初遇

营业中

休息中

今日去沙田好運中心的「初遇」台式餐廳嘆下午茶🥳「初遇」店內環境簡潔寛躺，地方不錯！紅燒牛肉麵拼古早滷肉飯$48🙊連飲品，或加錢轉特飲🥳紅燒牛肉厚切，口感軟腍！古早滷肉飯都好好，味道好濃郁👍花雕醉雞麻辣拌麵$42， 麻辣好香，再伴滷水五花腩肉粒，都不不會太油膩！醉雞卷有淡淡酒香，入晒味不錯🥳初遇小食拼盤，可以一次過食多款小食，選擇困難症必選😆😆擺盤好精緻，基本上每款都幾好，特別炸魚塊，外脆，內裡魚塊多汁嫩滑😋和地瓜酥好好味，口感好煙韌👍

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍初遇🔍 沙田橫壆街1-15號好運中心椰林閣3樓3901-3902號舖位於沙田呢間台灣鋪都幾抵食～好多小菜🔶紅燒牛肉麵拼古早滷肉💰48牛肉麵嘅湯頭濃郁，牛肉鮮嫩多汁，滷肉滷味濃郁，下午茶黎講份量都算飽肚。🔶花雕雞卷滷肉飯紫菜貢💰46花雕雞卷嘅雞肉鮮嫩，花雕酒味好入味，紫菜貢撈係滷肉飯一齊食增加口感同風味。🔶宜蘭蝦吐司💰38蝦嘅鮮甜味道同吐司嘅酥脆口感，面層仲鋪滿芝麻好香又脆口！🔶古早仙草三色芋圓💰22仙草嘅清涼口感同芋圓嘅Q彈口感相結合，好味道👅🔶起司肉鬆蛋餅 💰42蛋餅大大份入面有起司和肉鬆。起司嘅濃郁奶香和肉鬆嘅鹹香味道令蛋餅更加美味。

有幾次經過都好多人排，今次幸運見唔算多人等，都係等5張枱之內。入座後╴點了以下食物：1. 紅燒牛三寶手工麵：三寶以腱心、牛肚、牛根而成，口感夠冧，特別係牛根好好食，湯底咪道濃厚，手工麵條硬度適中口感不俗，份量頗大，兩個人亦足夠。2. 初遇小食拼盤：有鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血。炸物夠熱夠脆，除左鴨算係辣，牛肚都係辣，滷蛋係溏心蛋、雞卷用熱花雕汁加有杞子襯托。3. 古早起司芋泥肉鬆蛋餅：是個鹹食，蛋餅比平時超市買嘅台灣酥餅更薄，芝士芋泥肉鬆夾埋再加上伴汁，口感味道很配。下次想試芋圓、麻辣臭豆腐，另外服務質素唔錯，侍應有禮友善，主動收走碗碟，仲要係免加一，讚讚讚!!!

沙田好運中心最近開咗呢一間台灣餐廳，平日夜晚多人到要等位，環境裝修好舒服，食物質素高，價錢又抵食，唔怪得逼滿人❤️薑蔥慢煮豬軟骨飯個豬軟骨煮得好軟好入味，而且豬軟骨嘅份量好多，佢嘅湯汁鮮美，淡淡嘅薑蔥香氣令人開胃。仲有啲蔥絲同埋薑絲，加入飯入面，令味道更加豐富。飯粒都吸收咗湯汁嘅味道，食落好香好濃郁。❤️古法慢煮焢肉麻辣拌麵個焢肉煮得好軟好入味，肉質嫩滑多汁，入口即化。佢嘅麻辣拌麵醬汁好辣好香，一啖落去，辣味夠勁夠過癮！麵條彈牙有嚼勁，同埋咁多滋味嘅醬汁一齊拌食，真係開胃又好食

用袋鼠買個外賣，都要企左足足一個鐘，服務態度勁差，問左兩三次一直敷衍我話幫你睇睇，多番催促先跟進，拎部機出黎睇，同同事兩個都話無我張單，俾埋部機俾我睇，我一睇已經睇到自己張單啦！同我講同事睇漏咗，咁之前一直幫我睇咩呢？根本係發現先開始整我個餐就仲要呃我話廚房有單已經整緊，又等左勁耐先有，差，服務超差，十個劣評，一個帶位一個收銀，兩個擺明主管級，都可以做得咁差，唔會再有下一次，一定以後都唔會再幫襯。

好運中心裝修後多咗好多食肆，同媽媽去食下午茶揀咗呢間。下午茶餐好抵食又多選擇，價錢又平，有各款台式小食/ 主食。慢煮豬軟骨滷肉飯好食😋 豬軟骨好腍 啲肉好易就可以扯開😌仲有蔬菜 ，半隻蛋食肉同時又有菜食😆 。花雕雞卷滷肉飯配紫菜貢丸湯及地瓜酥。花雕雞酒味濃，好入味，碗飯啱啱好唔太飽。滷肉飯配上珍珠米，好食。另外地瓜酥好香口，外脆內煙煙韌韌，甜而不膩，加埋紫菜貢丸湯配搭好豐富。鮮奶芋泥手工芋圓（跟餐+$16）好多Q 彈的芋見小芋圓加上香濃鮮奶，好飲台式珍珠奶茶🧋（跟餐+$8）當然還有媽媽最愛的珍珠奶茶，啱佢口味，不會太甜，茶味十足。小食要試炸蝦多士，炸得金黃酥脆，蝦也彈牙，鋪上滿滿的芝麻，口感一流。

已經食過幾次，試過小食、小鍋，最愛係手工麵。湯頭濃度剛好，係正宗既台灣味道；另外，不論係任何麵條，人手製的特別煙靭，正是鍾意哩種口感！唯一有少少意見係搭上碗麵既小棠菜，當然為咗賣相，青青綠綠係好睇，但太生同太大嚿，食唔到就太浪費

每次經過，都在排隊😅 這天於下午茶時間來，人潮終於少點，只等5分鐘吃完後，同行友人和我都覺得不錯，連隨餐的飲品甜品都很好🥹 不像負評所說的🙊 *以下都是下午茶餐牌價錢 ✿ 花雕雞卷滷肉飯 配紫菜貢丸湯和地瓜酥 $46 (無加一)飯、湯、小食、小菜，還包一杯飲料，很豐富滷肉鹹甜、分量適中，溏心蛋也好吃珍珠飯粒粒分明，軟硬適中👍地瓜酥煙韌，有點像churros😋地瓜餡突出點就好雞卷嫩，酒味輕湯清而不淡，沒胡椒或芹菜，大眾化口味 ✿ 台式香濃沙茶鍋 配粉絲 $98 (無加一)醬汁在底下，煮沸就濃郁，附了辣椒醬(? 可以沾有超過10款配料，很多都有2件，還包括了少許粉絲第一次嚐米血糕，很驚喜😍煙韌，而且糯米很香這個真的很飽很滿足🤣 ✿ 紅棗桂圓茶 (熱) 跟餐+$0 十分足料😳紅棗桂圓外，還有玫瑰、菊花、杞子比很多餐廳需要加錢的，更高質 ✿ 古早仙草三色芋圓 跟餐+$22 (無加一)每一款芋圓有4顆，總共12顆，雖然各色的味道相似，但很煙韌，我覺得很可以😍還有很多的仙草條，超值😍😍 ✿ 麻辣臭豆腐 $22 (無加一)難得遇到臭豆腐，還是黑色這種!不過我覺得這個香味大於臭味😂臭味較隱約但麻麻辣辣

#搞串個pantry#沙田 最近開咗好多間新餐廳😝，行過市中心，喺旁邊嘅#好運中心 見到一間新開嘅#台灣菜 🇹🇼餐廳。見到佢哋嘅下午茶餐非常抵🤩，而且見到門口好多人等緊位🤯，就撳張飛一齊等位，試下好唔好食啦💕！今次就嗌咗🔴麻辣鴨血臭豆腐拌麵配紫菜貢丸湯及地瓜酥($46)、🟠冰糖紅棗燉雪耳(+$8)。🌶️麻辣鴨血臭豆腐拌麵鴨血同臭豆腐都好食，麻辣味好夾🤤！而拌麵嘅麵條有咬口🥳，啲醬汁都好惹味，每一啖麵啲汁都好充分咁包裹着啲麵🍜。🔥紫菜貢丸湯、地瓜酥味道清淡剛好，唔會太鹹！而地瓜酥炸得啱啱好，外皮好香脆😋，內裏嘅口感好煙韌，有淡淡地嘅甜味💕。

下午茶時段去咗呢間餐廳食，雖然已經是下午2:30 ，但客人仍絡繹不絕，等咗一陣才有位。紅燒牛肉麵拼古早鹵肉飯$48牛肉麵湯汁香濃，牛肉鮮嫩多汁，配上彈牙嘅麵條，味道非常滿足。另外，佢嘅古早鹵肉飯亦都好好食！鹵味香濃，肉質軟嫩。拼在一起，真係一個完美組合，飽足感十足！慢烤雞腿蛋吐司$40吐司烤得香脆，內裡配上嫩滑多汁嘅慢烤雞腿肉及滑蛋，十分滋味。宜蘭蝦吐司（4件）$38鬆化嘅吐司再配上鮮甜彈牙的蝦滑，每一口都能夠感受到吐司的鬆化及蝦滑嘅鮮味，愛吃。古早肉鬆榨菜蛋餅$42肉鬆鬆軟香濃，搭配上榨菜同蛋餅，口感豐富。仙草三色芋圓跟餐加$22仙草爽滑涼口，芋圓軟糯煙靭，係一個完美嘅甜品選擇。夜市鳳梨水果茶跟餐加$8 紅棗桂圓茶跟餐加$0鳳梨水果茶清香爽口，而紅棗桂圓茶則帶有濃厚嘅桂圓香氣，兩個飲品都好飲。

-初遇-@沙田.平時經過見到這裏都排滿人，今日下午茶時間經過剛好有枱不用等，於是便入內一試。.麻辣鴨血臭豆腐拌麵配紫菜貢丸湯及地瓜酥 ($46).雖然係下午茶，但份量不少，好豐富抵食的下午茶。.拌麵係我喜歡的粗麵質地，口感煙韌有嚼勁，好掛汁。醬汁唔算太辣，帶點麻香。.麻辣鴨血臭豆腐都唔算泰勒，鴨血食落偏爽口，臭豆腐吸滿濃郁的醬汁，味道不錯。整體味道算是不錯，但係唔夠熱。.超喜歡配搭的地瓜酥，外層炸金黃香脆而且完全唔油膩，餡料好煙韌。.黑糖珍珠奶茶 (另加$12)整體偏甜，黑糖珍珠份量蠻多，茶味比較重沒有太飲得到奶味。

人排我又排，見到這間餐廳，門口企滿客人， 我又去攞張籌，試吓係咪咁好味先！餐廳裝修燈光鮮明，環境乾淨整潔，價格親民，難怪咁多人排隊。😋是日選擇：1️⃣古早滷蜜汁排骨配手工麵🍽手工麵彈牙，有咬口。排骨大塊，不算太乾身，甜甜地嘅滷肉蜜汁，配白飯可能更好味。2️⃣大腸麵線🍽幾足料，味道尚算香，但略嫌有點鹹。3️⃣士林咸蛋芋泥酥🍽芋泥酥夠酥脆，可惜咸蛋味不夠濃。4️⃣黑糖珍珠奶茶🍽奶茶味不夠濃郁。

種種原因，等左幾個月終於可以黎試下。8點左右黎到，當時叫飛叫到186左右，而我地拎既票號係192號，等左20分鐘先入得，等候時間都可以接受嘅叫飛嘅後生男經理禮貌程度滿分，有笑容！夠客氣！等位中途見佢唔小心miss左一個籌既客人立即saysorry幾次，之後即刻安排該客人入位。紅燒牛肉麵一上枱我係估唔到大碗，好香，聞落同食落都勁似公仔麵加左調味粉果隻味，所以個人感覺好重口味。d麵好食，麵硬度適中，麵嘅份量可以多D，牛肉好多，食完好飽好飽，下次會再黎食👍🏻

見我地食剩少少野 行埋嚟催我地話出面有十幾張枱等 我地全程坐底到食左都唔知有冇30分鐘真係祝佢哋永遠都咁好生意，但起碼我永久black list講真 佢地想要改不如改名做快餐啦 嬲呀

星期日去到沙田，食飯時間預咗要等，大概等咗30分鐘左右，就安排咗一張卡位俾我哋一家四口，店內環境舒適，枱與枱之間唔會太迫，望落都乾淨。但係店員嘅服務真係覺得普通過普通，好多嘢你唔問佢拎，佢都唔會主動Offer ，就好似最基本嘅menu，等我一度以為係QR code落單。我地四個人有兩個小朋友，其中一個得兩歲，點咗三個餐，其中一個係火鍋，有gas 爐，店員放低個餐嘅時候竟然會將個Gas爐放響個2歲小朋友面前，完全一啲危險意識都冇。食物就真係不過不失，唔試都冇損失。