初見

营业中

休息中

以初見作為名字的小店，很容易就讓人記得。人生若只如初見，但在初見的初次遇見卻令我想再度光臨。小店的地方並不算很大，但還沒有太過逼夾的感覺。更重要的是，平民的裝修平民的價錢卻沒有代問服務態度，食物質素更是高質，可以說是荃灣區的日本菜首選！店舖裏面好多人都叫咗吉列牛，因為真係好抵食，本身我對吉列牛沒有太大興趣，所以叫咗初見特選嘅蟹黃刺身丼，$150左右，就有大大舊既蟹膏蟹肉，仲有海膽，吞拿魚腩，帶子等等， 十分抵食，亦都好新鮮！Cp值很高。另外，配合店舖嘅文清風格定位，餐飲亦都會有花茶嘅選擇。

🍽初見———————————————🐈：呢間餐廳嘅選擇好多，又有吉列牛，又有刺身，又有鍋物，睇嚟食一次係唔會食得晒，要食多幾次先得😋，建議同朋友一齊嚟，就可以試多幾樣嘢食👍🏻。餐廳樓底幾高，座位闊落都坐得幾舒服，係同朋友相聚既好地方。———————————————🌟安格斯牛肉鍋 $𝟾𝟾加左$35 轉套餐，會有一碟壽司、湯/沙律同飲品。壽司有2款，每款2件。今次嘅壽司有三文魚同吞拿魚，魚生好新鮮同鮮甜👍🏻。湯底味道香濃，牛肉質量唔錯，唔會太薄無咬口，脂肪分布平均💕，仲有個秘製醬汁😋，一定要點！𓂀推介度：8.5/10_🌟野菜豆腐鍋 $𝟻𝟾呢個鍋既湯底同牛肉鍋一樣都係香濃嘅味增湯，無牛肉既油香，但有蔬菜、豆腐同香菇既鮮甜，一樣係咁好味，最緊要係健康👍🏻😉。留意番烏冬嘅湯底唔同鍋物湯底，烏冬湯底會多咗種粟米嘅甜味☺️☺️。𓂀推介度：8/10

這餐廳位於福來邨對面，好多時放工行過，門口都有好多人在等位，今日早咗收工，行過6:00剛好晚市開始，雖然一個人，都決定食個豐富晚餐餐廳主打日式美食，有壽司、刺身、鍋物，炸物、拉麵、丼飯等等最近天氣開始轉涼，所以今晚決定點個安格斯牛肉鍋，暖暖胃安格斯牛肉鍋，加$35升級，有沙律、湯、飲品沙律菜新鮮，少許蝦籽、蟹柳絲，加上芝麻醬，清爽開胃安格斯牛肉，厚薄適中，油脂均勻，滾兩滾就够，唔使太熟，入口有嚼頭，肉質嫩滑，牛肉味香濃，蘸少許附加醬汁，辣辣哋，好惹味，配上咸咸的味噌湯底，增加提升牛肉香味

餐廳位於距離西鐵站同地鐵站都有啲遠既位置，近南豐紗廠個頭。唔去開個邊都無留意，原來個頭係咁多唔同菜式既餐廳！坐低見到唔少人都點左石燒牛，所以我地都點左一個吉列牛燒牛，另外加左一個海鮮窩。初見香草吉列牛牛肉外層有一層深綠色既炸粉層，帶微微既香草味，味道雖然唔太濃郁，但炸粉層幾結實，脆身，唔會易散。牛肉既油花幾靚，口感唔錯，但比較細塊，我個人覺得presentation可以改一改，用細啲既碟裝會精緻啲。糖心蛋入味，幾好食，但建議可以分開裝碟。季節海鮮窩（龍蝦湯）海鮮款式唔少，而且會分開上枱，自己慢慢淥。窩入面有娃娃菜，金菇，冬菇，芋絲，蒟蒻。湯底調得唔錯，一般龍蝦湯通常都稍為偏咸，但佢地既就無呢個問題，入口帶龍蝦香味，但又唔會有太膩既感覺。

食過晚市石燒吉列牛諗住翻兜，原來lunch冇得食😂嗌左個月見牛肉味噌鍋$68+$6轉左烏冬，同埋鐵板牛肉炒什菜配白飯$78月見牛肉好味呀，配嗰個汁都好夾，個味噌湯係男朋友個set, 本身呢個set係冇湯既，夾哂啲牛肉就會見到下面張相既配菜，有金菇、芋絲、獅子狗、冬菇、豆腐、紅蘿蔔、魔芋、鳴門卷，白蘿蔔同一大棵菜。雖然叫味噌鍋，食落就係平時打邊爐既味，都係靠個汁男朋友個鐵板牛肉賣相遜色啲，牛肉有啲un, 我食左幾舊就冇食🙈個人覺得鍋物抵食又好味啲兩個餐都包一杯飲品，見凍飲寫住有檸檬茶，諗住係凍檸茶，原來係罐裝檸檬茶😂😂味噌湯就正正常常咁

行開荃灣，朋友話想食日本菜，見到呢間初見都多人排隊，應該都唔差掛，一於試一試佢先！🦞季節海鮮鍋配龍蝦湯($88)海鮮盤入面有鮮蝦，蝦仁，魷魚，青口，花甲，三文魚腩，鮮蝦同蝦仁有驚喜好彈牙，花甲有沙，其他就正常發揮啦。而個鍋裏面有椰菜，雜菜，粉絲都足料既，龍蝦湯味道比較清淡，但份量上就好充足嘅🐟蒲燒原條鰻魚日式味素飯（$128)全條鰻魚真係好震撼，加埋燒汁，香噴噴，肉質比較黏軟，如果可以燒多陣就好啦，個味素飯都好好，食用左珍珠米好QQ嘅感覺整體上服務質素同環境都舒服嘅，我下次等我試吓佢啲燒牛肉先啦

荃灣呢間初見之前已經食過嫁喇🤩因為佢個吉烈牛係幾抵食！今日專誠再黎encore!!😝小店樓底高 雖然細但好有空間感❣️Menu有好多選擇 佢地用左scan QR code自己落單🥳幾好呀環保方便又清楚！跟餐有前菜有刺身食😋雖然係前菜但塊刺身質素都幾好喎🥰有個南瓜湯飲☺️好足料有好多南瓜蓉🤗黎到主菜香草吉烈牛🤡賣相已經好吸引😍要黎打卡一流😆佢有特制既油用黎煎牛！配埋個醬個牛好入味😄好玩又好食！滿足！然後再order 左份burger配薯條🍟好肥仔！叫左炸豬扒burger又好好味！滿足！

<初見🇭🇰>➖➖➖<人生若只如初見>▪️▪️▪️雖然平時有時都會經過海壩街但都好少走入屋村呢邊食嘢之前喺OpenRice見到呢度有間食燒牛今次開荃灣就行遠少少去到初見～除咗燒牛其實仲有好多唔同種類嘅食物連漢堡都有 不過今次就淨係食咗燒牛同埋試咗個烏冬另外真係幾鍾意佢哋本Menu 幾文青😂➖➖➖1️⃣初見香草吉列牛 $128 配白飯溏心蛋～吉列牛用USD prime 肉質較韌實 邊位有香草🌿燒完之後點鹽或者秘製醬汁 更加入味～不過就較為細件 溏心蛋帶少少滷水味 蛋黃熟度剛好如果想白飯冇咁dry 可轉拉麵或者烏冬或者加飯素～➖➖➖2️⃣安格斯牛肉豚骨拉麵 🍜 $68加多咗$3轉烏冬～烏冬質感軟滑 牛肉其實有少少似吉列牛咁不過就較薄切 略嫌肉味少少淡豚骨湯較為清 亦唔算好濃～ 比平日食嘅拉麵湯底冇咁膩➖➖➖📍初見

香草吉列牛定食配飯同溏心蛋，牛肉外層有香草的吉列外皮，牛肉份量幾多，輕輕燒一燒幾多成熟由自己決定，燒到啲油脂有少少出咗嚟，塊牛肉就更加香啦😍👍🏻，燒完之後點少少燒汁或者鹽吊出牛肉嘅味道 。煙三文魚明太子扁意粉🍝，醬汁份量勁多，食得好滋味，食到最後仲有醬汁剩啊！😂炸雙拼雞翼，一款明太子味，食落少少辣辣地，另一款係餃子味道，裏邊嘅餡料係類似菜肉餃嘅材料，而外層就係變咗做雞翼，味道又幾得意喎！😋

每次經過這小店，都見到有人等位。今晚終於可以和朋友來試下。菜牌一見到都覺吸引，食物款式多，价錢合理，一定可揀到合心水的食物。叫了個季節海鮮鍋，龍蝦湯配白飯。湯頗濃郁鮮甜，個鍋的海鮮如三文魚，蝦，青口，鱿魚，蚌等都鮮美。湯內的菜，豆腐和菇等都新鮮好味。加埋個飯吃得好幸福。朋友欣賞他叫的日式义燒豚骨湯拉麵。佢話湯底濃郁拉麵滑，义燒不肥不瘦啱佢口味。主菜轉餐追加的刺身如三文魚，帶子和吞拿魚算肥美。南瓜湯和柚子茶都不錯。小食也出色。和風章魚燒大大粒好味道，章魚粒有咬口。炸芝士餃子釀雞翼有特色，必食之選。兩個人吃得開懷滿足只需322元。這日式餐廳是個飯聚不錯的選擇。

一次過滿你兩個願望😻😻之前同朋友去南豐紗廠都經過過呢條食街🙌🏻估唔到呢度竟然有間咁高質既食店🤫個個朋友見我post完story都話好想知呢度係邊🤝因為佢真係一次過滿你兩個願望😻😻又可以食打邊爐 又可以燒烤🤤🤤🤤好彩我地早去 7點左右都未有人排隊😦我地食完出黎8點幾店外已經排晒長龍😎💁🏻‍♀️💁🏻‍♀️ 初見地址: 荃灣海壩街22號華達樓地下F號舖—————————————————————💁🏻‍♀️ 初見吉列牛 $128威威味蕾：👅👅👅👅👅👅👅👅👅（👍🏻=👅x 6-10👎🏻=👅x 1-5）威威食唔到牛😌呢個分數係朋友比既😎其實見佢個爐黎既時候都幾surprise 🥰同見佢燒牛既時候勁開心🤣佢本身都話唔餓😌最後最先食晒既都係啲牛😌幾塊幾塊咁烤 佢食得勁滋味😂佢都order左個拉麵 我試左一啖 又係好好味😂一啲都唔淋 係我最鐘意既口感😎佢啲面食放耐左 或放涼左味道一樣咁good🤟🏻🤟🏻溏心蛋又係一流🤤🤤🤤—————————————————————💁🏻‍♀️ 季節海鮮鍋 $88威威味蕾：👅👅👅👅👅👅👅👅👅（👍🏻=👅x 6-10👎🏻=👅x 1-5）嘩‼️‼️我真係要比like呢間初見😈佢地既食物質數真係非常

初見香草吉列牛（$128）之前食過吉列牛，香草吉列牛真係未食過🤣 見網上面好多人嗌和好評，所以都叫左黎食～～ 基本上其實D牛肉好細粒，外面包著層香草吉烈皮，可以自己燒係幾好玩～但係其實燒完之後，件牛肉係冇乜味🤣 所以燒個時可以加鹽或者之後點醬食。隨餐仲有一隻糖心蛋，好好味❤️季節海鮮鍋 龍蝦湯配白飯（$88）呢個真心冇乜特別 😂 不過性價比係高既，有一堆海鮮 （青口、硯、蝦、三文魚、魷魚）叫做過下口癮🤣另外加$35可以轉餐，有湯（南瓜湯/麵豉湯) 和刺身和飲品。刺身有兩片三文魚、一片吞拿魚和一片帆立貝（一份份量）叫做過下魚生癮🤣餐廳樓底勁高，感覺好空洞和靜，想大聲D講野都怕嘈到人😂不過so far 係坐得舒服～

朋友約食飯話想試呢間初見，我話都有興趣喎，即早早book,到左食飯當日，book左位等齊人先入坐。入坐後整體感覺都唔錯，之後打開menu睇食嘜，因為得60分鐘時間🙄我就決定左食安格斯牛肉鍋，一個叫板燒雪花牛肉，另下兩位叫左初見香草吉列牛肉，再加個小吃併盤。落單如果想食刺身，湯同野飲就加35蚊我地坐4人枱其實都好細點解呢，第一湯來放低未到5分鐘，野飲來，之後刺身，主食來，牛肉第一個來，真係好迫同危險，因為有一個姐姐放落來時完全唔睇路一野放落來，如果唔係大家身手敏捷，可能湯沖身火燒手，之後再來大家有經驗就叫佢地慢慢小心，全部野來曬時個小吃併盤又來埋，根本無位放，果個姐姐完全唔理咁是但想搵位攝，我話轉頭再俾。講到食物質素唔好太大期望，朋友串我你食呢個咁似大x樂邊爐餐，咁質素上初見好好多，但食完後覺得唔係話好特別，只係價錢上88你覺得抵。。刺身係最好~初見香草吉列牛朋友俾我試左兩粒，可以但無咩牛味，仲要真係勁細塊，要燒好耐先夠脆口，但牛已太熟了。。至於板燒牛肉有朋友話無咩牛味，但食落唔係話好差。小吃併盤，有明太子雞翅~咸，餃子ok,金栗紫薯餅同一口芝士基本。今次經驗來說都唔會再去，時間短，位置

每次經過初見 都見到好多人排隊 今日終於黎一試究竟餐廳樓底高 為左唔洗等 選擇左吧枱位置 吧枱比想像中寛敞 連即棄餐具都好有質感▪️初見香草吉列牛 $128Menu上都印有食法 可以先將油脂均勻塗上石板 再放上牛肉鍾意石板燒既其中一個原因 就係因為生熟程度都可以自己調教 香草吉列外皮脆身 牛肉軟嫩無筋 略嫌牛味偏淡溏心蛋調味十足 蛋黃半熟帶流心效果 米飯粒粒分明▪️初見特上漢堡飽配炸薯條 $118漢堡包經烘過 外脆內軟牛肉富肉汁 餡料豐富 有煙肉 芝士 蛋 一啖完全咬唔晒 略嫌煙肉鹹香感偏低 加上蕃茄生菜 口感味道豐富 油膩感唔算太高薯條粗身 外脆內軟 就算擺耐左依然香脆旁邊仲有新鮮爽脆嘅沙律菜

人若如初見-初見既印象比我覺得好有正宗日本感覺。基於近來疫情嘅關係每套嘅餐佢都會獨立包裝👍讚(其實可能唔關疫情事，係本身佢哋都係咁處理🤣🤣)亦都可以選擇感受下掃QR code落單，我相信過多幾年之後都會趨向呢個熱潮。嚟到初見不得不試-初見香草吉列牛先講講食法(希望我會講得清楚)😂首先會見到牛脂肪,可以將牛脂肪放喺熱石，再可以返因應自己喜愛食牛嘅生熟度👍每塊牛塊外邊都係香草食出嚟嘅感覺好唔同而且好特別。有啲似一口牛🤪本身已配白飯，溏心蛋另外可以套餐升級+35 可以配刺身或沙律+湯仲可以配埋嘢飲呢個疫情可以帶俾我去到搜尋每個角落美食