初見

营业中

休息中

人生若只如初見💗同🙆🏻‍♂️撐個枱角😌今次終於試到呢間人氣食店~位於一個唔起眼嘅位置但又成日個門口都企滿人等位💁🏻‍♀️.📍初見.🐟蒲燒原條鰻魚日式味素飯($128)-大大條燒鰻魚!!好肥美好正😍配埋碗味素飯真係perfect呀~🥩初見香草吉列牛($128)-招牌菜😍好吸睛~顏色紅潤有光澤嘅牛圍住條綠色邊💚先用牛油搽匀個燒板令到燒牛果陣唔會癡底~望到塊牛由生變熟唔知點解會有療愈感☺️🥤兩個都一齊+$10要左罐肥仔水~好爽!

呢間野真係唔好入去 係我食過最難食嘅嘢佢個吉列牛我見OpenRice咁多人推 諗住應該唔會太差 佢一上枱我見到個牛都O咗 啲牛仲細嗰隻蛋隻牛應該都係只係受左啲皮外傷😂😂😂😂之後朋友叫咗煙肉漢堡 點知原來有牛嘅 朋友唔食牛 轉咗做叉燒拉麵 佢碗拉麵真係好搞笑個湯底明明冇粟米但食落好似罐頭粟米湯咁啲面似係油麵扮拉麵 成條街求其一間都好食過佢十萬個伏 仲要成差唔多200先有個set 真係唔好揀佢 從來都未食過啲咁難食嘅嘢 食完仲要肚痛

突然轉涼緊係想食返d 熱辣辣野， 昨晚來到初見，見到好多人都燒牛和打邊爐， 我見打邊爐一人一鍋幾好就叫了安格斯牛肉鍋轉配地獄湯配白飯，而 朋友就想食日式咖哩吉列豬扒配白飯。另加$35套餐升級我們加左一set 有南瓜湯，刺身4件和花茶一杯。南瓜湯入口綿密，刺身正常， 杯花茶好香，用上英式伯爵果茶茶包。主菜的咖哩係屬於甜咖哩，香得來唔會太辣，吉列豬扒炸的酥脆鎖住左豬扒的肉汁，點上沙律醬配食又一風味。我期待的安格斯牛果然冇令我失望，夾起牛輕輕一涮幾秒已經可以入口，鍋內的配菜都幾多足夠配一碗飯，我亦盛起湯來配一口飯份內滋味，湯底只屬好輕微的辣，岩我胃口。以後同朋友又多個聚會的地方了，因初見食物我們都喜歡。

有日經過荃灣，見到一間日本野，個名叫做初見，好有feel 💗🎈，人生只若如初見😍，決定同男朋友嚟試下😀，有個溫馨提示係個餐廳一定要人齊先可以入座嘅😚仙氣壽司🍣，見到餐牌介紹好似幾吸引，好岩我呢啲咁有仙氣嘅人食🤣😂， $148，有7件，都唔貴啦，有海膽壽司😍。全部刺身魚生都好新鮮，賣相吸引，仙氣可以錄返下IG story😹值回票價😆🥳😊叫咗初見原隻軟殼蟹飯卷，好好食呀個蟹係新鮮炸起熱辣辣脆卜卜🤤🤤必食之選主食，叫咗冧巴溫人氣推介嘅香草吉列牛，自己燒，夠熱又好玩🤗正呀😬，牛嘅質素都幾高嘅，肉汁鮮嫩啦，燒到外脆內軟，千祈唔好燒太耐啊，岩岩熱就食得，配有白飯糖心蛋，好match😚😙滿意

每次經過初見都會好想試，但無奈成日都好多人排了🤣由於今次真係好想食於是就叫左男朋友仔去幫忙排住隊先，所以我一去到就有得食了🥰🙆🏻‍♀️-🎈初見香草吉列牛配白飯、溏心蛋 $128網上見到好多人食呢款香草吉列牛，見到幾特別所以都叫左黎試～和想像中有少許出入，因為睇相覺得好大塊🤔黎到發現比較袖珍一點🙈但份量其實適中的，都有十三至十四塊到～至於味道和口感都可以的，而且還可根據自己個人能接受的生熟程度在石爐燒上自己燒～吉列牛吃起上來肉質軟稔，油脂均勻，但不太吃到香草味～-🎈季節海鮮龍蝦湯配白飯 $88呢個真心勁抵食！！超多海鮮🦞有青口、蝦、蜆肉、魷魚等～海鮮控一定很喜愛💓而且除了海鮮外，鍋裡本身已有大量娃娃菜、獅子狗、金菇菜等，份量十足🤤不得不說它的龍蝦湯，真的好濃，都飲左成碗啊哈哈😋-🎈炸芝士餃子釀雞翼3隻 $58即叫即炸😚啖啖肉真心好味！！-🎈三文魚刺身 $45雖然不是三文魚腩般肥美，但仍好新鮮，刺身質素不錯😊-🔸初見📍荃灣海壩街22號華達樓地下F號舖

初見香草吉列牛係招牌菜🐮絕對唔會令你失望～我鐘意燒10秒就反一反前後反2次就食得了🥰壽司拼盤🍣充滿仙氣 好啱打卡可以加$35轉套餐有湯+沙律/刺身+飲品好彩既係8點去 唔係太多人排隊等左十幾分鐘就有位同行朋友話佢之前黎兩次都無位所以有時食野都好講緣份😂

自從第一次試吉列牛之後 就一直對佢念念不忘☺️☺️ 我喺荃灣返工 search到荃灣呢一間有吉列牛嘅餐廳 所以收工就直接過去試吓🥰 6:30過到去 店舖已經有一半坐滿😯 不過好彩都唔使排隊 但係到我食完走嗰陣已經要排隊啦😣😣咁我哋兩個兩節叫咗一個吉列牛一個拉麵share食🤗🤗初見香草吉列牛配白飯糖心蛋$128賣相非常之特別😍 唔係普通嘅吉列牛而係香草味嘅 所以係綠色嘅💚🌿🌿 份量都唔少 都有成12-13片牛肉 😍☺️ 同其他吉列牛一樣都係放上石爐上面燒 餐廳會比一舊細細的豬油你 可以先解想石爐上面先 將油迫出嚟然後就唔會癡底 再將吉列牛放上去上面燒 因為我自己就唔鍾意食太熟嘅牛肉 所以每邊燒燒就可以😍 肉質軟質 油脂平均日式叉燒·豚骨湯拉麵$68呢度吉列牛好出名 但係拉麵都唔差喎🙈 叉燒有兩大片 湯底雖然唔會太濃 但係味道都好好☺️套餐升級 +$35將佢升級左做套餐有刺身+南瓜湯 刺身都非常之新鮮肥美咸檸碧 +$12

#荃灣 一向多好野食😋特別係近路德圍不過冇得為成日都勁多人，所以今次我行後咗少少發現咗一間日式餐廳，嗰日平日晚市隔離左右得佢一間排曬隊…😂即刻想試！.招牌［初見香草吉列牛］牛肉外包住綠色好sharp嘅香草，賣相勁吸引😍石燒自己控制熟度💓I like it！食落牛肉口感幾嫩滑，不過我覺得牛味唔太濃最搞笑係香草味都好淡🌝如果要有味要點下啲鹽＆醬料份量較少😎食完覺得有啲肚餓😂.［初見特選蟹皇刺身丼］呢個刺身丼賣相真係超級吸引😍成隻蟹舉曬手望住你有蟹肉又有蟹膏加上其他刺身，味道都唔錯#味道還可以 影相都可以呃下like🤭.［野菜鍋］呢個純粹係為咗寶寶而嗌，味道正常👌🏻食多啲菜都對身體好😅✨....#ca師奶餐廳_荃灣 @shokenhk

初見常客🙋🏻‍♀️🙋🏼公司附近既美食💕每逢夜晚 就會大排長龍😺今日早左收工 立即趕到初見食晚餐🥣每次都會食唔同既set 今次就try左火鍋/炸物安格斯牛肉鍋 味噌湯配白飯$88湯底幾濃味 但又唔會覺得有味精😙安格斯牛肉🥩真材實料 有牛味 口感佳😋日式咖喱吉列豬扒飯🍛 $78咖哩汁另上 非常好👍🏻份量都幾多🤩香濃既咖喱汁 仲可以用黎撈火鍋既牛肉🤪吉列豬扒 香脆可口 肉質幾彈牙 好食❤️套餐加配$35 /set刺身南瓜湯🎃必飲既南瓜湯 包保想飲完再飲🤤花茶/果茶

餐廳位於荃灣工業區附近 剛到門口已見人頭湧湧 喺等位途中已經聽到唔少客人講呢間餐廳嘅初見香草吉列牛係必食。初見香草吉列牛牛肉嘅外圍比綠色嘅香草包住，個樣好特別，上菜嘅時候會連石版一齊比客人自己燒，佢哋用嘅牛肉係USDA PRIME， 熟咗嘅吉列牛外脆內軟，再加上香草竟然意外嘅夾季節海鮮鍋呢個小型打邊爐配料非常多包括有冬菇三文魚蝦等等。海鮮鍋湯底用龍蝦，湯味道鮮甜唔會太濃，多種海鮮嘅鮮味再加上龍蝦湯，味道非常好。以上兩個餐都配白飯，吉列牛更另外配有溏心蛋。兩個餐份量足夠，價錢合理。餐廳嘅食物種類非常多款好似有漢堡包同多款小食。餐廳主打嘅初見香草吉列牛除咗味道一流，用嚟影相打卡都一流。

人生若只如初見🎈初見Shoken/相信 人同人 相遇相知相惜 都係一種緣份/👥知道呢間餐廳嘅石燒吉列牛好耐 今次有機會試啦😇將兩個主食轉成套餐(+$35) 可以選擇刺身或沙律 再配有湯品可選擇湯品有麵豉湯 又或者南瓜湯初見香草吉列牛 Shaken Herbs Cutlet Beef ($128) 🐮配白飯 溏心蛋 With Rice & Soft Boiled Egg吉列牛比想像中細嚿 大概系尾指兩節嘅大細到✌️但牛肉食落鬆軟唔韌 食到外層鬆鬆脆脆香草層同中心牛肉兩種唔同嘅口感 但香草味就唔算好出啦🙈煙三文魚明太子炒扁意粉 🍝Smoked Salmon, Mentaiko Linguine ($88)成碟意粉嘅煙三文魚份量好多 加上蘑菇中間嘅玫瑰花系由兩大片煙三文魚組成🌹但醬汁份量有啲多 因為都幾掛汁 所以味道會偏鹹左少少🤏刺身+ 南瓜忌廉湯+玫瑰花茶 (跟餐)Sashimi + Pumpkin Soup + Rose Tea (With Set)刺身種類有三種 分別有三文魚 吞拿魚 同帆立貝食落都幾新鮮 唔錯😝南瓜湯南瓜都幾重 飲落好滑呀而玫瑰花茶好香 飲落成個人舒服哂😌

初見一向係荃灣名物，疫情之下依然人氣不減，次次去親都少不免一輪等候，今晚難得時候尚早唔洗等位，同先生食返個early dinner。次次入親嚟都冇懸念，必定要嗌佢嘅牛肉鍋同香草吉列牛，貪佢質數唔錯，價錢亦合理。先生點嘅安格斯牛肉鍋本來配白飯同味增湯，加$40 upgrade，有埋刺身、南瓜濃湯同罐裝可樂，算係抵食。刺身質素唔錯，特別係三文魚腩，夠哂新鮮，入口油脂豐富，絕對冇將貨就價。安格斯牛肉鍋雖然係一人份，除咗安格斯牛之外，鍋底本身已經配備鳴門卷、獅子狗、蒟蒻、豆腐、冬菇、金針菇、紅蘿蔔、娃娃菜同椰菜，非常豐富。安格斯牛份量亦唔少，肉味偏濃，肥瘦適中。香草吉列牛配白飯同溏心蛋，溏心蛋味道偏淡，但溏心效果突出，唔錯。香草吉列牛大概有十四塊，份量適中，女士亦可以輕易解決。牛肉包上混入香草嘅麵漿輕輕炸過，俾食客自己放上加熱嘅石板上面燒，生熟程度完全自己決定，自己動手嘅過程令人格外享受。我最鍾意燒到五成熟，油脂均勻，仲有淡淡嘅香草味，沾上燒肉醬汁，配白飯一流。餐廳嘅食物一向唔會令人失望，份量適中，價錢合理，難怪咁受區內年輕人青睞，一直人氣不減。

專登入左黎荃灣食呢間bookmark 左好耐既初見🤭就係想試佢既招牌初見香草吉列牛🤤餐廳仲唔收加一服務費，價錢親民，不過用餐時間只有1小時，想坐耐d 傾計就要轉場🙂 💫套餐包括刺身+西式南瓜湯+花茶（加$35轉套餐）刺身新鮮（有三文魚同吞拿魚各2片），餐湯飲到好濃郁既南瓜味，花茶聞到好香，飲啖會令人心情愉快 💫初見香草吉列牛🥩$128外層包裹著香草既牛都有好多塊，每塊油脂分佈均勻，較薄身，容易燒，用小碟上面既肥膏開爐，輕輕燒下2️⃣邊，沾上🤏海鹽，簡單美味 💫日式咖哩炸魚柳配白飯$78粉漿唔會太厚，魚柳炸得好鬆脆，啖啖肉，可以伴咖哩汁，沙律醬或茄汁食，我就覺得同沙律醬夾d 😆

荃灣真係越黎越好行，周圍都有天橋連接，商場一個連一個，唔經唔覺就行到晚飯時間。因為午餐太豐富啦，所以想食日式輕食，又揀返之前食過覺得不錯嘅~初見!🍴炸香草北海道南瓜餅南瓜餅真係肥A必點嘅一樣菜式~最怕食物質素次次唔同，要撞手神……但呢個南瓜餅真係無令我失望過。濃濃天然嘅南瓜香味，綿滑嘅內餡配上脆皮，Encore 唔該!.🍴野菜豆腐鍋配烏冬話明輕食，當然唔少得大量蔬菜加上喜愛嘅滑嘟嘟烏冬。原煲配上露營酒精磚，全程keep住暖笠笠，如果再凍啲食，一流!份量都唔少，說好的輕食呢？🍴信州蘋果汽水 一般，蘋果味唔濃，不推。.🍴龍鳳可樂龍鳳可樂，未上前有估過係咪鮮檸加鹹檸檬，但點睇個餐牌都唔肯定，因為英文都係得個"dual"字……鹹鹹甜甜都幾fresh,出奇地唔多氣，唔會唂住肚仔，但可樂愛好者可能都係吔返鹹檸七好啲~

見到呢間食評幾多，就試下過黎食，荃新天地行過黎約十五分鐘左右，唔算遠咁到左就拎籌等。見另外有一間做定食，一間韓式，下次我地黎既話黎會試下約7點就填表入去睇餐牌想叫侍應。原來要用電話qr code，其實我覺得幾麻煩，有時又傻左按錯野，到黎左先知錯左，今日就好白痴咁，原本想一麵一飯，點知按左2個都要配拉麵。OK.講返食品，叫左個燒牛肉同牛肉火窩（都有飯配，可以加8蚊轉拉麵，原本想叫一飯一麵，點知我眼花按錯野，黎左2碗拉麵），2個都加35蚊配刺身同湯加野飲，我地配左一南瓜湯同味增湯，南瓜湯幾好飲，味增湯不過不失，份量幾ok，另燒牛有配溏心蛋，都幾好食到主食，燒牛肉有石爐燒，燒完點入口，味道很好，一條牛肉切成十幾塊，很滿意牛肉火窩都唔錯，湯味幾好，不過覺得牛肉小左啲，多幾塊會更好2款都有得配飯，加8蚊可轉拉麵或烏冬，亦可加錢轉其他。我地就好傻咁叫左2個拉麵😭😭😭😭但係拉麵味道唔多得。唔感麻麻，各位可以唔洗試，烏冬就唔知，可以睇下其他評論埋單300幾。唔算貴。各位可以一試。