初見

营业中

休息中

一入餐廳，已經有好大陣燒肉嘅油煙味，感覺抽風系統一般。呢度嘅食物選擇都幾多元化，有魚生飯、鍋物、板燒牛同意粉拉麵⋯.//「扇貝三文魚海鮮蕃茄鍋」配白飯$68 另+$6 轉拉麵🍽：鍋物非常足料，有魷魚、蜆肉、蝦、三文魚、冬菇、金菇、蒟蒻、豆腐、獅子狗、娃娃菜、青口、扇貝。呢個價錢咁足料係好難得！👍🏻不過蕃茄湯底略為較淡。拉麵屬普通，可不加錢轉。.//「板燒雪花牛肉配日本味素飯」$98🍽：店員建議先燒蔬菜類，牛肉份量不少，但就切得較薄，而且未完全熔雪，但肉質都甜。個爐火勢時大時細，要小心啲燒。以上嘅餐都可配餐飲。

每次去荃灣都唔想喺大商場食連鎖店今次就openrice下見到呢間鐵板牛決定lunch time去試試去到大約12點左右已經有幾張枱要排我地兩個人都係食美國安格斯雪花牛係定食黎，配白飯，野菜同飲品我就加咗錢轉烏冬成個板燒黎到之後，待應姐姐會叫你先燒菇類咁我地都跟佢指示，先燒菇，後燒肉菇同南瓜都新鮮，好食嘅而雪花牛我都係兩面輕輕煎兩下就食真係好juicy，點埋丁丁鹽，牛味好出我自己就覺得唔洗點汁，淨係鹽都夠味當然如果食開重口味都可以試試我自己食嘢食得慢，個火熄咗兩三次食到最後一塊個火又熄咗但待應們都好好，主動幫手加番火另外我地仲叫咗個炸雞軟骨餃子因為係鐵板上，所以好keep到熱食到最後都仲熱辣辣，脆卜卜呢樣嘢對我呢啲對溫度有要求嘅人真係好滿足

荃灣有間好出名既石燒牛「秘」就好多人都知道所以通常都要等好耐位😖但初見就未必有咁出名位置亦比較偏僻如果唔係專登行過去都未必見到但佢既午市都有好經濟好滿足既自己燒牛肉！$98呢個價錢見到塊石都已經好抵牛既質素亦都唔差口感同味道食落都唔似$98質素👍🏻飯上面亦有味素提升口味層次而且亦配搭少少蔬菜令成個套餐健康少少飲品亦都可以免費跟花茶/果茶岩曬唔鐘意飲咖啡奶茶既朋友😋睇餐牌見到初見應該係西日fushion菜下次都會想試下佢既壽司💁🏻‍♀️

餐廳嘅裝修好清新，充滿田園風味，令人心曠神怡。2021年嘅第一日，梗係要食餐好㗎啦。之前都有聽朋友介紹過呢間餐廳，今次終於可以試吓到底佢有幾好食。今次食主要食咗佢嘅板燒牛、香草吉列牛、邪惡薯條。首先講佢嘅版燒牛，牛肉嘅油脂分布平均，燒完之後有震震嘅油香味，肉唔會太肥，充滿牛肉嘅香氣，令人食指大動。再加埋由於係板燒嘅關係，牛肉嘅味道更加突出，而且仲有好多蔬菜半碟，令到菜式唔會特別油膩。再講下佢嘅香草吉列牛，煎完之後口感豐富，而且同板燒牛一樣亦都唔會太油膩，仲有兩隻糖心蛋，當你食到覺得油膩嘅時候仲可以有蛋減去左油膩嘅味道。最緊要係佢嘅飯係素味飯，唔會好似食白飯咁單一。佢嘅邪惡薯條，真係好邪惡。有鹹蛋黃，同埋佢嘅薯條係粗身薯條，落足料。食完都有少少罪惡感。

有一段時間好興吉列牛扒，仲要係熱鍋上自己煎烤嘅嗰一種。呢間初見其中一個主打菜就係熱石吉列牛扒。餐廳環境佈置幾好，但廚房會飄出好大浸油煙味，影響食慾。（可能要添置多幾把抽氣扇。）牛扒比我預期中細份，但牛扒嘅面層灑上左海苔粉令牛扒多左份調味。首先要先用牛嘅油脂塗滿熱石，進行煎烤既過程，個人建議唔好放中央，因為好快就熟！另外配上嘅珍珠米相當好咬口，溫泉蛋唔會overcooked，蛋汁剛好鎖住喺蛋白之內！另外叫咗一份醬燒章魚丸，沙律醬同儕魚的份量相當驚人，真係要用好好味去形容呢一碟小食！

初見，見到呢間餐廳個名特別就入去食喇，見到好多人都燒牛，好香，不過打開目錄見到好多野食揀，真係款款都咁吸引，最後叫左咖哩吉列豬扒飯，同埋一個安格斯牛肉鍋，仲叫左個炸物拼盤，首先咖哩豬扒炸得好香口好鬆軟，唔會覺得太油膩，再送埋白飯就好正👍🏻👍🏻👍🏻另外個牛肉鍋岩岩好一人鍋，裡面有冬菇，獅子狗，金菇，豆腐，娃娃菜，牛肉就會另一盆上，份量都係剛好一人份，亦都有碗白飯，咁就真係好飽，至於炸物拼盆，有紫薯餅，明太子雞翼，雞軟骨餃子，一口芝士，呢個炸物拼盆好有驚喜，尤其係紫薯拼盆，好正呀，甜甜地又熱辣辣，明太子雞翼係無骨既，啖啖肉，雞軟骨餃子口感好正，軟軟硬硬咁，一口芝士就一定要熱辣辣食，裡面就會有少少流心👍🏻👍🏻👍🏻下次可以再黎過試下其他菜式☺️

之前聽朋友講荃灣有間日本餐廳叫「初見」好好食，今日終於去左食啦！😍一入去見牆用木製，牆上有藤蔓裝飾，好似去左森林野餐咁，好有大自然氣息，身心都放鬆下來～🥰冬天想打邊爐，嗌個鍋就啱曬啦。嗌左個「安格斯牛肉鍋配白飯」。牛肉好大塊，份量又多。牛肉紋理分明，牛味濃郁。食客可以選擇點旁邊嘅醬汁調味。醬汁有蒜香味，點牛肉同吃更香口。但個人認為唔使點醬汁，牛肉本身已經好夠味了～👍🏻鍋入面重有好多配料，有冬菇、豆腐、黃芽白、蒟蒻、芋絲、白蘿蔔同獅子狗。冬菇菇味香；豆腐滑溜；黃芽白好大棵，口感爽脆；蒟蒻彈牙；白蘿蔔切成薄片，清甜冇渣。日式鐵板雞軟骨餃子🥟用鐵板上，鐵板上枱重好熱，小心唔好掂到個鐵板呀！雞軟骨餃子雞軟骨好細粒，入口好有口感。餃子皮薄但唔會煎燶，微脆。點埋醋食更滋味！😋初見粒粒原隻軟殼蟹飯卷堆成金字塔，加上橙色嘅蟹籽，賣相好靚。飯卷切成正方形，每嚿都好大嚿呀！軟殼蟹外脆內軟。蟹籽粒粒分明，一咬就喺口腔爆開，口感十分爽脆。飯卷加上旁邊嘅沙律醬一齊食，酸甜開胃。

呢間超人氣排隊店，內裏座無虛席，非常受歡迎，我都入去試下先。小食:炸和風一口芝士 ($45)有6粒！一咬開，裏面暖烘烘，芝士味勁香濃，外面炸得幾香口，仲可以蘸蜜糖，鹹中帶點甜，口感特別🤪安格斯牛肉鍋($88)天氣轉涼，梗係要食番暖粒粒嘅晚餐暖下身！牛肉又大又長，比較瘦身~湯底都係不會好鹹😛裏面有好多配料，例如:椰菜、日式魚蛋、冬菇、芋絲等，又抵食！啲飯晶瑩爽口，應該用日本珍珠米👍🏻日式咖喱炸魚柳飯($78)3塊原條魚柳都幾巨型，長過碗飯！魚肉好鮮嫩，外層都炸得好薄😋咖喱香甜濃郁~伴飯一流！日本🇯🇵餐廳冇刺身點得㗎！加左 $35 送南瓜🎃湯，仲有刺身！竟然有三文魚🍣吞拿魚😌過下癮不錯👍🏻加多 $20仲可以飲到葡萄汽水，日本訂購，去吾到日本唯有頂住先啦😂😂😂

過去一周真的天氣寒冷，因此來到本來預約的日本餐廳初見，都一改點魚生或壽司的習慣位置：位於海壩街尾近香車街，從愉景新城走路約5分鐘環境：日式裝潢，店面較少座位卻不少服務：上菜迅速，主動收拾空碟食物：一人火鍋份量適中，食材新鮮季節海鮮鍋配龍蝦湯 $88（轉餐＋$35）海鮮種類及份量均多，當日有時令的海蝦、三文魚、硯、沙白、青口及魷魚，加上鍋內的蔬菜，十分豐盛及新鮮而龍蝦湯底非常鮮甜，本人也喝了兩碗湯呢安格斯牛肉鍋 $88（轉餐＋$35）安格斯牛肉片份量十足，而湯底是麵豉湯，配上大量蔬菜，如冬菇、豆腐、生菜及日式魚蛋等，既豐富亦能帶出牛肉的肉香，非常讓人滿足刺身小碟圖片乃兩份轉餐的刺身份量，各有三文魚兩片、吞拿魚一片及帶子一片，均很新鮮如不要刺身，可另選沙律麵豉湯很香濃的日式麵豉湯，十分暖肚南瓜湯打的很幼滑的南瓜湯，鮮甜易入口可樂火鍋必配，加餐配的罐裝可樂柚子蜜柚子蜜很香亦潤，冬日之選還沒進店前都沒想過會吃火鍋，而這次的體驗相當不錯，絕對物超所值呢

呢間餐廳～初見～一直喺荃灣餐廳榜首，已經想食好耐，今日終於有機會一試。餐廳位於福來邨對面，平時經過門口都有人等位，約六時晚市開始便和朋友入座。餐廳日式食物種類包羅萬有，包括壽司、刺身、鍋物、沙律、拉麵、丼飯等等。 見佢餐牌都幾吸引，加上天氣轉涼，所以叫咗季節海鮮鍋配龍蝦湯，並轉餐+$35，包括一個刺身小碟和南瓜湯。而朋友單點店舖聞名的初見香草吉列牛。轉餐+$35的刺身包括三文魚和吞拿魚嗰兩片，肉質肥美，冇腥味。小店來講合格有餘。南瓜湯味道濃厚，配上少少忌廉口感，口感十分細滑。當然仲包一杯熱飲，不過+$5轉做可樂。季節海鮮鍋 $88海鮮鍋亦出乎意料湯底濃郁，龍蝦湯帶出鮮味，並配上青口，蝦，魷魚等等，而鍋內有不少配菜，配上白飯亦十分飽肚。而海鮮種類亦很多，蝦新鮮爽彈，三文魚塊亦十分嫩口，冬日嘗試係唔錯嘅選擇。香草吉列牛 $128朋友叫嘅香草吉列牛亦值得一試，吉列牛處理得十分香口，外層配上鬆脆的麵包糠和香草碎，配合牛肉的油脂味，份外配搭。牛肉質素亦唔錯，份量亦正常，有十塊以上，配上糖心蛋和白飯係絕配。荃灣$128呢個價錢來講可以推薦比大家。

初見香草吉列牛 (套餐) - 糖心蛋&南瓜湯&刺身小碟&花茶   4.4/5分   128+35元1. 吉列牛的厚度不會太厚,所以在燒的時候,就很容易熟,非常體貼2. 吉列牛外層有香草,入口的口感相當特別,又脆又軟,牛味不俗3. 南瓜湯是畫龍點晴之作,我以為用上一整個南瓜製造呢?充滿誠意之選~4. 刺身小碟/沙律不失為正餐前的小吃,店員亦會在吃完刺身後才上主菜,抵讚安格斯牛肉火鍋  88元   4.5/5分1. 牛肉片的份量多得驚人,是我在店吃過最多的一次,都幾深印象2. 雖然價錢不貴,但牛肉的味道一定比快餐店好吃,而且已經解凍好,在火鍋內加熱就可以食用3. 火鍋內的配菜都絕對豐富,有椰菜白菜,有蟹柳有豆腐有香菇有芋絲,還可以要求什麼呢?餐廳環境都幾寬敞,店員亦頗有禮貌,主動上水收碟,油煙味亦不算大,不收加一服務費。總結來說用餐體驗相當正面,值得推薦給各位朋友一試~

早幾個月朋友帶我嚐過一次初見，就喜歡上這兒。上次主要嚐過美味魚生、冒煙的壽司，這次希望試試其他食物。由於天氣轉冷，就和朋友各自點了安格斯牛肉火鍋、及安格斯雪花肥牛，驅驅冬寒意，暖暖身子。火鍋配料豐富，牛肉絕對不少，味道沒有一般日式火鍋濃郁，我反而更喜愛，不會太快吃膩。追加的烏冬很好吃，不用再煮絕對是細心考慮。（因為一人鍋實在太細了），值得推薦！但比起日式火鍋，朋友則認為燒牛更吸引。吃過後我也理解，因為燒過後的油脂很香，口感也很嫩，配飯一流。而眼見餐廳點燒牛的客人非常多，是真的香氣四起！但由於牛肉的血水把燒鍋弄顯，後來的牛肉沒有很「烤」的感覺，有點少遺憾🤣 吃到中途，瞥見門外已排了不少客人，好店果然多人賞識，真受歡迎！

石燒吉列牛係香港都算常見 但係綠色既吉列牛你又食過未呢?😆荃灣呢間「初見」主打日本料理，除左最具人氣No.1 「香草吉列牛」仲有鍋物、炸物、拉麵、刺身等等餐廳以木系風格 比人感覺就係簡約的大自然美 設計讓人看的舒心。🌿🌱安排坐位後，店員會比水同餐牌我地選擇食物餐牌亦好用心寫明食法，對於第一次食石燒香草吉列牛既朋友都絕對冇難道😉點餐係用QR code形式「初見香草吉列牛」 $128 😋黎到當然要試佢地既鎮店之寶香草吉列牛餐廳已經預熱石板比客人，將牛脂均勻塗在石板上再根據個人喜好去燒屬於自己意歡的生熟程度🥰綠色既吉列牛非常吸精 好特別😍吉列牛採用美國牛肩胛牛味重，入口帶有淡淡香草味香草吉列外皮夠晒脆身個人認為如果香草味再濃些會更好燒完之後點鹽或秘製醬汁 更加開胃🤤我另外再加 $35升級套餐: 刺身/沙律+南瓜湯/麵豉湯 仲有飲品我選擇左要刺身+南瓜湯同柚子蜜刺身好正，夠晒厚身肥美🤤南瓜湯有驚喜 好濃郁南瓜味而且口感滑身👏🏻「安格斯牛肉鍋」 $88我地加$8由白飯轉做讚岐烏冬安格斯牛肉好大塊 份量算多牛肉質量唔錯 厚薄適中 油脂均勻👍🏻入口肉質嫩滑 有些嚼勁 整體唔錯總結:香草吉列牛夠晒特別

今日Home office，所以lunch可以食耐少少😝見到屋企附近有間日本料理食吉列牛極具人氣，所以帶埋老公去試吓😎座位夠闊落，望住d綠油油植物好舒服😙我哋叫左一份石燒香草吉列牛同鐵板牛肉炒雜菜，配花茶同柚子蜜。🐂牛肉冇牛味😢香草吉列部分完全唔脆，有少少怪，食落好似好多粉，如果唔點醬，一d味都冇😔好一般，失望☹️🐃味道一般，值得一讚雜菜份量多，可中和番牛肉d油膩感。麵鼓湯勁咸😤🫖飲品正常😜總括：味道好一般，因附近太多同類食日式料理的餐廳選擇，所以下次未必會再幫襯，初見等於再見👋

係荃灣行完南豐紗廠，要搵地方開飯，經過依邊幾多食店，見到幾特別，所以就坐低食返餐飯。🔻初見邪惡炸薯條$45🔻正呀🥰，係超粗薯條🍟，睇落以為無料到？錯哂。因為的精粹已經掛晒係薯條到，融為一體🤩，啖啖脆薯，啖啖邪惡鹹蛋黃🤤，味道唔咸又惹味。‼️‼️推介‼️‼️🔻初見香草吉列牛$128🔻著左件綠色衫既牛肉🤣，燒之前用件油脂先塗抹烤板，然後放上香草吉列牛，滋滋聲🤤，睇住件牛由紅轉啡，好治愈🤩。脆皮帶住淡淡既香草🌿味，食個陣可以加的鹽調下味👍🏻，味道會有所提升，另配白飯同糖心蛋，糖心蛋係冷盤，咸味🧂夠，蛋味濃😋 🔻照燒豬軟骨。豚骨湯拉麵$68🔻 拉麵麵條軟滑爽口🤤，豬軟骨烹煮得夠淋，但係用筷子夾住又唔會碎開，咬上去又有質感👍🏻，仲有紫菜，蔥粒，筍乾，粟米粒等配料😋，配埋個唔會太鹹又濃厚既豚骨湯底。正😋。另外+$35套餐升級，有刺身同南瓜湯，剌身厚切，南瓜🎃湯好好好Creamy🤩🤩，好香甜既南瓜味，真係甜甜地架🥰，幾有驚喜。