘅時候靚；豬同羊生嘅時候難分，熟左，羊好臊）已經係薄，好快熟，都係鞋鞋地，全部就係食到粗燥肉質地味甜品：已經唔想試點餐個系統，時時都話上一個order未接受，點唔到下一個order; 一係又話同－款食物要等10 分鐘；肉類出得時快時慢，好難理解有冇漏單，又叫多左，令人好尷尬。另外，安全性係有問題，地下好跣，黑色水鞋印，清晰可跣，枱面亦好潮濕；唔知係抽風壞咗定本來就係咁；只見到兩把風扇，一把放走廊，一把座地既然响其中一枱食客枱面！服務：都係西口西眼😷，不過係要乜比乜速度係高既期間聽到隔離枱話，好彩120分鐘改番90 分鐘，食完好走總結，唔係冇下次，第一次中間已經好想走仲係我提議黎同朋友食生日飯，真係食到好愧疚🙈

早排經過開荃灣千色匯，見到一間台式火鍋店裝潢好吸睛🤩店內外有櫻花樹佈置、小屋子設計🏠同許願牆等多個打卡位📸仿佛置身台灣邊感受風景🌉邊欣賞地道美食。餐廳除咗有台式火鍋外🥘仲有滷水特式小食🍢同台式甜品等🍧好滿足。呢度啲店員好細心❣️一坐低就介紹火鍋放題類別，全部都可以掃QR Code落單📲啱哂想食放題，但又懶得郁嘅我🫣🔶SET C 美國SRF封門柳/澳洲極上和牛（$308） 🥣湯底🐓台灣香濃椰子雞湯椰子雞鍋湯底加入新鮮椰子水🥥湯底好清澈💕湯底熬到奶白又香濃，加了紅棗，好養身，味道相當清甜，雞件好嫩滑🥰🐷「別忘了」香濃豬骨湯豬骨湯底好香濃豬骨味，豬骨超大舊同湯底好入味😚🥩肉類美國SRF封門柳/澳洲極上和牛、美國安格斯牛小排、日本鹿兒島茶美豚梅肉片、美國Prime Grade牛肩胛、精選牛板腱、羊肉卷和牛色澤紅潤，入口即化🐄牛小排肉味濃郁，脂肪比例均勻💁🏻‍♀️梅肉片口感軟嫩，肉汁豐富🐽總括而言，每款肉類都各有千秋，值得一試✅🥟其他韭菜豬肉水餃、台式拉麵🦆加配花雕嫩雞肉、麻辣鴨血、台式墨魚滑，台式鮮蝦滑、黑松露花枝滑、阿嬤金錢肚🥒任食小吃紹興醉雞、夜市甜不辣、鹽酥雞、澎湖花枝丸、台灣香腸、宜蘭蔥肉

今次要介紹呢間環境超靚既台式火鍋係門口已經見到好多櫻花樹😍同行朋友係大胃王所以要任食先夠佢飽我地試左A5和牛Set🤩🤩🤩🤩 $488可以任食宮崎A5和牛120分鐘真係好抵仲有6款牛/豬/羊肉可以任嗌 超過30款火鍋配料 40款台式小食、甜品、飲品等湯底都有9款咁多 有辣有唔辣 仲可以每人揀一款今次我就揀左自家制番茄湯 香濃椰子雞湯 台式肉骨茶我自己就最鍾意椰子雞湯 以香又清甜其餘2個都好濃郁 唔會無味唔會好浠基本上火鍋料唔洗點醬料都已經好夠味A5和牛入口即溶🤤真係食到停唔到我地每人都食着3碟以上 已經值完票價其他牛肉既質素都唔差架 👍🏻火鍋配料都應有盡有 丸呀腸呀蔬菜類都好齊全台式小食都好多款 鹽酥雞甜不辣台灣腸飲品就以茶類為主 珍珠奶茶啦 水果茶啦另外要埋提提大家要留肚食甜品呢度既甜品好出色 窩夫同雪花冰係必食*見到餐廳依家有下午茶甜品放題小食甜品飲品都係任食 每位$128星期一至五 2:30-5:00(公眾期假除外)*同埋佢地平日午巿都有60分鐘既定量火鍋套餐唔係太大食既朋友仔就可以揀呢款👍🏻星期一至五 12:00-5:00(公眾期假除外)

大家又有冇諗過可以置身於櫻花樹下打邊爐？位於荃灣主打台式火鍋嘅『別忘了』，整間餐廳裝修充滿少女感，每個位置都佈滿櫻花樹，仲可以坐在樹下享受120 分鐘火鍋放題！今次就揀咗B餐美國Prime Grade牛肩胛，湯底必定要揀充滿台灣風味嘅招牌麻辣湯底同香濃椰子雞湯~麻辣味真係同之前係台灣食過嘅味一樣，絕對充滿家鄉風味，既麻既香辣，令人回味！香濃椰子雞湯單聞已經知椰味十足，飲碗湯成個人暖曬！2 款湯底配美國牛肩胛同牛板腱好夾，放落湯涮10幾秒就食得， 牛肩胛肉質厚實帶軟嫩，油花細緻， 而牛板腱就硬身紮實啲，但牛味濃厚，帶點Q彈感！2 款都encore幾次😝除肉類仲有超過30款火鍋配料，自助區主要可拎菜、丸等，當然唔少得麻辣鴨血、蝦滑等，極具台灣風味！不過講到同平時嘅店底火鍋唔同嘅係飲品，絕對滿足到我呢啲熱愛台灣飲品嘅人，單係奶茶都分幾款有配珍珠、芋圓、奶綠等，茶都有水果茶、鳳梨綠/紅菜等等，真係飲品款款都想飲😋記得要留肚食埋呢到嘅甜品，隻隻好有心思，有芋圓仙草、雪糕窩夫等，雪糕窩夫夠香脆配朱古力雪糕真完好幸福嘅感覺！別忘了🐻荃灣眾安街68號千色匯1期2樓2032號舖

🔸SET C 美國SRF封門柳／澳洲極上和牛 － $308 / 成人每位▫️呢個set可以任食以下肉類：．美國SRF封門柳．澳洲極上和牛．美國安格斯牛小排．日本鹿兒島茶美豚梅肉片．美國Prime Grade牛肩胛．精選牛板腱．羊肉卷🔸 美國SRF封門柳／澳洲極上和牛食唔出係靚牛肉，一般質素 好失望！一心諗住入嚟食和牛😔果然平價放題唔會有好嘢🙈🔸 日本鹿兒島茶美豚梅肉片有驚喜！好食過所有牛肉因為呢度嘅牛肉實在太失望😔所以唯有食呢一個豚梅肉片「補救」有濃濃嘅豬肉味，咬落好香平時放題都好少叫豬肉但今次呢個真心好食😋▪️飲品主打台式奶茶但真係好淡，淡到似水溝奶👎🏻叫咗幾杯唔同嘅茶，都好難飲😅🔹環境：燈光好光猛，打卡唔錯非卡位的話，座位唔算好坐繁忙時間，人手足夠，職員都好有禮貌出餐好快，呢點要讚🗣另須加一服務費-時段及等候時間：星期四 晚上 ～10分鐘-味道：5/10性價比：3/10回頭率：1/5-#別忘了📍荃灣眾安街68號千色匯1期2樓2032號舖

好耐都無去台灣旅行🧳，對上一次去台灣旅行已經是疫情前大概3年前。諗起我仲有排都未可以去旅行🧳就🥹。不過好彩香港有好多野食，唔會擔心食唔到。今次黎左呢間台式火鍋🍲店，一嚐台灣的味道，頂著癮先。餐廳🍴最有特色的係可以在櫻花🌸樹下打邊爐🍲！而且時間達90分鐘或120分鐘任飲任食！台式飲品任飲！台式小吃、甜品🍮、所有菜、配料、肉類等任食！真係飲飽食醉！😆🍲湯底有：招牌火鍋麻辣湯台灣藥膳當歸湯台灣香濃椰子雞自家製台灣蕃茄湯台式肉骨茶芝士牛奶🥛鍋台灣惹味沙茶鍋台式壽喜燒「別忘了」香濃豬骨湯肉類分別有不同套餐，價錢也不一樣！Set A 精選牛板腱Set B M7澳洲和牛Set C 美國🇺🇸SRF封門柳Set D A5宮崎牛我們點了：🍲椰子雞湯+蕃茄湯蕃茄湯非常濃郁，酸酸甜甜好開胃～椰子🥥湯又好香甜幼滑！入面仲有好多藥材呢！肉類方面，我地選擇了Set B 的M7 澳洲和牛，可以任食和牛😋。外面既配菜、配料都係任食！醬料都可以自己調配！打完邊爐食飽飽還可以吃 MOVENPICK 雪糕！非常正😋！除咗堂食之外，還會提供外賣服務💁🏻‍♀️，真係非常貼心呀！生日🎂係度慶祝，還會送小蛋糕🍰呢！除左晚市，午市都可以

一個人放學去食，就生日，試吓一個人火鍋。估唔到d牛唔錯。仲有台灣飲品任飲，仲有仲有台灣甜品，仲有movenpick. 太正！可惜太飽，仲想試吓窩夫雪糕😍😍😍！下次一定同至愛來食！

別忘了荃灣眾安街68號千色匯1期2樓2032號舖成日都會經過荃灣千色匯，每一次都比呢間餐廳吸引住，離遠已經望到一串串既櫻花，成日幻想係櫻花底下撐檯腳，真係唸起都覺得好feel呀，今晚趁早左收工就即刻約朋友過黎Chill下入到黎餐廳感覺就好似去左外國咁，有種遠離煩囂既感覺，除左主題既櫻花之外，餐廳四週既佈置都好花心機，非常精美。。欣賞完之後入返正題，餐廳職員推介左幾款套餐比我地，最後我地選擇左中價位既美國Prime Grade 牛肩胛套餐，見到除左牛肩胛之外，牛板腱都唔可以錯過，個人覺得更加有牛肉味，而且脂肪比例十分平均除左肉類之外，自取區域仲有2大個凍櫃裝滿左好多唔同既火鍋配料，分別有蔬菜類，丸類，餃類等等，望落都好新鮮，店員會不停refill 全部自己夾非常方便另一樣值得推薦既就係呢到有好多款台式小食同埋特飲都係任叫架，自己最鐘意就係醉雞卷，鹽酥雞，台灣香腸，仲有榴槤烤彈，真係好有台灣風味呀最後當然係食埋甜品先滿足啦，其實款式有好多分別有唔同口味嘅窩夫，台式雪花冰，仲有仙草凍，但我地實在食得太飽啦，只係點左個朱古力窩夫，都好有驚喜，即叫即整，微熱既窩夫配合埋朱古力雪糕堅係正既。。另外

昨晚路經荃灣千色匯同想揾晚餐吃，本來去牛摩放題誰知去到撞到內部裝修，唯有試吓隔籬嗰間叫別忘了台色放題。門面有櫻花樹，同埋好多掛上了好多留言字條，好多人排隊入座，即本埋去攞張兩位枱，二十分鐘後成功入坐。在餐牌叫了兩位268元120分鐘放題，我地選擇椰子雞湯同肉骨茶鴛鴦湯底，食物新鮮鮮明，丸類彈牙有肉香味，最正就係芋心貢丸，牛肉類厚薄分明，滾起來食落有咬口配埋醬料更加美味，台色小食種類更多，台灣腸，鹽酥雞，鴨血，蔥油餅，芝士球，榴槤球，每樣叫一件已經食到半飽，再掃QR Code 再遊覽餐單項目，台式甜品多到有小小驚訝😯試問一餐怎能夠吃哂二十多種甜品，唯有精選三四種試試，火龍果芋丸雪花紛飛棉花冰，焦糖雲呢拿窩夫，芋丸仙草，牛奶布丁，紅豆窩夫，珍珠奶茶，芒果爆珠梳打，食到真係置身於台灣夜市感覺！(覺得好抵食啊！）重有movenpick 特式雪糕，我地選擇了蜂糖味道同特濃咖啡味道，兩隻味道都好好～埋單時俾咗一張紙條我哋留言，我就寫上了今次晚餐我會比95分，下次都會一定再來幫襯，不過要午餐都唔食先可以試多啲種類😋