影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
食家推介
平日返沙田揾阿妈食lunch，系附近见到呢间台湾餐厅好多人帮衬，keep住有人排队。下午茶餐都几抵食，免费配一杯台式饮品，例如：台湾奶茶、古早冬瓜茶、黑糖姜母茶等等，或者可以加钱转做起司奶盖/清新果茶/手作奶茶。🍜台南担仔米粉 $45汤底系卤肉酱味道，米粉吸收哂汤底味道，加埋卤肉一齐食，食得舒服又唔油腻。🍚黑麻油鸡翅卤肉饭便当 $56卤肉饭份量都唔少，上面淋上大量卤肉，仲有肉松同溏心蛋，口感好丰富。黑麻油鸡翅好入味，肉质嫩滑带有黑麻油香气！🍞慢烤鸡腿蛋吐司 $42吐司烘到薄身香脆，夹住鸡腿肉同鸡蛋，鸡腿肉嫩滑多汁，鸡蛋系半流心状态，配上蛋黄酱同沙律酱食好好味！🥣古早芋泥三色芋圆 $45三色芋圆有番薯味、香芋味同紫薯味，芋圆大大粒，口感Q弹烟靭。中间有球芋泥，外型好似雪糕球🤣，口感软绵滑顺，甜度适中。仙草切成面条嘅形状，入口滑溜溜，口感比块状仙草更加好！🍯热黑糖姜母茶 结合浓厚嘅黑糖香同微辛嘅姜茶味，依架天气转凉好啱用，饮完成个人暖笠笠。🍯热古早冬瓜茶带有淡淡清甜冬瓜甜味，唔会好甜。🧋冻黑糖珍珠奶茶 +$12呢杯真系值得加钱！平时出面都要卖30几蚊一杯，依度加$12就有出面嘅质素😍！茶底够香够浓，搅匀后充满黑糖嘅味道！珍珠煮得够腍身，口感Q弹有嚼劲！📍 初遇 沙田横壆街1-15号好运中心3楼3091-3092号舖
继续阅读
今次喺沙田新城市广场揾食，行过见到「初遇（沙田）」装修好新派，灯光柔和，感觉几舒服，就入去试试啦 👣🍴我嗌咗卤肉饭套餐（$56），追加土林盐酥鸡（$22）同一杯珍珠奶茶（少甜少冰，$8），成个餐$86，下午茶来讲有惊喜 👍卤肉饭份量适中，白饭粒粒分明，卤肉炆得够入味唔会太油腻，仲配埋溏心蛋🍳同肉松🧡，食落层次丰富唔单调。盐酥鸡炸得香口，皮脆肉嫩无油腻，配埋椒盐食得好过瘾🍗。甜甜地嘅蜜汁鸡翼 3 件，色泽诱人，肉嫩多汁，唔会太咸或太甜，正正好✨。饮品方面，珍珠奶茶珍珠够烟韧，奶香都够，平衡到成餐嘅味道 🧋。餐厅环境干净企理，冷气够冻，设计系文青风格，木系主调有少少日系感觉 📸，几啱打卡📷。最惊喜系咁嘅质素价钱唔算贵，份量对得住价钱 💰。整体嚟讲，「初遇（沙田）」系一间性价比高嘅台式茶饮饭馆，食物水准有保证，服务都唔错～如果想喺沙田揾间坐得舒服又唔太贵嘅地方食饭，呢间可以试试💡。
继续阅读
食过依间台式下午茶套餐两次，觉得都算抵食，而且质素同味道唔差，卖相又靓靓仔仔咁，下午茶先$4x就有成个set，连饮品，同埋menu都有唔少选择！😝 其中比较特别嘅系个花雕鸡卷😍饮品选择都好丰富，套餐都可以优惠价加配珍珠奶茶🧋😍1️⃣花雕鸡卷卤肉饭配紫菜贡丸汤及地瓜酥𝘿𝙧𝙪𝙣𝙠𝙚𝙣 𝘾𝙝𝙞𝙘𝙠𝙚𝙣 𝙍𝙤𝙡𝙡 & 𝘽𝙧𝙖𝙞𝙨𝙚𝙙 𝙋𝙤𝙧𝙠 𝙍𝙞𝙘𝙚 𝙬𝙞 𝙋𝙤𝙧𝙠 𝙈𝙚𝙖𝙩 𝘽𝙖𝙡𝙡 & 𝙎𝙚𝙖𝙬𝙤𝙤𝙙 𝙎𝙤𝙪𝙥 & 𝙎𝙬𝙚𝙚𝙩 𝙋𝙤𝙩𝙖𝙩𝙤 𝘾𝙧𝙞𝙨𝙥𝙮 𝘾𝙖𝙠𝙚2️⃣ 🌶️麻辣鸭血臭豆腐拌面配紫菜贡丸汤及地瓜酥𝙈𝙖𝙡𝙖 𝘿𝙪𝙘𝙠 𝘽𝙡𝙤𝙤𝙙 𝘾𝙪𝙧𝙙 & 𝙎𝙩𝙞𝙣𝙠𝙮 𝙏𝙤𝙛𝙪 𝘿𝙧𝙮 𝙉𝙤𝙤𝙙𝙡𝙚 𝙬/ 𝙋𝙤𝙧𝙠 𝙈𝙚𝙖𝙩 𝘽𝙖𝙡𝙡 & 𝙎𝙚𝙖𝙬𝙤𝙤𝙙 𝙎𝙤𝙪𝙥 & 𝙎𝙬𝙚𝙚𝙩 𝙋𝙤𝙩𝙖𝙩𝙤 𝘾𝙧𝙞𝙨𝙥𝙮 𝘾𝙖𝙠𝙚
继续阅读
之前在土瓜湾已吃过一次初遇，想不到会在沙田重遇这间餐厅，因为上次已经觉得味道不错，而且卖相精致，所以也再帮衬一次！乌醋猪软骨便当 $56猪软骨卤肉充满浓郁醋香，搭配爽口酸菜、蛋饺、粟米与青菜，色香味俱全，开胃又下饭。烤手工鸡卷 $16鸡卷涂上一层浓厚烧汁，咸中带甜，加上啖啖肥美鸡肉，口感扎实，非常滋味！蓝莓芝士奶盖 跟餐+$12芝士奶盖的浓滑绵密，蓝莓汁有啲似利宾纳，但唔太甜，味道清新，适合配浓味食物。
继续阅读
今日收工唔想煮饭，而且放得早，可以去食个下午茶，呢间台湾餐厅嘅下午茶好抵食，每个套餐40几至50几蚊，而且份量好大，食到好饱，食物质素都非常唔错，餐厅环境好舒服，装修新净👍🏼👍🏼半筋半腩台湾面牛筋同牛腩都炆得好腍，好入味，而且份量都多，台湾面仲可以加$6升级做葱油拌面，好惹味沙茶牛肉锅呢个打边炉都有好多款食物，牛肉份量唔少，而且都几高质，另外仲有蛋饺、金菇菜、冬菇等等嘅配料，可以配白饭或者粉丝，惹味又好味😋
继续阅读