初遇

营业中

休息中

認真- 非常難食講真我都係想放工後食餐飯 點知食到反胃🤢 返到屋企嘔 … 真係未食過咁難食既台灣餐 經過好幾次都見人排隊 所以好奇就去試下…點知伏到一個點。 平時就算間嘢唔好食 我都唔寫review。但呢間一食完 返屋企嘔完就要寫. 珍珠奶茶同菠蘿冰 簡直係仲難飲過清水麵 - 好似臭酸咁.. 飯 - 無味道 鹽酥雞 一D都唔好食 仲衰過豪大大 😭湯 - 清水 + D紫菜 滾兩分鐘 的味道隔離檯 每隔三秒就爆粗佢哋傾計每一個字都聽得清清楚楚 仲要不斷吵 完全講唔到嘢。態度也麻麻地，俾單都係Pak一聲 丟上檯面 就不耐煩的走左. 唔會再食 也會告知全部認識的人唔好試 🤦🏻‍♀️

今日路經見到初遇，見裝修乾淨企理，餐牌選擇多，所以入去食。三寶麵，牛筋牛腩牛肚都夠淋，麵有嚼勁挺不錯的，不過個人會喜歡軟番啲。醉雞卷，正常味道，酒味未算好入味，但都ok，肉嫰。芋泥酥，炸得好酥脆，芋頭有軟糯感，小小咸蛋黃但冇咸蛋味，正正常常。榨菜肉鬆蛋餅，呢個係最後一個黎，其實我已經食到好飽，但我居然都食到2件，我覺得呢個好食，好足料，雖然蛋餅冇蛋味，似墨西哥餅皮多啲，但榨菜肉鬆好ok。唯一較失望的是台灣奶茶，叫了小甜仍是很甜，而且冇乜茶味，淡色。連埋環境裝修整潔程度，整體算中規中矩，對得住個價錢。至於服務，舖頭冇收加一服務費，有人落單捧餐，有基本禮貌。

本嚟話去食個燒烤like 不過過咗位就求其搵咗一間嘢食去到就糾結咗一陣，諗住點過火鍋，同埋個吐司就差唔多，個服務員見我哋唔嗌飲嘢，塊面黑得比翻書都快好啦，態度唔OK個故事就講完啦，開始點評食物：1.沙嗲火鍋係得嘅，就係是但一間茶餐廳都可以做出嚟嘅水平😄😅2.個滷肉飯就非常麻麻哋，甜得有啲制。3.最驚喜嘅就係呢個雞髀cheese吐司🍞🥰🥰🥰🥰個搭配very good非常有口感，同埋個味道都非常好。入到呢間店可以咩都唔嗌 就嗌呢个吐司🍞🥰🥰🥰

咁啱見到沙田新開咗間台式餐廳，打算初嘗一下。喺門口㩒咗飛 等咗一陣間，張飛過咗一個號碼，但張飛寫住過5個號碼才需要重新撳飛輪候，而且當時並沒有其他客人排隊，就算我撳張新的飛，都係輪到我。入到去show張飛俾檯面男職員睇既時候，職員望咗眼就叫我撳多張，我表明我手上有飛，佢亦都有望到，佢嗯了一聲後，佢再次抬頭 再叫我撳多張新飛。😅😅其實張飛寫住過咗5個號碼先需要再次撳飛輪候，我過咗一個號碼為何要重新再撳過呢？但職員只係重覆地叫我重新撳過張😅😅但當時明明門口有位可以入座，而且職員也可以叫我們在旁邊等候，但職員只是一味叫我重新撳飛輪候，真是百思不解。雖然沒有光顧，但職員的服務態度令我卻步，沙田有很多選擇，在沒有選擇的情況下也不會考慮光顧。

這間分店是新開的，所以就來試一試吧，食物都是一般般吧，一間台灣食品店珍珠奶茶都唔好飲，已經叫到少甜，同正常甜冇乜分別，又沒有茶味。這杯珍珠奶茶，仲差過我在街上$2x的。

今日叫外賣，收錢負責人係金色頭髮有紋身既女仔，我落單既時候，佢一路撳電話一路落，佢幫我重複咗落單，我見到價錢double嘅時候就同佢講，然之後佢就黑面，反晒白眼，態度又勁差…. 個刻已經想走，我都唔計佢好唔好食…

等位嘅地方係室外，無冷氣。晚飯時間，等左15分鐘入到。—Order左個 初遇紅燒半筋半肉麵 $78一黎到賣相都吸引，牛肉有2大塊，牛筋2舊，仲有2棵小棠菜、少量酸菜同蔥花。點知，仔細一睇，牛筋上面有條黑色嘅毛髮😨唔知係牛筋無處理好定人為🫠即刻食慾大減！拎開舊牛筋繼續食……個湯好咸，佢唔係好多藥材好足料果種濃味，係單純豉油溝水嘅咸味😵‍💫麵質正常；牛肉淋身同有牛味，唔會好柴；牛筋就有少少太淋好散嘅感覺。酸菜可以中和番個咸味，呢個配搭還好。—加購價$12 自家薏米水（少甜少冰）薏米水係足料嘅，底層有好多薏米，少甜味道岩岩好，幾清新！如果有埋檸檬就perfect!—朋友都order左一樣嘅主食，加配左 芋香珍珠奶茶。試左一啖，除左芋香味有少少假之外，都算正常！—不過，呢間餐廳都係無下次，同埋唔會推介俾人！😅

沙田新開台式餐廳，成日都見到有人龍排隊，今日見門口少人啲終於試咗，抵食係抵食嘅大大碗麵七八十蚊有埋野飲，不過味道個人覺得一般湯底唔算好濃而且麵質偏淋，拌麵相對比較好少少，不過不失如果未試過喺可以試下，希望日後改善得更好

這家食店開業兩個月左右, 自開業以來多見門外大排人龍等候入座,  一直都想試下究竟是否真抵食, 但沒有耐性的我極不喜歡餓著肚子等位, 所以沒有進店光顧。今天陪媽媽一起約下午五點返到沙田搵食, 竟然見店面無需等位, 不用多想就選擇了這裡食飯。下午茶時間是2點至6點, 正好趕上下午茶, 套餐選擇也算多, 有飯面,蛋餅及吐司等, 甚至可點餐廳的招牌菜臭臭鍋, 包一杯台式茶飲, 或加少少$點芋圓或仙草等台式特飲。1) 台南芋頭貢丸新竹米粉 及 滷肉蜂巢牛肚新竹米粉  新竹米粉量偏少, 口感較硬身。牛肚入味, 夠腍, 有口感, 滷肉份量剛剛好, 不會太鹹, 起到吊味作用。貢丸外層有彈牙口感, 內裡的芋泥甜甜的, 非常有驚喜。我媽極喜歡它的鹹酸菜配菜, 嫌不夠再加檯面瓶裝的鹹酸菜落去食。2)愛文芒果烏龍茶這個特飲跟餐要加$8, 先裝時令鮮打的愛文芒果汁大約兩匙, 倒入非常清澈的烏龍茶, 甜甜的芒果汁與清香的烏龍茶混在一起, 想不到原來幾夾, 超鍾意!

經過見到一間新開食台灣野的店，見相賣相不錯，決定試下，外賣了古早肉鬆榨菜蛋餅。好失望，蛋餅又乾又硬，完全無蛋味，仲要勁少餡料，一份$42，完全不值，性比價超低，無下次，中伏。

新開店舖，竟然堂食用厚身塑膠杯？現在嘅社會，大多講求環境保護，他們這新開張店舖，在設計初段，也應該由此出發，堂食凍飲冇需要用厚/硬身塑膠杯，我問店員，他話是方便客人帶走，我相信帶走嘅客人必冇幾個囉，10個有2個？這個藉口是否不是太好？不再去食啦～

自從好運中心翻新咗之後，都多咗好多唔同嘅食店，估唔到呢一間竟然好多人排隊😯所以有一日經過開就試吓呢一間餐廳，我哋大約六點鬆啲嚟到，估唔到都等咗差唔多半個鐘～呢度有台灣麵、肉燥飯、小火鍋、小食，仲有甜品添，小店嚟講都算多種類～我叫咗個川味半筋半肉麵 ($79)，牛肉大大嚿，一啲都唔韌，亦都好入味～牛筋膠質重，份量都唔少😌湯底都唔算油，不過就唔好expect佢會好辣，唯獨是麵質我覺得腍咗少少，可以煙靭多少少😆男朋友叫咗慢煮豬軟骨滷肉飯 ($68)，覺得呢個都係正常水準，豬軟骨有兩大嚿，呢個飯仲配咗一碗貢丸湯添，雖然唔算好濃味，但係都好飲嘅～另外，香港都比較少食到大腸麵線 ($32)，所以就叫咗碗嚟試吓～覺得佢呢個麵線有少少似麵餅嘅質地，未完全似台灣嘅麵線，但係味道同大腸嘅口感都唔錯☺️我哋亦都叫咗兩個飲品，冰糖紅棗燉雪耳 ($12)同夜市鳳梨水果茶 ($12)😋兩杯都幾好飲，做到少甜，亦可以幫手解解膩😌試完第一次終於都明白點解會有咁多人排隊，始終係沙田市中心附近食嘢的確唔平，呢間性價比算幾高👍🏻

琴晚同老公經過呢間新開嘅台式餐廳，因為大家都鍾意食台灣菜，諗住試下新野，門面幾靚，裝修都好企理，點知入到去真心好伏...員工態度怠慢輕佻，服務很差我地9:05pm入到去，落單前被告知9:30pm last order。到食物嚟齊之後，員工就好似趕住埋數收工咁，每台下走埋去問嘢食到齊未，可唔可以埋咗張單先。我哋隔離有個男人9:20pm坐低叫完嘢食，10分鐘內只得飲品到咗。個員工仲走埋去問佢嘢食到齊未，可唔可以埋咗張單先🫠 另一邊有一對中年夫婦喺我地點完餐嘅時候已經食緊，叫左份麻辣鴨血，點知員工俾錯左一份滷豆腐，客人就同另一個員工講啦，點知個員工淨係問一句：咁你而家仲食唔食呢個？客人話唔食啦，個員工就話：得，等我拎走。點知轉過身未行到入廚房我同老公就見到佢順手丟左張單喺食物上面，真係感覺好差🫣之後個客人食完主食個鴨血都仲未到，催完又催都未有，最好笑係有另一個員工走埋去問食物到齊未，可唔可以埋咗張單先。個姨姨好無奈😮‍💨同我哋講咗句嘢食都未到齊，就催人埋單...我同老公都覺得有冇搞錯...食物質素一般，主食份量尚可以，小食份量偏小想講吓食物質素，手工麵份量和味道麵唔錯。不過小食真係份量好少，

沙田新開台灣食肆可以app拎定飛等位第一樣上的係野飲香芋珍珠。。叫左一杯少甜，一杯正常糖兩杯都勁淡，好似飲水咁另一杯黑糖珍珠就甜，但茶底味勁假總之飲品不合格拼盆正常，牛肚入味炸物都好味沙爹鍋不過不失夠飽，有飯有粉絲排骨飯，大塊但好乾飯有蔥，薑蓉周榨菜因塊排骨太大，根本睇唔到d配料要食食下先知，可惜可以考慮飯同排骨分開兩個碗/碟上食物普通，飲品差沙田咁多店，價格又唔算平又無得用信用卡寧願食其他野都唔會再食。

第一次幫襯但真係對呢間野大開眼界。首先 服務員態度係非常極之差 特別係企cashier位個個人 無禮貌+勁串嘴 我問佢我張飛個張枱坐邊（因為有同行嘅朋友已經入咗去坐低但冇見到 所以想問下佢）佢反應係勁惡+無禮貌 懷疑佢下一秒就會反我白眼 其次 平心而論呢個地理位置同價錢嚟講 佢唔算話係特別貴 但啲野食質素都真係非常之麻麻 主食（飯/麵）價錢我覺得一般 但小食真係好貴而且非常之麻麻總括而言 如果唔係走投無路冇野食我覺得真係冇必要食呢間野 真係俾錢買難受